ລິ້ງ ສຳຫລັບເຂົ້າຫາ

logo-print

ສະຖານທູດ ສປປ ລາວ ປະຈຳ ນະຄອນຫຼວງ ວໍຊິງຕັນ ດີ.ຊີ. ສະຫຼອງ ວັນຊາດ ທີ 2 ທັນວາ


ພະນະທ່ານ ເອກອັກຄະລັດຖະທູດ ສປປ ລາວ ໄມ ໄຊຍະວົງ ກຳລັງກ່າວເປີດພິທີ ຢູ່ໂຮງແຮມ W Marriott Wardman ໃນ ນະຄອນຫລວງ ວໍຊິງຕັນ ດີ.ຊີ ວັນສຸກ ທີ 4 ທັນວາ.

​ໃນ​ລາຍການ​ຊີວິດ​ຊາວ​ລາວວັນພ​ະຫັດ​ມື້​ນີ້ ​ເຮົາຈະ​ນຳ​ເອົາ​
ລາຍງານ ກ່ຽວກັບ​ພິທີ ສະຫລອງ​ວັນຊາດ ຄົບຮອບ 40 ປີ
ການ​ສະຖາປະນາ ສປປ ລາວ ທີ 2 ທັນວາ ຊຶ່ງ​ປີ​ນີ້​ ໄດ້​ຈັດ
​ຂື້ນໃນ​ວັນ​ສຸກທີ 4 ປີ 2015 ຢູ່​ທີ່ ​ໂຮງ​ແຮມ Washington
Marriott Wardman ທີ່​ນະຄອນຫລວງ ວໍ​ຊິງ​ຕັນ. ຢູ່​ໃນ​ພິ
ທີ່​ດັ່ງກ່າວ​ນີ້ມີບັນດາ​ນັກ​ການ​ທູດ ​ຜູ້​ແທນ​ສະພາ​ ເຈົ້າ​ໜ້າ​ທີ່​ກະຊວງ​ຕ່າງປະ​ເທດສະຫະ
ລັດ ແລະສະມາຊິກ​ສັງຄົມລາວ-ອາ​ເມຣິກັນຈຳນວນ​ໜຶ່ງ ​ເຂົ້າ​ຮວມຊຶ່ງ ກິ່ງ​ສະຫວັນ ຈະ​
ນຳ​ມາ ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ສະບາຍດີ ທ່ານ​ຜູ້​ຟັງ​ທີ່​ເຄົາລົບ ວັນ​ທີ 2 ທັນວາ ​ທີ່​ຜ່ານ​ມານີ້ ສະຖານ​ເອກ​ອັກຄະ​ລັດຖະ
ທູດ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ປະຈຳ ​ສະຫະລັດ ອາ​ເມຣິກາ
ກາ​ນາ​ດາ ​ແລະເມັກຊິ​ໂກ ​ໄດ້​ຈັດ​ພິທີ່ ​ສ​ະ​ເຫລີ​ມສະຫລອງ ​ວັນ​ສະຖາປະນາ ສາທາລະນະ​
ລັດ ປະຊາ​ທິປະ​ໄຕ ປະຊາຊົນ​ລາວ ຫລື ສປປ ລາວ ຄົບຮອບ 40 ປີ ​ແລະ 60 ປີ ແຫ່ງ
ການສ້າງຕັ້ງ ສາຍສຳພັນທາງ​ການ​ທູດ ລະຫວ່າງ ລາວ-ສະຫະລັດ. ​ໃນ​ວັນ​ດັ່ງກ່າວ​ນີ້ ປະທາ​ນາ​ມທິບໍດີ Barack Obama ​ໄດ້​ສົ່ງ​ສານອວຍພອນ ເຖິງປະທານ​ປະ​ເທດ ພະນະທ່ານ​ ຈູມ​ມະ​ລີ ​ໄຊ​ຍະ​ສອນ ພ້ອມ​ດ້ວຍ​ປະ​ຊາຊົນລາວ. ນອກຈາກ​ນັ້ນແລ້ວ ລັດຖະມົນຕີຕ່າງປະ​ເທດ ສະຫະລັດ ພະນະທ່ານ Jonh Kerry ກໍ​ໄດ້ສົ່ງ​ສານ​ເຖິງ ຜູ້ນຳ​ປະ​ເທດ​ລາວແລະ​ປະຊາຊົນລາວ​ ເຊັ່ນກັນ. ພະນະທ່ານ Kerry ​ໄດ້ກ່າວຕອນສຳຄັນ​ວ່າ :

ລັດຖະມົນຕີ ຕ່າງປະເທດ ສະຫະລັດ ພະນະທ່ານ John Kerry
ລັດຖະມົນຕີ ຕ່າງປະເທດ ສະຫະລັດ ພະນະທ່ານ John Kerry

ປີ​ນີ້​ເປັນ​ຂີດ ໝາຍຄົບຮອບ 40 ປີ​ ​ໃນ​ການ​ສ້າງ​ຕັ້ງ ສາທາລະ
ນະ​ລັດປະ ຊາທິປະໄຕປະຊາຊົ​ນລາ​ວ ​ແລະ
ຄົບຮອບ 60 ປີ
ຂອງ​ສາຍສຳພັນ​ດ້ານ​ການ​ທູດລະຫວ່າງ ສະຫະລັດ ​ກັບປະ
​ເທດ​ລາວ
. ໃນ​ລະດັບ​ການ​ພົວພັນໃນ​ປັດຈຸບັນ​ນີ້ ກ່ຽວ​ກັບ​
ດ້ານສາທາລະ​ນະສຸກ ສິ່ງ​ແວດ​ລ້ອມ ພະລັງງານ ​ແລະ​ກາ​ນ
ສຶກສາ ການ​ຮ່ວມມື​ ​ແມ່ນ​ໜັກ​ແໜ້ນຂຶ້​ນກວ່າ​ເກົ່າ ​ແບບ​ບໍ່​
ເຄີ​ຍ​ມີ​ມາ​ກ່ອນ
. ສະຫະລັດ ຈະ​ສືບ​ຕໍ່ດຳ​ເນີນ​ງານ​ຮ່ວມ​ກັບ
ປະ​ຊາ​ຊົນ​ລາວ ກ່ຽວ​ກັບ​ບັນຫາຕ່າງໆ​ທີ່​ໄດ້​ມີມາແລ້ວ ພ້ອມ​ທັງ​ເບິ່ງ​ໄປ​ໜ້າ​ກ່ຽວ​ກັບ​ໂອກາດ​ໃໝ່ໆເພື່ອ​ເສີມ​ຂະຫຍາຍ ການ​ເປັນ​ພາຄີກັນ​. ໃນ​ຖານະ​ທີ່ເປັນ​ປະທານ​ຂອງອາ​ຊຽນ​ໃນປີໜ້​ານີ້ ປະ​ເທດ​ລາວ ຈະ​ມີ​ບົດບາດ​ທີ່​ສຳຄັນ​ ໃນ​
ກາ​ນນຳພາຂົງ​ເຂດ ເພື່ອ​ຮັກສາໄວ້ ​ຊຶ່ງສັນຕິພາບ ແລະ ​ຄວາ​ມໝັ້ນຄົງ ​ແລະ​ສົ່ງ​ເສີມ​ໃຫ້​ມີ​ຄວາ​ມວັດທະ
ນາ​ຖາວອນ
.”

ປີ​ນີ້ ​ເປັນ​ເທື່ອ​ທຳ​ອິດ​ ທີ່ສະຖານທູດ ສປປ ລາວ ​ໄດ້​ຈັດຂຶ້ນໃນ ວັນ​ສຸກ ທີ 4 ທັນວາ ເລີ້ມ
ແຕ່​ເວລາ 6:00 ຫາ 8:00 ​ໂມງ​ແລງ ​ທີ່ ​ໂຮງ​ແຮມ Washington Marriott Wardman
ໃນ ນະຄອນຫລວງ ວໍ​ຊິງ​ຕັນ ດີ.​ຊີ. ຢູ່​ໃນພິທີ​ດັ່ງກ່າວມີ ບັນດາ​ນັກ​ການ​ທູດ​ພົນລະ​ເຮືອນ
ນັກ​ການ​ທູດ​ທະຫານ ​ເຈົ້າໜ້າ​ທີ່ລັດຖະ​ບານກາງ ​ແລະ​ສະມາຊິກ​ປະຊາ​ຄົມ​ລາວ-​ອາ​ເມ
ຣິກັນ ຈຳນວນ​ໜຶ່ງ​ເຂົ້າ​ຮ່ວມ. ​

ພິທີ​ໄດ້​ເປີດຂຶ້ນ ​ໂດຍ​ການຄຳນັບເພງ​ຊາດ​ລາວ ​ແລະ​ອາ​ເມຣິກັນ ຫລັງ​ຈາກ​ນັ້ນ ພະນະ​
ທ່ານ ເອກ​ອັກຄະ​ລັດຖະທູດ ສປປ ລາວ ຜູ້​ມີ​ອຳນາ​ດເຕັມ ໄມ ​ໄຊ​ຍະ​ວົງ ​ກໍໄດ້​ກ່າວ
​ເປີ​ດພິທີເປັນ​ພາສາ​ອັງກິດ :

ພະນະທ່ານ ເອກອັກຄະລັດຖະທູດ ໄມ ໄຊຍະວົງ ພ້ອມດ້ວຍເຈົ້າໜ້າທີ່ ສະຖານທູດ ສປປ ລາວ
ພະນະທ່ານ ເອກອັກຄະລັດຖະທູດ ໄມ ໄຊຍະວົງ ພ້ອມດ້ວຍເຈົ້າໜ້າທີ່ ສະຖານທູດ ສປປ ລາວ

ພະ​ນະທ່ານ ​ໄມ ໄດ້ເນັ້ນ​ໜັກ​ເຖິງຄວາມໝາຍ ຄວາມ​ສຳຄັນ​ຂອງ ທີ 2 ທັນວາ ວ່າ :
ປະຊາ​ຊົນ​ລາວ ບັນດາ​ເຜົ່າ​ມີ​ຄວາມ​ພາກພູມ​ທະ​ນົງ​ໃຈ ​ໃນ​ຄວາມ​ເປັນ​ເຈົ້າ​ຂອງ​ປະ​
ເທດ​ຊາດ​ບ້ານ​ເມືອງ ​ຜົນສຳ​ເລັດ ​ໃນ​ການ​ພັດທະນາ​ເສດ​ຖິດ ສັງຄົມ​ຂອງ ສປປ ລາວ ຕະຫລອດ​ລະຍະ 40 ປິ​ຜ່າ​ນມາ​ໃນ​ແຕ່ລະ​ດ້ານ​ເຊັ່ນ ການ​ຍົກ​ສູງຊີວິດ​ການ​ເປັນ​ຢູ່ຂອງ​
ປະ​ຊາຊົນ ການ​ພັດທະນາ ການ​ສຶກສາ ສາທາລະນະສຸກ ພື້ນຖານ​ໂຄງ​ລ່າງ ​ແລະ​ການ
ຫລຸດຜ່ອນ​ຄວາມທຸກ​ຍາກ. ​ໃນ​ປີ 2016 ນີ້ ສປປ ລາວ​ ​ຈະໄດ້​ຮັບ​ກຽດເປັນ​ເຈົ້າພາບ
ຈັດ​ກອງ​ປະຊຸມ​ອາຊຽນ ​ແລະ ກອງ​ປະຊຸມ​ອາຊຽນທີ່​ກ່ຽວຂ້ອງ​ຕ່າງໆນັ້ນ ຖື​ເປັນ​ສິ່ງ​ທ້າ​
ທາຍຕໍ່ ສປປ ລາວ ພາຍຫລັງ​ທີ່ໄດ້​ປະກາດ ການ​ສ້າງ​ຕັ້ງ​ເປັນ​ ສະມາ​ຄົມ​ເສດຖະກິດ​
ອາ​ຊຽນ​ໃນ​ປີ 2015.

ພະນະທ່ານ​ທູດ​ ໄມໄຊ​ຍະ​ວົງ ​ໄດ້​ຖືໂອກາດ​ສຳຄັນ​ດັ່ງ​ກ່າວ​ນີ້ ສະ​ແດງຄວາມ​ຊົມ​ເຊີຍ ຕໍ່​ການ​ຮ່ວມມືສອງ​ຝ່າຍ ລະຫວ່າງ ສປປ ລາວ ​ກັບ ສະຫະລັດ ອາ​ເມຣິກາ ຄົບຮອບ 60 ປີ ​ເຊິ່ງເຫັນ​ວ່າ​ມີ​ຄວາມ​ຄືບ​ໜ້າ ​ແລະ​ຂະ​ຫຍາ​ຍຕົວ​ຂື້​ນ​ເລື້ອຍໆ.”

ແຂກ​ກິດ​ຕິມາ​ສັກ ທີ່​ໄດ້​ຂຶ້ນ​ກ່າວ​ຄົນ​ຕໍ່​ໄປ​ກໍ​ຄື ທ່ານ​ນາງ Betty McCollum ຜູ້ແທນ​ສະພາ
ຕໍ່າ ​ຈາກ ພັກ​ເດ​ໂມ​ແຄຣັດ ຈາກ​ລັດ Minnesota. ທ່ານ​ນາງ​ໄດ້​ກ່າວ​ຕອນ​ສຳຄັນ​ດັ່ງ​ນີ້ :

ທ່ານນາງ Betty Collum ຜູ້ແທນສະພາຕໍ່າ ຈາກລັດ Minnesota.
ທ່ານນາງ Betty Collum ຜູ້ແທນສະພາຕໍ່າ ຈາກລັດ Minnesota.

"ຂ້າພະ​ເຈົ້າຂໍ​ຖືເປັນ​ກຽດ​ອັນ​ສູງ ທີ່​ໄດ້​ມາຮ່ວມສະຫລອງ​ ວັນ​ຄົບຮອບ 40 ປີ​ຂອງ​
ການ​ສະຖາປະນາ ສປປ ລາວ ​ແລະ​ຄົບຮອບ 60 ປີ​ສາຍສຳ​ພັນ​ການ​ທູດ ລະຫວ່າງ​
ສະຫະລັດ ​ແລະ ສປປ ລາວ. ຂ້າພະ​ເຈົ້າ ​ຂໍ​ຊຸກຍູ້​ສາຍສຳພັນ​ຂອງ​ເຮົາຢ່າງ​ສຸດ​ຊຶ້ງ
ໃຫ້ບ້ານ​ຂອງ​ຂ້າພະ​ເຈົ້າ ​ທີ່​ລັດ Minnesota ບ່ອນ​ທີ່ຊາວ​ມົ້ງ ​ແລະ​ລາວ-ອາ​ເມຣິ
ກັນ ຫລາຍພັນຄົນຕັ້ງ
ຖິ່ນຖານຢູ່.

​ໃນ​ລະຍະ 15 ປີ​ຂອງ​ການ​ເປັນ​ຜູ້​ແທນ​ສະພານີ້ ຂ້າພ​ະ​ເຈົ້າ​ໄດ້​ເອົາ​ບາດ ກ້າວ​ອັນ​ສຳ
ຄັນ​ໃນ​ສາຍ​ພົວພັນ. ຂ້າພະ​ເຈົ້າ ​ໄດ້​ໃຫ້ການ​ສະໜັບ​ສະ​ໜູນ​ແລກປ່ຽນ​ການ​ຄ້າ​ໃຫ້
ເປັນ​ປົກກະຕິ ​ໃນ​ຂະນະ​ທີ່​ຫລາຍໆ​ຄົນ​ບໍ່ລົງລອຍກັນ​ໃນ​ເລື້ອງທີ່​ຜ່າ​ມມາ ​ແທນ​ທີ່​
ຈະ​ເຮັດ​ວຽກ​ຮ່ວມກັນ​ເພື່ອ​ສ້າງສາ ອະນາຄົດ. ຂ້າພະ​ເຈົ້າ ​ໃຫ້ການ​ສະໜັບສະໜູນ​
ດ້ານ​ເງິນ​ທຶນ ຢູ່​ຕະຫລອດເພື່ອ​ເກັບ​ກູ້​ລະ​ເບີດ​ທີ່​ບໍ່​ມັນ​ແຕກ UXO ທີ່​ຮ້າຍ​ແຮງ​ເປັນ
​ອັນຕະລາຍ​ຕົກທອດມາສູ່ປະຊາຊົນ​ລາວ​ຢູ່​ໃນ​ທຸກ​ວັນ​ນີ້. ​ໃນ​ປີ 2006 ຂ້າພະ​ເຈົ້າ

ໄດ້ມີ​ໂອກາດ ​ສະຫລອງ​ວັນ​ຄຣິສມັສ ຢູ່​ເ​ມື​ອງລາວ ປະ​ເທດ​ທີ່​ງົດ​ງາມ​. ພະນະ​ທ່ານ​
ເອກ​ອັກຄະ​ລັດຖະທູດ ຂ້າພະ​ເຈົ້າ​ຢາກ​ຂໍແຈ້ງໃຫ້​ທ່ານ​ຊາບວ່າ ຂ້າພະ​ເຈົ້າ ຈະເຮັດ​

ຢ່າງ​ໃກ້ຊິດຮ່ວມກັນ ​ໃນບັນຫາ​ຕ່າງໆ​ດ້ານ​ພັດທະນາ​ເສດຖະກິດ ສິດທິ​ມະນຸດ ການ​ພັດທະນາ​ສັງຄົມ ພ້ອມ​ດ້ວຍ​ບັນດາຊາ​ວໜຸ່ມແມ່ຍິງ​ໃຫ້ໄດ້​ຢູ່​ຢ່າ​ງມີ​ຄວາມ​ສຸກກັບ
​ຊີວິດ."

​ຫລັງ ​ຈາກ​ນັ້ນ ພະນະທ່ານ Daniel Russel ລັດຖະມົນຕີ​ຊ່ວ​ຍວ່າການ ຕ່າງປະ​ເທດ ສະຫະລັດ ກໍໄດ້​ຂື້ນ​ມາ​ກ່າວ ອັນ​ມີ​ຕອນ​ສຳຄັນ​ດັ່ງ​ນີ້:

ພະນະທ່ານ Daniel Russel ຮອງລັດຖະມົນຕີ ຊ່ວຍວ່າການ ຕ່າງປະເທດ ສະຫະລັດ
ພະນະທ່ານ Daniel Russel ຮອງລັດຖະມົນຕີ ຊ່ວຍວ່າການ ຕ່າງປະເທດ ສະຫະລັດ




"ສາຍສຳພັນ​ ລະຫວ່າງ ລາວ ​ກັບ ສະຫະລັດ ​ໄດ້​ຈະ​ເລີ​ນ​ເຕີບໂຕຂື້ນ​ຢ່າງ​ວ່ອງໄວ ທີ່
ບໍ່ມີ​ມາ​ກ່ອນ ພວ​ກ​ເຮົາ​ໄດ້​ພົວພັນ ​ເປັນ​ຄູ່
ຮວມມືຢູ່​ໃນ​ຫລາຍໆ​ລະດັບ ດ້ານ​ສຸຂະພາບ ພະລັງງານການ​ສຶກສາ ກົດໝາຍ​ແລະ​ສັນຕິ​ບານ ການ​ປາບ​ປາມ​ຢາ​ເສບຕິດ ​ແລກ
ປ່ຽນ​ການຄ້າ ​ການ​ລົງທຶນ ​ແລະ​ການ​ປະຕິ​ຮູບ​ບໍລິສັດ​ຕ່າງໆ. ປີ 2015 ​ໄດ້​ເປັນ​ປີ​ທີ່​ຍິ່ງ​ໃຫຍ່​ໃນ​ການ​ເປັນ​ເພື່ອນ​ຮວມງານ ລະດູ​ຮ້ອນ​ທີ່ຜ່ານ​ມາ​ນີ້ ​ເຮົາ​ໄດ້​ມີ​ບັນດາ​ນັກຮຽນ​ພາກັນ​ມາຢ້ຽມຢາມພາຍ​ໃຕ້​ໂຄງການ​ແລ​ກ ປ່ຽນພັດທະນາ​ອາ​ຊຽນ ​ແລະປະທານາ
ທິບໍດີ​ຂອງ​ພວກ​ເຮົາ​ທັງ​ສອງ ​ໄດ້​ພົບ​ພໍ້​ສົນທະນາກັນ​ໃນ​ຫົວ​ຂໍ້​ທີ່​ສຳຄັນ ທີ່​ຈະ​ນຳ​ໄປ​ສູ່​ກອງ​ປະຊຸມ​ອາ​ຊຽນຢູ່​ໃນ ສປປ ລາວ​.
"

ພະນະທ່ານ Ben Rhodes ທີ່ປຶກສາຄວາມໝັ້ນຄົງ ແຫ່ງຊາດ ປະຈຳ ທຳນຽບຂາວ
ພະນະທ່ານ Ben Rhodes ທີ່ປຶກສາຄວາມໝັ້ນຄົງ ແຫ່ງຊາດ ປະຈຳ ທຳນຽບຂາວ

ພະນະທ່ານ Ben Rhodes ທີ່​ປຶກສາ​ດ້ານ​ຄວາມໝັ້ນ ຄົງ​ແຫ່ງ​ຊາດ
ປະ​ຈຳ​ທຳນຽບຂາວ ໄດ້​ກັບມາຈາກການເດີນທາງ​ໄປ​ຢ້ຽມຢາມ
ສປປ ລາວ ເພື່ອວາງ​ແຜນ​ກ່ຽວ​ກັບ​ກອງ​ປະຊຸມ​ອາ​ຊຽນ ທີ່ ສປປ
ລາວ ໃນປີໜ້ານີ້ ກໍ​ໄດ້​ກ່າວເພີ້​ມ​ເຕີມ​ເລັກ​ນ້ອຍ.

ບັນດາເອກອັກຄະລັດຖະທູດ ຜູ້ແທນສະພາ ແລະເຈົ້າໜ້າທີ່ ກະຊວງຕ່າງປະເທດ ສະຫະລັດ

ບັນດານັກການທູດທະຫານຈາກເຂດເອເຊຍ ທີ່ເປັນປະເທດເພື່ອນບ້ານ ສປປ ລາວ

ໃນຕອນແລງວັນເສົາຕໍ່ມາ ຢູ່ທີ່ສະຖານທູດ ສປປ ລາວ ກໍໄດ້ມີການກິນລ້ຽງສັງສັນ ໂດຍ ມີສະມາຊິກ ສັງຄົມລາວ-ອາເມຣິກັນ ຈຳນນວນໜຶ່ງເຂົ້າຮ່ວມຢ່າງສະໜຸກສະໜານ. ພະນະທ່ານ ເອກອັກຄະລັດຖະທູດ ໄມ ໄຊຍະວົງ ໄດ້ກ່າວຕ້ອນຮັບ ບັນດາແຂກທີ່ໄດ້ ເຂົ້າຮ່ວມດັ່ງນີ້ :

ພະນະທ່ານ ເອກອັກຄະລັດຖະທູດ ໄມ ແລະພັນລະຍາ ຍານາງ ສຸມາລີ
ພະນະທ່ານ ເອກອັກຄະລັດຖະທູດ ໄມ ແລະພັນລະຍາ ຍານາງ ສຸມາລີ

ພິທີ​ໄດ້ເສັດ​ສີ້​ນລົງ​ດ້ວຍ​ການ​ດື່ມ ​ແລະ​ຮັບ​ປະທານ​ອາຫານ ຢ່າງ​ເປັນ​ລະບຽບ​ຮຽບຮ້ອຍ ​ແລະ​ສະງ່າ​ງາມ​ດີ.

ເບິ່ງຄວາມເຫັນ (9)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG