ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ເກີດໄຟໄໝ້ ຢູ່ສາງນໍ້າມັນໃນຣັດເຊຍ ມີຜູ້ເສຍຊີວິດ 30 ຄົນ ແລະໄດ້ຮັບບາດເຈັບຫລາຍຄົນ


ຮູບພາບຈາກກະຊວງສຸກເສີນຣັດເຊຍ ສະແດງໃຫ້ເຫັນພວກດັບເພີງ ກຳລັງມອດໄພ ຢູ່ໄກ້ເມືອງ IMakhachkala ນະຄອນຫລວງ Dagestan ປະເທດຣັດເຊຍ ວັນທີ 14 ສິງຫາ 2023
ຮູບພາບຈາກກະຊວງສຸກເສີນຣັດເຊຍ ສະແດງໃຫ້ເຫັນພວກດັບເພີງ ກຳລັງມອດໄພ ຢູ່ໄກ້ເມືອງ IMakhachkala ນະຄອນຫລວງ Dagestan ປະເທດຣັດເຊຍ ວັນທີ 14 ສິງຫາ 2023

ເກີດໄຟໄໝ້ຢູ່ສາງນໍ້າມັນແຫ່ງນຶ່ງ ຢູ່ໃນເຂດດາແຈສຕານ ທາງພາກໃຕ້ຣັດເຊຍ ໃນຕອນແລງວັນຈັນວານນີ້ ມີຜູ້ເສຍຊີວິດຢ່າງໜ້ອຍ 30 ຄົນຮວມທັງເດັກນ້ອຍ ສາມຄົນ ກະຊວງຮັບ​ມື​ກັບ​ເຫດສຸກເສີນຂອງຣັດເຊຍກ່າວໃນວັນອັງຄານມື້ນີ້ ອີງ​ຕາມ​ລາຍງານ​ຂອງ​ອົງ​ການ​ຂ່າວ​ຣອຍ​ເຕີ້.

ໄຟໄດ້ເກີດຂຶ້ນຢູ່ຮ້ານບ່ອນແປງລົດຂ້າງທາງຮາຍເວ ໃນເມືອງມາຮັກກາລາ ຊຶ່ງ​ເປັນ​ເມືອງ​ເອກ​ຂອງ​ເຂດດາແຈສຕານ ໃນຕອນແລງວັນຈັນວານນີ້ ແລະໄດ້ເຮັດໃຫ້ເກີດລະເບີດແຕກ ໃນຂະນະທີ່ໄຟໄດ້ລາມອອກໄປຫາບ່ອນຕື່ມນໍ້າມັນ ​ອີງ​ຕາມ​ຄຳ​ເວົ້າ​ຂອງພວກເຈົ້າໜ້າທີ່ໄດ້ກ່າວ.

“ມັນຄື​ກັນ​ກັບສົງຄາມຢູ່ທີ່ນີ້” ທີ່ຜູ້ເຫັນເຫດການຄົນນຶ່ງໄດ້ກ່າວ.

ບັນດາຮູບພາບທີ່ໄດ້ແບ່ງປັນໂດຍກະຊວງ​ຮັບ​ມື​ກັບ​ເຫດສຸກເສີນ ໄດ້ສະແດງໃຫ້ເຫັນພວກກູ້ໄພ ພະຍາຍາມມອດ​ໄຟຂະໜາດໃຫຍ່ ໃນຂະນະທີ່ແປວໄຟສູງຂຶ້ນສູ່ທ້ອງຟ້າ​ໃນຕອນກາງຄືນ.

ຮູບພາບເຜີຍແຜ່ທາງອອນລາຍ ສະແດງໃຫ້ເຫັນຕຶກຊັ້ນນຶ່ງຖືກເຜົາ​ໄໝ້ ທີ່ໂທລະພາບອົງການຂ່າວຣອຍເຕີໄດ້ລາຍງານ.

ອ່ານຂ່າວນີ້ເພີມເປັນພາສາອັງກິດ

XS
SM
MD
LG