ລິ້ງ ສຳຫລັບເຂົ້າຫາ

ວັນເສົາ, ໑໕ ມິຖຸນາ ໒໐໒໔

ສະມາຊິກສະພາ ຕ້ອງຕິ ການປ່ຽນແປງ ຂອງລັດຖະບານ ປ. ທຣຳ ທີ່ຕາໜ່າງອອກອາກາດ ທີ່ໄດ້ຮັບທຶນ ຈາກ ສຫລ


ປ້າຍເຄື່ອງໝາຍທີ່ຕຶກອາຄານຂອງວິທະຍຸສຽງອາເມຣິກາ ຫຼື
Voice of America ໃນນະຄອນຫຼວງວໍຊິງຕັນ ເມື່ອວັນທີ 15 ມິຖຸນາ 2020.
ປ້າຍເຄື່ອງໝາຍທີ່ຕຶກອາຄານຂອງວິທະຍຸສຽງອາເມຣິກາ ຫຼື Voice of America ໃນນະຄອນຫຼວງວໍຊິງຕັນ ເມື່ອວັນທີ 15 ມິຖຸນາ 2020.

ບັນດາສະມາຊິກສະພາສະຫະລັດຈາກທັງສອງພັກການເມືອງກ່າວໃນວັນພະຫັດວານນີ້ວ່າ ພວກເຂົາເຈົ້າມີຄວາມຢ້ານກົວວ່າ ສຽງອາເມຣິກາຫຼືວີໂອເອ ແລະສະອົງການອອກອາກາດອື່ນໆພວມຕົກຢູ່ໃນຄວາມສ່ຽງທີ່ຈະສູນເສຍຄວາມໜ້າເຊື່ອຖືກັບພວກຜູ້ຟັງຈາກຕ່າງປະເທດ ຍ້ອນການກະທຳຂອງຫົວໜ້າບໍລິຫານຄົນໃໝ່ ທ່ານໄມໂກ ແພັກ.

ທ່ານແພັກ ຫົວໜ້າບໍລິຫານຄົນທຳອິດ ທີ່ຖືກແຕ່ງຕັ້ງໂດຍປະທານາທິບໍດີ ເພື່ອເຂົ້າກຳຕຳແໜ່ງໃໝ່ທີ່ທາງສະພາໄດ້ສ້າງຕັ້ງຂຶ້ນມາ ເພື່ອປັບປຸງຄວາມພະຍາມໃນການອອກອາກາດທີ່ໄດ້ຮັບທຶນຈາກລັດຖະບານສະຫະລັດໃຫ້ເຂົ້າກັບສະພາບ ການແລະທັນສະໄໝ ຊຶ່ງເປັນອົງການແມ່ຂອງວີໂອເອແມ່ນໄດ້ປະເຊີນກັບການຕ້ອງຕິຈາກທັງສອງພັກການເມືອງ ໃນການກະທຳຂອງທ່ານ ນັບແຕ່ໄດ້ເຂົ້າກຳຕຳແໜ່ງໃນເດືອນມິຖຸນາຜ່ານມາ.

ການຮັບຟັງຄຳໃຫ້ການໃນວັນພະຫັດວານນີ້ ແມ່ນເປັນເທື່ອທຳອິດທີ່ທາງສະພາໄດ້ມີໂອກາດກວດສອບຢ່າງເປັນການເປີດເຜີຍກ່ຽວກັບການປ່ຽນແປງຂອງທ່ານແພັກ ຢູ່ທີ່ອົງການສື່ມວນຊົນໂລກຂອງສະຫະລັດຫຼື USAGM ຊຶ່ງເປັນອົງການແມ່ຂອງວີໂອເອ ວິທະຍຸເອເຊຍເສຣີແລະອົງການອອກອາກາດອື່ນໆທີ່ໄດ້ຮັບທຶນສະໜັບສະໜຸນຈາກລັັດຖະບານສະຫະລັດ.

ທ່ານແພັກກ່າວວ່າ ທ່ານມີບັນຫາຂັດແຍ້ງ ໃນເລື້ອງໝາຍກຳນົດການແລະບໍ່ສາ ມາດໄປຮ່ວມການຮັບຟັງຄຳໃຫ້ການໄດ້ ທັງໆທີ່ໄດ້ຮັບໝາຍຮຽກຕົວຈາກຫົວໜ້າກຳມາທິການຄວາມສຳພັນຕ່າງປະເທດຂອງສະພາຕ່ຳ ທ່ານເອລີອັອດ ແອນໂຈສະມາຊິກພັກເດໂມແຄຣັດຈາກນິວຢອກ.

ທ່ານແອນໂຈ ກ່າວວ່າ “ລາວໄດ້ສະແດງການບໍ່ໃຫ້ຄວາມນັບຖືເປັນທີ່ສຸດຕໍ່ຄະນະກຳມະການ ຄະນະກຳມະການຂອງພວກເຮົາ ແລະບົດບາດໃນການກຳກັບດູແລອົງການ USAGM. ລາວແມ່ນບຸກຄົນທີຜິດສໍາລັບວຽກການນີ້. ລາວຄວນລາອອກ. ແລະຖ້າລາວບໍ່ລາ. ປະທານາທິບໍດີຄວນປົດລາວອອກ.”

ງົບປະມານປະຈໍາປີຂອງອົງການສື່ມວນຊົນໂລກຂອງສະຫະລັດ ຫຼື USAGM ມີຢູ່ 800 ລ້ານໂດລາ ເພື່ອໃຫ້ທຶນສະໜັບສະໜຸນ ການອອກຂ່າວ ຊຶ່ງໃນແຕ່ລະອາທິດມີຜູ້ຟັງ 350 ລ້ານຄົນ ໃນ 62 ພາສາ.

ສະມາຊິກສະພາຕ່ຳໄມໂກ ແມັກຄໍ (Michael McCaul) ຈາກລັດເທັກຊັສຊຶ່ງເປັນຮອງປະທານຄະນະກຳມະການຈາກພັກຣີພັບບລີກັນ ກ່າວວ່າ ການຕັດສິນໃຈຂອງທ່ານແພັກ ບໍ່ມາຮ່ວມນີ້ “ແມ່ນບໍ່ເອົາຫົວຊາຕໍ່ຄວາມປະສົງຂອງສະພາ.”

ທ່ານແມັກຄໍໄດ້ເນັ້ນຢ່າງເປັນການສະເພາະກ່ຽວກັບການຕັດສິນໃຈຂອງອົງການສື່ມວນຊົນໂລກທີ່ໄດ້ໂຈະການໃຫ້ເງິນ 18 ລ້ານໂດລາສຳລັບກອງທຶນເປີດເທັກໂນໂລຈີ ຫຼື OTF ນັ້ນວ່າ ເປັນອັນຕະລາຍເປັນພິເສດ.

ທ່ານແມັກຄໍກ່າວໃນວັນພະຫັດວານນີ້ວ່າ “ຂ້າພະເຈົ້າເຊື່ອວ່າ ການກະທຳຂອງລາວໄດ້ສ້າງຄວາມເສຍຫາຍຕໍ່ການສະໜັບສະໜຸນໃນລະຫວ່າງຈຸດສູງສຸດຂອງການເກີດຄວາມບໍ່ສະຫງົບຢູ່ໃນຮົງກົງ ແລະຄວາມບໍ່ສະຫງົບຍັງມີຢູ່ຕໍ່ມາໃນທຸກມື້ນີ້ຢູ່ເບລາຣຸສ. ການຂາດຄວາມສະໜັບສະໜຸນ ທີ່ໜ້າເສົ້າໃຈ ຕໍ່ສິດເສລີພາບແລະຂະບວນການປະຊາທິປະໄຕ ກໍເປັນເລື້ອງທີ່ໜ້າເສຍໃຈເຊັ່ນດຽວກັນ.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG