ບັນດາເຈົ້າໜ້າທີ່ທາງພາກເໜືອຂອງຢູເຄຣນ ໄດ້ອົບພະຍົບຜູ້ຄົນຈຳນວນ 12,000 ຄົນ
ໃນວັນອັງຄານມື້ນີ້ ຫຼັງຈາກໄດ້ເກີດໄຟໄໝ້ແລະການລະເບີດຂຶ້ນຢູ່ເລື້ອຍໆ ໃນຄ້າຍ
ສຳພາວຸດຂອງທະຫານ.
ລັດຖະມົນຕີປ້ອງກັນປະເທດຢູເຄຣນ ກ່າວວ່າ ໃນລາຍງານຊຸດທຳອິດຂອງການລະເບີດ
ໃນຄ້າຍສຳພາວຸດ ໃກ້ໆກັບ ອິຈເນຍ (Ichnia) 170 ກິໂລແມັດ ທາງພາກຕາເວັນອອກ
ສຽງເໜືອຂອງ Kyiv, ໄດ້ມີຂຶ້ນໃນຕອນເຊົ້າ ແລະອີກບໍ່ເທົ່າໃດຊົ່ວໂມງ ລະເບີດຍັງສືບຕໍ່
ແຕກຢູ່ ໃນລະດັບ 2 ເຖິງ 3 ໃນທຸກໆວິນາທີ.
ຍັງບໍ່ໄດ້ມີລາຍງານກ່ຽວກັບຜູ້ລົ້ມຕາຍ ແລະບາດເຈັບຈາກເຫດການດັ່ງກ່າວນີ້ ວ່າຍັງບໍ່
ທັນຈະແຈ້ງເທື່ອ.
ການໃຫ້ບໍລິການແກສແລະໄຟຟ້າ ໃນຂົງເຂດ ທີ່ໄດ້ຮັບຜົນກະທົບ, ໃນຂະນະທີ່ຖະໜົນ
ແລະທາງລົດໄຟ ແລະນ່ານຟ້າ ຢູ່ໃນຂົງເຂດ ແມ່ນໄດ້ຖືກປິດລົງໃນຂະນະທີ່ພວກດັບເພີງ
ປະຕິບັດໜ້າທີ່ຄວບຄຸມສະຖານະການດັ່ງກ່າວນັ້ນ.
ຢູເຄຣນ ໄດ້ປະສົບກັບໄຟໄໝ້ໃຫຍ່ໆຫຼາຍໆຄັ້ງ ໃນຄ້າຍສຳພາວຸດໃນຮອບຫຼາຍໆປີ
ຜ່ານມານີ້.