ລິ້ງ ສຳຫລັບເຂົ້າຫາ

logo-print

ການເກັບ​ລາຍ​ຮັບ​ ຈາກ​ພາສີ​ອາກອນ ຂອງ​​ເຂດ 5 ​ໃນ ​ສປປ ລາວ ຫຼຸດ​ລົງ​ໃນ​ປີ 2018


ກອງ​ປະຊຸມ​ສະພາ​ແຫ່ງ​ຊາດ​ຄັ້ງ​ທີ 3

ກອງ​ຄຸ້ມ​ຄອງ​ພາສີ​ເຂດ 5 ​ໄດ້​ຮັບ​ການ​ມອບ​ໝາຍ​ໃຫ້​ຈັດ​ເກັບ​ລາຍ​ຮັບ ​ຈາກ​ພາສີ​ອາກອນ​
ຕ່າງໆ ​ໃຫ້​ໄດ້​ຫຼາຍ​ກວ່າ 3 ພັນ 963 ຕື້​ກີບ ​ໃນປີ 2018 ​ແຕ່ກໍ​ເປັນ​ເປົ້າ​ໝາຍ​ທີ່​ຫຼຸດ​ລົງ​ຈາກ
​ປີ 2017 ກວ່າ 700 ຕື້​ກີບ ຊົງຣິດ ​ໂພນ​ເງິນ ​ມີ​ລາຍ​ງານ​ຈາກ​ບາງກອກ.

ທ່ານ​ສົມ​ເພັດ ສີ​ວົງ​ໄຊ ຮອງ​ຫົວໜ້າ​ກົມ​ພາສີ​ອາກອນ ກະຊວງ​ການ​ເງິນຢືນຢັນ​ວ່າ ກອງ ​
ຄຸ້ມຄອງ​ພາສີ​ເຂດ 5 ຊຶ່ງ​ມີ​ພື້ນທີ່​ຮັບຜິດຊອບ ໃນ​ເຂດ ​ແຂວງ​ວຽງ​ຈັນ ບໍລິ​ຄຳ​ໄຊ ​ໄຊ​ສົມ
ບູນ​ແລະ​ນະຄອນ​ວຽງ​ຈັນ​ນັ້ນ ​ໄດ້​ຮັບ​ການ​ມອບ​ໝາຍ​ໃຫ້​ຈັດ​ເກັບ​ລາຍ​ຮັບ​ຈາກ​ພາສີ​ອາ
ກອນ​ຕ່າງໆໃຫ້​ໄດ້​ຫຼາຍ​ກວ່າ 3 ພັນ 963 ຕື້​ກີບ ​ໃນຕະຫຼອດປີ 2018 ​ໂດຍ​ເຖິງແມ່ນ​ວ່າ​
ຈະ​ເປັນ​ເປົ້າ​ໝາຍ​ທີ່ຫຼຸດ​ລົງ​ຈາກ​ປີ 2017 ກວ່າ 700 ຕື້​ກີບ ກໍ​ຕາມ ​ແຕ່​ກໍ​ຍັງ​ຄື​ ເປັນ​ເປົ້າ​
ໝາຍ​ລາຍ​ຮັບທີ່​ສູງ​ພໍ​ສົມຄວນ ​ແລະ​ການ​ທີ່​ຈະ​ສາມາດ​ບັນ​ລຸ​ເປົ້າ​ໝາຍ​ດັ່ງກ່າວ​ໄດ້​ຢ່າງ
​ແທ້​ຈິງ ກໍ​ຈະຕ້ອງ​ໄດ້ຮັບ​ການ​ຮ່ວມ​ມື ທັງ​ຈາກ​ພະນັກງານ​ພາສີ​ແລະ​ບໍລິສັດ​ເອກກະ​ຊົນ​
ຜູ້​ເສຍ​ພາສີ​ອາການ​ຕ່າງໆ ຢ່າງ​ຄົບ​ຖ້ວນ​ຕາມ​ກົດໝາຍ​ດ້ວຍ ດັ່ງ​ທີ່ທ່ານ​ສົມ​ເພັດ​ໄດ້​ໃຫ້
ການ​ເນັ້ນ​ຢ້ຳວ່າ“ຕົວ​ເລກ​ ທີ່​ຈະ​ຕ້ອງ ໄດ້​ສູ້​ຊົນ​ຈັດ​ຕັ້ງ​ປະຕິບັດ ​ໃນ​ສົກ​ປີ 2018 ຖ້າ
​ທຽບ​ໃສ່​ຕົວ​ເລກ ​ໃນ​ປີຜ່ານມາ ກໍ​ເຫັນ​ວ່າ ມີ​ຄວາມ​ສູງ​ສົມຄວນ ​ແຕ່​ເຖິງ​ຢ່າງ​ໃດ​ກໍ​
ຕາມ ຕໍ່​ວຽກ​ງານ​ດັ່ງກ່າວ​ນີ້ທາງ​ກອງ​ຄຸ້ມ​ຄອງ​ພາສີ 5 ຂອງ​ພວກ​ເຮົາກໍ​ໄດ້​ພ້ອມ​ກັນ​
ຈັດ​ຕັ້ງວາງ​ແຜນ​ເພື່ອ​ຈະ​ຈັດ​ຕັ້ງ​ປະຕິບັດ​ວຽກ​ງານ​ໃຫ້​ສຳ​ເລັດ ​ໃນ​ສົກ​ປີ 2018 ນີ້ ​
ແຕ່ທັງ​ນັ້ນ​ທັງ​ນີ້ ມັນ​ຮຽກຮ້ອງ​ມາ​ເຖິງ​ຜູ້​ປະກອບ​ການ ພໍ່​ແມ່​ປະຊາຊົນ ທີ່​ຄ້າຂາຍ​
ນຳເຂົ້າ-​ສົ່ງ​ອອກ ຜ່ານ​ແດນ ນິຕິບຸກຄົນ ຫຼື​ບຸກຄົນ ກໍ​ຕ້ອງ​ໄດ້ຮ່ວມ​ກັນ​ຍົກ​ສະຖິຕິ
​ສູງຕໍ່​ກັບ​ການຈັດ​ຕັ້ງ​ປະຕິບັດ​ກົດໝາຍ​ ຫຼືລະບຽບ​ການນຳ​ກັນ.”

ສຳລັບ​ແຜນການ​ງົບປະມານ​ລາຍ​ຮັບ-ລາຍ​ຈ່າຍ ​ໃນ​ສົກ​ປີ 2018 ຂອງ​ລັດຖະບານ
​ລາວທີ່​ກອງ​ປະຊຸມສະ​ໄໝ​ສາມັນ​ຄັ້ງ​ທີ 4 ຂອງ​ສະພາ​ແຫ່ງ​ຊາດ​ລາວ ​ໄດ້​ລົງມະຕິ​ຮັບ
ຮອງ​ເອົາ​ຢ່າງ​ເປັນ​ທາງ​ການ ​ເມື່ອວັນ​ທີ 17 ພະ​ຈິກ 2017 ທີ່​ຜ່ານ​ມາ ​ໄດ້​ວາງ​ເປົ້າ​ໝາຍ
ໃນການຈັດເກັບ​ລາຍ​ຮັບ​ໃຫ້​ໄດ້ ​ໃນ​ມູນ​ຄ່າ​ 25 ພັນ 452 ຕື້​ກີບ ຄິດ​ເປັນ 17.02 ​ເປີ​ເຊັນ
ຂອງ​ຍອດ​ຜະລິດຕະພັນ​ຮວມພາຍ​ໃນ (GDP) ​ແລະ​ຈະ​ຕ້ອງຄຸມ​ລາຍ​ຈ່າຍ​ບໍ່​ໃຫ້​ເກີນ
32 ພັນ 809 ຕື້​ກີບ ຄິດ​ເປັນ 21.94 ​ເປີ​ເຊັນ ຂອງຍອດ​ຜະລິດຕະພັນຮວມພາຍ​ໃນ
(GDP) ດ້ວຍໃນ​ເວລາ​ດຽວ​ກັນ.

​ໂດຍ​ການຈັດ​ຕັ້ງ​ປະ​ຈິ​ບັດ​ໄດ້​ຕາມ​ແຜນການ​ດັ່ງກ່າວ ກໍ​ຈະ​ເຮັດ​ໃຫ້​ລັດຖະບານ​ລາວ
​ຂາດ​ດຸນ​ງົບປະມານ​ໃນ​ມູນ​ຄ່າ​ບໍ່​ເກີນ 7 ພັນ 357 ຕື້​ກີບ ຄິດ​ເປັນ 4.92 ​ເປີ​ເຊັນ ຂອງ
GDP ​ໃນ​ປີ 2018 ຊຶ່ງ​ຄາດ​ວ່າ ຈະ​ມີ​ມູນ​ຄ່າ​ຮວມ 149 ພັນ 471 ຕື້​ກີບ ຫຼື​ປະມານ 18
ພັນ 100 ລ້ານ​ໂດ​ລາ ຫາກ​ແຕ່​ວ່າ ​ໃນ​ແຜນການ​ປີ 2017 ຜ່ານ​ມາ ກໍ​ປາກົດ​ວ່າ​ລັດຖະ
ບານ​ລາວ​ຂາດດຸນ​ງົບປະມານ ​ໃນ​ມູນ​ຄ່າ​ຮວມ 8 ພັນ 019 ຕື້​ກີບ ຄິດ​ເປັນ 6.18 ​ເປີ​ເຊັນ
ຂອງ GDP ​ໂດຍ​ມີ​ລາຍ​ຈ່າຍ​ພາກ​ລັດ ​ໃນ​ມູນ​ຄ່າ 31 ພັນ 508 ຕື້​ກີບ ຄິດ​ເປັນ 97.24 ​
ເປີ​ເຊັນ ຂອງ​ແຜນການ​ປີ ຫາກແຕ່ວ່າ ລາຍ​ຈ່າຍ​ດັ່ງກ່າວ ກໍ​ຍັງ​ບໍ່​ຮວມ​ເຖິງ​ໜີ້​ສິນ​ທີ່​ລັດ
ຖະບານ​ໃຫ້​ຊຳລະ​ຄືນ​ໃນ​ທ້າຍ​ປີ 2017 ແຕ່​ຢ່າງ​ໃດ ໝາຍ​ຄວາມ​ວ່າ ລັດຖະບານ​ຍັງ
​ຕ້ອງ​ຈັດ​ຫາ​ງົບປະມານ​ອີກ​ເຖິງ 6 ພັນ 216 ຕື້​ກີບ ​ເພື່ອ​ຊຳລະ​ເງິນ​ກູ້ ​ແລະ​ພັນທະບັດ
ທັ​ງໃນ​ແລະ​ຕ່າງປະ​ເທດ ຈຶ່ງ​ເຮັດ​ໃຫ້​ລັດຖະບານ ລາວ​ຂາດ​ດຸນ​ງົບ​ປະມານ​ຕົວ​ຈິງ​ເຖິງ
10.97​ ເປີ​ເຊັນ ຂອງ GDP ນັ້ນ​ເອງ.

ທາງ​ດ້ານ​ທ່ານ​ສົມ​ດີ ສວງ​ດີ ຮອງ​ນາຍົກລັດຖະມົນຕີ​ແລະ​ລັດຖະມົນຕີວ່າການ​ກະຊວງ​
ການ​ເງິນ ກໍ​ຍອມຮັບ​ວ່າ ລັດຖະບານ​ລາວ ຈັດ​ເກັບ​ລາຍ​ຮັບ​ໄດ້ 95 ​ເປີ​ເຊັນ ຂອງ​ແຜນ
ການປີ 2017 ​ແລະ​ປະ​ຕິບັດ​ລາຍ​ຈ່າ​ຍ ​ໄດ້ 96.65 ​ເປີ​ເຊັນ ຂອງ​ແຜນການ​ປີ ​ໂດຍ​ລາຍ
ຮັບ​ທີ່ຫຼຸດລົງຫຼາຍ​ທີ່​ສຸດ ກໍ​ຄື​ຄ່າ​ສຳ​ປະທານ​ໃນ​ທຸລະ​ກິດ​ໂທລະ​ຄົມມະນາຄົມ ​ແລະ​ການ
ຂຸດ​ຄົ້ນແຮ່​ທາດ ​ໂດຍ​ສະ​ເພາະ​ເໝືອງ​ແຮ່​ຄຳ ຢູ່​ພູ​ເບ້ຍ​ແລະ​ບ້ານ​ຫ້ວຍຊາຍ ​ໃນ​ແຂວງ​
ໄຊ​ສົມບູນນັ້ນ ຍັງ​ຕ້ອງ​ປະ​ເຊີນ​ກັບ​ສະພາ​ວະ​ຂາດທຶນ ຮວມກັນເກີນກວ່າ 200 ຕື້​ກີບ
​ອີກ​ດ້ວຍ.

ສ່ວນ​ລາຍ​ຮັບ​ຈາກ​ຄ່າ​ສຳ​ປະທານ​ທຸລະ​ກິດໂທລະ​ຄົມມະນາຄົມ ທີ່​ຫຼຸດ​ລົງ​ນັ້ນ ກໍ​ເພາະວ່າ
​ໄດ້​ມີ​ການ​ໃຊ້​ບໍລິການໂທລະ​ຄົມມະນາຄົມ​ຫຼຸດ​ລົງ ໂດຍ​ປະຊາຊົນ​ລາວ​ແລະ​ບັນດາ​ຫົວໜ້າ
​ໜ່ວຍ​ທຸລະ​ກິດ​ຕ່າງໆ ​ໄດ້​ພາກັນ​ຫັນ​ໄປ​ຊົມ​ໃຊ້​ລະບົບ ​Line ແລະ Internet ທີ່​ບໍ່​ມີຄ່າ ​ໃຊ້
​ຈ່າຍ ຈຶ່ງ​ເຮັດ​ໃຫ້​ລາຍ​ຮັບ​ຂອງ​ລັດຖະບານ​ລາວ​ຫຼຸດ​ລົງ​ນັ້ນ​ເອງ.

ທາງ​ດ້ານ​ທະນາຄານ​ພັດທະນາ​ເອ​ເຊຍ (ADB) ກໍ​ຄາດ​ວ່າ​ເສດຖະກິດ​ລາວ ຈະ​ຂະຫຍາຍ
ຕົວ​ເພີ່ມ​ຂຶ້ນ 7 ​ເປີ​ເຊັນ ​ໃນ​ປີ 2018 ​ເມື່ອ​ທຽບ​ໃສ່​ປີ 2017 ຫາກ​ແຕ່​ລັດຖະບານ​ລາວ
ຍັງ​ຈະ​ຕ້ອງ​ປະ​ເຊີນ​ກັບ​ການ​ຂາດ​ດຸນ​ທາງ​ດ້ານ​ເງິນ​ທຶນ​ໝຸນວຽນ​ເຖິງ 20 ​ເປີ​ເຊັນ ຂອງ GPD ​ໂດຍ​ເພີ່ມ​ຂຶ້ນ​ຈາກ 19 ​ເປີ​ເຊັນ ຂອງ GPD ​ໃນປີ 2017 ທີ່​ຜ່ານ​ມາ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG