ຊີວິດຊາວລາວ

    ຊາວລາວ-ອາເມຣິກັນ ສາມຄົນ ຫາຍສາບສູນ ຢູ່ ສປປ ລາວ

    ມຸນທີມີເດຍ

    ສຽງ
    ກິ່ງສະຫວັນ ປະຖຳມະວົງ
    ທ່າມ​ກາງ​ບັນ​ຍາ​ກາດອັ​ນນອງນັນ​ ​ກ່ຽວ​ກັບການຫາຍສາບສູນ
    ໄປຂອງ ທ່ານສົມບັດ ສົມພອນ ນັກພັດທະນາສັງຄົມທີ່​ດີ​ເດັ່ນ
    ຢູ່ໃນ ສປປ ລາວ ຊຶ່ງເປັນ​ຂ່າວ​ທີ່​ຍັງບໍ່​ທັນເຫືອດຫາຍ​ ແລະຍັງ
    ມີ​ການສືບ​ຕໍ່ກົດ​ດັນ​ໃຫ້​ທາງ​ການລາວ ທຳ​ການ​ສື​ບ​ສວນ​ຢູ່ນັ້ນ ບັດນີ້ໄດ້ເກີດມີຄື້ນຟອງນອງ ນັນຂື້ນມາ​ຕື່ມອີກ ກ່ຽວ​ກັບການ
    ​ຫາຍສາບ​ສູນ​ຂອງ​ ຊາວ​ລາວ-ອາ​ເມ​ຣິ​ກັນ ສາມ​ຄົນ ຢູ່ໃນ
    ສປປ ລາວ ທີ່ມີ​ຂ່າວອອກມາ​ຈາກ​ຫລາຍໆ​ສື່ຢູ່ໃນ ສະ​ຫະ​ລັດ
    ​ໃນ​ອາທິດ​ແລ້ວ​ນີ້​. ​

    ເພື່ອ​ຄວາມ​ກະຈ່າງ​ແຈ້ງ ວີ​ໂອ​ເອ ໄດ້​ພະ​ຍາ​ຍາມຕິດ​ຕໍ່​ພົວ​ພັນ​
    ຢ່າງ​ໃກ້​ຊິດ​ກັບຄອບ​ຄົວ​ຂ​ອງ​ບຸກ​ຄົນ​ທັງສາ​ມ ທີ່​ເດີນ​ທາງ​ໄປ
    ສ​ປ​ປ ລາວນັ້ນ. ເຖິງ​ແມ່ນ​ໄດ້​ມີຂ່າວ​ທີ່​ບໍ່​ເປັນ​ທາງການ ​ແລະ
    ຊາ​ລື​ກັນ​ອອກມ​າ​ວ່າ ເຂົາ​ເຈົ້າ​ໄດ້​ເສ​ຍ​ຊີ​ວິດໄປແລ້ວ ແຕ່​ວ່າ​ບັນ​ດາ​ພັນ​ລະ​ຍາ ຍາດ​ຕິ​ພີ່​
    ນ້ອງ​ໃກ້​ຊິດຂ​ອງ​ຜູ້​ຫາຍ​ສາບ​ສູນ ທັງຢູ່​ໃນ ສ​ປ​ປ ລາວ ແລະ​ສະ​ຫະ​ລັດ ກໍຍັງບໍ່​ສາ​ມາດ
    ຢັ້ງ​ຢືນໄດ້​ເປັນທີ່ຄັກ​ແນ່​ວ່າ ​ທັງ​ສາ​ມ​ທ່ານ​ນີ້ໄດ້ເສຍ​ຊີ​ວິດໄ​ປແທ້ຫລື​ບໍ່ ແລະຖ້າ​ຫາກວ່າ
    ຍັ​ງ​ມີ​ຊີ​ວິດ​ຢູ່ ​ເຂົາ​ເຈົ້າຢູ່ໄສ​ກັນ​ແທ້​ໃນປັດ​ຈຸ​ບັນ​.

    ​ບຸກ​ຄົນ​ທຳ​ອິດ​ກໍ​ຄື ທ່ານສຸຣິ ກອງດາຣາວົງ ເກີດ​ເມື່ອປີ 1956 ທີ່ເມືອງສະຄຶ່ນ ແຂວງສະຫວັນ
    ນະເຂດ ເດີນທາງເຂົ້າມາຢູ່ສະຫະລັດ ໃນປີ 1981 ​ເປັນສັນຊາດອາເມຣິກາ ​ເຮັດ​ວຽກຢູ່ໂຮງ
    ​ງານອຸດ​ສາ​ຫະ​ກຳ​ແຫ່ງ​ນຶ່ງ ໃນລັດ Minnesota. ທ່ານ​ໄດ້​ທ່ຽວເດີນ​ທາງ​ໄປ​ຢ້ຽມຢາມເມືອ​ງ
    ​ລາວ ຫລາຍໆ​ຄັ້ງ ນັບ​ຕັ້ງ​ແຕ່ລັດ​ຖະ​ບານ ສ​ປ​ປ ລາວ ໄດ້​ເປີດ​ໃຫ້​ຊາວ​ລາວຢູ່ນອກ​ປະເທດ
    ໄດ້​ມີ​ໂອ​ກາດ​ກັບ​ຄື​ນ​ມາ​ຢ້ຽມ​ຢາມບ້ານ​ເກີດ​ເມຶອງນອນ ດັ່ງທີ່​ທ່ານ​ນາງຄຳ​ໜັ້ນ ກອງ​ດາ​ຣາ​ວົງ
    ​ພັນ​ລະ​ຍາ​ຂອງ ທ່ານ​ສຸ​ຣິ ໄດ້​ເລົ່າ​ສູ່ຟັງ ​ໃນ​ການ​ໃຫ້​ສໍາພາດ​ກັບ ວີ​ໂອ​ເອ ດັ່ງ​ນີ້ອ
    ນາງຄໍາໜັ້ນ ກົງດາຣາວົງ
    ນາງຄໍາໜັ້ນ ກົງດາຣາວົງi
    || 0:00:00
    ...    
     
    X

    ​ອິງ​ຕາມ​ຄໍາ​ບອກ​ເລົ່າ​ຂອງ​ນາງຄຳ​ໝັ້ນນັ້ນ ກໍ​ແມ່ນ​ວ່າ ສາມີ​ຂອງ​ຕົນ ຄືທ່ານ​ສຸຣິ ໄດ້​ສ້າງ​ຄອບ​ຄົວກັບ ນາງ​ທິບ​ພາ​ວັນ ອາ​ຍຸ 25 ປີ ຢູ່​ທາງ​ປະ​ເທດ​ລາວ ຊຶ່ງ​ທັງ​ສອງມີລູກ​ສາວນ້ອຍຄົນນຶ່ງ
    ອາ​ຍຸ​ປີ​ປາຍ. ວີ​ໂອ​ເອ​ໄດ້​ໂທລະສັບ​ໄປ​ຖາມ​ເລື້ອງລາວ​ ກັບນາງ​ທິບພະ​ວັນ ທີ່​ໄດ້​ເລົ່າ ​ສູ່​ຟັງດັ່ງ​ນີ້:
    ນາງທິບພະວັນ
    ນາງທິບພະວັນi
    || 0:00:00
    ...    
     
    X

    ອີກສອງ​ຄົນທີ່​ຫາຍ​ສາບ​ສູນ​ໄປນໍາ​ກັນກັບ​ທ່ານ​ສຸຣິ ກໍ​ຄື ທ່ານ​ບຸນມາ ປັນ​ຍາ​ພັນ ເກີດ​ໃນ​ປີ 1954 ທີ່​ເມືອງ​ປາກ​ເຊ ແຂວງ​ຈຳ​ປາ​ສັກ ສັນ​ຊາດ​ອາ​ເມ​ຣິ​ກັນ ​ເຮັດ​ວຽກ​ຢູ່​ໂຮງ​ງານ​ອຸ​ດສາ​ຫະ​ກຳຄື​ກັນ. ວີ​ໂອ​ເອ​ໄດ້ໂທລະສັບ​ໄປ​ລົມ​ກັບນາງ​ໄຂ່​ແກ້ວ ອະ​ດີດ​ພັນ​ລະ​ຍາ ​ແຕ່​ກໍ​ບໍ່​ໄດ້​ຄວາມ​ຫຍັງ​ຫລາຍ ​ເພາະ​ຜູ້ກ່ຽວ​ເວົ້າ​ວ່າ ໄດ້ຢ່າ​ຮ້າງກັນດົນ​ແລ້ວ ​ແລະຫລັງ​ຈາກນັ້ນ ທ່ານບຸນ​ມາ​
    ກໍໄດ້ທຽວ​ເມືອ​ເມືອ​ງ​ລາວ ແລະ​ໄດ້​ໄປສ້າງຄອບ​ຄົວ​ໃໝ່​ຢູ່​ທີ່​ນັ້ນ.​

    ​ບຸກ​ຄົນ​ທີ່​ສາມ​ທີ່​ຫາຍ​ສາບ​ສູນ​ໄປກໍ​ຄື ທ່ານບຸນ​ທ່ຽງ ອິນ​ສີ​ຊຽງໃໜ່ ​ອາ​ຍຸ 55 ​ປີ ເກີດທີ່ແກ້ງ
    ກອກ ແຂວງ​ສະ​ຫວັນ​ນະ​ເຂດ ​ເຮັດ​ວຽກຢູ່ໂຮງງານ​ອຸດ​ສາ​ຫະ​ກຳຄື​ກັນ ​ແລະ​ກໍ​ມີ​ປະວັດ​ຄ້າຍ
    ຄື​ກັນ ຄືໄດ້ຢ່າ​ຮ້າງຈາກ​ເມຍຢູ່​ສະ​ຫະ​ລັດ​ ແລະໄດ້​ໄປສ້າງຄອບ​ຄົວໃໝ່​ ທີ່ ສ​ປ​ປ ລາວ.

    ອິງ​ຕາມ​ນາງ​ຄໍາ​ໝັ້ນ ຜູ້​ເປັນເມຍ​ນັ້ນ ທ່ານສຸ​ຣິ​ ກອງ​ດາ​ຣາ​ວົງ ໄດ້ເດີນ​ທາງ​ໄປມາ​ໃນ​ ສ​ປ​ປ ລາວ ຢ່າງ​ກ້ວາງ​ຂວາງ ​ໃນ​ໄລຍະ 20 ກວ່າ​ປີທີ່​ຜ່ານ​ມາ ​ແລະເທື່ອ​ສຸດ​ທ້າຍ​ນີ້ ​ແມ່ນ​ໄດ້​ເດີນທາງ​ໄປ​ໃນ​ເດືອນກັນຍາ ປີ​ກາຍ​ນີ້ ແລະ​ໄດ້ມີ​ກຳ​ໜົດ​ກັບ​ຄືນ​ມາ​ສະ​ຫະ​ລັດໃນ​ເດືອນ​ມີ​ນາ ຄື​ເດືອນ​ນີ້​ເອງ. ​ແຕ່​ວ່າໃນ​ວັນ​ທີ 5 ເດືອນມັງກອນ​ທີ່​ຜ່ານ​ມາ​ນັ້ນ ທ່ານ​ສຸຣິ ທ່ານ​ບຸນ​ມາ ແລະ​ທ່ານ​ບຸນ​ທ່ຽງ ໄດ້ພາກັນເດີນ​ທາງ​ຈາກເມືອງ​ສະ​ຫວັນ​ນະ​ເຂດ ໂດຍລົດ​ຕູ້ນ້ອຍ​ຄັນ​ນຶ່ງ ເພື່ອໄປ​ສົ່ງ​ສະ​ການທີ່ບ້ານ​ແກ້ງກອກ ແລະ​ນັບຕັ້ງ​ແຕ່​ວັນ​ນັ້ນ​ເປັນ​
    ຕົ້ນ​ມາ ທັງສາມ​ຄົນ​ກໍໄດ້​ຫາຍ​ສາບ​ສູນ ມາ​ຈົນເຖິງ​ເທົ້າ​ປັດ​ຈຸ​ບັນ​ນີ້.

    ເຂົາ​ເຈົ້າໄດ້ຂາດການຕິດ​ຕໍ່​ທາງ​ໂທ​ລະ​ສັບ​ ໂດຍ​ບໍ່​ຊາບສາ​ເຫດ​. ນາງ​ຄຳ​ໜັ້ນກ່າວ​ວ່າ​ ນາງໄດ້​ຮັບຂ່າວ​ຈາກພີ່​ນ້ອງທາງ​ເມືອງລາວ ວ່າ ມີລົດຕູ້ຄັນ​ນຶ່ງຖືກໄຟ​ໄໝ້​ທີ່​ບ້ານ​ດົງ​ມຸກ ເມືອງ​ຊົນ ບໍ່​ໄກ​ຈາ​ກ​ແກ້ງກອກ​ເທົ່າ​ໃດ ແລະມີຊາກສົບ​ຂອງຜູ້​ຊາຍສາມ​ຄົນຢູ່ໃນລົດ
    ​ຄັນ​ນັ້ນ.

    ​ກ່ຽວ​ກັບ​ເລື້ອງ​ດັ່ງ​ກ່າວ​ນີ້ ເຈົ້າໜ້າທີ່ທ່ານ​ນຶ່ງປະ​ຈຳສະຖານເອກອັກຄະລັດຖະທູດສະຫະລັດ
    ທີ່ນະຄອນຫລວງວຽງຈັນ ​ໄດ້ຕອບ​ຄໍາ​ຖາມຂອງວີ​ໂອ​ເອ ວ່າ ໄດ້ຮັບລາຍງານ​ແຈ້ງ​ເຖິງການ
    ຫາຍສາບສູນ​ຂອງຄົນລາວ ສັນຊາດອະເມຣິກັນ ຢູ່ໃນ ສປປ ລາວ. ຢ່າງ​ໃດ​ກໍ​ຕາມ ທາງ​
    ສະຖານທູດ​ສະຫະລັດ​ກໍ​ຍັງ​ບໍ່​ສາມາດບອກ​ໄດ້ຢ່າງຄັກ​ແນ່ ຈົນ​ກ່ວາ​ຈະ​ໄດ້ຮັບ​ການ ຢືນຢັນ
    ​ຢ່າງ​ເປັນ​ທາງ​ການ ຈາກ​ທາງ​ການ​ລາວ​ເສຍ​ກ່ອນ. ​ເຈົ້າ​ໜ້າ​ທີ່​ທູດຄົນດັ່ງກ່າວເວົ້າ​ຕື່ມ​ວ່າ
    ທາງສະຖານທູດ​ສະຫະລັດ​ກໍ​ກໍາລັງ​ຂໍ​ຮ້ອງ ​ໃຫ້​ທາງ​ການ​ລາວ ​ເລ່ງ​ລັດການສືບສວນ​ສອບ​
    ສວນ​ກ່ຽວ​ກັບ​ເລື້ອງ​ນີ້​ແລະ​ສະຫລູ​ບຜົນ​ໂດ​ຍ​ໄວ ​ເພາະວ່າ​ການ​ຕິດຕາມຫາຂ່າວຄາວ​ແລະ
    ​ບ່ອນຢູ່​ຂອງ​ຄົນ​ອາ​ເມຣິກັນ​ທີ່​ຫາຍ​ສາບ​ສູນ​ນັ້ນ ​ແມ່ນ​ເປັນ​ບູລິ​ມະ​ສິດ​ຂອງ​ທາງ​ການ​ສະຫະລັດ.

    ວີ​ໂອ​ເອກໍຈະຕິດ​ຕາມ​ຄວາມ​ຄືບ​ໜ້າ​ກ່ຽວ​ກັບ​ເລື້ອງ​ນີ້​ ມາ​ສະ​ເໜີ​ທ່ານ​ ​ໃນ​ໂອກາດ​ຕໍ່​ໄປ.
    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ການລຽງລຳດັບ ຄວາມເຫັນ
    ໜ້າ ໃນ 2 ໜ້າຄວາມເຫັນ
        ຕໍ່ໄປ 
    ໂດຍ: ຄ້ານຟັງ ຈາກ: ລາວ
    21.03.2013 13:14
    ຂ້າພະເຈົ້າອ່ານຂ່າວແລ້ວກະຄິດນ້ອຍໃຈຢູ່ເປັນຫຍັງຄືເບິ່ງຄົນລາວແນວບໍ່ດີແທ້, ບ່ອນຟັງສາຍແຫ່ບ່ອນແຜ່ສາຍບືບ່ອນຜື
    ຜ້າອ້ອມຂອງພວກທ່ານບໍ່ແມ່ນຢູ່ລາວຫວາ

    ໂດຍ: Laotian, retire ຈາກ: USA
    17.03.2013 03:39
    You go to Laos you die because:
    1/ you showing yourself like King
    2/you threatening Laotian in Laos like slaves
    3/you bumping other man out to get they girl friend
    4/you don't respect the country law
    5/talking too much
    6/doing parties 24 hours
    if you doing with some conditions above i want to kill you too. I don't want to see the laotian men like this okey!

    ໂດຍ: ບັກຫຳໃຫ່ຍ ຈາກ: ຈັນທະບູລີ
    15.03.2013 11:49
    ສະບາຍດີ ທ່ານບໍ່ອອກຊື່, ທ່ານຂຽນດີຫຼາຍ ທ່ານວ່າໃຜ ຝາກເຄື່ອງມື ສາມ ມືສີ່ ມາໃຫ້ພີ່ນ້ອງ, ຊວ່ຍບອກເຂົາແດ່ ຢ່າໃຫ້
    ເຂົາດູຖູກຄົນອື່ນຫຼາຍ, ແຕ່ວ່າບອກກະຄືຊິຍາກຢູ່ດອກ, ອັນແນວນີ້ມັນຂື້ນນຳສາຍເລືອດ ຖ້າພໍ່ແມ່ສັ່ງສອນແນວໃດ ລູກເຕົ້າ
    ກໍຈະມັກເດີນຕາມ,ບ້ານເຮົາເພິ່ນວ່າ ໝາກໃມ້ບໍ່ລົ່ນໄກກົກ, ຂອບໃຈ ທ່ານຜູ້ ບໍ່ອອກຊື່ ດີແທ້ ຄວນລົງຊື່ເນາະ ເພື່ອສະດວກ
    ໃນການເອີ້ນ, ຂອບໃຈທຸກທ່ານທີ່ໃຊ້ບໍລິການສື່ ກັບ voa

    ໂດຍ: ບັກຫຳໃຫ່ຍ ຈາກ: ຈັນທະບູລີ
    14.03.2013 09:44
    ສະບາຍດີ ບັກຫຳນ້ອຍ ເຈົ້າວ່າໃຜມີເມຍນ້ອຍ, ນີ້ອ້າຍຊິບອກ ເຂົາວ່າໃຜບໍ່ມີເມຍນ້ອຍ ເປັນຄົນດ້ອຍພັດທະນາ, ອ້າຍກະຢາກ
    ມີຄືກັນ ແຕ່ໜ້າຕາອ້າຍບໍ່ໃຫ້ ແຖມເງິນເດືອນອອກ ບໍ່ແມ່ນລູກໄປເອົາ ກະແມ່ນແມ່ມັນໄປເອົາ, ໂອຍ ຄວາມຝັນກະເລີຍແຈບ ໂຊກດີນ້ອງ.......

    ໂດຍ: ທ.ຊຽງຂວາງ ຈາກ: ເມືອງຄຳລາວ
    13.03.2013 23:08
    ຂ້າພຣະເຈົ້າກໍບໍໄດ້ຄິດແຕກຕ່າງໄປຈາກທ່ານທັງຫລາຍດອກ ຄິດວ່າພວກເພີ່ນໄປທ່ຽວລາວແລ້ວຖຶກຂ້າຕາຍອາຈະມີເຫດຜົນຢູ່ວ່າ:
    ໂອ້ອວດເງິນຄຳ, ຍາດ ແຍ່ງສັບສົມບັດນຳຍາດພີ່ນ້ອງ,ມີສອງຄວາມຄິດມີສອງ ການກະທຳ (ຄືໄປພຸ້ນໂຈມຕີພີ່ ກັບມາພີ່ໂຈມຕີພຸ້ນ)
    ນິ້ເປັນອຸທາຫອນຕໍ່ຜູ້ຂ້າງຫ້ນາ.

    ໂດຍ: SX
    13.03.2013 10:46
    ຄວາມຈິງແລ້ວ ທັງສາມຄົນ ຍັງມີຊີວິດຢູ່ລາວນີ້ລະ, ດຳລົງຊີວິດຢູ່ຢ່າງສະບາຍ, ເພິ່ນໜີຮ້ອນມາເພິ່ງເຢັນ, ເພິ່ນບອກວ່າ
    ທົນທຸກກັບລະບົບການເຮັດ ວຽກແບບທຶນນິຍົມບໍ່ໃຫວ, ມີການກົດຂີ່ແຮງງານຫຼາຍໂພດ, ບໍ່ຄືໃຊ້ຊີວິດແບບ ລຽບງ່າຍຄື
    ຢູ່ລາວ, ຢູ່ລາວສະບາຍກວ່າຫຼາຍວ່າຊັ້ນ... ເພິ່ນບອກວ່າ ບໍ່ມີໄຜ ດອກທີ່ບໍ່ຢາກມາເມືອງລາວ, ບາງຄົນທັງຮ້ອງທັງໃຫ້
    ກໍ່ບໍ່ໄດ້ມາ ເພາະຍັງໃຊ້ ຜ່ອນໜີ້ຄ່າບ້ານຍັງບໍ່ໝົດ ວ່າຊັ້ນ... VOA ຊ່ວຍລົງໃຫ້ແດ່

    ໂດຍ: ບໍ່ຂໍອອກຊື່
    12.03.2013 23:44
    They must be somwhere in Thailand enjoying free vacation with us financial support.

    ໂດຍ: ຫຼ້າ ຈາກ: ເກົ້າລຽ້ວ
    11.03.2013 10:23
    ສະບາຍດີທ່ນ: ລາວເມືອງນອກຂດ; ຖ້າບັນຫານີ້ເກີດກັບທ່ານ ທ່ານກໍຕ້ອງຮີບຮ້ອນເສກສັນປັ້ນເລື່ອງຂື້ນ, ແລ້ວປຸກກະແສແນວ
    ຄິດເພື່ອຕອບຕ້ານ, ແຕ່ແນວຄິດຄົນລາວຢູ່ເມືອງລາວເຂົາພັດຄິດຕ່າງ,ບ້ານເມືອງມີລະບຽບກົດໝາຍ, ທ່ານຮູ້ຕີປາງສົງຄາມຢູ່
    ລາວຄົນລາວຕາຍ ຄົນລາວເຈັບປວດ,ແຕ່ປັດຈຸບັນ ພວກເຂົານັ້ນໄປຊອກກະດູກ ທີ່ຫາຍສາບສູນໄນປາງນັ້ນ, ທ່ານຮູ້ຕີປະຫັວດ
    ສາດລາວ-ໄທໃນອະດີດ, ແຕ່ດຽວນີ້ ກາຍເປັນບ້ານພີ່ເມືອງນ້ອງ ເຄີຍ ຂ້າມບັກລົງເຮືອ ແຕ່ດຽວນີ້ ມີຂວາຂ້າມຫາກັນທຸກແຂວງ
    ມີຮອດເຊື້ອກະສັດເພິ່ນມາຮ່ວມເປີດຂວາ, ນີ້ຢາກສະແດງເຫັນວ່າ ອະດີດຄືອະດີດ. ອະນາຄົດ ຕ້ອງພ້ອມກັນພັດທະນາ ,ຢາກມີ
    ຢູ່ມີກິນກໍຕ້ອງຊອກກໍຕ້ອງຫາ ບໍ່ແມ່ນຢາກດ່າໃຜກໍຕາມໃຈຕົນ, ທ່ານເຫັນບໍ ໂຕຄວາຍ ເຂົາຕ້ອງຜູກຕ້ອງມັດ ເພາະສະນັ້ນແນວ
    ຄິດຂອງທ່ານກໍຄວນມັດເຊັ່ນກັນ ເພື່ອບໍ່ໃຫ້ໄປກິນເຄື່ອງປູກຂອງຝັງຜູ້ອື່ນ, ໂຊກດີເດີ ທ່ານລາວມືອງນອກເຂດ....

    ໂດຍ: ສອນເພັດ ຈາກ: ສີໄຄ
    11.03.2013 09:53
    ອ່ານຄຳເຫັນພວກທ່ານ ກໍເປັນຫ່ວງທ່ານຄືກັນ ເພາະໃນສາຍຕາຂອງພວກທ່ານແລ້ວ ລາວຄືປະເທດທີ່ບໍ່ປອດໄພ, ແຕ່ຜູ້ຫຼັກ
    ຜູ້ໃຫ່ຍ ເຂົາພັດຄິດຕ່າງ ຂະນະນີ້ ຢູ່ລາວກຳລັງເປີດກອງປະຊຸມ ລະດັບພາກພື້ນ 3 ກອງປະຊຸມດ້ວຍກັນ ກອ່ນນີ້ ກໍຈັດກອງ
    ປະຊຸມ ອາຊີ-ເອີຣົບ ກໍບໍ່ເຫັນມີບັນຫາຫັຍງ, ຍາມເຊົ້າຜູ້ນຳຕ່າງປະເທດ ຫຼາຍຄົນເຂົາໄປອອກກຳລັງກາຍຢູ່ແຄມຂອງ ກໍບໍ່ເຫັນ
    ມີຮອດທະຫານຈັບປືນແລ່ນນຳກົ້ນ, ແລະກໍບໍ່ເຫັນມີໃຜຖືກລັກພາຕົວ ມີພຽງແຕ່ ລັກພາຕົວຍິງສາວ ຈັບໃດ້ ພັດແມ່ນພວກຝັ່ງ
    ຂອງເຂົາສ້າງສະຖານນະການ, ລາວກໍແກ້ໃຂດ້ວຍ ສັນຕິວິທີ ຝັ່ງເຂົາກໍເຫັນດີ ເພາະໃນສັງຄົມໃດ ມັນກໍມີທັງຜູ້ຫັວງດີ ແລະ
    ກົງກັນຂ້າມ ຖ້າບໍ່ເຊື່ອ ທ່ານກໍ ແຍງແວ່ນເບິ່ງໜ້າຕົນເອງ ທ່ານຈະເຂົ້າໃຈດີ,

    ໂດຍ: ບໍ່ຂໍອອກຊື່
    10.03.2013 22:41
    Where ever you leaving you do good you get good you do bad .....
    ໜ້າ ໃນ 2 ໜ້າຄວາມເຫັນ
        ຕໍ່ໄປ 
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມ ວີດີໂອ ເລື່ອງ ເຖິງຈະມີ ຄວາມກ້າວໜ້າ ໃນການຕໍ່ສູ້ ມາເລເຣຍ ແຕ່ ຕ້ອງໄດ້ ທຳງານ ຫຼາຍຂຶ້ນຕື່ມ.i
    X
    08.02.2016
    ໂລກ​ເຮົາ​ໄດ້​ມີ​ຄວາມ​ກ້າວໜ້າ ​ໃນ​ການ​ຕໍ່ຕ້ານໄຂ້ຍຸງ ຫຼືມາ​ເລ​ເຣຍ ຢ່າງ​ບໍ່​ໜ້າ​ເຊື່ອ ​ແຕ່ໃນຂະນະທີ່ ຜູ້ສື່ຂ່າວ ວີໂອເອ ລາຍງານ ກ່ຽວ ກັບເລື້ອງນີ້ຢູ່ ບັນ​ດາ​ນັກ​ຊ່ຽວຊານ ກໍກ່າວ​ວ່າ ຍັງ​ຕ້ອງໄດ້​ທຳ​ງານ ຫຼາຍຂຶ້ນອີກ ​ໂດຍ​ສະ​ເພາະ ​ຢູ່​ໃນ​ເຂດໃຕ້​ທະ​ເລ​ຊາຍ ຊາຮາຣາ ​ໃນ​ທະວີບອາ​ຟຣິກາ ບ່ອນ​ໂຣກດັ່ງກ່າວ ທີ່ເກີດຈາກ​ຍຸງ​ນັ້ນ ​ແມ່ນ ​ແຜ່​ລະບາດ ​ແລະມີປະຊາຊົນເປັນ​ໄ​ຂ້ຍຸງ ທຸກໆ​ປີ. ໄຊຈະເລີນສຸກ ຈະນຳເອົາເລື້ອງນີ້ ມາສະເໜີທ່ານ ເປັນພາສາລາວ ໃນອັນດັບຕໍ່ໄປ.

    ຂ່າວຫລ້າສຸດ

    ສຽງ ລາວວາງເປົ້າໝາຍ ທີ່ຈະດຶງດູດເອົາ ນັກທ່ອງທ່ຽວ ຕ່າງຊາດ ໃຫ້ໄດ້ ເຖິງ 6 ລ້ານຄົນ ພາຍໃນປີ 2020

    ເພື່ອທີ່ຈະດຶງດູດເອົາ ນັກທ່ອງທ່ຽວໃຫ້ໄດ້ເຖິງ 6 ລ້ານຄົນ ນັ້ນ ທາງການລາວ ຈະຕ້ອງຈັດຕັ້ງປະຕິບັດ ໃນ 3 ໜ້າວຽກ ຂອງການພັດທະນາ ໃນພາກບໍລິການ ແລະການທ່ອງທ່ຽວ.
    ອ່ານຕື່ມ

    ສຽງ ບັນດານັກເຄື່ອນໄຫວ ຢາກໃຫ້ເອົາ ເຂື່ອນດອນສະໂຮງ ເຂົ້າໃນລາຍການ ກອງປະຊຸມ ສຸດຍອດ ສຫລ ອາຊຽນ

    ກຸ່ມສັງຄົມພົນລະເມືອງຕ່າງໆ ຮຽກຮ້ອງໃຫ້ນຳເອົາ ໂຄງການເຂື່ອນໄຟຟ້າພະລັງນ້ຳຕົກ ດອນສະໂຮງ ຂອງລາວ ຂຶ້ນມາປຶກສາຫາລື ໃນກອງປະຊຸມສຸດຍອດ U.S.-ASEAN.
    ອ່ານຕື່ມ

    ວີດີໂອ ແຜນການຊີເຣຍ​ ຮຽກຮ້ອງໃຫ້ຍຸຕິ ການເປັນປໍລະປັກ ພາຍໃນ ນຶ່ງອາທິດ

    ທ່ານ Kerry ແລະທ່ານ Lavrov ກ່າວວ່າ ການເຂົ້າເຖິງ ການຊ່ອຍເຫຼືອ ດ້ານມະນຸດສະທຳ ແມ່ນບູລິມະສິດ ໃນແຜນການ ທີ່ບັນລຸກັນ ເມື່ອຄືນແລ້ວນີ້.
    ອ່ານຕື່ມ

    ວີດີໂອ ຣັດເຊຍ ບໍ່ພໍໃຈ ທີ່ NATO ຂະຫຍາຍ ການປະຕິບັດງານ ເຂົ້າໄປໃນ ຢູໂຣບຕາເວັນອອກ

    ລັດຖະມົນຕີຕ່າ​ງປະ​ເທດຣັດ​ເຊຍ ທ່ານ Sergei Lavrov ​ໄດ້ພົບ​ປະ​ ກັບຫົວໜ້າອົງການ NATO ທ່ານ Jens Stoltenberg ໃນ​ວັນ​ສຸກ​ມື້​ນີ້.
    ອ່ານຕື່ມ

    ວີດີໂອ ທ່ານນາງ Clinton ແລະທ່ານ Sanders ໂຕ້ວາທີກັນ ອີກເທື່ອນຶ່ງ

    ຜູ້ສະໝັກເປັນປະທານາທິບໍດີ ພັກເດໂມແຄຣັດ ໂຕ້ວາທີເທື່ອທີ 6 ຢູ່ເມືອງ Milwaukee ຂະນະທີ່ການແຂ່ງຂັນ ເພື່ອເຂົ້າຄອບຄອງ ທຳນຽບຂາວ ກ້າວເຂົ້າສູ່ບາດລ້ຽງໃໝ່.
    ອ່ານຕື່ມ
    ຕື່ມອີກ