ອະດີດນາຍົກລັດຖະມົນຕີ ຈີນ ທ່ານ ຫຼີ ເຜິ້ງ, ຜູ້ທີ່ໄດ້ປະກົດໄອຍະການເສິກ ພຽງບໍ່ເທົ່າ
ໃດວັນ ກ່ອນການປາບປາມການປະທ້ວງສະໜັບສະໜູນປະຊາທິປະໄຕທີ່ໂຫດຮ້າຍ
ໃນປີ 1989 ຢູ່ຈະຕຸລັດ ທຽນອັນເໝິນ ໃນນະຄອນປັກກິ່ງ ນັ້ນ, ໄດ້ເຖິງແກ່ມໍລະນຳກຳ
ແລ້ວ ຮວມອາຍຸໄດ້ 90 ປີ.
ອົງການຂ່າວ ຊິນຫົວ ຂອງທາງການຈີນ ກ່າວວ່າ ທ່ານ ຫຼີ ໄດ້ເຖິງແກ່ມໍລະນະກຳໃນວັນ
ຈັນທີ່ຜ່ານມາດ້ ວຍຄວາມເຈັບປ່ວຍທີ່ບໍ່ໄດ້ລະບຸໄວ້.
ທ່ານ ຫຼີ ເຜິ້ງ ໄດ້ມີມີອຳນາດສູງຂຶ້ນ ຢ່າງສະໝ່ຳສະເໝີ ຜ່ານຕຳແໜ່ງຕ່າງໆຂອງພັກ
ຄອມມູນິສ ຈົນທ່ານໄດ້ກາຍເປັນນາຍົກລັດຖະມົນຕີໃນປີ 1987 ທ່າມກາງຄື້ນຂອງ
ການປະທ້ວງສະໜັບສະໜູນປະຊາທິປະໄຕ ນຳພາໂດຍນັກສຶກສາໃນທົ່ວ ຈີນ.
ຫຼັງຈາກທ່ານບໍ່ສາມາດທີ່ຈະບັນລຸຄວາມເຂົ້າໃຈ ກັບພວກຜູ້ນຳຂອງການເຄື່ອນໄຫວ
ນັ້ນ, ທ່ານ ຫຼີ ໄປປະກາດກົດໄອຍະການເສິກ ໃນວັນທີ 20 ພຶດສະພາ 1989.
ຫຼາຍກວ່າສອງອາທິດຕໍ່ມາ, ກອງກຳລັງ ຈີນ ໄດ້ບຸກເຂົ້າ ປັກກິ່ງ, ສັງຫານປະຊາຊົນ
ຫຼາຍຮ້ອຍຄົນ ແລະ ບາງເທື່ອຫຼາຍພັນຄົນ ໃນການພະຍາຍາມທີ່ຈະຍຸດຕິການເຂົ້າ
ຄອບຄອງຈະຕຸລັດ ທຽນອັນເໝິນ ໂດຍນັກສຶກສາ.
ທ່ານ ຫຼີ ໄດ້ເປັນນາຍົກລັດຖະມົນຕີຢູ່ຄືເກົ່າ ເຖິງແມ່ນຊື່ສຽງຂອງທ່ານໃນສາກົນຈະ
ເສື່ອມເສຍຍ້ອນການສັງຫານໝູ່, ທ່ານ ຫຼີ ໄດ້ເປັນນາຍົກລັດຖະມົນຕີຈົນຮອດປີ
1998, ເມື່ອທ່ານໄດ້ກາຍເປັນປະທານສະພາປະຊາຊົນແຫ່ງຊາດ ຈີນ. ທ່ານໄດ້
ອອກບຳນານຈາກການເມືອງໃນປີ 2002.