ສະພາສິດທິມະນຸດແຫ່ງສະຫະປະຊາຊາດ ສະເໜີແນະໃຫ້
ລັດຖະບານລາວຈັດຕັ້ງຄະນະກຳມະການພິເສດ ເພື່ອຮັບ
ຜິດຊອບການສືບສວນສອບສວນຫາຄວາມຈິງ ກ່ຽວກັບ
ການຫາຍຕົວໄປຂອງທ່ານສົມບັດ ສົມພອນ.
ກອງປະຊຸມຄັ້ງທີ 21 ຂອງສະພາສິດທິມະນຸດແຫ່ງສະຫະປະຊາຊາດ (UNHRC) ທີ່ໄດ້ພິຈາລະນາທົບທວນກ່ຽວກັບ ສະພາບການດ້ານສິດທິມະນຸດໃນ 14 ປະເທດ ທີ່ລວມທັງ ສປປ ລາວ ດ້ວຍນັ້ນ ໄດ້ນຳສະເໜີຂໍ້ແນະນຳຕໍ່ຄະນະຜູ້ຕາງໜ້າ ຂອງລັດຖະບານລາວ
ທີ່ເຂົ້າຮ່ວມໃນກອງປະຊຸມຄັ້ງນີ້ດ້ວຍ ມີຈຳນວນເຖິງ 196 ຂໍ້ທີ່ເປັນການສະແດງເຖິງຂໍ້
ກັງວົນ ກ່ຽວກັບສະພາບການລະເມີດສິດທິມະນຸດໃນລາວ ແລະໄດ້ສະເໜີແນະໃຫ້ລັດຖະບານລາວ ດຳເນີນມາດຕະການ ແກ້ໄຂຢ່າງຈິງຈັງ ແລະຮີບດ່ວນ ເມື່ອທ້າຍເດືອນມັງກອນທີ່ຜ່ານມາ ຢູ່ທີ່ນະຄອນເຈນີວາ ປະເທດສະວິດເຊີແລນ.
ໂດຍທີ່ຖືວ່າເປັນເນື້ອໃນສຳຄັນ ຂອງການສະເໜີແນະໃນຄັ້ງນີ້ ກໍຄືການສະເໜີແນະໃຫ້
ລັດຖະບານລາວ ເລັ່ງການຈັດຕັ້ງປະຕິບັດສົນທິສັນຍາ ວ່າດ້ວຍສິດທິມະນຸດ ທີ່ລາວເຊັນ
ໄປແລ້ວນັ້ນ ໃຫ້ປາກົດເປັນຈິງ ແລະໃຫ້ເຊັນຮັບຮອງເອົາສົນທິສັນຍາສິດທິມະນຸດຂອງ
ສະຫະປະຊາຊາດ ເພີ້ມຕື່ມອີກຫຼາຍສະບັບເປັນຕົ້ນແມ່ນສະບັບ ທີ່ວ່າດ້ວຍການບັງຄັບ
ໃຫ້ຫາຍສາບສູນ.
ທັງນີ້ໂດຍກອງປະຊຸມ ໄດ້ເພ່ງເລັງເຖິງກໍລະນີຂອງທ່ານສົມບັດ ສົມພອນ ນັກພັດທະນາ
ລາວຜູ້ດີເດັ່ນໃນອາຊ່ຽນ ທີ່ໄດ້ຖືກລັກພາໂຕນັບເປັນເວລາຫຼາຍກວ່າ 2 ປີມາແລ້ວ ແຕ່
ກໍຍັງບໍ່ມີຄວາມຄືບໜ້າ ໃນການສືບສວນສອບສວນຄະດີ ຈາກທາງການຕຳຫລວດລາວ
ແຕ່ຢ່າງໃດ ດັ່ງນັ້ນ ກອງປະຊຸມຈຶ່ງໄດ້ແນະນຳໃຫ້ທາງການລາວ ຈັດຕັ້ງຄະນະກຳມະການ
ທີ່ເປັນເອກະລາດຈາກລັດຖະບານລາວ ຂຶ້ນມາສືບຫາຄວາມຈິງ ແລະຈັບຜູ້ກະທຳຄວາມ
ຜິດມາດຳເນີນຄະດີ ແລະຮັບໂທດຕາມກົດໝາຍຕໍ່ໄປ.
ການສະເໜີແນະດັ່ງກ່າວນີ້ ນັບເປັນບາດກ້າວສຳຄັນທີ່ກ່ຽວຂ້ອງກັບການເຄື່ອນໄຫວຂອງອົງການ Human Rights Watch ທີ່ໄດ້ນຳສະເໜີກໍລະນີການຫາຍໂຕໄປຂອງທ່ານສົມບັດ ເຂົ້າສູ່ກອງປະຊຸມຄັ້ງຫລ້າສຸດນີ້ ຂອງສະພາສິດທິມະນຸດແຫ່ງສະຫະປະຊາຊາດ ຊຶ່ງເນັ້ນ
ໜັກເນື້ອໃນສຳຄັນເຖິງຄວາມບໍ່ເອົາໃຈໃສ່ຂອງລັດຖະບານລາວຕໍ່ບັນຫາດັ່ງກ່າວ.
ກ່ອນໜ້ານີ້ ບັນດານັກເຄື່ອນໄຫວເພື່ອປົກປ້ອງສິດທິມະນຸດ
ຂອງ 82 ອົງການຈາກທົ່ວໂລກ ໄດ້ຮ່ວມກັນລົງນາມ ໃນຖະ
ແຫລງການ ທີ່ໄດ້ສົ່ງເຖິງບັນດາລັດຖະບານຂອງປະເທດ
ສະມາຊິກ ຂອງອາຊ່ຽນຢ່າງເປັນທາງການເມື່ອວັນທີ 15
ທັນວາ 2014 ອັນເປັນວັນຄົບຮອບ 2 ປີ ຂອງການຫາຍໂຕ
ໄປຢ່າງບໍ່ມີຮ່ອງຮອຍ ຂອງທ່ານສົມບັດ ສົມພອນ.
ໂດຍຖະແຫລງການດັ່ງກ່າວ ໄດ້ຮຽກຮ້ອງຂໍໃຫ້ລັດຖະບານ
ຂອງທຸກປະເທດໃນອາຊ່ຽນຈົ່ງໄດ້ຮ່ວມກັນ ດຳເນີນມາດຕະການກົດດັນລັດຖະບານລາວ ຕໍ່ກໍລະນີ ທີ່ໄດ້ມີການລະເມີດສິດທິມະນຸດໃນລາວ ຢ່າງຮຸນແຮງ
ທັງຍັງບໍ່ໄດ້ດຳເນີນມາດຕະການຢ່າງຈິງຈັງ ໃນການສືບສວນສອບສວນຫາຄວາມຈິງ ແລະ ຕິດຕາມຫາທ່ານສົມບັດ ທີ່ຖືກຄວບຄຸມໂຕໄປຈາກດ່ານຕຳຫລວດແຫ່ງໜຶ່ງໃນນະຄອນຫລວງ ວຽງຈັນນັບແຕ່ຕອນແລງວັນທີ 15 ທັນວາ 2012 ເປັນຕົ້ນມາ ແລະຈົນເຖິງປັດຈຸບັນນີ້ ກໍຍັງຄົງບໍ່ຮູ້ຊະຕາກຳ ຂອງທ່ານສົມບັດ ແຕ່ຢ່າງໃດ.
ບັນດາອົງການປົກປ້ອງສິດທິມະນຸດສາກົນໄດ້ໃຫ້ເຫດຜົນວ່າ ສາເຫດທີ່ລັດຖະບານ
ອາຊ່ຽນທັງກຸຸ່ມ ຈະຕ້ອງກົດດັນຕໍ່ລັດຖະບານລາວນັ້ນ ກໍເພາະວ່າກໍລະນີການຫາຍໂຕໄປ
ຂອງທ່ານສົມບັດນີ້ ບໍ່ໄດ້ເປັນພຽງບັນຫາພາຍໃນລາວເທົ່ານັ້ນ ຫາກແຕ່ຖືເປັນພາລະໜ້າທີ່ ຂອງທັງກຸ່ມອາຊ່ຽນ ທີ່ຈະຕ້ອງຮ່ວມກັນເພື່ອຄົ້ນຫາຄວາມຈິງ ທີ່ເກີດຂຶ້ນໃນລາວ ທີ່ເປັນປະເທດສະມາຊິກຂອງກຸ່ມອາຊ່ຽນດ້ວຍ.
ແຕ່ຢ່າງໃດກໍຕາມ ທ່ານພົງສະຫວັດ ບຸບຜາ ລັດຖະມົນຕີປະຈຳຫ້ອງການປະທານປະເທດ ຫົວໜ້າຄະນະຜູ້ແທນລັດຖະບານລາວ ທີ່ເຂົ້າຮ່ວມກອງປະຊຸມສະພາສິດທິມະນຸດສາກົນ
ທັງຍັງໄດ້ໃຫ້ການສົ່ງເສີມ ແລະໃຫ້ການຄຸ້ມຄອງສິດທິຂັ້ນພື້ນຖານຂອງພົນລະເມືອງລາວ
ທຸກຄົນອີກດ້ວຍດັ່ງທີ່ທ່ານໄດ້ເນັ້ນຢ້ຳວ່າ:
“The Lao government has a consistent policy of human rights
political economic social and cultural rights of the Lao multi-
ethnic people are enshrined in national constitution law and
other legal documents which are in conformity with the obligation
and commitment of the Lao PDR at the international and
regional level.
ລັດຖະບານລາວ ແມ່ນມີນະໂຍບາຍສະເໝີຕົ້ນສະເໝີປາຍ ໃນເລື້ອງສິດທິມະນຸດ ເລື້ອງສິດທິທາງດ້ານການເມືອງ ເສດຖະກິດ ສັງຄົມ ແລະວັດທະນະທຳ ຂອງປະຊາຊົນລາວ ອັນປະກອບດ້ວຍຫຼາຍຊົນຊາດຊົນເຜົ່ານັ້ນ ກໍໄດ້ຖືກບັນທຶກໄວ້
ຢູ່ໃນ ລັດຖະທຳມະນູນ ໃນກົດໝາຍ ແລະ ເອກະສານອື່ນໆ ທາງດ້ານກົດໝາຍ
ຊຶ່ງຖືກຕ້ອງສອດຄ່ອງກັບຂໍ້ບັງຄັບ ແລະພັນທະຂອງປະຊາຊົນລາວ ກໍຄືຂອງ
ສາກົນ ແລະຂອງຂົງເຂດນຳດ້ວຍ.”
ໂດຍນອກຈາກການຈັດຕັ້ງປະຕິບັດສົນທິສັນຍາ ວ່າດ້ວຍສິດທິມະນຸດແລ້ວ ກອງປະຊຸມຄັ້ງນີ້ ກໍຍັງໄດ້ສະເໜີແນະໃຫ້ລັດຖະບານລາວ ຈະຕ້ອງເລັ່ງປະຕິຮູບການປົກຄອງດ້ວຍກົດໝາຍເປີດໃຫ້ປະຊາຊົນລາວມີສິດເສລີພາບທາງການເມືອງ ຫ້າມປາບປາມປະຊາຊົນຢ່າງໄຮ້ມະນຸດສະທຳ ແລະອະນຸຍາດໃຫ້ເຈົ້າໜ້າທີ່ຂອງສະຫະປະຊາຊາດເຂົ້າມາສຳຫລວດກວດກາການນັບຖືສິດທິມະນຸດໃນລາວເປັນຕົ້ນ.
