ສະພາກາ​ແດງ ​ເກັບກູ້​ ຊາກ​ສົບ ຢູ່​​​ເມືອງອາເລັບໂປ ຂອງຊີເຣຍ (ສະໄລດ໌)

ການ​ຕໍ່ສູ້​ກັນ​ໄດ້ຢຸດ​ສະ​ງັກລົງເປັນ​ເວລາ​ສັ້ນໆ ໃນເຂດ​ນຶ່ງ​ຂອງ​
ເມືອງ Aleppo ​ຂອງ​ຊີ​ເຣຍ ໃນ​ວັນ​ອັງຄານ​ວານ​ນີ້ ​ເພື່ອ​ໃຫ້​ບັນ
ດາ​ເຈົ້າ​ໜ້າ​ທີ່ສະພາກາ​ແດງ ​ໄດ້ເຂົ້າໄປ​ກູ້​ເອົາຊາກ​ສົບ​ທີ່​ເນົ່າ​
ເໝັນ ທີ່​ຢາຍ​ຊະຊາຍ​ຢູ່ຕາມ​ທ້ອງ​ຖະໜົນ​ນັ້ນ ອອກ​ມາ.
​
ເຈົ້າ​ໜ້າ​ທີ່​ກ່າວ​ວ່າ ​ໄດ້​ມີການ​ກູ້​ເອົາ​ 31 ຊາກ​ສົບ ຢູ່​ໃນເຂດ​ຄຸ້ມ​ al-Sakhour ຊຶ່ງ​ສ່ວນ​ໃຫຍ່​ຂອງ​ພວກ​ເຄາະ​ຮ້າຍ ທີ່​ມີ​ຮວມທັງພວກ​ເດັກນ້ອຍນັ້ນ ​ແມ່ນ​ໄດ້
​ຖືກ​ສັງຫານໂດຍພວກ​ດັກ​ຍິງ ​ແຕ່​ວ່າ​ຍັງ​ບໍ່​ມີ​ຜູ້ໃດ​ສາມາດ​ເຂົ້າ​ໄປ​ເກັບເອົາຊາກ​ສົບເຫຼົ່ານັ້ນ ​
ຍ້ອນມີ​ການ​ສູ້​ລົບ​ແລະ​ມີ​ການ​ຍິງ​ປືນ​ໃສ່ກັນ​ຢ່າງ​ຕໍ່​ເນື່ອງ ​ຈາກ​ທັງຝ່າຍທະຫານຊີ​ເຣຍ​ແລະ​ພວກ​ຕໍ່ຕ້ານ ຊຶ່ງ​ຊາກ​ສົບ ​ຈໍ​ານວນ​ນຶ່ງ ແມ່ນ​ຖືກ​ປະ​ຖີ້ມ​ໄວ້ ຫລາຍໆ​ເດືອນ​ແລ້ວ.

ພາບຄວາມເສຍຫາຍ ຫລ້າສຸດ ຈາກການສູ້ລົບກັນ ໃນຊີເຣຍ:


ກ່ອນ​ໜ້ານັ້ນ ປະທານາທິບໍດີ ຊີ​ເຣຍ ທ່ານ Bashar ​ໄດ້​ປະກາດ ​ໃຫ້ການ​ນີລະ​ໂທດ​ກໍາ​ທົ່ວ​ໄປ ​ແກ່​ພວກ​ທີ່​ໄດ້​ກະທໍາຄວາມ​ຜິດ ກ່ອນໜ້າ​ວັນ​ອັງຄານ​ວານ​ນີ້ ຊຶ່ງ​ຄໍາ​ສັ່ງ​ດັ່ງກ່າວ​ມີ​ຂຶ້ນ ​ນຶ່ງ​ມື້ກ່ອນ​ວັນ​ສະຫຼອງ​ວັນ​ເອກ​ກະລາດ​ຂອງ​ຊີ​ເຣຍ.

ປະທານາທິບໍດີ ທ່ານ Bashar ​ໄດ້​ອອກ​ດໍາລັດໃຫ້​ອະ​ໄພຍະ​ໂທດແບບ​ຄ້າຍໆ​ກັນ​ນີ້ ຫລາຍໆ​ເທື່ອ​ແລ້ວ ໃນ​ໄລຍະສອງ​ປີ​ຜ່ານ​ມານີ້.