ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ສານມົສກູ ຕໍ່ເວລາການຂັງ​ຄຸກ ນັກຂ່າວອາເມຣິກັນ ​ອອກ​ໄປ​ຕື່ມ


ນັກຂ່າວ Wall Street Journal ທ່ານ ທ່ານເອແວັນ ເກີ​ສໂກວິຈ ຢຶນຢູ່ໃນຄັອກແກ້ວ ຢູ່ໃນສານນະຄອນຫລວງມົສກູ ປະເທດຣັດເຊຍ ວັນທີ 22 ມິຖຸນາ 2023
ນັກຂ່າວ Wall Street Journal ທ່ານ ທ່ານເອແວັນ ເກີ​ສໂກວິຈ ຢຶນຢູ່ໃນຄັອກແກ້ວ ຢູ່ໃນສານນະຄອນຫລວງມົສກູ ປະເທດຣັດເຊຍ ວັນທີ 22 ມິຖຸນາ 2023

ສານມົສກູແຫ່ງນຶ່ງ ໃນວັນພະຫັດວານນີ້ ໄດ້ຕໍ່ເວລາອອກໄປ ອີກສາມເດືອນ ການ​ຄຸມ​ຂັງກ່ອນການດຳເນີນຄະດີນັກຂ່າວສະຫະລັດ ທ່ານເອແວັນ ເກີ​ສໂກວິຈ. ເວ​ລານີ້ ທ່ານຈະ​ຖືກຂັງຕໍ່ໄປອີກໃນຂໍ້ຫາສືບລັບ ​ໄປຢ່າງໜ້ອຍຈົນ​ຮອດທ້າຍເດືອນພະຈິກ ອີງ​ລາຍ​ງານ​ອົງການຂ່າວທາສ ຂອງທາງການຣັດເຊຍ.

ນັກຂ່າວໜັງ​ສື​ພິມ Wall Street Journal ໄດ້ຖືກຄຸມຂັງ​ເມື່ອທ້າຍເດືອນມີນາໃນຂະນະທີ່ປະຕິບັດໜ້າທີ່ ຢູ່ເມືອງຢີກາເຕີຣິນເບີກ ຂອງຣັດເຊຍ.

ມົສກູໄດ້ກ່າວຫາທ່ານວ່າ ເປັນ​ສອດ​ແນມ ຊຶ່ງທ່ານ ນາຍຈ້າງຂອງທ່ານ ແລະລັດຖະບານສະຫະລັດ ໄດ້ປະຕິເສດຢ່າງ​ແຂງ​ຂັນ. ກະຊວງຕ່າງປະເທດສະຫະ ລັດ ໄດ້ຈັດ​ການ​ຄຸມຂັງ​ທ່ານ​ວ່າ ເປັນ​ຄວາມຜິດພາດ.

ທ່ານເ​ກີ​ສໂກວິຈ ເປັນນັກຂ່າວອາເມຣິກັນຄົນທຳອິດ ທີ່ຖືກກັກຂັງຢູ່ໃນຣັດເຊຍ ໃນຂໍ້ຫາ​ຈາ​ລະ​ກຳ ນັບແຕ່ສົງຄາມໂລກຄັ້ງທີສອງ​ເປັນ​ຕົ້ນ​ມາ.

ທ່ານເຈີໂກວິຈ ອາຍຸ 31 ປີ ໄດ້​ໄປເຖິງສານມົສກູ ໃນວັນພະຫັດວານນີ້ ຢູ່ໃນລົດຕູ້ສີຂາວຂອງ​ຄຸກ ​ໂດຍຖືກໃສ່ກັບມືອອກມາ. ທ່ານໄດ້​ໄປປາກົດໂຕ ຢູ່ສານເພື່ອຟັງຜົນຂອງການຈັບກຸມ ທີ່ຈະຕໍ່ອອກໄປຕື່ມ​ອີກ​ແຕ່ວັນທີ 30 ສິງຫາ.

ນີ້ເປັນເທື່ອທີສອງທີ່ການ​ຄຸມ​ຂັງ​ກ່ອນ​ການດຳເນີນຄະດີຂອງທ່ານໄດ້​ຖືກຕໍ່ເວ​ລາອອກໄປ ທັງສອງຄັ້ງ​ເປັນ​ເວ​ລາສາມເດືອນ. ​ການ​ຄຸມ​ຂັງ​ກ່ອນການດຳເນີນຄະດີ ທ່ານເ​ກີ​ສໂກວິຈ ໃນ​ຂັ້ນ​ຕົ້ນມີກຳນົດທີ່ຈະໝົດ​ອາ​ຍຸລົງໃນວັນ​ທີ 29 ພຶດສະພາ.

ອ່ານຂ່າວນີ້ເປັນພາສາອັງກິດ

XS
SM
MD
LG