ລິ້ງ ສຳຫລັບເຂົ້າຫາ

logo-print

ລັດຖະມົນຕີ ຕ່າງປະເທດສະຫະລັດ ກ່າວວ່າ ກຸ່ມຈີ 7​ ຈະຫາທາງຍຸຕິສົງຄາມ ໃນຊີເຣຍ  


ນາຍົກລັດຖະມົນຕີອັງກິດ ທ່ານບໍຣິສ ຈອນສັນ (ຂວາ) ແລະ ລັດຖະມົນຕີການຕ່າງປະເທດສະຫະລັດ ທ່ານແອນໂທນີ ບລິງເກັນ ພົບປະກັນທີ່ທຳນຽບ ນ້ຳເບີ 10 ຖະໜົນດາວນິງ ໃນນະຄອນລອນດອນ ເມື່ອວັນທີ 4 ພຶດສະພາ 2021.

ລັດຖະມົນຕີການຕ່າງປະເທດສະຫະລັດ ທ່ານແອນໂທນີ ບລິງເກັນ ກ່າວໃນວັນອັງຄານວານີ້ວ່າ ກຸ່ມ 7 ປະເທດທີ່ຈະເລີນທາງດ້ານອຸດສາຫະກຳ ໄດ້ປະກາດທີ່ຈະຍຸຕິີສົງຄາມກາງເມືອງ ທີ່ດຳເນີນມາເປັນເວລາ 10 ປີໃນປະເທດຊີເຣຍ.

“ຄູ່ຮ່ວມງານທີ່ກຸ່ມຈີ 7 ແລະຂ້າພະເຈົ້າ ຂໍໃຫ້ການຢືນຢັນ ເຖິງຄວາມໝາຍໝັ້ນຂອງພວກເຮົາທີ່ຈະຊອກຫາຊ່ອງທາງແກ້ໄຂທາງການເມືອງ ເພື່ອຍຸຕິບັນຫາຂັດແຍ້ງໃນຊີເຣຍ” ນັ້ນຄືຄຳເວົ້າຂອງທ່ານບລິງເກັນທີ່ຂຽນລົງໃນທວີດເຕີ້ ຂະນະທີ່ທ່ານ ແລະສະມາຊິກຄົນອື່ນໆຂອງກຸ່ມຈີ 7 ເຂົ້າຮ່ວມກອງປະຊຸມດ້ວຍຕົນເອງເປັນເທື່ອທຳອິດໃນຮອບ 2 ປີ.

ບັນຫາຂັດແຍ້ງໃນຊີເຣຍແມ່ນນຶ່ງໃນຫຼາຍໆບັນຫາຂອງໂລກທີ່ຈະມີການປຶກສາຫາລືກັນໂດຍບັນດາລັດຖະມົນນຕີທີ່ຕາງໜ້າໃຫ້ແກ່ກຸ່ມຈີ 7 ໃນລະຫວ່າງການປະຊຸມທີ່ນະຄອນຫຼວງລອນດອນ. ສ່ວນບັນຫາອື່ນໆກໍມີຮວມທັງຄວາມສຳພັນກັບຈີນແລະຣັດເຊຍ ການເຮັດລັດຖະປະຫານໃນມຽນມາ ແລະສະຖານະການໃນອັຟການິສຖານ.

ກະຊວງການຕ່າງປະເທດອັງກິດ ກ່າວໃນການປະຊຸມເມື່ອວັນອັງຄານວານນີ້ວ່າລັດຖະມົນຕີການຕ່າງປະເທດ ໂດມີນິກ ແຣບ "ຈະນຳພາ ການສົນທະນາຫາລືກ່ຽວກັບບັນຫາທີ່ຮີບດ່ວນທາງດ້ານພູມີສາດການເມືອງ ທີ່ເປັນໄພຂົ່ມຂູ່ບ່ອນທຳ ລາຍປະຊາທິປະໄຕ ອິດສະຫຼະພາບ ແລະສິດທິມະນຸດຢູ່ນີ້."

ທ່ານແຣບຍັງກ່າວວ່າ ການພົບປະກັນແມ່ນ "ໂອກາດທີ່ຈະນຳມາຊຶ່ງສັງຄົມທີ່ມີປະຊາທິປະໄຕ ເປີດກວ້າງ ແລະສະແດງເຖິງຄວາມສາມັກຄີກັນ ໃນເວລາທີ່ມີຄວາມຈຳເປັນຫຼາຍ ໃນການແກ້ໄຂສິ່ງທ້າທາຍຮ່ວມ ແລະໄພຂົ່ມຂູ່ທີ່ເພີ່ມຂຶ້ນ."

ເປັນທີ່ຄາດກັນວ່າ ທ່ານຈະຮຽກຮ້ອງໃຫ້ສະມາຊິກຂອງກຸ່ມຈີ 7 ລົງໂທດຕໍ່ສ່ວນບຸກຄົນ ແລະອົງການທີ່ພົວພັນກັບລະບອບການປົກຄອງຂອງທະຫານຂອງມຽນມາ ເພື່ອສະໜັບສະໜູນການຫ້າມຂາຍອາວຸດ ແລະເພີ່ມການຊ່ວຍເຫຼືອ ທາງດ້ານມະນຸດສະທຳໃຫ້ແກ່ປະຊາຊົນມຽນມາ.

ລັດຖະມົນຕີການຕ່າງປະເທດສະຫະລັດ ທ່ານແອນໂທນີ ບລິງກັນ ໄດ້ພົບກັບ ທ່ານແຣບໃນວັນຈັນຜ່ານມານີ້ ແລະກ່າວເຖິງຈີນວ່າ ເປົ້າໝາຍບໍ່ແມ່ນ “ພະຍາ ຍາມທີ່ຈະຄວບຄຸມຈີນ ຫລືຕໍ່ຕ້ານຈີນໃຫ້ຢຸດເຊົາ.”

ທ່ານບລິງເກັນ ກ່າວຕໍ່ພວກນັກຂ່າວວ່່າ "ສິ່ງທີ່ພວກເຮົາພະຍາຍາມຈະເຮັດກໍຄື ປະຕິບັດຕາມກົດລະບຽບຂອງສາກົນ ທີ່ປະເທດຂອງພວກເຮົາໄດ້ລົງທຶນມາຕັ້ງຫລາຍໃນຫຼາຍທົດສະວັດ ເພື່ອຜົນປະໂຫຍດ ຂ້າພະເຈົ້າຈະບອກວ່າບໍ່ແມ່ນສໍາ ລັບແຕ່ພົນລະເມືອງຂອງພວກເຮົາເອງ ແຕ່ມັນຍັງສຳລັບປະຊາຊົນທົ່ວໂລກ ຖ້າຈະເວົ້າແລ້ວກໍລວມທັງຈີນນໍາດ້ວຍ.”

ອ່ານຂ່າວນີ້ຕື່ມເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG