ລິ້ງ ສຳຫລັບເຂົ້າຫາ

site logo
ວັນຈັນ, 23 ພຶດສະພາ 2022

ຕຳຫຼວດຮົງກົງ ນຳໃຊ້ ກຳລັງຫຼາຍຂຶ້ນກວ່າເກົ່າ ພ້ອມຍຸດທະວິທີໃໝ່ ເພື່ອສະກັດກັ້ນ ພວກປະທ້ວງ


ພວກປະທ້ວງ ນັ່ງອ້ອມປ້າຍ ທີ່ມີຂໍ້ຄວາມວ່າ "ພວກຄົນທີ່ບຸກລົງສູ່ຫົນທາງໃນມື້ນີ້ ແມ່ນກ້າຫານ!," ກາງເທິງ, ແລະ "ປ່ອຍໂຕພວກທີ່ຖືກຄວບຄຸມໂຕທັງໝົດ!" ໃນລະຫວ່າງການໂຮມຊຸມນຸມ ຢູ່ຫໍປະຊຸມ ຂອງສະໜາມບິນສາກົນ ຮົງກົງ, ວັນຈັນ ທີ 12 ສິງຫາ 2019.

ພວກຜູ້​ປະ​ທ້ວງ​ ຮົງ​ກົງ ທີ່​ໂມ​ໂຫໄດ້ພາກັນ​ກີດ​ກັ້ນ​ຫົນ​ທາງ ແລະ ໄດ້​ຂັດ​ຂືນ​ຄຳ​ສັ່ງ​ໃຫ້
​ແຍກ​ຕົວ​ຂອງ​ຕຳຫຼວດ​ ໃນ​ຕອນ​ເຊົ້າ​ຂອງວັນ​ຈັນ​ມື້ນີ້ ຫຼັງ​ຈາກ​ເຈົ້າ​ໜ້າ​ທີ່​ປາບ​ປາມ​ຈະ
​ລາ​ຈົນ​ໄດ້​ຍິງ​ແກັ​ສ​ນ້ຳ​ຕາ ແລະ ລູກ​ປືນ​ທີ່ບໍ່​ຮ້າຍ​ແຮງ​ເຖິງ​ຕາຍ​ ໃສ່​ຝູງ​ຄົນ​ທີ່​ພາ​ກັນ
ແຕກກະຈາຍຫຼົບ​ໜີ.

ລາຍ​ງານ​ໄດ້​ກ່າວ​ວ່າ​ມີ​ຜູ້​ໄດ້​ຮັບ​ບາດ​ເຈັບຫຼາຍ​ຄົນ ​ໃນຫຼາຍ​ເຂດ​ທີ່​ໄດ້​ກາຍ​ເປັນ​ສະ
​ໜາມ​ຮົບ​ທີ່​ເຕັມ​ໄປ​ດ້ວຍ​ຄວັນແກັສ, ບ່ອນ​ທີ່​ສຽງ​ລູກ​ປືນ​ແຕກ “ປ໊ອບ ປ໊ອບ” ​ຢ່າງ​ຊ້ຳ
​ແລ້ວ​ຊ້ຳ​ອີກ ແລະສຽງ​ຮ້ອງ​ໄດ້​ດັງ​ໄປທົ່ວ ​ຈົນ​ຮອດ​ຕອນ​ຄ່ຳ. ອາ​ສາ​ສະ​ໝັກ​ການ​ແພດ​
ຄົນ​ນຶ່ງ​ຖືກ​ລູກ​ປືນ​ຍິງ​ໃສ່​ຕາ​ຂ້າງ​ນຶ່ງ. ບັນ​ດາ​ນັກ​ຂ່າວ​ໄດ້​ລາຍ​ງານ​ວ່າ ​ຖືກ​ທຸບ​ຕີຢູ່​ຫົວ
ແລະ ແຂນຂາ. ແລະ ອີກ​ຄັ້ງ​ນຶ່ງ​ພວກ​ນັກ​ເລງ​ໄດ້​ຟາດພວກ​ປະ​ທ້ວງ​ຢູ່​ຖະ​ໜົນ​ແຫ່ງ​ນຶ່ງ
ຊຶ່ງເປັນ​ການ​ເຮັດ​ຊ້ຳ ​ເຫດ​ການ​ເມື່ອ​ສອງ​ສາມ​ອາ​ທິດ​ທີ່​ຜ່ານ​ມາ​ໃນ​ເຂດ ຢືນ ລອງ,
ໃນ​ພາກ​ພື້ນ​ຕອນ​ເໜືອ​ຂອງ​ເກາະ​ນັ້ນ, ເມື່ອ​ພວກຜູ້​ຊາຍ​ຫຼາຍຄົນ​ທີ່​ໃສ່​ເສື້ອຢືດ​ສີ​ຂາ​ວ​
ໄດ້ໃຊ້​ໄມ້​ຫວາຍ​ຟາດ​ໃສ່ ພວກ​ຜູ້​ໂດຍ​ສານ​ລົດ​ໄຟ.

ລັດ​ຖະ​ບານນັບ​ຜູ້​ບາດ​ເຈັບໄດ້​ 54 ຄົນ, ລວມ​ທັງ​ສອງ​ຄົນ​ຖືກ​ສົ່ງ​ເຂົ້າ​ໂຮງ​ໝໍ​ດ້ວຍ
​ອາ​ການ​ສາ​ຫັດ​ໃນ​ວັນ​ຈັນ​ມື້ນີ້ ແລະ 28 ຄົນ​ຢູ່​ໃນ​ລາຍ​ຊື່​ອາ​ການ​ຄົງ​ທີ່, ອີງ​ຕາມ
​ເຈົ້າ​ໜ້າ​ທີ່​ຂອງໂຮງ​ໝໍ.

ບັນ​ດາ​ເຈົ້າ​ໜ້າ​ທີ່​ໃນ​ນະ​ຄອນຫຼວງ ປັກ​ກິ່ງ ໄດ້​ເອີ້ນ​ການ​ປະ​ທ້ວງ​ໃນ​ວັນ​ຈັນ​ມື້ນີ້​ວ່າ
“ການ​ກໍ່​ການ​ຮ້າຍ.”

ຕຳຫຼວດ​ໄດ້​ກ່າວ​ວ່າ ຜູ້​ປະ​ທ້ວງ​ໄດ້​ຂັດ​ຂືນ​ການ​ຫ້າມ​ເດີນ​ຂະ​ບວນ​ຢູ່​ຖ​ະ​ໜົນ​ທີ່ບໍ່​ຄາດ
​ວ່າ​ຈະ​ມີ, ແລະ ແລ້ວ​ກໍ​ໄດ້​ແກວ່ງ​ກ້ອນ​ຫີນ​ຈີ່​ໃສ່​ຕຳຫຼວດ ແລະ ລະ​ເບີດ​ນ້ຳ​ມັນ​ແອັດ​ຊັງ.
ຜູ້​ປະ​ທ້ວງ ແລະ ປະ​ຊາ​ຊົນ​ທີ່​ອາ​ໄສ​ຢູ່​ໃນ​ທ້ອງ​ຖິ່ນ​ໄດ້​ກ່າວ​ວ່າ ຕຳຫຼວດເບິ່ງ​ຄື​ວ່າ​ໄດ້
​ສະ​ແດງ​ໃຫ້​ເຫັນ​ຄວາມ​ຫຍາບ​ຄາຍ​ແບບ​ໃໝ່ ແລະ ຄວາ​ມ​ມຸ່ງ​ໝັ້ນ​ທີ່​ຈະ​ເປີດ​ຖະ​ໜົນ
​ຕ່າງໆ. ບັນ​ດາ​ເຈົ້າ​ໜ້າ​ທີ່​ໄດ້​ປ່ອຍ​ແກັ​ສ​ນ້ຳ​ຕາ​ຢູ່​ໃນ​ສະ​ຖາ​ນີ​ລົດ​ໄຟ​ທີ່​ປິດ​ລ້ອມ, ດ້ວຍ
​ເຈົ້າ​ໜ້າ​ທີ່​ຄົນ​ນຶ່ງ ຍິງ​ອອກ​ໄປ​ໃນ​ໄລ​ຍະ​ພຽງ​ບໍ່​ເທົ່າ​ໃດ​ແມັດ ​ຫ່າງ​ຈາກ​ຝູງ​ຜູ້​ປະ​ທ້ວງ​ທີ່
​ພາ​ກັນ​ຮີບ​ແລ່ນ​ລົງ​ຂັ້ນ​ໄດ​ເລື່ອນ​ຂອງ​ສະ​ຖາ​ນີ​ລົດ​ໄຟ​ໃຕ້​ດິນ.

ໃນ​ອີກ​ເຂດ​ນຶ່ງ, ຕຳຫຼວດ​ໄດ້​ປອມ​ຕົວ​ໃນ​ເຄື່ອງ​ສີ​ດຳ ແລະ ໃສ່​ໜ້າ​ກາກ, ໃນ​ຮູບ​ແບບ​
ຂອງ​ພວກ​ນັກ​ໂຈມ​ຕີ​ຕໍ່​ຕ້ານ​ລັດ​ຖະ​ບານ, ໄດ້​ປ້ຳ​ຜູ້​ປະ​ທ້ວງ​ລົງ​ພື້ນ​ດິນ ແລະ ດຳ​ເນີນ​
ການ​ຈັບ​ກຸມ. ການ​ກະ​ທຳ​ດັ່ງ​ກ່າວ, ໄດ້​ເຮັດ​ໃຫ້​ຜູ້​ປະ​ທ້ວງ​ບາງ​ຄົນຮູ້​ວ່າ​ວ່າກຸ່ມ​ຂອງ​
ເຂົາ​ເຈົ້າ​ໄດ້​ຖືກ​ແຊກ​ຊຶມ.

ຄວາມ​ຮຸ​ນ​ແຮງ​ສ່ວນຫຼາຍ​ໄດ້​ຖືກ​ຖ່າຍ​ທອດ ແລະ ​ອອກ​ອາ​ກາດສົດ​ໂດຍ ​ບໍ​ລິ​ສັດ
​ສື່ຂ່າວ​ຕ່າງໆ.

ຄ່ຳ​ຄືນ​ດັ່ງ​ກ່າວ​ແມ່ນ​ສັບ​ສົນ​ວຸ້ນ​ວາຍ​ທີ່​ສຸດ, ຕຳຫຼວດ​ໂຫ​ດ​ຮ້າຍ​ທີ່​ສຸດ​ເທົ່າ​ທີ່​ຜູ້​ອາ​ໄສ​ຢູ່​
ໃນ​ທ້ອງ​ຖິ່ນ ແລະ ຜູ້​ປະ​ທ້ວງ​ເຄີຍ​ປະ​ເຊີ​ນ​ໜ້າ​ມາ​ກ່ອນ” ອີງ​ຕາ​ມ​ການ​ກ່າວ​ຂອງ​ນຶ່ງ​
ໃນ​ຜູ້​ປະ​ທ້ວງ​ ຜູ້​ທີ່​ໄດ້​ຂໍ​ໃຫ້​ອອກ​ຊື່​ລາວ​ວ່າ ເຮ ແອ​ລ ຍ້ອນ​ຢ້ານ​ວ່າ​ຈະ​ຖືກ​ລົງ​ໂທດ.
ລາວ​ໄດ້​ເວົ້າ​ວ່າ “ມັນ​ເຖິງ​ເວ​ລາ​ແລ້ວ​ທີ່​ຜູ້​ປະ​ທ້ວງ​ ແລະ ປະ​ຊາ​ຊົນ​ທີ່​ຈະ​ລະ​ມັດ​ລະ​ວັງ.”

ອ່ານຂ່າວນີ້ຕື່ມ ເປັນພາສາອັງກິກ

XS
SM
MD
LG