ມີທ່ານໝໍ ເພີ່ມຂຶ້ນເລື້ອຍໆ ທີ່ກຳລັງທຳງານ ເພື່ອຫາທາງ ຫັນປ່ຽນໂທລະສັບມືຖື ໃຫ້ກາຍເປັນເຄືອງມື ທີ່ມີປະສິດຜົນ ສູງສຸດສຳລັບການຮັກສາໃນຂັ້ນຕົ້ນ. ແອັບການອອກກຳລັງກາຍ ແລະ ແອັບສຳລັບການນັບພະລັງງານຂອງອາຫານ ແມ່ນໄດ້ແຜ້ວທາງໃຫ້ແລ້ວ. ແຕ່ໃນໄວໆນີ້ ຈະມີ ແອັບກວດຮ່າງກາຍ ອອກມາສູ່ໂທລະສັບຂອງທ່ານ ທີ່ສາມາດວິນິດໄສ ທຸກສິ່ງທຸກຢ່າງ ຈາກໂຣກເບົາຫວານ ຈົນເຖິງ ໂຣກມະເຮັງ. ນັກຂ່າວຂອງວີໂອເອ Kevin Enochs ມີລາຍງານເລື່ອງນີ້ ຊຶ່ງພຸດທະສອນ ຈະນຳມາສະເໜີທ່ານ ເປັນພາສາລາວ ໃນອັນດັບຕໍ່ໄປ.