ສະຖາບັນຄົ້ນຄວ້າຂອງສະຫະລັດແຫ່ງນຶ່ງກ່າວວ່າ ຮູບພາບຈາກດາວທຽມ ສະແດງໃຫ້ເຫັນ
ວ່າ ເກົາຫລີເໜືອອາດຈະສໍາເລັດການກໍ່ສ້າງໂຮງໄຟຟ້ານິວເຄລຍ ທີ່ໃຊ້ນໍ້າທຳມະດາຫຼື
light-watrer ໃນທ້າຍປີໜ້ານີ້. ແຕ່ພວກນັກວິໄຈກ່າວວ່າ ຍັງບໍ່ທັນມີຄວາມເຫັນຢ່າງເປັນ
ເອກກະສັນກັນເທື່ອວ່າມັນໝາຍຄວາມວ່າຢ່າງໃດຕໍ່ອານາຄົດກ່ຽວກັບໂຄງການອາວຸດນີວ
ເຄລຍຂອງພຽງຢາງ.
ສະຖາບັນວິທະຍາສາດ ແລະເທັກໂນໂລຈີນາໆຊາດ ທີ່ມີຫ້ອງການຢູ່ນະຄອນຫລວງວໍຊິງຕັນ
ກ່າວວ່າ ພາບຖ່າຍໃນເດືອນພຶດສະພາ ແລະມິຖຸນາຜ່ານມາ ສະແດງໃຫ້ເຫັນອຸປະກອນການ
ກໍ່ສ້າງໃໝ່ ໄດ້ຖືກນໍາໄປວາງໄວ້ໃກ້ໆກັບຕຶກທີ່ ບັນຈຸເຕົາປະຕິກອນນີວເຄລຍ ທີ່ Yongyon.
ລາຍງານກ່າວອີກວ່າ ການສ້າງ ສາສ່ວນໃຫຍ່ຢູ່ຂ້າງນອກ ປະກົດວ່າເປັນທີ່ຮຽບຮ້ອຍແລ້ວ
ແຕ່ວ່າໂຕຂອງຕຶກຍັງບໍ່ທັນມີຫລັງຄາ.
ພຽງຢາງກ່າວວ່າ ເຕົາປະຕິກອນນິວເຄລຍໃໝ່ ທີ່ໃຊ້ນໍ້າທຳມະດາ ມີຈຸດປະສົງ ສົງເພື່ອຜະ
ລິດໄຟຟ້າສຳຫຼັບພົນລະເຮືອນ. ເຖິງຢ່າງໄດກໍດີ ມັນສາມາດໃຊ້ໃນການຜະລິດທາດປລູໂຕ
ນຽມເພື່ອສ້າງອາວຸດນິວເຄລຍໄດ້ ທີ່ເຊື່ອວ່າ ເກົາຫລີເໜືອ ໄດ້ນໍາໃຊ້ໃນການທົດລອງອາວຸດ
ນີວເຄລຍສອງຄັ້ງແລ້ວນັ້ນ.
