ທາງລາຍການສຽງເພງຈາກແດນຂອງ VOA ທ້າຍເດືອນລະກົດນີ້ ວັນນະສອນ
ຈະພາທ່ານຜູ້ຟັງ ຂອງ VOA ໄປຮັບເພງສຸດຫວານແບບເກົ່າໆ ທີ່ທຸກທຄົນຄິດຮອດ
ເອົາຢ່າລໍຊ້າ ຮີບເຂົ້າໄປຟັງພ້ອມໆກັນ ເລີຍ.
ສະບາຍດີແຟນເພງທັງຫຼາຍ ແລະເພງທີ່ຫາ ກໍຈົບລົງໄປນັ້ນ ແມ່ນເພງ Take Me
Home – Country Road ທີ່ຂັບຮ້ອງໂດຍ John Denver ແນວເພງເກົ່າໆຂອງ
ຊຸມປີ 1960 ປີພຸ້ນ ເພງນີ້ ຄົງພາໃຫ້ ທ່ານຜູ້ຟັງ ຈິນຕະນາການມອງເຫັນທີວທັດ
ສອງຂ້າງທາງ ໃນຊົນນະບົດຂອງລັດ West Virginia ຊຶ່ງຕັ້ງຢູ່ທາງພາກຕາເວັນຕົກ
ຂອງລັດ Virginia ແລະວໍຊີງຕັນດີຊີ ໂດຍສະເພາະແມ່ນຊ່ວງລະດູໃບໄມ້ຫລົ່ນ
ທີ່ສາມາດມອງເຫັນໃບໄມ້ເຫຼືອງປົນແສດ ສວຍງາມຕະການຕາ…ງົດງາມທີ່ສຸດ
ພ້ອມທັງໄຮ່ໝາກແຣແຊັງ ທີ່ປູກໄວ້ເພື່ອເຮັດເຫຼົ້າໄວນ໌…ຊຶ່ງກໍໄດ້ສ້າງຊື່ສຽງໃຫ້ລັດນີ້
ເຊັ່ນກັນ…ຢາກໃຫ້ຜູ້ຟັງມາເຫັນດ້ວຍຕາຕົວເອງແລະມາຊິມເຫຼົ້າໄວນ໌ ຖ້າໂອກາດນັ້ນ
ມາເຖິງ. ເອົາໄປຟັງເພງມ່ວນໆ ອີກຕື່ມເພງນຶ່ງ ເປັນເພງເກົ່າເຊັ່ນກັນ…ເພງນີ້ ພາໃຫ້
ທ່ານຢ້ອນກັບໄປ ສະໄໝທ່ານເປັນໜຸ່ມເປັນສາວແນ່ນອນ…ໃນບົດເພງ Have You
Ever Seen The Rain ທີ່ຂັບຮ້ອງໂດຍ Creedence Clearwater Rivival.
ຂໍອຳລາທ່ານຜູ້ຟັງດ້ວຍເພງ Why Do I Love You So ທີ່ຂັບຮ້ອງໂດຍ Johnny
Tillotson ຊຶ່ງແນ່ນອນ ວ່າ ພໍໄດ້ຟັງແລ້ວ ກໍຄົງນຳຮອຍຍິ້ມມາໃຫ້ທ່ານຜູ້ຟັງຢ່າງແນ່
ນອນ ເພາະ ເນີ້ນນານແລ້ວທີ່ບໍ່ໄດ້ຟັງເພງນີ້. ສັບປະດາໜ້າ ວັນນະສອນ ຈະຫາແພງ
ມ່ວນໆ ທີ່ຖືກອົກຖືກໃຈມາຝາກທ່ານຜູ້ຟັງອີກ ກຸລະນາຄອຍຕິດຕາມ...ຂໍໃຫ້ທຸກໆທ່ານ
ນອນຫລັບຝັນດີ.
