ລາວ

    ສະພາ ແຫ່ງຊາດລາວ ຊຸດທີ 7 ໄຂກອງປະຊຸມ ສະໄໝສາມັນ ຄັ້ງທີ 4

    ສະພາແຫ່ງຊາດລາວ ຊຸດທີ່ 7 ໄຂກອງປະຊຸມສະໄໝສາມັນ ຄັ້ງທີ່ 4 ຂຶ້ນ ໃນວັນທີ 5 ທັນວານີ້ ເພື່ອຮັບຮອງເອົາກົດໝາຍ 10 ສະບັບ ພ້ອມດ້ວຍແຜນການຕ່າງໆ ຈໍານວນນຶ່ງ.

    ກອງປະຊຸມສະໄໝສາມັນ ຄັ້ງທີ 3 ຂອງະພາແຫ່ງຊາດລາວ ຊຸດທີ 7 ທີ່ໄຂຂຶ້ນ ໃນເດືອນກໍລະກົດ 2012 ທີ່ຜ່ານມາ
    ກອງປະຊຸມສະໄໝສາມັນ ຄັ້ງທີ 3 ຂອງະພາແຫ່ງຊາດລາວ ຊຸດທີ 7 ທີ່ໄຂຂຶ້ນ ໃນເດືອນກໍລະກົດ 2012 ທີ່ຜ່ານມາ

    ມຸນທີມີເດຍ

    ສຽງ
    ສະພາແຫ່ງຊາດລາວຊຸດທີ 7 ເປີດກອງປະຊຸມສະໄໝສາມັນ
    ຄັ້ງທີ 4 ຢ່າງເປັນທາງການໃນວັນທີ 5 ທັນວານີ້ ໂດຍຈະມີການ
    ຮັບຮອງເອົາກົດໝາຍ 10 ສະບັບ ພ້ອມດ້ວຍແຜນການຕ່າງໆ
    ຈໍານວນນຶ່ງ.
     
    ກອງປະຊຸມສະໄໝສາມັນຄັ້ງທີ 4 ຂອງສະພາແຫ່ງຊາດລາວຊຸດທີ
    7 ມີກໍາໜົດທີ່ຈະດໍາເນີນກອງປະຊຸມຢ່າງເປັນທາງການໃນວັນທີ
    5-20 ທັນວາ ປີ 2012 ນີ້ ເພື່ອຄົ້ນຄວ້າພິຈາລະນາໃນບັນຫາສໍາ
    ຄັນ ແລະແຜນການພັດທະນາໃນຫຼາຍດ້ານດ້ວຍກັນ ເຊັ່ນການ
    ພິຈາລະນາເພື່ອຮັບຮອງເອົາຮ່າງກົດໝາຍໃໝ່ 4 ສະບັບ ກໍຄື
    ກົດໝາຍວ່າດ້ວຍຫຼັກຊັບ ກົດໝາຍຊົນລະປະທານ ກົດໝາຍວ່າ
    ດ້ວຍທຸລະກໍາທາງອີເລັກໂທຣນິກ ແລະກົດໝາຍວ່າດ້ວຍການ
    ຂົນສົ່ງຫຼາຍຮູບແບບ.
     
    ໃນໂອກາດດຽວກັນນີ້ ກອງປະຊຸມກໍຍັງຈະໄດ້ພິດຈາລະນາເພື່ອຮັບຮອງເອົາກົດໝາຍ ເກົ່າ ທີ່ດັດແກ້ໃໝ່ຈໍານວນ 6 ສະບັບອີກດ້ວຍ ກໍຄືກົດໝາຍວ່າດ້ວຍອຸດສາຫະກໍາປຸງ ແຕ່ງ ກົດໝາຍຂົນສົ່ງທາງບົກ ກົດໝາຍຈະລາຈອນທາງບົກ ກົດໝາຍວ່າດ້ວຍການປົກ ປັກຮັກສາສິ່ງແວດລ້ອມ ກົດໝາຍວ່າດ້ວຍພັນທະໃນການປ້ອງກັນຊາດ ແລະກົດໝາຍ ອາຍາໃນສ່ວນທີ່ກ່ຽວກັບຢາເສບຕິດ.
     
    ນອກຈາກນີ້ ກໍມີວາລະການປະຊຸມທີ່ສໍາຄັນໃນດ້ານອື່ນໆ ອີກຫຼາຍວາລະດ້ວຍກັນ ເຊັ່ນ ການຮັບຟັງລາຍງານຂອງລັດຖະບານທີ່ກ່ຽວກັບການປະຕິຮູບຍຸທະສາດຂອງວຽກງານ ທາງດ້ານສາທາລະນະສຸຂໃນ 5 ປີຕໍ່ໜ້າ ການພິຈາລະນາຮັບຮອງເອົາຫລາຍໂຄງການ ກໍ່ສ້າງເຂື່ອນໄຟຟ້າໃນນໍ້າຂອງ ໄຊຍະບູລີ ການຮັບຮອງເອົາລາຍງານຂອງອົງການກວດ ສອບລັດ ກ່ຽວກັບບົດສະຫລຸບຂາດຕົວຂອງການຈັດຕັ້ງປະຕິບັດແຜນງົບປະມານແຫ່ງ ລັດປະຈໍາສົກປີ 2010-2011 ແລະລວມເຖິງການໃຫ້ສັດຕະຍາບັນຕໍ່ອະນຸສັນຍາ ການ ເປັນສະມາຊິກຂອງອົງການການຄ້າໂລກ (WTO) ຂອງ ລາວ​ດ້ວຍ.
    ທ່ານ​ອຸ່ນແກ້ວ ວຸດ​ທິລາດ ສະມາຊິກ ແລະ​ຫົວໜ້າ​ຫ້ອງການ​ສະພາ​ແຫ່ງ​ຊາດລາວທ່ານ​ອຸ່ນແກ້ວ ວຸດ​ທິລາດ ສະມາຊິກ ແລະ​ຫົວໜ້າ​ຫ້ອງການ​ສະພາ​ແຫ່ງ​ຊາດລາວ
    x
    ທ່ານ​ອຸ່ນແກ້ວ ວຸດ​ທິລາດ ສະມາຊິກ ແລະ​ຫົວໜ້າ​ຫ້ອງການ​ສະພາ​ແຫ່ງ​ຊາດລາວ
    ທ່ານ​ອຸ່ນແກ້ວ ວຸດ​ທິລາດ ສະມາຊິກ ແລະ​ຫົວໜ້າ​ຫ້ອງການ​ສະພາ​ແຫ່ງ​ຊາດລາວ

    ດັ່ງ​ທີ່​ທ່ານ​ອຸ່ນແກ້ວ ວຸດ​ທິລາດ ສະມາຊິກ ແລະ​ຫົວໜ້າ​ຫ້ອງ
    ການ​ສະພາ​ແຫ່ງ​ຊາດລາວ ​ໄດ້​ຖະ​ແຫຼ​ງຢືນ​ຢັນ​ວ່າ:
     
    ພິຈາລະ​ນາ​ຮັບຮອງ​ເອົາ​ໂຄງການ​ກໍ່ສ້າງ​ເຂື່ອນ​ໄຟຟ້າ​
    ນໍ້າຂອງ ​ແຂວງ​ໄຊ​ຍະ​ບູລີ ພິ​ຈາລະ​ນາ​ແລະ​ຮັບຮອງ​
    ເອົາ​ບົດ​ລາຍ​ງານ​ຂອງ​ອົງການ​ກວດ​ສອບແຫ່ງ​ລັດ ກ່ຽວ
    ກັບ​ການກວດ​ສອບ​ບົດ​ສະ​ຫລຸບຂາດ​ຕົວ ການ​ຈັດ​ຕັ້ງ​
    ປະຕິບັດ​ແຜນ​ງົບປະມານ​ປະ​ຈໍາສົກ​ປີ 2010-2011
    ​ແລະ​ບົດ​ລາຍ​ງານ​ຜົນ​ການກວດ​ສອບ​ຄືນ​ຕາມ​ມະຕິ​
    ຂອງ​ສະພາ​ແຫ່ງ​ຊາດ​ລາວ.”

     
    ສະພາ​ແຫ່​ງຊາວ​ລາວ​ຈະ​ຈັດ​ກອງ​ປະຊຸມ​ສະ​ໄໝ​ສາມັນ​ປີ​ລະ 2 ​ເທື່ອ ​ໂດຍ​ກອງ​ປະຊຸມກ່ອນ
    ​ໜ້າ​ນີ້​ກໍ​ຄືກ​ອງປະຊຸມ​ສະ​ໄໝ​ສາມັນ​ຄັ້ງທີ 3 ທີ່​ໄດ້​ດໍາ​ເນີນ​ກອງ​ປະຊຸມ​ໃນລະຫວ່າງ​ວັນ​ທີ 20
    ມິຖຸນາ ຫາ​ວັນ​ທີ 13 ກໍລະກົດ​ທີ່​ຜ່ານ​ມາ ຊຶ່ງ​ກອງ​ປະຊຸມ​ໃນຄັ້ງ​ນັ້ນ ​ກໍ​ໄດ້​ມີ​ວາລະ​ການພິຈາ
    ລະ​ນາ​ທີ່​ສໍາຄັນ ​ແລະ​ກໍ​ໄດ້​ມີ​ການ​ລົງມະຕິ​ຮັບຮອງເອົາ​ຢ່າງ​ເປັນ​ທາງ​ການ​ຈໍານວນ​ທັງ​ໝົດ​ເຖິງ 10 ວາລະ​ດ້ວຍ​ກັນ ​ໂດຍ​ໃນ​ນັ້ນ​ກໍລວມ​ທັງຮ່າງ​ໝາຍ​ເຖິງ 7 ສະບັບ​ດ້ວຍ​ກັນ ຊຶ່ງ​ໃນ​ນັ້ນ​ກໍ​ເປັນ​ກົດໝາຍໃໝ່ 2 ສະບັບ​ ຊຶ່ງກໍ​ຄື​ກົດໝາຍ​ວ່າ​ດ້ວຍການ​ສ້າງ​ນິຕິ​ກໍາ ​ແລະກົດໝາຍ
    ​ວ່າ​ດ້ວຍ​ການ​ສົ່ງ​ຜູ້ຮ້າຍ​ຂ້າມ​ແດນ ສ່ວນ​ອີກ 5 ສະບັບ​ກໍ​ເປັນ​ການ​ປັບ ປຸງ​ບາງ​ມາດຕາຂອງ
    ​ກົດໝາຍວ່າ​ດ້ວຍ​ການ​ດໍາ​ເນີນ​ຄະດີ​ອາຍາ ກົດໝາຍ​ວ່າ​ດ້ວຍການ​ດໍາ​ເນີນ​ຄະດີ​ແພ່ງ ກົດ ໝາຍວ່າ​ດ້ວຍຊັບ​ສິນ​ຂອງ​ລັດ ກົດໝາ​ຍວ່າ​ດ້ວຍ​ການກວດ​ສອບ ກົດໝາຍ​ວ່າ​ດ້ວຍ​ການ​ກິລາ ​ແລະ​ກາ​ຍະ​ກໍາ​ຕາມ​ລໍາດັບ.
     
    ສ່ວນ​ວາລະ​ອື່ນໆ​ທີ່​ສໍາຄັນ​ນັ້ນ ກໍ​ປະກອບ​ດ້ວຍ​ການ​ພິ​ຈາລະ​ນາ ​ແລະ​ຮັບຮອງ​ເອົາລາຍ​ງານ​ຂອງ​ລັດຖະບານ ​ກ່ຽວ​ກັບ​ການຈັດ​ຕັ້ງ​ປະຕິບັດ​ແຜນການ​ພັດທະນາ​ເສດຖະກິດ-ສັງຄົມ
    ​ແຜນ​ງົບປະມານ​ແຫ່ງ​ລັດ​ປີ 2011-2012 ​ແລະ​ທິດ​ທາງ​ວຽກງານສົກ​ປີ 2012- 2013 ການ​ພິ​ຈາລະ​ນາ​ບົດລາຍ​ງານ​ຂອງ​ປະທານ​ອົງການ​ກວດສອບ​ແຫ່ງ​ລັດ ຫົວໜ້າ​ອົງການໄອ​ຍະ​ການ​ປະຊາຊົນ​ສູງ​ສຸດ ປະທານ​ສານ​ປະຊາຊົນ​ສູງ​ສຸດ ​ແລະ​ລັດຖະມົນຕີກະຊວງ​ຍຸຕິ​ທໍາ ​ເປັນ​ຕົ້ນ.
     
    ນອກຈາກ​ນີ້ ກໍ​ມີການລາຍງານ​ກ່ຽວ​ກັບ​ການຈັດ​ຕັ້ງ​ເຄື່ອນ​ໄຫວ​ວຽກ​ງານ​ຂອງ​ສະພາ​ແຫ່ງ​ຊາດ​ລາວ​ທີ່​ໄດ້​ຈັດ​ຕັ້ງ​ປະຕິບັດ​ໃນ​ຮອບ 1 ປີທີ​ຜ່າ​ນມາ ລວມ​ເຖິງ​ຮັບຟັງ​ການ​ປະກອບ​ຄວາມ​ເຫັນ​ຂອງ​ຜູ້ຕາງໜ້າ​ອົງການ​ຈັດ​ຕັ້ງ​ຂອງ​ພັກ-ລັດ ກໍ​ຄື​ແນວລາວ​ສ້າງ​ຊາດ ສະຫະ ພັນ​ກໍາ​ມະ​ບານ​ລາວ ສະຫະພັນ​ຍິງ​ລາວ ​ສູນ​ກາງ​ຊາວ​ໜຸ່ມ​ປະຕິວັດ​ລາວ ​ແລະ​ອົງການ​ອື່ນໆ​ອີກ​ຈໍານວນ​ນຶ່ງ.
     
    ​ແຕ່​ຢ່າງ​ໃດ​ກໍ​ຕາມ ກໍ​ລະ​ນີທີ່​ຖື​ວ່າ​ພົ້ນ​ເດັ່ນ​ທີ່​ສຸດ​ໃນ​ກອງ​ປະຊຸມ​ສະພາ​ແຫ່​ງຊາດ​ລາວ​ຄັ້ງດັ່ງ
    ກ່າວ​ນີ້ ກໍ​ຄື​ການ​ລົງມະຕິ​ແຕ່ງຕັ້ງທ່າ​ນນາງວຽງ​ທອງ ສີ​ພັນ​ດອນ ລູກສາວຂອງ​ທ່ານ​ຄໍາ​ໄຕ ສີ​ພັນ​ດອນ ອະດີດ​ປະທານ​ພັກ ​ແລະ​ປະທານ​ປະ​ເທດ​ລາວ ​ໃຫ້​ເປັນ​ປະທານ​ອົງການ​ກວດ​ສອບ​ແຫ່ງ​ລັດ​ຄົນ​ໃໝ່.
    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ການລຽງລຳດັບ ຄວາມເຫັນ
    ຄວາມເຫັນ
         
    ໂດຍ: ຊຽງຊື່ນ
    11.12.2012 21:15
    ສະພາທິດສະດີນ້ຳເຕົ້າເປົ່າດັງໄກ,ໄຫໄຫ່ຍລົ້ນໄຫນ້ອຍບໍ່ພໍ. ອັນນີ້ແລ້ວສລາດສ່ອງໃສກ້າວຫນ້າທາງສັງຄົມຈົມຢູ່ກັບບ່ອນ.

    ໂດຍ: ລາວ ລາວ ຈາກ: ສປປ ລາວ
    06.12.2012 20:06
    ກອງປະຊຸມຄັ້ງນີ້ມີແຕ່ເວົ້າເລື່ອງກົດໝາຍບໍ່ສິ້ນສຸດຈັກເທື່ອ ເລື່ອງປາກທ້ອງປະຊາຊົນ ບໍ່ເຫັນກ່າວເຖິງເລີຍ
    ສຸດທ້າຍ ກໍ່ສະຫຼຸບວ່າ ຍ້ອນຄວາມສະຫຼາດສ່ອງໄສຂອງພັກ ກອງປະຊຸມຈື່ງຜ່ານໄປໂດຍດີ
    ຄໍາຕອບ

    ໂດຍ: ບໍ່ຮູ້ ຈາກ: ລາວ
    15.12.2012 18:50
    ແນວບັນດາທ່ານ ສສ ເພີ່ນບໍ່ໄດ້ທຸກໄດ້ຍາກຫຍັງ ຊິໃຫ້ເພີ່ນເວົ້າແນວໃດ
    ເພີ່ນກໍ່ວ່າ:" ຊີວິດການເປັນດີຂອງປະຊາຊົນນັບມື້ນັບດີຂື້ນ ເປັນກ້າວໆ "
    ແລ້ວກໍ່ຈົບ ທັງມີຜົນງານອີກ
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມ ວີດີໂອ ເລື່ອງ ເຖິງຈະມີ ຄວາມກ້າວໜ້າ ໃນການຕໍ່ສູ້ ມາເລເຣຍ ແຕ່ ຕ້ອງໄດ້ ທຳງານ ຫຼາຍຂຶ້ນຕື່ມ.i
    X
    08.02.2016
    ໂລກ​ເຮົາ​ໄດ້​ມີ​ຄວາມ​ກ້າວໜ້າ ​ໃນ​ການ​ຕໍ່ຕ້ານໄຂ້ຍຸງ ຫຼືມາ​ເລ​ເຣຍ ຢ່າງ​ບໍ່​ໜ້າ​ເຊື່ອ ​ແຕ່ໃນຂະນະທີ່ ຜູ້ສື່ຂ່າວ ວີໂອເອ ລາຍງານ ກ່ຽວ ກັບເລື້ອງນີ້ຢູ່ ບັນ​ດາ​ນັກ​ຊ່ຽວຊານ ກໍກ່າວ​ວ່າ ຍັງ​ຕ້ອງໄດ້​ທຳ​ງານ ຫຼາຍຂຶ້ນອີກ ​ໂດຍ​ສະ​ເພາະ ​ຢູ່​ໃນ​ເຂດໃຕ້​ທະ​ເລ​ຊາຍ ຊາຮາຣາ ​ໃນ​ທະວີບອາ​ຟຣິກາ ບ່ອນ​ໂຣກດັ່ງກ່າວ ທີ່ເກີດຈາກ​ຍຸງ​ນັ້ນ ​ແມ່ນ ​ແຜ່​ລະບາດ ​ແລະມີປະຊາຊົນເປັນ​ໄ​ຂ້ຍຸງ ທຸກໆ​ປີ. ໄຊຈະເລີນສຸກ ຈະນຳເອົາເລື້ອງນີ້ ມາສະເໜີທ່ານ ເປັນພາສາລາວ ໃນອັນດັບຕໍ່ໄປ.

    ຂ່າວຫລ້າສຸດ

    ສຽງ ເຈົ້າແຂວງ ອັດຕະປື ຢືນຢັນວ່າ ໄດ້ມີການສຳຫຼວດພົບບໍ່ແຮ່ ເປັນປະເພດຫິນອ່ອນ ແລະ ອັນຍະມະນີ

    ການຄົ້ນພົບບໍ່ແຮ່ປະເພດຫິນອ່ອນ ແລະອັນຍະມະນີ ຢູ່ພື້ນທີ່ຫຼາຍຮ້ອຍເຮັກຕາດັ່ງກ່າວ ຊຶ່ງປະເມີນ ໃນເບື້ອງຕົ້ນວ່າ ມີປະລິມານກວ່າ 7 ລ້ານໂຕນ ມູນຄ່າເກີນກວ່າ 100 ຕື້ໂດລາ.
    ອ່ານຕື່ມ

    ວີດີໂອ ທ່ານ Trump ແລະ ທ່ານ Sanders ຊະນະການເລືອກຕັ້ງ ຂັ້ນຕົ້ນ ໃນ New Hampshire

    ທ່ານ Donald Trump ແລະ ທ່ານ Bernie Sander ໄດ້ຮັບໄຊຊະນະຄັ້ງໃຫຍ່ ໃນການແຂ່ງຂັນ ເລືອກຕັ້ງຂັ້ນຕົ້ນ ທີ່ລັດ New Hampshire ໃນວັນອັງຄານວານນີ້.
    ອ່ານຕື່ມ

    Multimedia ທ່ານ Sanders ແລະທ່ານ Trump ຊະນະ ການເລືອກຕັ້ງ ຂັ້ນຕົ້ນ ຢູ່ລັດ New Hampshire

    ຜົນການເລືອກຕັ້ງຂັ້ນຕົ້ນ ແມ່ນສອດຄ່ອງກັນ ກັບການຢັ່ງຫາງສຽງ​ ທີ່ສະແດງໃຫ້ເຫັນວ່າ ທ່ານ Sanders ແລະທ່ານ Trump ມີຄະແນນສຽງນຳໜ້າ ຢ່າງຫຼວງຫຼາຍ.
    ອ່ານຕື່ມ

    ສານສູງສຸດ ສຫລ ສັ່ງໃຫ້ໂຈະ ແຜນການຕັດ ການປ່ອຍແກັສ ຄາບອນ ຂອງ ປ. ໂອບາມາ

    ສານ​ສູງ​ສຸດສະຫະລັດ ​ໄດ້ສັ່ງໃຫ້​ໂຈະ ​ແຜນຂອງປະທານ​າທິບໍດີ Obama ທີ່​ຈະ​ຕັດ ການ​ປ່ອຍ​​ແກັສຄາບ​ອນ​ໄດ​ອອກ​ໄຊ ຂອງ​ໂຮ​ງ​ໄຟຟ້າ​ຕ່າງໆ​ ໃນທົ່ວປະ​ເທດ.
    ອ່ານຕື່ມ

    ເກົາຫລີໃຕ້ ປະກາດ ອັດເຂດອຸດສາຫະກຳຮ່ວມ Kaesong

    ເກົາຫຼີໃຕ້ກ່າວວ່າ ຕົນຈະໂຈະ ການປະຕິບັດງານ ທີ່ເຂດອຸດສາຫະກຳຮ່ວມ ກັບເກົາຫຼີເໜືອ ເພື່ອຕອບໂຕ້ ຕໍ່ການທົດລອງນິວເຄລຍ ແລະຍິງລູກສອນໄຟ ຂອງພຽງຢາງ.
    ອ່ານຕື່ມ
    ຕື່ມອີກ