ລາວ

ສັງຄົມລາວ ປະເຊີນກັບ ບັນຫາຄອບຄົວ ແຕກແຍກກັນ ຫລາຍຂຶ້ນ

ປ້າຍໂຄສະນາ ຕ້ານໂຣກເອດສ໌
ປ້າຍໂຄສະນາ ຕ້ານໂຣກເອດສ໌

ມຸນທີມີເດຍ

ສຽງ
ຫຍໍ້ຫລືຂະຫຍາຍໂຕອັກສອນ - +
ຊົງຣິດ ໂພນເງິນ
ສັງຄົມລາວກໍາລັງປະເຊີນກັບບັນຫາຄອບຄົວແຕກແຍກແລະ
ການລ່ວງລະເມີດທາງເພດຫຼາຍຂຶ້ນນັບມື້ ໂດຍສະເພາະແມ່ນ
ການຂົ່ມຂືນເຍົາວະຊົນນັ້ນ ຖືເປັນບັນຫາທີ່ຮຸນແຮງຂຶ້ນໄປ ເລື້ອຍໆ.
 
ທາງການກົມຄຸ້ມຄອງລະບົບຍຸຕິທໍາໃນສັງກັດກະຊວງຍຸຕິທໍາຂອງ
ລາວລາຍງານວ່າ ໃນປີ 2012 ທີ່ຜ່ານມາ ກົມຄຸ້ມຄອງລະບົບຍຸຕິ
ທໍາໄດ້ໃຫ້ການຊ່ວຍເຫຼືອ ແລະໃຫ້ຄໍາປຶກສາໃນດ້ານກົດໝາຍ
ແບບບໍ່ຄິດຄ່າ ສໍາລັບແມ່ຍິງ ແລະເດັກນ້ອຍທີ່ໄດ້ຮັບຜົນກະທົບ
ຈາກບັນຫາຕ່າງໆ ທັງໃນສັງຄົມແລະພາຍໃນຄອບຄົວ ຈໍານວນ
ທັງໝົດ 1,897 ຄັ້ງ.

ສະຖິຕິດັງກ່າວນີ້ ໄດ້ເພີ່ມຂຶ້ນຈາກປີ 2011 ຄິດເປັນອັດຕາສະເລ່ຍ ເກີນກວ່າ 50% ກໍຄື
ມີຜູ້ຮ້ອງຂໍການຊ່ວຍເຫຼືອຈາກກົມຄຸ້ມຄອງລະບົບຍຸຕິທໍາ ຈໍານວນທັງໝດ 660 ຄົນ ຊຶ່ງ
ໃນນີ້ ລວມເຖິງເຍົາວະຊົນລາວເພດຍິງອາຍຸຕໍ່າກວ່າ 18 ປີ ດ້ວຍຈໍານວນເຖິງ 130  ຄົນ.
ພວກຂໍທານ ຈໍານວນນຶ່ງນັ່ງຢູ່ກ້ອງກົກໄມ້ ໃນນະຄອນວຽງຈັນພວກຂໍທານ ຈໍານວນນຶ່ງນັ່ງຢູ່ກ້ອງກົກໄມ້ ໃນນະຄອນວຽງຈັນ
x
ພວກຂໍທານ ຈໍານວນນຶ່ງນັ່ງຢູ່ກ້ອງກົກໄມ້ ໃນນະຄອນວຽງຈັນ
ພວກຂໍທານ ຈໍານວນນຶ່ງນັ່ງຢູ່ກ້ອງກົກໄມ້ ໃນນະຄອນວຽງຈັນ

 
ທັງນີ້ ບັນຫາທີ່ບັນດາແມ່ຍິງ ແລະເດັກນ້ອຍເຫຼົ່ານີ້ ໄດ້ຮ້ອງຂໍ
ຄວາມຊ່ວຍເຫຼືອມາຍັງກົມຄຸ້ມຄອງລະບົບຍຸຕິທໍານັ້ນ ກໍມີທັງ
ບັນຫາທີ່ກ່ຽວກັບການຢ່າຮ້າງ ການຂັດແຍ້ງລະຫວ່າງສາມີ
ກັບພັນລະຍາ ກ່ຽວກັບສິນສົມສ້າງ ການຂັດແຍ້ງກ່ຽວກັບສິດ
ທິໃນການລ້ຽງດູລູກ ການກະທໍາອະນາຈານຕໍ່ເດັກນ້ອຍ ການ
ຮ່ວມເພດກັບເຍົາວະຊົນທີ່ອາຍຸຕໍ່າກວ່າ 18 ປີ ການຂົ່ມຂືນ ຫຼື ລ່ວງລະເມີດທາງເພດຕໍ່ເດັກນ້ອຍ ແລະບັນຫາອື່ນໆ ທີ່ກ່ຽວ
ຂ້ອງກັບການຄ້າດ້ານມະນຸດຂ້າມຊາດເປັນຕົ້ນ.
 
ແຕ່ຢ່າງໃດກໍຕາມ ເຈົ້າໜ້າທີ່ຂັ້ນສູງຂອງກົມຄຸ້ມຄອງລະບົບຍຸຕິທໍາ ກໍຍອມຮັບວ່າການ ດໍາເນີນມາດຕະການ ເພື່ອໃຫ້ການຊ່ວຍເຫຼືອຜູ້ທີ່ໄດ້ຮັບເຄາະ ຈາກບັນຫາເຫຼົ່ານີ້ ຍັງມີ ປະສິດທິພາບໃນລະດັບທີ່ຕໍ່າຫຼາຍ ໂດຍໃນປີທີ່ຜ່ານມາ ກໍສາມາດໃຫ້ການຊ່ວຍເຫຼືອແກ່ ຜູ້ຮ້ອງຂໍໄດ້ພຽງ 86 ລາຍເທົ່ານັ້ນ ຈາກການຮ້ອງຂໍຄວາມຊ່ວຍເຫຼືອທັງໝົດ 660 ຄົນ ນັ້ນ.

ທາງດ້ານເຈົ້າໜ້າທີ່ຂັ້ນສູງໃນກະຊວງສາທາລະນະສຸກ ກໍໄດ້ໃຫ້ການຢືນຢັນວ່າ ບັນຫາ ພາຍໃນຄອບຄົວ ຍັງຖືເປັນສາເຫດທີ່ສໍາຄັນປະການນຶ່ງ ທີ່ກໍ່ໃຫ້ເກີດເປັນບັນຫາດ້ານ
ສຸຂະພາບອີກດ້ວຍ ຕົວຢ່າງກໍຄືການຂົ່ມຂືນ ແລະການລ່ວງລະເມີດທາງເພດ ກໍຄືສາ ເຫດສໍາຄັນປະການນຶ່ງ ທີ່ນໍາໄປສູ່ບັນຫາການແຜ່ລະລາດຂອງໂຣກເອດສ໌ໄດ້ເຊັ່ນກັນ.
 
ຍິ່ງໄປກວ່ານັ້ນ ຈາກການສໍາຫຼວດດ້ວຍການສຸ່ມກວດເລືອດປະຊາຊົນລາວ ຜູ້ທີ່ສະມັກ
ໃຈ ໃນປີ 2012 ທີ່ຜ່ານມາ ກໍພົບວ່າມີປະຊາຊົນລາວທີ່ຕິດເຊື້ອ HIV ທັງໝົດ 5,260 ຄົນ ໂດຍໃນນີ້ ກໍມີຢູ່ເຖິງ 3,282 ຄົນ ທີ່ເປັນໂຣກເອດສ໌ ແລະໄດ້ເສຍຊີວິດໄປແລ້ວ 1,334 ຄົນ ແລະ 54% ໃນຈໍານວນທັງໝົດດັ່ງກ່າວ ກໍຄືປະຊາກອນເພດຍິງ ໂດຍສາເຫດທີ່ເຮັດ ໃຫ້ ແມ່ຍິງຕິດເຊື້ອຫຼາຍກວ່າຜູ້ຊາຍນັ້ນ ທ່ານບຸນກອງ ສີຫາວົງ ລັດຖະມົນຕີຊ່ວຍວ່າການ ກະຊວງສາທາລະນະສຸກ ກໍໄດ້ໃຫ້ການຊີ້ແຈງວ່າ:

 ພວກເຮົາຍັງມີສິ່ງທ້າທາຍຫຼາຍຢ່າງ ທີ່ອາດຈະເປັນສິ່ງເອື້ອອໍານວຍທີ່ຈະເຮັດ ໃຫ້ມີການລະບາດຂອງໂຣກເອດສ໌ ເຊັ່ນວ່າໂຄງການກໍ່ສ້າງໂຄງລ່າງ ການກໍ່ ສ້າງເຂື່ອນໄຟຟ້າ ສ້າງຖະໜົນຫົນທາງ ຫຼືວ່າການລົງທຶນຂອງຕ່າງປະເທດ ທີ່ວ່າ ເຮັດໃຫ້ເປັນແຫຼ່ງພາໃຫ້ເກີດຂຶ້ນ ການຂຸດຄົ້ນບໍ່ແຮ່ ບ້ານພັກ ຮ້ານບັນເທີງຕ່າງໆ ກໍເພີ່ມຂຶ້ນ ພ້ອມກັນນີ້ ຈໍານວນສາວບໍລິການກໍເພີ່ມຂຶ້ນ.”
 
ແຕ່ຢ່າງໃດກໍຕາມອັດຕາການຕິດເຊື້ອ HIV-AIDS ຂອງຄົນລາວໃນປັດຈຸບັນນີ້ ກໍຍັງຖື
ວ່າຢູ່ໃນລະດັບທີ່ຕໍ່າເມື່ອທຽບໃສ່ກັບປະເທດອື່ນໆໃນອາຊ່ຽນດ້ວຍກັນ ເພາະຈາກການ ສຸ່ມກວດເລືອດປະຊາຊົນທີ່ສະມັກໃຈຫຼາຍກວ່າ 2 ແສນຄົນ ໃນ 17 ແຂວງໃນທົ່ວປະ
ເທດ ນັບແຕ່ປີ 1990 ເປັນຕົ້ນມາ ກໍພົບວ່າ ມີຄົນລາວຕິດເຊື້ອ ຄິດເປັນອັດຕາສະເລ່ຍ
ພຽງ 1.6% ເທົ່ານັ້ນ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ຄວາມເຫັນ
     
ໂດຍ: Normal Laotian
04.02.2013 13:07
It is time to collapse, the curse come with them, everything go down, Laos gov. won't sleep and think about the way to escape to China or Vietnam. Very soon Laos'll be Laos and no more Viet mixt . Bravo..!

ໂດຍ: ຄົນລາວຄືກັນລະ
03.02.2013 22:46
ເຖິງບັນດາທ່ານທີ່ອອກຄຳເຫັນທັງໝົດ,ຢ່າໄປໂທດຣັດຖະບານເລີຍ ,ທຸກຄົນເກີດມາໃນໂລກນີ້ໃຜໆກໍ່ບໍ່ຢາກເປັນຄົນທຸກ,ໃຜໆກໍ່
ລ້ວນແລ້ວແຕ່ຢາກມີຕົວລອດ,ຢູ່ໃນໂລກກໍ່ເຊັ່ນດຽວກັນລະ !ເລື່ອງໂສເພນີນັ້ນເປັນສັບທີ່ສັງຄົມລັງກຽດບໍ່?ຖ້າຄົນໃດທີ່ມີຄູ່ສົມລົດ,
ມີຖານະດີເຂົາກໍ່ຈະບໍ່ເຮັດແນວນັ້ນດອກ,ແຕ່ກົງກັນຂ້າມຜູ້ມີຖານະ,ມີຄູ່ສົມລົດແລ້ວແຮງສະໜັບສະໜູນດີ. ທ່ານອາດເຄີຍເຫັນ
ທຸກໆປະເທດໃນໂລກກໍ່ບໍ່ສາມາດປະສະຈາກເລື່ອງນີ້ໄດ້

ໂດຍ: ລາວ ລາວ ຈາກ: ສປປ ລາວ
01.02.2013 09:37
ບັນຫາໂລກເອດ ເກີດມາຈາກ ພັກ ແລະ ລັດ ບໍ່ມີການຄວບຄຸມ ການເປີດສະ ຖານບັນເທີງ ຊື່ງຕາມມາດ້ວຍການບໍລິການທາງເພດ
ຊື່ງມີແຜ່ຫຼາຍໃນເມືອງລາວເຮົາໃນປະຈຸບັນ ແລະ ຍັງມີການຄ້າຂາຍຢາເສບຕິດ ຍັງກຳຈັດບໍ່ໄດ້ ກໍ່ຍ້ອນວ່າປະປ່ອຍເພື່ອຫວັງເກັບ
ຊ່ວຍຫາລາຍໄດ້ ເຂົ້າຖົງ ຕົນເອງ ແຕ່ ກ່ຽວກັບເລື່ອງຄົນຂໍທານແມ່ນຍ້ອນການພັດທະນາໄປບໍ່ເຖິງຊົນນະບົດ ມີແຕ່ວົນວຽນຢູ່ໃນຕົວ
ເມືອງ ເບີ່ງແຍງບໍ່ທົ່ວເຖິງ ການຊ່ວຍເຫຼືອລ້າຈາກຕ່າງປະເທດ ລັດທະບານພັດບໍ່ໃຫ້ຄວາມຮ່ວມມື ມີແຕ່ຢ້ານເຂົ້າມາຫັວງສອດແນມ
ກໍ່ຄວາມວຸ້ນວາຍ ຕາມຜູ້ຂ້າເອງຄິດວ່າ ພວກຫວັງທຳລາຍຕໍ່ຕ້ານພັກລັດນັ້ນ ເຂົາບໍ່ມາສະເໜີໜ້າ ແບບຖືກຕ້ອງຕາມກົດໝາຍດອກ
ບາດພວກຈີນ ເຂົ້າມາຈົນເຕັມບ້ານເຕັມເມືອງ ຍັງມາດູຖູກຂົ່ມເຫັງຄົນລາວ ຍາດບ່ອນທຳມາຫາກິນຄົນລາວເຮົາ ຄືເບີ່ງເສີຍນໍທ່ານຜູ້ນຳ

ໂດຍ: ບໍ່ຂໍອອກຊື່
01.02.2013 00:11
It 's true because Laotian didn't like communist and Laotian mentality wasn't communist. Lao culture was freedom and free speech no like right now for that Laotian family in Laos have problem and split.

ໂດຍ: ຖາວອນ ຈາກ: ທ່າແຂກ
30.01.2013 18:38
ທັງຫມົດທັງປວງ ມັນແມ່ນຍ້ອນການນຳພາຂອງພັກ-ລັດອັນສະຫຼາດສ່ອງບໍ່ມີແສງ ຜູ້ນຳພາກັນລ້ຳລວຍຈົນລົ້ນຟ້າ ປະຊາຊົນທີ່ທຸກຍາກ
ບໍ່ມີທີ່ຊຸກຫົວນອນເຖິງ98%ທົ່ວປະເທດ ຫນ້າສັງເວດ ແທ້ໆ.
ຄໍາຕອບ

ໂດຍ: ຄ.ນະຄຳມ່ວນ ຈາກ: ຄຳເກີດ
03.02.2013 03:49
ຂໍສະນັບສະຫນູນ ຄວາມເຫັນ ທ່ານ ຖາວອນ ແມ່ນເວົ້າຄວາມຈິງຕາມ ສະພາບຂອງສັງຄົມແທ້.ເພາະພັກ-ຣັຖ ສປປລາວ ຍາມໄດ
ກໍ່ມີແຕ່ຈຸດດີ ປັສຈາກຈຸດອອ່ນ,ບໍ່ມີໄຜສາມາດຕຳນິກໍ່ສ້າງໄດໆໄດ້ເລີຍ, ບັນຫາຕ່າງໆຈຶ່ງ ເກີດຂຶ້ນຕາມມາເປັນເນື່ອງນິດ.
ຄໍາຕອບ

ໂດຍ: ຫລັບຕາຫວານີ້
01.02.2013 01:05
ເອົາໃສມາເວົ້າວ່າປະຊາຊົນລາວ 98% ບໍມີເຮືອນຢູ່ ຂະນາດຄົນລາວມີເຮືອນຢູ່ກາຍ ທີ່ຕູ້ຖາວອນເວົ້າແນ່ນອນ, ຄັນມີອະຄະຕິ
ກະຊອກຂໍ້ມູນທີ່ມັນເປັນຈິງແດ່ມາເວົ້ານະຕູ້ເອີຍ ຄັນເວົ້າແບບຂາດຫລັກການແລະເຫດຜົນລູກຫລານເຂົາຊິຫົວຂວັນ ຂ້ອຍກະລູກ
ຫລານໄທບ້ານນອກຫ້ານລະ ເຖິງເຂົາຊິທຸກຍາກກະຍັງມີທຳມະຊາດທີ່ເພີ່ນບໍໄດ້ໃຫ້ຕ່າງຊາດສຳປະທານໃຫ້ຊອກຢູ່ຫາກິນຢູ່ດອກ,
ຄໍາຕອບ

ໂດຍ: ຫໍານ້ອຍ ຈາກ: ເມືອງເກົ່າ
03.02.2013 10:26
ພວກເຮົາຜູ້ເກີດໄຫມ່ໃຫຍ່ລຸນນັ້ນ ຄວນຕ້ອງເຂົ້າໃຈໃຫ້ທ້ອງແທ້ວ່າ ສິ່ງທີ່ພັກ ແລະ ລັດ ປະຕິບັດຢູ່ທຸກວັນນີ້ ມັນເຫມາະສົມລະບໍ່.
ສໍາລັບຂ້າພະເຈົ້າແລ້ວເຫັນ ວ່າມັນບໍ່ຄັກປານໃດ ເພາະສ່ວນໃຫຍ່ຜົນປະໂຫຍດສ່ວນຫລາຍແມ່ນຖືກກອບໂກຍ ໂດຍບຸກຄົນທີ່ມີ
ອໍານາດທັງຫມົດ ສ່ວນປະຊາຊົນຕາດໍາໆແມ່ນໄດ້ຮັບແຕ່ຄວາມອັບປະໂຫຍດ. ຖ້າທ່ານບໍ່ເຊື່ອ ກໍ່ຂໍເຊີນທ່ານ ເລາະລຽບລົງມາເບີ່ງ
ແດ່ດູ ການກໍ່ສ້າງໂຮງງານປຸງແຕ່ງເກືອກາລີ ຢູ່ບ້ານ ດົງໄຕ້, ເມືອງ ທ່າແຂກ, ແຂວງ ຄໍາມ່ວນເດີ້ ແລ້ວທ່ານສິເຫັນວ່າ ຄວາມຫາຍະ
ນະແມ່ນກໍາລັງຄຸກຄາມປະຊາຊົນຢູ່ເຂດນັ້ນເພີ້ມຂື້ນເລື່ອຍໆ.
ຄໍາຕອບ

ໂດຍ: ຖາວອນ ຈາກ: ທ່າແຂກ
01.02.2013 09:51
ເຖິງ: ທ່ານ ຫລັບຕາຫວານີ້ ທ່ານອາດຈະເປັນພະນັກງານການເມືອງທີ່ມີລະດັບຢູ່ແຕ່ໃນເມືອງຈຶ່ງບໍ່ມີເວລາໄດ້ຮູ້ໄດ້ເຫັນຊີວິດການເປັນຢູ່
ຂອງປະຊາຊົນຜູ້ທຸກຍາກປາກແຫ້ງ ເປັນຕົ້ນຕາມຊົນນະບົດ, ດັ່ງນັ້ນພັກ ລັດເພິ່ນຈຶ່ງມີນະໂຍບາຍສົ່ງລູກແສ້ຫລານສາວພາກັນໄປຂາຍນ້ຳ
ມັນຫອຍ ຢູ່ຕ່າງປະເທດ ຢ່າງເປັນຂະບວນມ່ວນຊື່ນຟົດຟື້ນ ລູກຫຼານກໍຕ້ອງໄດ້ປະຕິບັດຕາມ ຕາມນະໂຍບາຍຂອງສູນກາງເພິ່ນໄດ້ວາງລົງ.

ໂດຍ: ບໍ່ຂໍອອກຊື່
30.01.2013 15:27
Not like be for 75 lao people poor but happy community !! I miss my frend alott

ໂດຍ: ລາວໄກບ້ານ ຈາກ: ລູງແຊມ
30.01.2013 14:53
ຂ່າວນີ້ເປັນຄືຊິເປັນປະເດັນໃຫ້ພວກຂັດຄ້ານຫົວຊົນຝາ ໄດ້ໂອກາດໂຈມຕິປະເທດລາວຄັກໆລະສຳລັບພວກຄັນແຂ້ວຄັດຄ້ານຊິໄດ້
ລະບາຍອາລົມ, ພວກຜູ້ເຖົ້າຜູ້ແກ່ ນຳລາຍຍ້ອຍ, ຍົດບໍ່ຕົກ ແລະ ຕຳແຫນ່ງຄ້າງ ທັງຫລາຍ ,ທຳມະດາ ລະບົບ ລະບອບສັງຄົມນິຍົມ
ຫລື ລະບອບຄອມມຸຍນິດ, ບໍມີແມ່ຈ້າງນາງເລງ ສັງຄົມອຸດົມສົມບູນພູນສຸກ ບໍມີການສໍ້ໂກງ ກົດຫມາຍມາດຕະຖານ. ສັງຄົມໂລກ
ປະເທດໄດກະຢາກເປັນສັງຄົມນິຍົມທັງນັ້ນຍ້ອນວ່າມັນດີກວ່າທຸກລະບອບ.
ຄໍາຕອບ

ໂດຍ: theuang ຈາກ: Manchester,NH
02.02.2013 15:22
ສະຫາຍລູງແຊມເອີຍ,ເຣື່ອງທີ່ເຈົ້າມາປົກປ້ອງລັດຖະບານລາວແບບຜິດຜິດ ຖຶກວ່າເປັນການດີຢູ່ດອກຂ້ອຍຢາກໃຫ້ເຈົ້າໄດ້ເຫັນ
ດວ້ຍຕາເຈົ້າເອງ ໃນເວລາຄ່ຳຄືນແລ້ວເຈົ້າຈະຮອງ້ວ່າ;;;ອາ;;ອາໂກຍອາໂກຍ,,ອີ,ກະແຕ່ຫລືນີ້;
ຄໍາຕອບ

ໂດຍ: ຈັງແມ່ນນໍມັກຕິ
05.02.2013 14:47
ມີສະຫມອງກະເອົາໄວ້ຫນັກຫົວລ້າບໍນໍ ເຂົາເວົ້າແດກດັນສົມທຽບກະຍັງ ວ່າເຂົາປົກປ້ອງຢູ່ເບິ່ງຄວາມເຫັນກັບການກະທຳຂອງລັດ
ສປປລາວ ແລ້ວມັນເຮັດໄດ້ຄືຄຳເຫັນບໍລະ ຈັ່ງແມ່ນຂັດຄ້ານແຕ່ການຂາດກການພິຈາຣະນານໍ, ເຫດໄດຈັ່ງວ່າປົກປ້ອງ ນີ້ລະນໍ(ດອກບົວສີ່ເຫລົ່າ).

ໂດຍ: LAO ຈາກ: Laos
30.01.2013 11:11
Laos will never improve because the govt. is too corrupt. The govt. never care about the people except fatten up their own pocket. With drugs and prostitutions as the main income of your country and being control by the govt. officials; When the majority of the people are dirt poor without any assistant program from the corrupt government. Then how do you expect families and relationship to improve.

ຂ່າວຫລ້າສຸດ

ສຽງ ການ​ສະຫລອງ​ບຸນປີ​ໃໝ່ ທີ່ສະ​ຖາ​ບັນ​ ສອນພາ​ສາ​ຕ່າງ​ປ​ະ​ເທດ ສ​ະ​ຫະ​ລັດ

ນັກການທູດສະຫະລັດ ທີ່ຮຽນ ປາກເວົ້າ ພາສາລາວ ຢູ່ສະຖາບັນ ສອນພາສາຕ່າງປະເທດ ຂອງ ກະຊວງການຕ່າງປະເທດ ຮ່ວມກັນສະຫລອງ ປີໃໝ່ລາວ ຕາມປະເພນີທີ່ໄດ້ຮຽນມາ.
ອ່ານຕື່ມ

ສຽງ FAO ວ່າ ຕ້ອງມີການປັບປຸງ​ ຄວາມ​ໝັ້ນຄົງ ດ້ານ​​ອາຫານ​​ ໃຫ້​ສູງ​ຂຶ້ນ​ ພາຍ​ໃນ​ປີ 2050

ອົງການ​ອາຫານ ​ແລະ​ການກະ​ເສດ​ FAO ຂອງ​ສະຫະ​ປະຊາ​ຊາດ ກ່າວວ່າ ​ໂລກຕ້ອງໄດ້ ​​ເພີ້​ມຜົນຜະລິດ ດ້ານ​ການກະ​ເສດ ​ໃຫ້​​ໄດ້​ເຖິງ 60 ​ເປີ​ເຊັນ ພາຍໃນປີ 2050.
ອ່ານຕື່ມ

Multimedia ຢູເຄຣນ ກ່າວວ່າ ພວກຫົວນິຍົມຣັດເຊຍ 3 ຄົນ ເສຍຊີວິດ ໃນການປະທະກັນ (ສະໄລດ໌/ວີດີໂອ)

ການປະທະກັນເກີດຂຶ້ນ ໃນຂະນະທີ່ ລັດຖະມົນຕີຕ່າງປະເທດ ຣັດເຊຍ ແລະຢູເຄຣນ ຕຽມຈະພົບປະກັບ ຜູ້ແທນສະຫະລັດ ແລະອີຢູ ທີ່ເຈນີວາ ໃນວັນພະຫັດມື້ນີ້.
ອ່ານຕື່ມ

ສະໄລດ໌ສຽງ ການໃຊ້ຫຸ່ນຍົນດຳນ້ຳ ຊອກຫາເຮືອບິນມາເລເຊຍ ອາດຈະຍຸຕິລົງ ໃນນຶ່ງອາທິດ (ສະໄລດ໌/ວີດີໂອ)

ຖ້າ​ຫາກ​ວ່າ ບໍ່​ພົບ​ພໍ້​ຊິ້ນ​ສ່ວນ​ໃດໆ ພາຍ​ໃນ​ເວລາ​ນັ້ນ​ແລ້ວ ພວກ​ເຈົ້າ​ໜ້າ​ທີ່​ກໍ​ຈະ ​ ຢຸດ​ເຊົາການ​ຄົ້ນ​ຫາ ​​ແລະຈະ​ປະຊຸມ​ກັນ​ໃໝ່ ເພື່ອປຶກສາ​ກັນ​ວ່າ ​ຈະເຮັດແນວໃດ​ຕໍ່​ໄປ​.
ອ່ານຕື່ມ

Multimedia ເກົາຫຼີໃຕ້ ສືບຕໍ່ຊອກຫາ ຄົນໂດຍສານ ທີ່ອາດລອດ ຊີວິດມາໄດ້ ໃນເຮືອຂ້າມຟາກ ທີ່ຫລົ້ມ (ວີດີໂອ)

ບັນດາ​ເຈົ້າ​ໜ້າ​ທີ່ໜ່ວຍ​ຍາມ​ຝັ່ງ ກ່າວ​ໃນ​ວັນ​ພະຫັດ​ມື້​ນີ້​ວ່າ ມີ 9 ຄົນ​ໄດ້​ຮັບ​ການ​ຢືນຢັນ​ວ່າ​ ເສຍ​ຊີວິດ​ໄປ​ແລ້ວ ແຕ່ຄາດ​ວ່າ ຈຳນວນ​ຜູ້ເສຍ​ຊີວິດ​ ຈະ​ເພີ່ມຂຶ້ນ​ອີກ ​ຢ່າງ​ຫຼວງ​ຫຼາຍ.
ອ່ານຕື່ມ
ຕື່ມອີກ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ວີອີໂອ ພາສາລາວ: ວິກິດການໃນຢູເຄຣນ ສ້າງຄວາມເສຍຫາຍ ແກ່ເສດຖະກິດຣັດເຊຍi
X
16.04.2014
ເຖິງແມ່ນຜູ້​ນຳ​ຣັດເຊຍ​ໄດ້​ຖື​ເບົາວ່າ ການ​ລົງ​ໂທດ​ທີ່ສະຫະລັດ ແລະສະຫະພາບຢູໂຣບ ​ໄດ້​ນຳ​ໃຊ້​ຕໍ່​ຢູ​ເຄຣນ​ ຈະ​ບໍ່​ມີ​ຜົນ​ກະທົບຫຍັງ​ຫລາຍກໍ​ຕາມ ​ແຕ່ບັນດານັກວິເຄາະກ່າວວ່າ ເງິນທຶນໄດ້ເລີ້ມຫຼັ່ງໄຫຼອອກຈາກປະເທດ ຂະນະ​ທີ່ພວກນັກລົງທຶນທີ່​ບໍ່​ຢາກ​ສ່ຽງ ພາກັນ ​​ເອົາ​ເງິນ​ໄປ​ລົງ​ທຶນ ຢູ່ບ່ອນທີ່ປອດໄພກວ່າ.