ລິ້ງ ສຳຫລັບເຂົ້າຫາ

ສະຫະລັດ​ ​​ຈັບ​ກຸມ ​​ຜູ້​ຕ້ອງ​ສົງ​ໄສ ​ໃນຄະດີສົ່ງຈົດໝາຍ ບັນຈຸສານພິດ


ສະມາຊິກ​ສະພາ​ສູງ ທ່ານ Roger Wicker
ຄະນະສືບສວນ​ສະຫະລັດ​ກ່າວ​ວ່າ ​ຜູ້​ຕ້ອງ​ສົງ​ໄສ​ຄົນ​ນຶ່ງໃນ​ລັດ Mississippi ພາກ​ໃຕ້ ຂອງ​ສະຫະລັດ ​ໄດ້​ຖືກ​ຈັບ​ກຸມ ​ທີ່​ກ່ຽວຂ້ອງກັບ​ການ​ສົ່ງ​ຈົດໝາຍ​ທີ່​ມີ​ສານ​ພິດ​ເຖິງ​ປະທານາທິບໍດີ Barrack Obama.

ກົມ​ສືບສວນ​ກາງ​ສະຫະລັດ ຫຼື FBI ​ກ່າວ​ວ່າ ຜູ້​ຕ້ອງ​ສົງ​ໄສ ທ້າວ Paul Kevin Curtis ​ໄດ້​ຖືກ​ຈັບ​ກຸມ ​ໃນ​ວັນ​ພຸດ​ວານ​ນີ້ ​ຢູ່​ເມືອງ Corinth. ທາງ​ເຈົ້າ​ໜ້າ​ທີ່​ສືບ​ສວນ​ບໍ່​ໄດ້​ໃຫ້​ລາຍ​ ລະອຽດ​ເພີ່ມ​ຕື່ມ​ແຕ່​ຢ່າງ​ໃດ.

ແຕ່​ ລາຍ​ງານແຈ້ງຂ່າ​ວລັບຂອງ FBI ທີ່​ພວກ​ນັກ​ຂ່າວ​ໄດ້ຮູ້​ເຫັນ​ນັ້ນ​ ກ່າວວ່າ ຈົດໝາຍ​ລົງວັນ​ທີ 8 ​ເມສາ ຂອງຜູ້​ຕ້ອງ​ສົງ​ໄສ​ ​ທີ່​ສົ່ງ​ເຖິງ​ທ່ານ Obama ​ແລະສະບັບ​ທີ 2 ທີ່​ສົ່ງ​ເຖິງສະມາຊິກ​ສະພາ​ສູງ ທ່ານ Roger Wicker ນັ້ນ​ແມ່ນ​ໄດ້​ຈໍ້າ​ກາ​ສົ່ງ​ມາຈາກ​ເມືອງ Memphis ລັດ Tennessee ທີ່​ມີບາງ​ຂໍ້ຄວາມ​ ທີ່​ຄື​ກັນ.

ໃນ​ການກວດ​ເບິ່ງ​ຂັ້ນ​ຕົ້ນນັ້ນ ຈົດໝາຍທັງ 2 ສະບັບ ​ໄດ້​ຖືກພົບ​ເຫັນ​ວ່າ ​ບັນ​ຈຸ​ສານ Ricin ​ຊຶ່ງ​ເປັນສານ​ພິດ​ທີ່​ຮ້າຍແຮງ​ເຖິງ​ຕາຍ ເຖິງ​ແມ່ນນ​ມີ​ປະລິມານ​ນ້ອຍໆເທົ່າ​ກັບ​ເມັດ​ເກືອ ກໍ​ຕາມ.

ຄະນະເຈົ້າ​ໜ້າ​ທີ່​ສືບ​ສວນກ່າວ​ວ່າ ຈົດໝາຍທັງ 2 ສະບັບ​ ​ໄດ້​ຖືກ​ກວດ​ແລະ​ກັກ​ໄວ້​ໄດ້​ໃນ​ຕຶກ​ສົ່ງ​ຈົດໝາຍທີ່​ຫ່າງ​ຈາກ​ທໍານຽບຂາວ​ແລະ​ລັດຖະສະພາ ​ແລະ​ຜົນ​ທີ່​ຕາມ​ມາ​ນັ້ນ​ແມ່ນ​ວ່າ ທັງ​ປະທານາທິບໍດີ​ແລະ ສະມາຊິກ​ສະພາ​ສູງນັ້ນ​ແມ່ນ​ບໍ່​ໄດ້​ຮັບອັນຕະລາຍ​ໃດໆ​ທັງ​ສິ້ນ.

XS
SM
MD
LG