ລິ້ງ ສຳຫລັບເຂົ້າຫາ

logo-print

ໄວ​ຣັ​ສ​ໂຄ​ໂຣ​ນາ ແຜ່​ລະ​ບາດ ເຂົ້າ​ໄປ​ໃນ​ອີກ ​ຫຼາຍໆ​ປະ​ເທດ ແລະ​ອົງ​ການ​ອະ​ນາ​ໄມ​ໂລກ ໄດ້​ຍົກ​ລະ​ດັບ​ການ​ເຕືອນ ຂຶ້ນ​ສູ່​ຂັ້ນ​ສູງ​ສຸດ


ຄົນ​ຂາຍ​ເຄື່ອງ​ຢູ່​ຕາມ​ທາງ​ແຫ່ງ​ນຶ່ງ ໃສ່​ໜ້າ​ກາກ ອັດ​ປາກ​ຂອງ​ລາວ ເພື່ອ​ປ້ອງ​ກັນ​ການ​ແຜ່​ລະ​ບາດ​ຂອງ​ໄວ​ຣັ​ສ​ໂຄ​ໂຣ​ນາ​ສາຍ​ພັນ​ໃໝ່ ທີ່​ລັດ​ນິວ​ເມັກ​ຊິ​ໂກ ເມື່ອ​ວັນ​ທີ 28 ກຸມ​ພາ 2020.

ເຊື້ອ​ໄວ​ຣັ​ສ​ໂຄ​ໂຣ​ນາ​ໄດ້​ແຜ່​ລະ​ບາດ​ໄປ​ໃສ່​ຕື່ມ​ອີກ 7 ປະ​ເທດ​ໃນ​ວັນ​ສຸກວານນີ້ ເຮັດ​ໃຫ້​ຕະ​ຫຼາດ​ຮຸ້ນເສຍ​ຫຼັກແລະ​ອົງ​ການ​ອະ​ນາ​ໄມ​ໂລກ​ຕ້ອງ​ໄດ້​ຍົກ​ລະ​ດັບການ ​ເຕືອນ​ກ່ຽວ​ກັບ​ຄວາມ​ສ່ຽງທີ່​ຈະ​ເກີດ​ຜົນ​ກະ​ທົບ ຂຶ້ນ​ສູ່ຂັ້ນ “​ສູງ​ສຸດ.”

ເມັກ​ຊິ​ໂກ ໄນ​ຈີ​ເຣຍ ນິວ​ຊີ​ແລນ ລີ​ທົວ​ເນຍ ​ເບ​ລາ​ຣຸ​ສ ອາ​ເຈີ​ບາຍ​ຈານແລະ​ໄອ​ຊ໌​ແລນ ໄດ້​ລາຍ​ງານ​ກ່ຽວ​ກັບ​ກໍ​ລະ​ນີ​ຕິດ​ເຊື້ອ​ໄວ​ຣັ​ສ​ເທື່ອ​ທຳ​ອິດ ໃນ​ວັນ​ສຸກວານນີ້ ຂະ​ນະ​ທີ່​ຈຳ​ນວນ​ປະ​ເທດ​ທີ່​ມີ​ການ​ແຜ່​ລະ​ບາດ​ໄດ້​ເພີ້ມ​ຂຶ້ນ​ເປັນ​ເກືອບ 60 ​ປະ​ເທດແລ້ວ.

ສະ​ຫະ​ລັດ​ໄດ້​ລາຍ​ງານ​ກໍ​ລະ​ນີ​ທີ 4 ຂອງ​ເຊື້ອ​ໄວ​ຣັ​ສ ທີ່​ຕິດ​ໃສ່​ຄົນ​ຜູ້​ທີ່​ບໍ່​ເຄີຍ​ມີປະ​ຫວັດ​ໃນ​ການ​ເດີນ​ທາງ​ໄປ​ປະ​ເທດ​ ທີ່​ມີ​ການ​ລະ​ບາດ​ຂອງ​ເຊື້ອ​ພະ​ຍາດ ທີ່​ຮູ້​ກັນ​ໃນ​ຊື່ COVID-19 ຫຼື​ບໍ່​ຮູ້​ວ່າ​ໄດ້​ຢູ່​ໃກ້​ຊິດ​ກັບ​ຄົນ​ທີ່​ຕິດ​ເຊື້ອ. ເຈົ້າ​ໜ້າ​ທີ່​ສາ​ທາລະ​ນະ​ສຸກ​ຂອງ​ສະ​ຫະ​ລັດ ​ກ່າວ​ໃນ​ວັນ​ສຸກວານນີ້​ວ່າ ຕົນ​ພວມ​ລໍ​ຖ້າ​ການ​ຢືນ​ຢັນ​ຂອງ​ຜົນ​ການກວດ​ຢູ່. ເຈົ້າ​ໜ້າ​ທີ່​ໃນລັດ​ອໍ​ເຣກອນ ​ກໍ​ລາຍ​ງານ​ວ່າ ມີ​ຄົນ​ປ່ວຍ​ທີ່“ສັນ​ນິດ​ຖານ​ວ່າຕິດ​ເຊື້ອ” ໃນ​ວັນ​ສຸກວານນີ້.

COVID Wrap
please wait
Embed

No media source currently available

0:00 0:05:08 0:00

ຜົນ​ການກວດ​ກ່ຽວ​ກັບ​ເຊື້ອ​ໄວ​ຣັ​ສ​ໂຄ​ໂຣ​ນາ ແມ່ນ​ຖື​ວ່າ “ເປັນ​ການ​ສັນ​ນິດ​ຖານ” ຈົນ​ເທົ່າ​ໄດ້​ຮັບ​ການ​ຢືນ​ຢັນ​ຈາກ​ສູນ​ກາງ​ຄວບ​ຄຸມ​ແລະ​ປ້ອງ​ກັນ​ພະ​ຍາດ.

ໃນ​ຕອນ​ເຊົ້າ​ວັນ​ສຸກວານນີ້ ເຈົ້າ​ໜ້າ​ທີ່​ໃນ​ລັດ​ຄາ​ລີ​ຟໍ​ເນຍ​ໃຫ້​ການ​ຢືນ​ຢັນ​ ກ່ຽວ​ກັບກໍ​ລະ​ນີ​ຕິດ​ເຊື້ອ​ໄວ​ຣັ​ສ​ທີ​ສອງຊຶ່ງ​ບໍ່​ຮູ້​ທີ່​ມາ. ຄົນ​ປ່ວຍຊຶ່ງ​ເປັນ​ຄົນ​ໃນ​ເຂດ​ພາກ​ເໜືອ​ລັດ​ຄາ​ລີ​ຟໍ​ເນຍ ອາ​ຍຸ 65 ປີບໍ່​ເຄີຍ​ມີ​ປະ​ຫວັດ​ໃນ​ການ​ຕິດ​ຕໍ່​ກັບ​ຄົນ​ປ່ວຍ​ຜູ້​ທຳ​ອິດຂອງ​ການ​ຕິດ​ຕໍ່​ໃນ​ປະ​ຊາ​ຄົມ ຊຶ່ງ​ແມ່​ຍິງ​ຜູ້ນີ້ ກໍ​ຢູ່​ໃນ​ເຂດ​ພາກ​ເໜືອ​ຂອງ​ລັດ​ຄາ​ລີຟໍ​ເນຍ​ເຊັ່ນ​ດຽວ​ກັນ.

ໃນ​ວັນ​ສຸກວານນີ້ ອົງ​ການ​ອະ​ນາ​ໄມ​ໂລກ ​ໄດ້​ຍົກ​ລະ​ດັບ​ການ​ຊັ່ງ​ຊາ​ຄວາມ​ສ່ຽງ​ຢູ່​ໃນ​ໂລກ​ກ່ຽວ​ກັບ​ເຊື້ອ​ໄວ​ຣັ​ສ​ໂຄ​ໂຣ​ນາ ຂຶ້ນ​ສູ່​ຂັ້ນສູງ​ສຸດ​.

ຫົວ​ໜ້າອົງ​ການ​ອະ​ນາ​ໄມ​ໂລກ ທ່ານເທ​ໂດ​ຣ​ສ ອາ​ດາ​ນອມ ກາ​ເບ​ຣ​ເຢ​ຊຸ​ສ ໄດ້​ກ່າວ​ຕໍ່​ພວກ​ນັກ​ຂ່າວ​ວ່າ “ເວ​ລານີ້ ພວກ​ເຮົາ​ໄດ້​ເພີ້ມ​ລະ​ດັບ​ຄວາມ​ສ່ຽງ​ໃນ​ການ​ແຜ່​ລະ​ບາດ​ແລະ​ຄວາມ​ສ່ຽງ​ໃນ​ການ​ໄດ້​ຮັບ​ຜົນ​ກະ​ທົບ​ຈາກ​ເຊື້ອ​ໄວ​ຣັ​ສ COVID-19 ຂຶ້ນ​ສູ່​ຂັ້ນ​ສູງ​ຫຼາຍ​ຂອງ​ໂລກ.

ການ​ແຜ່​ລະ​ບາດ​ທີ່​ຂະ​ຫຍາຍ​ວົງ​ກວ້າງ​ອອກ​ຂອງ​ເຊື້ອ​ໄວ​ຣັ​ສ​ໂຄ​ໂຣ​ນາ ໄດ້​ພາ​ໃຫ້​ຕະຫຼາດ​ຮຸ້ນ​ຂອງ​ໂລກ​ໃນ​ຫຼາຍໆ​ແຫ່ງ​ຕົກ​ລາ​ຄາ​ໃນ​ວັນ​ສຸກວານນີ້ ສູ່​ລະ​ດັບ​ຕ່ຳ​ສຸດນັບ​ແຕ່​ເກີດ​ວິ​ກິ​ດ​ການ​ທາງ​ດ້ານ​ການ​ເງິນ​ໃນ​ປີ 2008 ເປັນ​ຕົ້ນ​ມາ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG