ລິ້ງ ສຳຫລັບເຂົ້າຫາ

ກຸ່ມປົກປ້ອງສິດທິມະນຸດ ກ່າວວ່າ ບັງກລາແດັສຍັງຈໍາກັດ ການເຂົ້າໄປຊ່ວຍເຫລືອ ອົບພະຍົບໂຣຮິງຢາ


ສະມາຊິກຂອງຕໍາຫລວດຊາຍແດນຂອງ ບັງກລາແດັສ ຜູ້ນຶ່ງ ປອບໃຈຊາວ ໂຣຮິງຢາ ທີ່ໜີຈາກມຽນມາ ແລະຖືກຈັບ ໃນຂະນະທີ່ພະຍາຍາມຫລົບໜີເຂົ້າມາໃນບັງກລາແດັສ ໃນເມືອງ Teknaf ໃນວັນທີ 18 ມິຖຸນາ, 2012.
ກຸ່ມປົກປ້ອງສິດທິມະນຸດ Human Rights Watch ເວົ້າວ່າ
ການທີ່ບັງກລາແດັສຈໍາກັດຮັດແຄບການເຄື່ອນໄຫວຂອງ
ບັນດາອົງການຊ່ວຍເຫລືອນາໆຊາດນັ້ນ ມີສ່ວນເຮັດໃຫ້ການ
ຊ່ວຍເຫຼືອສຸກເສີນທາງດ້ານມະນຸດສະທໍາຕໍ່ຊາວມຸສລິມໂຣ
ຮິງຢາ ທີ່ໄດ້ຫຼົບໜີຈາກເຫດການຄວາມຮຸນແຮງທາງສາສະ
ໜາຢູ່ໃນມຽນມານັ້ນ ຊຸມໂຊມລົງຕື່ມ.

ໃນເດືອນແລ້ວ ບັງກລາແດັສໄດ້ສັ່ງໃຫ້ອົງການກຸສົນ 3 ກຸ່ມ
ເຊົາໃຫ້ການຊ່ວຍເຫລືອຕໍ່ຊາວໂຣຮິງຢາ ຍ້ອນບັງກລາແດັສ
ອ້າງວ່າ ອົງການກຸສົນເຫຼົ່ານີ້ ຊຸກຍູ້ໃຫ້ມີພວກອົບພະຍົບຂ້າມ ຊາຍແດນເຂົ້າໄປໃນບັງກລາແດັສເພີ້ມຂຶ້ນ.

ອົງການແພດບໍ່ມີພົມແດນ, ອົງການເຄື່ອນໄຫວຕ້ານຄວາມອຶດຫີວ
ແລະອົງການຊ່ວຍເຫລືອຊາວມຸສລິມ ໄດ້ສະໜອງນໍ້າ, ການດູແລສຸຂະພາບ, ສຸຂະອະນາໄມ ແລະການຊ່ວຍເຫລືອພື້ນຖານອື່ນໆ ແກ່ອົບພະຍົບຊາວໂຣຮິງຢາຢູ່ໃນ ເມືອງ Cox Bazaar ຂອງບັງກລາແດັສ.

ໃນຄໍາຖະແຫລງສະບັບນຶ່ງ ທີ່ນຳອອກເຜີຍແຜ່ອອກໃນວັນພະຫັດມື້ນີ້ ກຸ່ມປົກປ້ອງສິດທິ ມະນຸດ Human Rights Watch ໄດ້ກ່າວຫາບັງກລາແດັສວ່າ ພະຍາຍາມສະພາບການ ໃຫ້ພວກອົບພະຍົບຊາວໂຣຮິງຢາປະມານ 2 ແສນ ຄົນຢູ່ໃນປະເທດນັ້ນ “ມີຄວາມຢ້ານ ກົວ ເພື່ອຢາກເຮັດໃຫ້ພວກທີ່ຫລົບໜີການ ລະເມີດສິດທິມະນຸດຢູ່ໃນມຽນມາ ຊຶ່ງເປັນປະເທດ ເພື່ອນບ້ານນັ້ນບໍ່ຢາກໜີຈາກ ບ້ານເຮືອນຂອງຕົນເຂົ້າໄປໃນບັງກລາແດັສ.”
XS
SM
MD
LG