ລາວ

​ລາວ​ວາງ​ແຜນການ ​ເພີ່ມ​ອັດຕາ​ການ​ເຂົ້າຮຽນ ​ຊັ້ນ​ປະຖົມ​ສຶກສາ ​ໃຫ້​ໄດ້​ເຖິງ 96.1%

ນັກຮຽນປະຖົມ ຢູ່ໃນໂຮງຮຽນແຫ່ງນຶ່ງ
ນັກຮຽນປະຖົມ ຢູ່ໃນໂຮງຮຽນແຫ່ງນຶ່ງ

ມຸນທີມີເດຍ

ສຽງ

ທ່ານ ລີ​ຕູ ບົວ​ປາວ ລັດຖະມົນຕີ​ຊ່ວຍ​ວ່າການ​ກະຊວງ​ສຶກສາ
​ທິການ​ແລະ​ກິລາຖະແຫຼ​ງ ຢືນຢັນ​ວ່າ ​ເປົ້າໝາຍ​ສໍາຄັນ​ຂອງ​ການ
​ພັດທະນາ​ທາງ​ດ້ານ​ການ​ສຶກສາ​ໃນ​ສົກຮຽນປີ 2012-2013
ຊຶ່ງ​ຈະເລີ່​ມຂຶ້ນ​ໃນເດືອນ​ກັນຍາ​ນີ້ ກໍ​ຄື​ການ​ເພີ່ມ​ອັດຕາ​ການ​ເຂົ້າ
ຮຽນຊັ້ນ​ປະ​ຖົມ​ສຶກສາ​ໃຫ້​ເຖິງ 96.1% ຂອງ​ຈໍ​ານວນ​ເດັກ​ນ້ອຍ
ທີ່​ມີ​ອາຍຸ​ລະ ຫວ່າງ 6-10 ປີ ​ໃນ​ທົ່ວ​ປະ​ເທດ​ລາວ.
 
ເພື່ອ​ເປັນ​ການ​ຮັບປະກັນ​ວ່າ​ຈະ​ສາ​ມາດ​ບັນລຸ​ເປົ້າໝາຍ​ດັ່ງກ່າວ​
ໄດ້​ຢ່າງ​ແທ້​ຈິງ ກໍ​ມີ​ຄວາມ​ຈໍາ​ເປັນ​ຢ່າງ​ຍິ່ງ​ທີ່​ຈະ​ຕ້ອງ​ໃຊ້​ງົບປະມານ
​ຫຼາຍ​ຂຶ້ນ​ເຂົ້າ​ໃນ​ການ​ປັບປຸງ​ໂຮງ ຮຽນ​ປະຖົມ​ສົມບູນ​ໃຫ້​ໄດ້​ບໍ່​
ໜ້ອຍກວ່າ 75% ຂອງ​ຈໍານວນ​ໂຮງຮຽນ​ທັງ​ໝົດ 8,929 ​ແຫ່ງ
​ໃນທົ່ວ​ປະ​ເທດ ພ້ອມ​ກັນ​ນັ້ນ ກໍ​ຍັງ​ຈະ​ຕ້ອງ​ເສີມ​ສ້າງ​ຄວາມ​ສະ​ເໝີ​
ພາກໃນ​ດ້ານ​ການ​ສຶກສາລະ​ຫວ່າງ​ຍິງ-ຊາຍ ​ໃຫ້​ເພີ່ມ​ຂຶ້ນ​ເປັນ 98 ຕໍ່ 100 ຄົນ ​ໃຫ້​ໄດ້ ກັບ​ທັງ​ຍັງ​ຈະ​ຕ້ອງ​ລົດ​ອັດຕາ​ການ​ປະລະ​ການ​ຮຽນ​ໃຫ້ຫ​ລຸດ​ລົງ​ເຫຼື​ອບໍ່​ເກີນ 7% ອີກ​ດ້ວຍ.

ທ່ານ ລີ​ຕູ ບົວ​ປາວ ​ເຊື່ອ​ໝັ້ນ​ວ່າ​ທາງ​ການລາວຈະ​ສາມາດ​ບັນລຸ​ເປົ້າໝາຍ​ດັ່ງ​ກ່າວ​ນີ້​ໄດ້​ບໍ່​ ຍາກ ​ເນື່ອງ​ຈາກ​ວ່າ​ໃນ​ສົກຮຽນ​ປີ 2011-2012 ທີ່​ຜ່ານ​ມາ​ນັ້ນ ອັດຕາ​ການ​ເຂົ້າຮຽນຊັ້ນ​ມັດທະຍົມ​ກໍ​ຢູ່​ທີ່​ລະດັບ 95.2% ​ໂດຍ​ເພີ່ມ​ຈາກ 94.1% ​ໃນ​ສົກຮຽນ​ປີ 2010-2011 ສ່ວນ​ຄວາມ​ສະ​ເໝີ​ພາກ​ດ້ານ​ການສຶກສາລະ​ຫວ່າງ​ຍິງ-ຊາຍ ກໍ​ຢູ່​ທີ່ລະດັບ 95 ຕໍ່ 100 ຄົນ ​ໃນ​ຂະນະ​ທີ່​ການ​ປະລະ​ການ​ຮຽນ​ກໍ​ຢູ່​ທີ່​ລະດັບ 8% ​ເທົ່າ​ນັ້ນ.
 
  • ພິທີຮັບໃບປະກາດຂອງນັກສຶກສາ ທີ່ຈົບຈາກໂຮງຮຽນສ້າງຄູແຫ່ງນຶ່ງ  ໃນລາວ
ພິທີຮັບໃບປະກາດຈົບໂຮງຮຽນສ້າງຄູແຫ່ງນຶ່ງ ໃນລາວ

ແຕ່​ຢ່າງ​ໃດ ກໍ​ຕາມ ບັນຫາ​ທີ່​ໜ້າ​ ເປັນຫ່ວງ​ຫຼາຍ​ກວ່າ​ການ​ບັນລຸ
​ເປົ້າໝາຍ​ດັ່ງກ່າວ​ ກໍ​ຄື​ຄຸນ​ນະພາ​ບ​ໃນ​ດ້ານ​ການ​ສຶກສາ​ທີ່​ຕໍ່າລົງ
ໄປ​ເລື້ອຍໆ ​ໂດຍ​ນອກຈາກ​ຈະ​ເປັນເພາະບັນຫາ​ຂາດ​ແຄນ​ງົບ
ປະມານ​ທີ່​ເຮັດ​ໃຫ້​ເກີດ​ບັນຫາ​ຂາດ​ແຄນ​ຄວາມ​ຮູ້​ ຄວາມສາມາດ
​ແລ້ວ ກໍ​ຍັງ​ມີ​ສາ​ເຫດ​ທີ່​ສໍາຄັນ​ອີກ​ປະການ​ນຶ່ງ​ມາ​ຈາກ​ບັນດາ​ນັກ
ຮຽນ​ນັກ ສຶກສາ​ໃນ​ລາວອີກ​ດ້ວຍ.

ທັງ​ນີ້​ກໍ​ເນື່ອງ​ຈາກ​ວ່າ​ນັກຮຽນ-ນັກ​ສຶກສາ​ຂອງ​ລາວ​ໃນ​ປັດຈຸບັນ
​ນີ້ສ່ວນ​ຫຼາຍ​ແລ້ວ ຕ່າງ​ກໍ​ລ້ວນ​ແຕ່​ຂາດ​ຄວາ​ມຮັບຜິດຊອບ​ໃນ​
ການ​ປະຕິບັດ​ໜ້າ​ທີ່​ຂອງ​ພວກ​ຕົນ ​ແລະ​ບໍ່​ມີ​ຄວາມ​ຫ້າວຫັນ​ໃນ​ການ​ສຶກສາ​ຫາ​ຄວາມ​ຮູ້​ເພີ່ມ​ຕື່ມ​ອີກ​ດ້ວຍ ດັ່ງ​ທີ່​ເຈົ້າໜ້າ​ທີ່ຂັ້ນສູງ​ໃນ​ກະຊວງ​ສຶກສາ ໄດ້​ໃຫ້ການ​ອະທິ​ບາຍ​ວ່າ:
 
“ຄວາມ​ກະຕືລື​ລົ້ນ​ຂອງ​ລູກ​ຫຼາຍ​ພວກ​ເຮົາ​ຕໍ່​ການ​ຮໍ່າຮຽນ​ໃນ​ປັດຈຸບັນ​ນີ້ ຕາມ​ອາ
ຈານ​ສັງ​ເກດ​ຕີ​ລາຄາ​ນັ້ນ ຄວາມ​ເປັນ​ເຈົ້າຫ້າວຫັນ​ນັ້ນ ມັນ​ບໍ່ໄດ້​ເທົ່າ​ທີ່​ຄວນ​ເນາະ
ຄວາມ​ຮັບຜິ​ດຊອບ​ໃນ​ຕົວ​ຂອງ​ເຂົາ​ເຈົ້າ​ເອງ​ນັ້ນ​ບໍ່​ໄດ້​ດີ​ປານ​ໃດ ສ່ວນ​ຫຼາຍ​ແລ້ວ​
ມັນໃຫ້​ແຕ່​ຄູ​ອາ​ຈານ​ເປັນ​ຜູ້​ບັງຄັບ​ ຫຼື​ວ່າ​ຊີ້​ນໍາ​ຫຼາຍ​ກວ່າ​ຄວາມ​ຕັດສິນ​ໃຈ​ຂອງ​ເຂົາ​
ເຈົ້ານັ້ນ ບໍ່​ສູງ​ຫັ້ນ​ໜະ ນັກ​ຮຽນ.”

 
  • ນັກຮຽນປະຖົມ ຢູ່ໂຮງຮຽນເຂດຊົນນະບົດຜູ້ນຶ່ງຂອງລາວ
ນັກຮຽນປະຖົມ ຢູ່ໂຮງຮຽນຊົນນະບົດແຫ່ງນຶ່ງຂອງລາວ

ກ່ອນ​ໜ້າ​ນີ້ ທ່ານ​ທອງ​ສິງ ທໍາ​ມະ​ວົງ ນາຍົກລັດຖະມົນຕີ ຖະ
​ແຫຼ​ງຍອມ​ຮັບວ່າ ບັນຫາ​ທີ່​ເປັນ​ອຸບປະສັກ​ຄື​ການ​ພັດທະນາ
​ທາງ​ດ້ານ​ການ​ສຶກສາ​ຢູ່​ໃນ​ລາວ​ຫຼາຍ​ທີ່ສຸດ ກໍ​ຄື​ບັນຫາ​ຂາດ
​ແຄນ​ທາງ​ດ້ານ​ງົບປະມານ ທີ່​ເຖິງ​ແມ່ນ​ວ່າ​ສະພາ​ແຫ່ງ​ຊາດໄດ້
​ລົງມະຕິ​ຮັບຮອງເອົາ​ແຜນການ​ຍຸດ​ທະ​ສາດ​ວ່າ​ດ້ວຍ​ການ​ປະ
ຕິ​ຮູບ​ກາ​ນສຶກສາ​ແຫ່ງ​ຊາດ​ລາວ​ເຖິງ​ປີ 2015 ຢ່າງ​ເປັນ​ທາງ
​ການ​ແລ້ວ​ກໍ​ຕາມ ຫາກ​ແຕ່​ວ່າ​ດ້ວຍ​ຂໍ້ຈໍາກັດ​ທາງ​ດ້ານງົບປະ
ມານ ກໍ​ໄດ້​ສົ່ງ​ຜົນ​ກະທົບ​ຕໍ່​ການ​ປະຕິບັດ​ແຜນ​ຍຸດ​ທະ​ສາດ
ດັ່ງກ່າວ​ຢ່າງ​ຫຼີກ​ລ່ຽງບໍ່​ໄດ້.

ທັງ​ນີ້ ​ໂດຍ​ພາຍ​ໃຕ້​ແຜນ​ຍຸດ​ທະ​ສາດ​ດັ່ງ​ກ່າງ ລັດຖະບານ​ລາວ ​ໄດ້​ວາງເປົ້າໝາຍ​ທີ່​ຈະ​ຂະ​
ຫຍາ​ຍ​ໂອກາດ​ທາງ​ດ້ານ​ການສຶກສາ ​ເພື່ອ​ຄົນ​ລາວ​ທຸກ​ຄົນ ​ໂດຍ​ສະ​ເພາະ ແມ່ນ​ການ​ຂະ
ຫຍາຍ​ໂອກາດ​ທາງ​ດ້ານ​ການ​ສຶກສາ​ໄປ​ສູ່​ຊົນນະ​ບົດ​ໃຫ້​ໄດ້​ຢ່າງ​ທົ່ວ ​ເຖິງ​ໃນ​ທົ່ວ​ປະ​ເທດ
ພ້ອມ​ທັງ​ຈະ​ດໍາ​ເນີນ​ການ​ພັດທະນາ​ເພື່ອ​ຍົກ​ລະດັບ​ຄຸນ​ນະພາ​ບ ​ໃນ​ດ້ານ​ການ​ສຶກສາ​ຂອງ​
ບັນດາ​ນັກຮຽນ ​ແລະ​ນັກ​ສຶກສາ​ໃນ​ທຸກ​ລະດັບ​ໃຫ້​ໄດ້​ມາດ ຕະຖານ​ໃນ​ລະດັບ​ດຽວ​ກັບ​ກັບ​
ບັນດາ​ປະ​ເທດ​ສະມາຊິກ​ໃນ​ກຸ່ມ​ອາ​ຊຽນດ້ວຍ​ກັນ​ໃຫ້ ​ໄດ້​ຢ່າງ​ເປັນ​ຮູບ​ປະ​ທໍາ​ອີກ​ດ້ວຍ.
 
ຫາກ​ແຕ່​ວ່າ​ຄຸນ​ນະພາ​ບການ​ສຶກສາ​ຂອງ​ນັກຮຽນ​ແລະ​ນັກ​ສຶກສາ​ໃນ​ລາວ​ກັບ​ຍັງ​ຕໍ່າຫຼາຍ ​
ເມື່ອ​ທຽບ​ກັບ​ບັນດາ​ປະ​ເທດ​ສະມາຊິກ​ໃນ​ກຸ່ມ​ອາ​ຊ່ຽນ​ດ້ວຍ​ກັນ ​ແລະ​ຍັງ​ເຮັດ​ ໃຫ້ການ​ພັດ ທະນາ​ການ​ສຶກສາ​ມີ​ຄວາມ​ແຕກ​ໂຕນ​ກັນ​ຢ່າງ​ຫຼວງ​ຫຼາຍ​ລະຫວ່າງ​ເຂດໃນ​ເມືອງ​ກັບ​ເຂດ​
ຊົນນະບົດ​ອີກ​ດ້ວຍ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ຄວາມເຫັນ
     
ໂດຍ: ຖາວອນ ຈາກ: ທ່າແຂກ
01.09.2012 00:57
ຢາກຝາກບອກຜູ້ທີ່ເປັນເຈົ້າຫນ້າທີ່ຫືຄຣູອາຈານທີ່ເອົາໃບປະກາສນີຍະບັດໃຫ້ລູກຫລານ ຕາມກົດຣະບຽບແລ້ວຕ້ອງໄດ້ຢືນ ເພາະຜູ້ທີ່ເຂົາມາຮັບນັ້ນກໍຕ້ອງໄດ້ຢືນຮັບເອົາ ແຕ່ທີ່ເຫັນນຳຮູບເທິງນີ້ຜິດຫຼັກການ ນັ່ງຍື່ນໃຫ້ ຫລືວ່າຜູ້ກ່ຽວເປັນເປັ້ຍເສັຍຂາ (ເສັຍອົງຄະ) ບໍ??.

ໂດຍ: Phuc Tranh ຈາກ: Vientiane, Laos
30.08.2012 21:30
I just came from Dien Bien province of Vietnam to Laos with out any paper work, now I working in the Lao ranger office in Vientiane, Savannakhet and Pakse as the chef of liason south of Laos. I didn't speak lao but my co-worrker speak Viet. I plan to bring more friends and relative to laos next month to find job. Laos is ease country embraced Vietnam. I love Laos so much with lao young Em too. Anh nyuen lao em...!

ໂດຍ: ອະດີດຄູຊົນນະບົດ ຈາກ: ເມືອງວຽງທອງ
30.08.2012 11:13
ເຮັດແນວໃດກໍ່ເຮັດ,ໃຫ້ຟ້າວເຮັດແດ່ເພາະຈະບໍ່ທັນຊາດອື່ນເຂົາ,ການສຶກສາປະເທດອື່ນໆໄປໄກແລ້ວ.ພັດທະນາການສຶກສາບໍ່ແມ່ນເລື້ອງຍາກເກີນຄວາມສາມາດຂອງຄົນເຮົາ. ວິທີກໍ່ຄືວ່າ:ໃຫ້ເລີ້ມຈາກເດັກນ້ອຍຂັ້ນອະນຸບານ,ຂັ້ນປະຖົມສຶກສາຂັ້ນຕົ້ນເພື່ອໃຫ້ເດັກນ້ອຍມີນິດໄສຝັກໄຜ່ການຮຽນ, ໃຫ້ເດັກນ້ອຍມີກິດຈະກຳເຮັດໃນໂຮງຮຽນໃຫ້ຫລາຍເພາະເປັນການນິດໄສທີ່ຂະຫຍັນໃຫ້ແກ່ເຂົາເຈົ້າໂດຍຄວບຄູ່ກັບຫລັກສູດການຮຽນໄປພ້ອມໆກັບຄຸນນະທຳ,ສິນລະທຳ,ການຮູ້ຖືກຮູ້ຜິດ,ຮູ້ຮັບຜິດຊອບຊົ່ວດີເທົ່ານີ້ກໍ່ພໍແລ້ວບໍ່ຕ້ອງຄິດຫລາຍ. ເມື່ອເດັກນ້ອຍເຫລົ່ານັ້ນມີພື້ນຖານທາງດ້ານແນວຄວາມຄິດທີ່ດີ, ມີນິດໄສທີ່ຂະຫຍັນ,ບັນຫາອື່ນໆກໍ່ງ່າຍດາຍ,ເມື່ອເຂົາໃຫຍ່ຂື້ນມາເຂົາຈະຊອກຮໍ່າຮຽນເອົາເອງ---ດ້ານວິຊາວິທະຍາສາດ,ເຕັກນິກຕ່າງໆເຂົາຈະຮຽນເອງ...

ໂດຍ: ບໍ່ໄດ້ຕົວະຕີທ່ານ ຈາກ: ລາວຫລົງທີບບໍ່ແມ່ນຕັ້ງຫລົງຕັ້ງຢາກຫລົງ
29.08.2012 11:02
ສະແດງຄວາມຍິນດີນຳທີ່ມີນະໂຍບາຍດີໆແນວນີ້ ແຕ່ນະໂຍບາຍມັນຫວານຊື່ນ ວ່າງອອກມາມີແຕ່ແນວດີໆ ພາກປະຕິບັດຕົວຈິງຊິໄດ້ແທ້ຫລືບໍ ເຊີນກວດກາ ຄືນ ແລະ ປະເມີນເບິ່ງແດ່ກະດີໄດນໍ ມີແຕ່ ອອກຂ່າວຍາມໄດກະ ສະຫລາດ ສ່ອງໃສ ຕະຫລອດ, ບັນຫາຫຍໍ້ທໍ້ການສຶກສາບ້ານເຮົາມັນເປັນບັນຫາທີ່ຍ່າວນານ ຮູ້ບັນຫາແຕ່ແກ້ບໍ່ໄດ້, ການຊື້ຈ້າງຈອບອອຍເຂົ້າຮຽນ ແຕ່ກ່ອນຮຽນ ເສດຖະສາດ ການເງິນ ຮຽນແພດ ແມ່ນຄົນມີເງິນຈຶ່ງສາມາດຮຽນໄດ້, ເຂົ້າເຮັດການສັງກັດລັດກະມີການຊື້ຈ້າງຈອບ ອອຍ ເຮັດວຽກທະນາຄານ ເອົາແປດຫມື່ນບາດ ເຮັດວຽກຕຳຫລວດ ເອົາສາມຫມື່ນບາດ ເປັນຄູສອນໄດ້ເງີນເດື່ອນພ້ອມ ເອົາສອງຫມື່ນບາດ, ເວົ້າເລື່ຶອງເຮັດການ ຊັ້ນຂັ້ນສ່ຳກັນ ນາຍຄູ ກັບ ພາສີ ການເງິນ ການທະນາຄານ ລວຍຜິດກັນປານຟ້າກັບດິນ, ກົດຫມາຍຕ້ານການສໍ້ລາດບັງຫລວງ ອອກມາຫລາຍສະບັບ ແຕ່ບໍ່ຮູ້ວ່າ: ລະດັບລັດຖະມົນຕຣີ ມີໄຜແດ່ເຄີຍຖືກໂທດປະຫານ ຄື: ກັບຈີນ ແລະ ຫວຽດນາມ. ທັງທີ່ຍ້ອງວ່າ: ລະບອບສັງຄົມນິຍົມປະເສີດດີທີ່ສຸດ ສັງຄົມຍຸດຕິທຳ ປະຊາຊົນເທົ່າທຽມ ແລະເປັນເຈົ້າຂອງປະເທດຊາດ. ແມ່ນໄຜເຂົ້າເຮັດວຽກງານກະວ່າ: ເຮັດເພື່ອຊາດເພື່ອປະຊາຊົນ ແຕ່ ຍັງເຫັນປະຊາຊົນທຸກຍາກຢູ່ ແຕ່ ຜູ້ນຳ ມີລົດຄັນງາມເຮືອນຫລັງໃຫຍ່ ແບບສະບາຍສະບາຍດີ.

ໂດຍ: VIS-Lao
28.08.2012 08:08
ສະແດງຄວາມເຫັນດີນຳຄຳຄິດເຫັນຂອງທ່ານຄູທີ່ໄດ້ບອກມາຂ້າງເທີງ ຖ້າ
ເປັນດັ່ງທີ່ເວົ້າມານັ້ນ ລັດຖະບານກໍຄວນຈະຮີບຮ້ອນແກ້ໄຂ ເພາະວ່າການ
ພັດທະນາຄູກໍແມ່ນ ໜື່ງໃນແຜນງານທີ່ນອນຢູ່ໃນແຜນພັດທະນາຊັບພະຍາ
ກອນມະນຸ (4 ບຸກທະລຸ) ຂອງລັດຖະບານ.

ໂດຍ: open_lens@hotmail.com
28.08.2012 01:11
We need Public Library one province per one Library
for Education center

ໂດຍ: Ong Loc ຈາກ: Savannakhet
27.08.2012 22:29
I am viet from Hanoi, I am math teacher in Vietnam. I want to be a teacher in Laos, little money no problem. I love Laos government because they love my viet too.

ໂດຍ: KHAM ຈາກ: Vientiane
27.08.2012 03:45
Our gov't want more students but we don't have enough teachers and schools, the important thing is budget. even Vientiane or in the country side. The young teachers don't want to go to teach, because that job is less pay and some months missed paiy.

ໂດຍ: Nguoi yeu nuoc ຈາກ: VT-Laos
26.08.2012 11:39
The first Lao gov... must to know about their lifes: Salary.There are many teachers go to fish on weekend because their salary not much or some of them go to find another job in the evening.
I am a teacher.

ໂດຍ: TPV ຈາກ: ດ້ວຍຄວາມເປັນຫ່ວງ
26.08.2012 10:43
ການພັດທະນາປະເທດຊາດຕ້ອງຄຽງຄູ່ໄປກັບການສຶກສາ ແຕ່ການຍົກລະດັບການສຶກສາພັດເຫັນມີທ່າອຽງໃນການເອົາລັດເອົາປຽບກັນ ໂດຍສະເພາະແມ່ນການແຂ່ງຂັນກັນ ເອົາທຶນເຂົ້າ ຮຽນວິຊາຊີບມີການຊື້ຈ້າງຈອບອອຍຂອງຜູ້ມີເງິນມີອຳນາດໃນສັງຄົມ (ເສັ້ນສາຍ) ສຳລັບຄົນທຸກຍາກຮຽນເກັ່ງຄະແນນສູງຈຳນວນໜຶ່ງຕ້ອງຕົກເປັນຜູ້ດ້ວຍໂອກາດທີ່ຈະສຶກສາຕໍ່ ໃນຂັ້ນມະຫາ ວິທະຍາໄລ ຫຼືວິຊາຊີບຕົວເລກໃນແຜນຂອງທຶນລັດຖະບານຊ່ວຍເຫຼືອຍັງມີໜ້ອຍ ແລະອີກບັນຫາໜຶ່ງ ນັກສຶກສາໃນແຜນທີ່ຈົບປະລິນຍາ, ຊັ້ນສູງ, ກາງ ຈຳນວນບໍ່ໜ້ອຍຈົບມາແລ້ວ ພາກສ່ວນທີ່ກ່ຽວຂ້ອງບໍ່ມີຄວາມເອົາໃຈໃສ່ໃນການສັບຊ້ອນຕົວເລກເຂົ້າໃນການປະຕິບັດໜ້າທີ່ວຽກງານວິຊາສະເພາະ ຈົນສັ່ງຜົນໃຫ້ຜູ້ທີ່ໄດ້ທຶນມາຮຽນວ່າງງານ ແລະອາດເຮັດໃຫ້ພວກເຂົາ ຂາດຄວາມເຊື່ອໝັ້ນໃນພັກ-ລັດກໍເປັນໄດ້
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ບັນດາ​ນັກວິທະຍາສາດ ໃກ້ຈະ​ຄົ້ນພົບ ວິທີ​ປິ່ນປົວ​ ໂຣກ AIDS ​ໃຫ້ຫາ​ຍຂາດແລ້ວi
X
14.12.2014
ບັນດາ​ນັກວິທະຍາສາດ ທີ່​ຊອກ​ຫາ​ວິທີ​ປິ່ນປົວ​ໂຣກ AIDS ​ໃຫ້ຫາ​ຍນັ້ນ ກ່າວ​ວ່າ ພວ​ກ​ເຂົາ​ເຈົ້າ​ໄດ້​ຄົ້ນ​ພົບ​ເຄມີ​ພື້ນຖານ ຂອງ​ເຊື້ອ​ໄວຣັສ HIV ​ ແລະ​ວ່າ​ແຜນ​ຍຸ​ທະ​ສາດ​ ທີ່​ເປັນ​ໄປ​ໄດ້​ຫລາຍທີ່​ສຸດ ​ໃນ​ການ​ຕໍ່ສູ້ກັບ ​ພະຍາດ​ນີ້ ກໍ​ຈະ​ແມ່ນ ​ໂຈມ​ຕີ​ມັນ​ດ້ວຍ​ໄວຣັສອີກ​ຊະນິດ​ໜຶ່ງ.

ຂ່າວຫລ້າສຸດ

ວີດີໂອ ສຳພາດ ທ່ານເກສອນ ສີທົນນະລາດ ພໍ່ຄົວອາຫານນາໆຊາດ

ຟັງການສຳພາດ ທ່ານເກສອນ ສີທົນນະລາດ ອາຊີບພໍ່ຄົວລາວ ໄທ ຍີ່ປຸ່ນ ແລະອາເມຣິກັນ. ປັດຈຸບັນນີ້ ຕັ້ງຄອບຄົວ ຢູ່ນະຄອນ Des Moines ລັດ Iowa.
ອ່ານຕື່ມ

ສຽງ ເພງດັງໃນອະດີດ “ຄິດຮອດຄວາມຮັກ" ຊຶ່ງຄັ້ງນີ້ ເປັນນ້ຳສຽງຂອງ ສຳລອງ ກ. ວິເສດ.

ມື້ນີ້ ວັນນະສອນຈະພາທ່ານໄປຟັງເພງດັງໃນອະດີດ...ຊຶ່ງຄັ້ງນີ້ ເປັນການນຳເອົາເພງເກົ່າຂຶ້ນມາຂັບຮ້ອງ ແຕ່ນ້ຳສຽງກໍຖືວ່າດີພໍໆກັບເພງຕົ້ນສະບັບ ຂໍເຊີນທ່ານເຂົ້າສູ່ລາຍການໄດ້.
ອ່ານຕື່ມ

Multimedia ປ. ໂອບາມາ ກ່າວວ່າ ສະຫະລັດ ຈະຊຸກຍູ້ ປະຊາທິປະໄຕ ແລະສິດທິມະນຸດ ໃນຄິວບາ

ທຳນຽບຂາວ ຖະແຫຼງວ່າ ນະໂຍບາຍຂອງສະຫະລັດ ຕໍ່ຄິວບາ ໃນອະດີດຜ່ານມາ ມີເຈດຕະນາດີທີ່ສຸດ ແຕ່ບໍ່ໄດ້ຮັບຜົນຫຍັງຫຼາຍ.
ອ່ານຕື່ມ

Multimedia ສຫລ ກ່າວວ່າ ເກົາຫຼີເໜືອ ​ແມ່ນ​ຢູ່​ເບື້ອງ​ຫຼັງ ການ​ລັກລອບ ​ເຈາະ​ຂໍ້​ມູນ​​ Sony Pictures

ສະຫະລັດ ​ສາມາດ​ລະບຸ​ໄດ້​ວ່າ ​ເກົາຫຼີ​ເໜືອ ແມ່ນ​ຢູ່​ເບື້ອງ​ຫຼັງ ການ​ລັກລອບ​ເຈາະ​ຂໍ້​ມູນ ຂອງ Sony Pictures ຊຶ່ງ​ໄດ້​ຍິນ​ຍອມ ຕໍ່​ການ​ຂົ່ມຂູ່​ ແລະ​ໄດ້​ຍົກ​ເລີກ ​ການນຳອອກ​ສາຍຮູ​ບ​ເງົາ​.
ອ່ານຕື່ມ

ວີດີໂອ ອິສຣາແອລ ກ່າວວ່າ ຄວາມພະຍາຍາມ ຂອງປາແລສໄຕນ໌ ແມ່ນເພື່ອຫຼີກລ້ຽງ ການເຈລະຈາກັນ

ອິສຣາ​ແອ​ລ ກ່າວ​ວ່າ ການ​ເຄື່ອນ​ໄຫວ​ ຂອງ​ປາ​ແລ​ສ​ໄຕ​ນ໌ ທີ່​ຈະສະ​ເໜີ ​ຮ່າງຍັດຕິ​ ​ຕໍ່ສະພາ​ຄວາມ​ໝັ້ນຄົງນັ້ນ ມີແຕ່​ຈະເຮັດໃຫ້ຊັກ​ຊ້າ ໃນການແກ້ໄຂ​ ບັນຫາ​ຂັດ​ແຍ້​ງ.
ອ່ານຕື່ມ
ຕື່ມອີກ