ວ່າທີ່ ປະນາທິບໍ່ດີສະຫະລັດ ທ່ານ ດໍໂນລ ທຣໍາ ກ່າວລຸນຫຼັງການພົບປະຫາລືກັບປະທາ ນາທິບໍດີ ຢູເຄຣນ ທ່ານ ໂວໂລດີເມຍ ເຊເລັນສກີ ໃນວັນອາທິດວານນີ້ທີ່ນະຄອນຫຼວງ ປາຣີສ, ໂດຍ ຮຽກຮ້ອງໃຫ້ເກີດຂໍ້ຕົກລົງຢຸດຍິງທັນທີໃນ ຢູເຄຣນ ໂດຍລະບຸວ່າ ຢູເຄຣນ ຕ້ອງການທຳຄວາມຕົກລົງເພື່ອຢຸດຕິສົງຄາມຄັ້ງນີ້.
ທ່ານ ທຣໍາ ໂພສຂໍ້ຄວາມໃນສື່ສັງຄົມອ໋ອນລາຍ Truth ວ່າ ຣັດເຊຍແລະຢູເຄຣນ ຕ່າງກໍສູນເສຍກຳລັງພົນຫຼາຍແສນຄົນໃນສົງຄາມ ຊຶ່ງບໍ່ຄວນເກີດຂຶ້ນຕັ້ງແຕ່ຕອນທຳອິິດ ແລະວ່າ ການເຈລະຈາແລະການຈັດທຳຂໍ້ຕົກລົງຢຸດຍິງຄວນເລີ່ມຂຶ້ນໃນທັນທີ, ມີການສູນ ເສັຍຊິວິດຫຼາຍເກີນໄປແລະມີຄອບຄົວຖືກທຳລາຍຫຼາຍເກີນໄປ.
ທ່ານ ທຣໍາຍັງຂໍໃຫ້ປະທານາທິບໍດີຣັດເຊຍ ທ່ານ ວລາດີເມຍ ປູຕິນ ໃຫ້ຄວາມຮ່່ວມມື ເພື່ອເຮັດໃຫ້ສົງຄາມຄັ້ງນີ້ຢຸດຕິລົງດ້ວຍດີ.
ຄໍາເວົ້າຂອງທ່ານ ທຣໍາ ມີຂຶ້ນໃນວັນເສົາທີ່ຜ່ານມາ ລຸນຫຼັງການຫາລືກັບປະນາທິບໍດີຝຣັ່ງ ທ່ານ ເອັມມານູເອລ ມາກຣົງ ແລະ ປະທານາທິບໍດີ ຢູເຄຣນ ທ່ານ ເຊເລນສກີ ທີ່ ປາຣີ ຊຶ່ງ ທ່ານ ເຊເລນສກີ ບອກວ່າເປັນການປະຊຸມທີ່ສ້າງສັນ.
ຜູ້ນໍາຢູເຄຣນກ່າວກັບນັກຂ່າວໃນເວລາຕໍ່ມາວ່າ ຂໍ້ຕົກລົງສັນຕິພາບໃດໆ ກໍ່ຕາມຄວນຈັດ ທຳຂື້ນເພື່ອຊາວຢູເຄຣນ ເພື່ອທີ່ຣັດເຊຍ ແລະ ທ່ານ ປູຕິນ ຫຼືຜູ້ຮຸກຮານຄົນອື່ນໆ ຈະບໍ່ມີໂອກາດກັບມາໄດ້ອີກ.
ທ່ານ ເຊເລນສກີ ຍັງໄດ້ລະບຸທາງສື່ສັງຄົມອ໋ອນລາຍໃນວັນອາທິດຜ່ານມາວ່າ ຢູເຄຣນ ສູນເສຍທະຫານ 43,000 ຄົນ ແລະ ບາດເຈັບ 370,000 ຄົນນັບແຕ່ສົງຄາມກັບ ຣັດເຊຍເກີດຂຶ້ນເມື່ອວັນທີ 24 ກຸມພາ 2022.
ເຈົ້າໜ້າທີ່ປະເທດຕາເວັນຕົກຫຼາຍທ່ານກ່າວວ່າ ໃນຊ່ວງບໍ່ພໍເທົ່າໃດເດືອນທີ່ຜ່ານມາ ການສູ້ຮົບເພື່ອຍາດຊິງດິນແດນທາງພາກຕາເວັນອອກຂອງຢູເຄຣນໄດ້ເຮັດໃຫ້ມີທະຫານທັງສອງຝ່າຍເສຍຊີວິດຈຳນວນຫຼາຍເປັນປະຫວັດການ ໂດຍຄາດວ່າມີກຳລົງພົນເສຍຊີວິດ ແລະບາດເຈັບຫຼາຍໝື່ນຄົນໃນແຕ່ລະເດືອນ.
ຟໍຣັມສະແດງຄວາມຄິດເຫັນ