ພວກເຈົ້າໜ້າທີ່ໄທກ່າວວ່າ ເຂົາເຈົ້າໄດ້ຍຶດເກັດຫລິ່ນ ຫລາຍກວ່ານຶ່ງໂຕນ ທີ່ມີມູນຄ່າ 50 ລ້ານກວ່າບາດ ຫຼືປະມານ 1 ລ້ານ 4 ແສນໂດລາ ທີ່ເຊື່ອກັນວ່າໄດ້ສົ່ງອອກນອກປະເທດ ຜ່ານຊາຍແດນທາງພາກພື້ນດິນ ອີງຕາມລາຍງານອົງການຂ່າວເອພີ.
ເກັດຫລິ່ນຄາດວ່າ ມີລາຄາ 40,000 ບາດ ຕໍ່ນຶ່ງກິໂລກຣາມ ໂດຍສົງໄສວ່າໄດ້ຊື້ມາຈາກມາເລເຊຍ ສົ່ງເຂົ້າໄທ ເພື່ອນຳສົ່ງໄປປະເທດລາວ ແລະຂາຍໃຫ້ແກ່ພວກລູກຄ້າຢູ່ປະເທດຈີນ ນັ້ນຄືຄຳເວົ້າຂອງທ່ານຄຳນວນ ຈັນ-ອານັນຮອງຫົວໜ້າອາຊະຍາກຳສິ່ງແວດລ້ອມປະຈຳເຂດ ໄດ້ກ່າວ ຢູ່ກອງປະຊຸມຖະແຫຼງຂ່າວ ທີ່ບາງກອກ ໃນວັນພະຫັດວານນີ້.
