ພິທີມອບຮັບ ແລະ ເປີດນຳໃຊ້ອາຄານສະຖາບັນເທັກໂນໂລຈີ-ການສື່ສານ-ຂໍ້ມູນຂ່າວສານໄດ້ມີຂຶ້ນຢ່າງເປັນທາງການເມື່ອທ້າຍເດືອນພຶດສະພາ 2024 ທີ່ຜ່ານມາ ຊຶ່ງຖືເປັນພາກສ່ວນນຶ່ງຂອງການຊ່ວຍເຫຼືອເພື່ອການພັດທະນາເທັກໂນໂລຈີດ້ານຂໍ້ມູນຂ່າວສານ ທີ່ລັດຖະບານ ຈີນ ໄດ້ໃຫ້ແກ່ລັດຖະບານ ລາວ ພາຍໃຕ້ຂໍ້ຕົກລົງວ່າດ້ວຍການເປັນຫຸ້ນສ່ວນ ແລະ ຄູ່ຮ່ວມຊະຕາກຳໃນຍຸດທະສາດການພັດທະນາຢ່າງຮອບດ້ານຈາກປີ 2016 ເປັນຕົ້ນມາ ໂດຍສຳລັບການຊ່ວຍເຫຼືອດັ່ງກ່າວນີ້ກໍແນໃສ່ການພັທະນາບຸກຄະລາກອນດ້ານ ICT ຂອງລາວໃຫ້ມີຄວາມຮູ້-ຄວາສາມາດຢ່າງເທົ່າທຽມກັນກັບສະພາບການດ້ານ ICT ໃນໂລກທີ່ປ່ຽນແປງຕະຫຼອດເວລານັ້ນ ດັ່ງທີ່ທ່ານ ບໍ່ວຽງຄຳ ວົງດາຣາ ລັດຖະມົນຕີກະຊວງເທັກໂນໂລຈີ ແລະ ການສື່ສານ ຖະແຫຼງຢືນຢັນໃນພິທີມອບຮັບດັ່ງ່ກາວນີ້ວ່າ
“ໂຄງການກໍ່ສ້າງສະຖາບັນເທັກໂນໂລຈີການສື່ສານ-ຂໍ້ມູນຂ່າວສານເປັນ 1 ໃນບັນດາໂຄງການທີ່ລັດຖະບານແຫ່ງ ສປ ຈີນ ໄດ້ໃຫ້ການຊ່ວຍເຫຼືອແກ່ລັດຖະບານ ສປປ ລາວ ແລະ ເປັນໂຄງການຕົວແບບທີ່ຝ່າຍ ຈີນ ມອບໃຫ້ຝ່າຍລາວ ໄດ້ເປັນເຈົ້າການໃນການຈັດຕັ້ງປະຕິບັດໂຄງການເອງ ເລີ່ມຕັ້ງແຕ່ການຄັດເລືອກບໍລິສັດທີ່ປຶກສາ ບໍລິສັດອອກແບບຕຶກອາຄານ ແລະ ຄຸ້ມຄອງການກໍ່ສ້າງ ສະແດງໃຫ້ເຫັນເຖິງນ້ຳໃຈໄມຕຣີ-ມິດຕະພາບ ແລະ ຄວາມຮັກແພງຂອງພັກ-ລັດຖະບານ ແລະ ປະຊາຊົນ ຈີນ ທີ່ໄດ້ມອບໃຫ້ແກ່ພັກ-ລັດຖະບານ ແລະ ປະຊາຊົນລາວ.”
ຟໍຣັມສະແດງຄວາມຄິດເຫັນ