ລາວ

ລາວຖືກເລືອກ ໃຫ້​ເປັນ​ຈຸດທ່ອງທ່ຽວ ອັນ​ດັບ​ນຶ່ງ​ຂອງໂລກ

ທ່ານ ທອງສິງ ທໍາມະວົງ, ນາຍົກລັດຖະມົນຕີລາວ ໃຫ້ການຕ້ອນຮັບແກ່ ຄະນະຜູ້ແທນສະພາການທ່ອງທ່ຽວ ແລະການຄ້າ ຢູໂຣບ ເມື່ອມໍ່ໆມານີ້.
ທ່ານ ທອງສິງ ທໍາມະວົງ, ນາຍົກລັດຖະມົນຕີລາວ ໃຫ້ການຕ້ອນຮັບແກ່ ຄະນະຜູ້ແທນສະພາການທ່ອງທ່ຽວ ແລະການຄ້າ ຢູໂຣບ ເມື່ອມໍ່ໆມານີ້.

ມຸນທີມີເດຍ

ສຽງ
ຊົງຣິດ ໂພນເງິນ
ສະພາ​ການທ່ອງທ່ຽວ​ແລະ​ການ​ຄ້າ​ຢູ​ໂຣບ ຄັດ​ເລືອກ​ໃຫ້ ສປປ
ລາວ ​ເປັນ​ຈຸດໝາຍ​ປາຍທາງ​ອັນ​ດັບ​ນຶ່ງ ​ທີ່​ບັນດາ​ນັກທ່ອງທ່ຽວ
ຢາກ​ຈະ​ເດີນທາງ​ ເຂົ້າມາ​ທ່ອງ​ທ່ຽວຫຼາຍທີ່​ສຸດ​ໃນ​ປີ 2013 ນີ້.
 
ພີ​ທີ​ການ​ມອບ​ລາງວັນ​ໃຫ້​ກັບ​ທາງ​ການ​ລາວ ​ໃນ​ຖານະ​ປະ​ເທດ​
ທີ່​ໄດ້​ຮັບ​ການ​ຄັດເລືອກ​ໃຫ້​ເປັນ​ປະ​ເທດ​ທີ່​ໜ້າ​ທ່ອງ​ທ່ຽວ​ທີ່​ສຸດ
​ໃນໂລກ​ສໍາລັບ​ປີ 2013 ນີ້ ​ໄ​ດ້ມີ​ຂຶ້ນ​ໃນໂອກາດ​ທີ່​ຄະນະ​ຜູ້​ແທນ
​ຂອງ​ສະພາ​ການທ່ອງທ່ຽວ​ແລະ​ການ​ຄ້າ​ແຫ່ງ​ສະຫະ​ພາບ​ຢູ​ໂຣບ​
ໄດ້​ເດີນທາງ​ມາ​ຢ້ຽມຢາມ​ສປປ.ລາວ​ ຢ່າງ​ເປັນ​ທາງ​ການ​ລະ
ຫວ່າງ​ວັນ​ທີ 5-10 ​ພຶດສະພາ​ນີ້ ​ໂດຍ​ມີ​ທ່ານ​ທອງ​ສິງ ທໍາ​ມະ​ວົງ
ນາຍົກລັດຖມົນຕີ ​ແລະທ່ານ​ບໍ່​ແສງ​ຄໍາ ວົງ​ດາ​ຣາ ລັດຖະມົນຕີ
​ກະຊວງ​ຖະ​ແຫຼງຂ່າວ ວັດທະນະທໍາ​ ແລະ​ທ່ອງ​ທ່ຽວ​ ​ໃຫ້​ກຽດ​ເຂົ້າຮ່ວມ​ໃນ​ພິທີ​ດ້ວຍ. 

ທັງນີ້ ລາງວັນດັ່ງກ່າວ ໄດ້ເລີ່ມມີຂຶ້ນນັບຕັ້ງແຕ່ປີ 2007 ເປັນຕົ້ນມາ ແລະສປປ.ລາວ ນັບເປັນປະເທດທີ 5 ທີ່ໄດ້ຮັບການຄັດເລືອກສໍາລັບປີ 2013 ນີ້ ໂດຍຄະນະກໍາມະ
ການຂອງສະພາການທ່ອງທ່ຽວ ແລະການຄ້າຂອງຢູໂຣບ ພິຈາລະນາຈາກ 3 ເງື່ອນໄຂ
ດ້ວຍກັນຄື ການຖືເອົາການທ່ອງທ່ຽວເປັນຊັບພະຍາກອນອັນນຶ່ງ ໃນການພັດທະນາ
ວັດທະນະທໍາ-ສັງຄົມ ມີຄວາມເຄົາລົບ ແລະນັບຖືຕໍ່ຈັນຍາບັນໃນການປົກປັກຮັກສາ
ມໍລະດົກທາງວັດທະນະທໍາ-ສັງຄົມ ແລະການຮັບປະກັນໃນການພັດທະນາການທ່ອງ
ທ່ຽວຢ່າງຍືນຍົງ ທີ່ຮັບປະກັນຄວາມປອດໄພໃຫ້ກັບນັກທ່ອງທ່ຽວໄດ້ຢ່າງແທ້ຈິງ.
ທ່ານ ບໍ່ແສງຄໍາ ດາຣາວົງ ລັດຖະມົນຕີກະຊວງຖະແຫລງຂ່າວ, ວັດທະນາທໍາ ແລະທ່ອງທ່ຽວຂອງລາວທ່ານ ບໍ່ແສງຄໍາ ດາຣາວົງ ລັດຖະມົນຕີກະຊວງຖະແຫລງຂ່າວ, ວັດທະນາທໍາ ແລະທ່ອງທ່ຽວຂອງລາວ
x
ທ່ານ ບໍ່ແສງຄໍາ ດາຣາວົງ ລັດຖະມົນຕີກະຊວງຖະແຫລງຂ່າວ, ວັດທະນາທໍາ ແລະທ່ອງທ່ຽວຂອງລາວ
ທ່ານ ບໍ່ແສງຄໍາ ດາຣາວົງ ລັດຖະມົນຕີກະຊວງຖະແຫລງຂ່າວ, ວັດທະນາທໍາ ແລະທ່ອງທ່ຽວຂອງລາວ

ທາງດ້ານທ່ານບໍ່ແສງຄໍາ ກໍໄດ້ຖະແຫຼງຢືນຢັນວ່າການໄດ້ຮັບ
ລາງວັນລະດັບໂລກດັ່ງກ່າວນີ້ ຈະສົ່ງຜົນດີຕໍ່ການພັດທະນາກ
ານທ່ອງທ່ຽວຂອງລາວ ໂດຍສະເພາະແມ່ນຈະເຮັດໃຫ້ນັກ ທ່ອງທ່ຽວຕ່າງຊາດພາກັນເດີນທາງເຂົ້າມາທ່ອງທ່ຽວໃນລາວ ຫຼາຍຂຶ້ນນັບມື້ ແລະກໍຈະເປັນຜົນເຮັດໃຫ້ພາກບໍລິການ ແລະ
ທ່ອງທ່ຽວໃນລາວມີລາຍຮັບເປັນເງິນຕາຕ່າງປະເທດເພີ່ມຂຶ້ນ
ຢ່າງຕໍ່ເນື່ອງອີກດ້ວຍ ດັ່ງທີ່ທ່ານບໍ່ແສງຄໍາ ໄດ້ໃຫ້ການຢືນຢັນ
ໃນໂອກາດດຽວກັນນີ້ວ່າ:


ມາຮອດປັດຈຸບັນນີ້ ພວກເຮົາກໍຮູ້ແລ້ວວ່າການທ່ອງທ່ຽວຂອງພວກເຮົານີ້
ໄດ້ຮັບການນິຍົມຊົມຊອບຈາກນັກທ່ອງທ່ຽວໃນໂລກກໍຄືໃນສະຫະພາບ
ຢູໂຣບ ມີນັກທ່ອງທ່ຽວຕ່າງປະເທດທີ່ມາທ່ຽວຢູ່ບ້ານເຮົານີ້ ນັບມື້ນັບເພີ່ມ
ຂຶ້ນ ອາດຈະເວົ້າໄດ້ວ່າແຕ່ລະປີນີ້ເພີ່ມຂຶ້ນປະມານ 20% ໃນປີ 2012 ທີ່
ຜ່ານມານີ້ ນັກທ່ອງທ່ຽວຕ່າງປະເທດທີ່ມາທ່ຽວປະເທດເຮົານີ້ມີປະມານ
3.3 ລ້ານຄົນ ໄດ້ສ້າງລາຍຮັບໃຫ້ແກ່ປະຊາຊົນລາວເຮົາປະມານ 500
ກວ່າລ້ານໂດລາ.”


ກ່ອນໜ້ານີ້ ທາງການລາວກໍໄດ້ເປັນເຈົ້າພາບຈັດກອງປະຊຸມລະດັບລັດຖະມົນຕີດ້ານ
ການທ່ອງທ່ຽວຂອງອາຊ່ຽນຄັ້ງທີ 32 ຢູ່ນະຄອນວຽງຈັນມາແລ້ວ ໂດຍຄາດຫວັງວ່າການ
ເປັນເຈົ້າພາບຈັດກອງປະຊຸມດັ່ງກ່າວຈະມີ ສ່ວນຢ່າງສໍາຄັນໃນການເຮັດໃຫ້ນັກທ່ອງ
ທ່ຽວຕ່າງຊາດເດີນທາງເຂົ້າມາ ທ່ອງທ່ຽວໃນລາວເພີ່ມຂຶ້ນຢ່າງຕໍ່ເນື່ອງເຊັ່ນດຽວກັນ.

ທາງດ້ານທ່ານຈະເລີນ ວາລິນທະສັກ ລັດຖະມົນຕີຊ່ວຍວ່າການກະຊວງຖະແຫຼງຂ່າວ
-ວັດທະນະທໍາ ແລະທ່ອງທ່ຽວ ກໍໄດ້ຢືນຢັນວ່ານັກທ່ອງທ່ຽວ ຊາວຕ່າງຊາດໄດ້ພາກັນ
ເດີນທາງເຂົ້າມາທ່ອງທ່ຽວໃນລາວເພີ່ມຂຶ້ນຢ່າງຕໍ່ເນື່ອງຈາກປີ 1993 ເປັນຕົ້ນມາ ໂດຍ
ເຖິງແມ່ນວ່າ ນັກທ່ອງທ່ຽວຈາກສະຫະພາບຢູໂຣບຈະຫລຸດລົງ ເພາະບັນຫາວິກິດການ
ທາງການເງິນ ທີ່ເກີດຂຶ້ນໃນເວລານີ້ກໍຕາມ ຫາກແຕ່ສໍາລັບນັກທ່ອງທ່ຽວຈາກເອເຊຍ
ດ້ວຍກັນ ໂດຍສະເພາະແມ່ນນັກທ່ອງທ່ຽວຈາກໄທ ມາເລເຊຍ ຫວຽດນາມ ແລະສິງກະ
ໂປນັ້ນກໍຍັງຄົນເດີນທາງເຂົ້າມາທ່ອງທ່ຽວໃນລາວຫຼາຍຂຶ້ນນັບມື້.

ໃນປີ 2012 ທີ່ຜ່ານມາ ກໍປາກົດວ່າພາກບໍລິການໃນລາວມີລາຍຮັບຈາກການທ່ອງທ່ຽວ
ຫຼາຍກວ່າ 500 ລ້ານໂດລ່າ ແລະຖ້າຫາກຄິດໄລ່ ຈາກປີ 1993 ເຖິງປີ 2012 ກໍຈະໄດ້ວ່າ
ນັກທ່ອງທ່ຽວຕ່າງຊາດເດີນທາງ ເຂົ້າມາໃນລາວເພີ່ມຂຶ້ນສູງກວ່າ 20% ຕໍ່ປີ ແລະໃນປີ
2013 ນີ້ ກໍຄາດ ໝາຍວ່າຈະມີນັກທ່ອງທ່ຽວຕ່າງຊາດຫຼາຍກວ່າ 3.6 ລ້ານຄົນທີ່ຈະເດີນ
ທາງເຂົ້າມາໃນລາວ ຊຶ່ງກໍຈະເຮັດໃຫ້ພາກບໍລິການໃນລາວມີລາຍຮັບເກີນກວ່າ 550 ລ້ານ
ໂດລາຢ່າງແນ່ນອນ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 4 ໜ້າຄວາມເຫັນ
    ຕໍ່ໄປ 
ໂດຍ: ksin ຈາກ: vien tiane
28.05.2013 21:36
ເຫັນດີ ວ່າ ສປປລາວ ໄດ້ຮັບກຽດເປັນປະເທດທີ່ໜ້າທ່ອງທ່ຽວ, ແຕ່ເພື່ອໃຫ້ຄຳຍອງນັ້ນເປັນຄຳຍອງທີ່ອອກຈາກຕົວຈິງ.
ທາງການລາວ, ພະນັກງານລາວຄວນໄດປັບປຸງຫຼາຍດ້ານ: ດ້ານຫົນທາງ, ດ້ານວິທີຮັບຕອ້ນ-ບໍລິການ, ດ້ານການສົ່ງເສີມ
(ບໍວ່າຈະເປັນທ່ຽວທຳມະຊາດ, ທ່ຽວວັດທະນາທຳ... ຫຼາຍປະເທດທີ່ຮັ່ງມີຢູ່ໃນໂລກ ເຂົ່ເຈົ້າໄດ້ເຮັດກັນມາແຕ່ດົນແລ້ວ,
ອັນນີ້ແມ່ນຫຍັງເວລາຮັບແຂກລະດັບສາກົນ, ໜ້າເຈົ້າພາບຊ້ຳພັດບຸດຄືເໝັ້ນຂີ້ນີ້, ເພາະສະນັ້ນ ຕ້ອງປ່ຽນໆໆໆ ແນວຄິດ
ນັບແຕ່ການນຳຫາລູກນ້ອງ)

ໂດຍ: ແສງສະຫ່ວາງ
22.05.2013 11:30
ບາງຄົນມີແຕ່ເວົ້າເຮັດຫຍັງກະບໍ່ເປັນ;ມີແຕ່ກິນບໍ່ຈັກຫາ...ແນວໃດກໍ່ຕາມຄວາມດີມີຄຸນນະທຳຍ່ອມຊະນະຄວາມຊົ່ວ
ໃຜເຮັດຫຍັງແມ່ນຮູ້ຢູ່ແກ່ໃຈ ເພີ່ນວ່າ: ອອກຈາກບ້ານທຳທ່າເປັນຂຸນ ກັບມາເຮືອນຂີ້ແມວເຕັມດົ້ງ

ໂດຍ: ຄົນດ້ອຍໂອກາດ ຈາກ: ນະຄອນຫຼວງວຽງຈັນ
21.05.2013 17:03
ທ່ານ ນາຍຍົກທອງສິງ ທຳມະວງ ທີ່ນັບຖື. ເລື້ອງທີ່ລາວຖືກເລືອກໃຫ້ເປັນປະເທດໜ້າທ່ອງທ່ຽວອັນດັບໜຶ່ງຂອງໂລກ
ຈາກສະພາການທ່ອງທ່ຽວແລະການຄ້າຢູໂລບນັ້ນ, ທ່ານຢ່າຟ້າວດີໃຈ. ອັນທີ່ທ່ານໄດ້ເປີດການທ່ອງທ່ຽວໃຫ້ຊາວຕ່າງ
ດ້າວທ້າວຕ່າງແດນທັງຫຼາຍເຂົ້າມາລາວນັ້ນ. ຂ້າພະເຈົ້າເຫັນວ່າເຈົ້າໜ້າທີ່ພະນັກງານກວດຄົນເຂົ້າເມືອງຂອງທ່ານ
ກ່ຽວກັບການຕິດຕາມກວດກາບຸກຄົນດັ່ງ ກ່າວ, ທ່ານບໍ່ເຄີຍມີການສືບປະຫວັດຂອງບັນດານັກທ່ອງທ່ຽວນັ້ນເລີຍ, ຈັກ
ວ່າເປັນນັກເລງຂີ້ຢາຫຼືມີພະຍາດຮ້າຍທາງຈິດ, ພະຍາດເອດແລະພະຍາດທີ່ບໍ່ສາມາດປິ່ນປົວໄດ້ແລະກໍ່ມາມົ້ວສຸມກັນ,
ມົ້ວກັບຄົນລາວອີກຊ້ຳ. ກຸ່ມບຸກຄົນເລົ່ານີ້ແມ່ນທາງປະເທດຂອງເຂົາເຈົ້າຖືວ່າເປັນຂີ້ເຫຍື້ອຂອງສັງຄົມ, ແຕ່ວ່າເຂົາມາ
ທ່ຽວບ້ານເຈົ້າຊ້ຳພັດຮັບເອົາເສດຂີ້ເຫຍື້ອດັ່ງກ່າວປຽບສະເໝືອນທ່ານເປັນຄົນໃຈດີ ຮັບເອົາເສດຂີ້ເຫຍື້ອທີ່ເຂົາໂຍນຖີ້ມ
ຈາກບ້ານອື່ນແລ້ວກໍ່ມາເກັບມ້ຽນຢູ່ບ້ານໂຕ,ແລ້ວບັນດານັກທ່ອງທ່ຽວດັ່ງກ່າວກໍ່ພາກັນເສດ ຢາມົ້ວສຸມທາງເພດຄືກັບ
ສັດເດຍລະສານໃຫ້ພວກທ່ານເບິ່ງຕໍ່ໜ້າຕໍ່ຕາແບບບໍ່ອາຍ. ຄືກັບຢູ່ວັງວຽງທີ່ຫຼາຍຄົນກໍ່ໄດ້ຍິນແລະຊ່າລືກັນໄປທົ່ວໂລກ
ທ່ານ ນາຍຍົກທີ່ນັບຖືນອກເໜືອຈາກນັ້ນກໍ່ຍັງມີກຸ່ມນັກທ່ອງທ່ຽວຂອງຈີນແລະຫວຽດນາມໃຊ້ວິຊ້າ Passports ໃນນາມ
ທ່ອງທ່ຽວເຂົ້າລາວແລ້ວກໍ່ພາກັນຍາດວິຊາອາຊີບ, ຍາດວຽກ, ຍາດຕີນຍາດມືກັບຄົນລາວ ແລ້ວກໍ່ມາເລາະຫາຢູ່ຫາກິນ
ຢູ່ປະເທດລາວແບບໜ້າຕາເສີຍໆ. ເຊັ່ນ: ເລາະຫາຮັບເໝົາກໍ່ສ້າງ, ເລາະຍ່າງຂາຍເຄື່ອງຕາມບ້ານຕາມເຮືອນ, ຕັ້ງຮ້ານ
ເສີມສວຍຕັດຜົມພ້ອມຂາຍການບໍລິການທາງເພດນຳ, ຕັ້ງຮ້ານແປງລົດຄ້າຢາບ້າພ້ອມ, ຕັ້ງຮ້ານຂາຍເຄື່ອງ, ຕັ້ງຮ້ານ
ອາຫານ ແລະສຳປະທານ ເຮັດບ້ານພັກໂຮງແຮມອື່ນໆ. ທ່ານກໍ່ອະນຸຍາດໃຫ້ເຂົາເຈົ້າດຳເນີນຈິດຈະການໂດຍທີ່ບໍມີ
ມາດຕະການແລະຂໍ້ບັງຄັບໃດໆ ເຈົ້າໜ້າທີ່ອ້າຍພະນັກງານ,ຕຳຫຼວດກວດຄົນເຂົ້າເມືອງກໍ່ເຮັດຫຍັງໃຫ້ເຂົາເຈົ້າບໍ່ໄດ້
ຍ້ອນໄດ້ສະແຕກເງິນນຳເຂົາ ແລະກໍ່ພາກັນລາຍງານດອກໄມ້ໃຫ້ທ່ານ. ນີ້ບໍ່ປະເທດໜ້າທ່ອງທ່ຽວອັນດັບໜຶ່ງຂອງໂລກ. ແຕ່ສະຫະລັດອາເມລິກາເປັນປະເທດທີ່ມີເສດຖະກິດເປັນອັນດັບໜຶ່ງຂອງໂລກເຂົາເຈົ້າກໍ່ຍັງມີມາດຕະການຢ່າງ ຈິງຈັງ
ກັບປະຫວັດຂອງບັນດາເລົ່ານັກທ່ອງທ່ຽວຂາວສະອາດດີຫຼືບໍ່
ຄໍາຕອບ

ໂດຍ: KSIN ຈາກ: Vt lao man
28.05.2013 21:48
ແນວຄິດທ່ານດີຫຼາຍ, ແຕ່ຂ້ອຍບໍເຄີຍເຫັນ ອາເມລິກາຈັກເທື່ອ, ການຄຸ້ມຄອງຄົນຕ່າງດ້າວ
ເປັນບັນຫາໜຶ່ງທີ່ແກ້ບໍຕົກມາແຕ່ດົນນານຢູ່ ສປປລາວ, ຄົນລາວຊັງຄົນລາວ, ແຕ່ບາງຄັ້ງ
ຄົນລາວຊ້ຳພັດຮັກຄົນຕ່າງດ້າວ ເພາະເງິນລູກດຽວຊາດນີ້ບໍມີຊາດໜ້າດອກ, ລະບຽບກົດ
ໝາຍອອກມາຄືກັບເຈັບທ້ອງຜູກ ຫຼື ລິສະດວງທະວານ

ໂດຍ: ບໍ່ຂໍອອກຊື່
20.05.2013 10:20
ຊົມເຊີຍ! ທີ່ຊາວໂລກເວົ້າລວມ ເວົ້າສະເພາະຊາວເອີລົບຮັບຮູ້ຈັກລາວຫລາຍຂື້ນ ແລະຢາກໃຫ້ໄປທ່ຽວ,ສຶກສາບັນຫາຕ່າງໆ
ໃນລາວໃຫ້ຫລາຍໆ ເພື່ອຈະຮັບຮູ້,ເຂົ້າໃຈຢ່າງເລິກເຊິ່ງວ່າ: ລາວມີອັນໃດ ແລະ ມີຫັຍງແດ່ ເພີ່ນຍັງເວົ້າວ່າ: 10 ປາກເວົ້າ,
ບໍ່ທໍ່ຕາເຫັນ. ເມື່ອໄປຮອດແລ້ວຢາກໃຫ້ເບີ່ງ ແລະ ສຶກສາໃຫ້ຖີ່ຖ້ວນ ວ່າ: ລາວມີມີອັນໃດແດ່ທີ່ໜ້າສົນໃຈທີ່ສຸດ. (ຂໍຂອບໃຈ).

ໂດຍ: ບໍ່ຂໍອອກຊື່
18.05.2013 21:46
ຂໍແລກປ່ຽນຄຳເຫັນແດ່ເດີ້ວຶໂອເອ ເພາະຄັບອົກຄັບໃຈແຮງ ອາດບໍ່ກ່ຽວກັບຫົວຂໍ້, ອາດແຕະຕ້ອງໃຜຜູ້ໜຶ່ງ ແຕ່ຂໍໃຊ້ເສລີພາບ
ແບບບໍ່ມີຂອບເຂດແດ່. ອັນຄົນເຮົານີ້ ຕາມປົກກະຕິແລ້ວ ມັກຈະເສາະສະແຫວງຫາແຕ່ແນວຈົບແນວງາມ, ອັນໃດທີ່ເປັນສິ່ງ
ທີ່ດີຂອງຕົນ ຈິ່ງຢາກໃຫ້ຜູ້ອື່ນຮູ້ເຫັນນຳ. ແຕ່ກົງກັນຂ້າມ ຈຳພວກຄົນທີ່ມັກສະແຫວງຫາ ຫຼື ໂຄສະນາ ແຕ່ແນວບໍ່ດີ, ບໍ່ຈົບບໍ່
ງາມຂອງຕົນເອງ, ຄອບຄົວ, ບ້ານເມືອງຂອງຕົນໃຫ້ບ້ານເມືອງອື່ນນັ້ນ ເປັນຄົນປະເພດໃດ? ຖ້າແມ່ນສັດ ກໍພໍຈຳແນກໄດ້
ງ່າຍຢູ່ ເພາະພວກທີ່ມັກຂອງບູດ, ຂອງເນົ່າ, ຂອງເໝັນ ກະເຫັນມີແມງວັນ, ແມງມີ່, ດອກເຕີ້ດັ່ງນີ້ ເປັນຕົ້ນ. ຂໍຂອບໃຈ!

ໂດຍ: ບໍ່ຂໍອອກຊື່
17.05.2013 00:54
i don't care peoples like commun1z or not, but more then that Lao peoples is nice and welcome to all visit our country.. that was the point ..

ໂດຍ: ບຸນຍືນ ຈາກ: ວຽງຈັນ
16.05.2013 11:30
ກ່ຽວກັບເລື່ອງນີ້ ທາງປະເທດສະຫະພາບເອີຣົບ ເຂົາເຈົ້າບໍ່ໄດ້ຮັບຜູ້ນໍາເດີ ອັນສະພາດັ່ງ ທີ່ມອບນາມມະຍົດໃຫ້ແກ່
ປະເທດລາວນັ້ນ ແມ່ນ ອົງການ ທີ່ບໍ່ຫວັງ ຜົນກໍາໄລ, ແຕ່ຢ່າໄປເຂົ້າໃຈວ່າ ສະຫາພາບເອີຣົບເດີ. ເລື່ອງນີ້ເບິ່ງຄັກໆ
ອາດຈະມີໃນ ອັນໃດອັນນຶ່ງຢູ່ດອກ. ສາເຫດອາດເປັນ ຍ້ອນ ທີ່ຜ່ານມາ ປະເທດລາວມີຂ່າວທາງລົບຕະຫລອດ ແຕ່
ມີຄວາມເປັນໄປ ໄດ້ວ່າ ທາງການລາວຈະສ້າງເລື່ອງນີ້ ມາໃຫ້ເປັນຂ່າວດັງ ເພື່ອປົກປິດ ຂ່າວກ່ຽວກັບການຫາຍຕົວ
ໄປຂອງ ທ້າວ ສົມບັດ ສົມພອນ ເຊິ່ງເລື່ອງນີ້ ບໍ່ຕ້ອງອ້າປາກ ເຂົ້າກໍເຫັນເຫລືອກໄກ່ແລ້ວ.

ໂດຍ: ລາວ ລາວ ຈາກ: ສປປ ລາວ
16.05.2013 10:51
ເຂົ້າມາຫຼາຍໆ ມາເບີ່ງປ່າໄມ້ກຳລັງຖືກທຳລາຍເຫຼືອແຕ່ຕໍມາເບີ່ງຮ້ານໄຟແສງສີຕາມແຄມທາງເຊີ່ງເຕັມໄປແຕ່ໂສເພນີ
ມາເບີ່ງຖະໜົນຫົນທາງທີ່ມີແຕ່ຂຸມແຕ່ໜອງມາເບີ່ງເຍົາວະຊົນມອບເມົາຢາບ້າຢາໄອມາເບີ່ງຄົນຂໍທານບໍ່ມີເຂົ້າກິນ ເສື້ອ
ຜ້າຊິນຸ່ງກະບໍ່ມີມາເບີ່ງພະນັກງານພັກລັດອວດກັນປຸກເຮືອນຊື້ລົດສ່ວນຕົວຂີ່ກັນເກື່ອນເມືອງມາເບີ່ງເຈັກຂົນທອງຂົນຄຳ
ອອກໄປຈາກລາວມາເບີ່ງແກວແກ່ໄມ້ຂະຍຸງດູ່ປະດົງແຕ້ຕ່າຈົນຖະໜົນຂາດຫ້ຽນໄປເມືອງແກວໄວ່ໆຍັງມີອີກຫຼາຍແນວ
ເບີ່ງໃນລາວຮີບເຂົ້າມາຫຼາຍໆເດີຊາວຕ່າງດ້າວເອີຍ
ຄໍາຕອບ

ໂດຍ: kv ຈາກ: toronto
19.05.2013 13:26
Congratulation good explanation.Lao leader and some people who still proud of communist system please read the above comment.what do you think? yes or no.
ຄໍາຕອບ

ໂດຍ: ບໍ່ຂໍອອກຊື່
18.05.2013 21:27
ແມ່ນແລ້ວຊາວຕ່າງດ້າວເອີຍເຂົ້າມາຫຼາຍໆ, ຍັງມີຫຼາຍອັນແນວໃນລາວເປັນຕາເບິ່ງເປັນຕາສຶກສາຄົ້ນຄວ້າ. ໂດຍສະເພາະຢູ່
ລາວມີຄຳເວົ້າທີ່ວ່າ: ໝາເຫົ່າ ແມ່ນໝາບໍ່ກັດ. ແຕ່ໝາທີ່ເຫົ່າ ແລະ ກັດເຈົ້າຂອງຕົນເອງ ກໍເປັນສັດທີ່ແປກປະຫຼາດ ເຊິ່ງສາມາດ
ພົບເຫັນໄດ້ທົ່ວໄປ ໂດຍບໍ່ຕ້ອງເສຍເງິນເສຍເງິນເຂົ້າສວນສັດດອກ.

ໂດຍ: ບໍ່ຂໍອອກຊື່
15.05.2013 14:29
I don't like Lao police, they did to much corruption, always ask money or Mekhoong (wiskey) from me.

ໂດຍ: Lao - Laos ຈາກ: Laos
15.05.2013 10:39
I am not surprised to hear that Laos is backed by Europe Nations and is given a Tourist Destination Number One Title, because of its prostitution is available in every corner in Laos, but for being a human on this earth I feel so humiliated by having this Title. Europeans would love you Laos so much so that all Laotian youth and young, old women are freed to sex without limits that what they are looking for from you guys, Lao people, but if you do not have a place for them to hook then the best Tourism Destination is not given to you so easy like that my fellow people. So bad, but not sad and after all, all Lao people will have virus like HIV or aides. So would you like to have this virus? if so so, pls think!!!
ຄໍາຕອບ

ໂດຍ: ບໍ່ຂໍອອກຊື່
20.05.2013 00:16
Voa help me to name those guys who hate their country of birth or country of origin.
ຄໍາຕອບ

ໂດຍ: ບໍ່ຂໍອອກຊື່
18.05.2013 21:11
Do you want to say that Euopeans is HIV or AIDS? what's a bad bark it is!
ໜ້າ ໃນ 4 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ປະຫວັດຄວາມເປັນມາ ຂອງເຊື້ອໄວຣັສ ອີໂບລາi
X
18.12.2014
ເຊື້ອ​ອີ​ໂບລາ ​ໄດ້​ຖືກ​ຄົ້ນພົບໃນຊຸມ​ປີ 1970 ຢູ່​ບ້ານ​ນ້ອຍໆໃນສາທາ ລະນະ​ລັດ ປະຊາ​ທິປະ​ໄຕຄອງ​ໂກ. ຮວມຢູ່ໃນ​ບັນດານັກ​ຄົ້ນຄວ້າ ທີ່ໄດ້ພາກັນຜະ​ຈົນ​ໄພ ເຂົ້າໄປຮຽນ​ຮູ້​ເພີ້​ມ​ເຕີມ ກໍ​ມີ David Heymann ຈາກສະຫະລັດ ສາ​ສະ​ດາ​ຈານຝ່າຍລະບາດວິທະຍາ ທີ່ສະຖາ​ບັນ​ອະນາໄມ ​ແລະ​ການແພດເຂດ​ຮ້ອນ ທີ່ລອນດອນ.

ຂ່າວຫລ້າສຸດ

ສຽງ ລັດຖະບານໄທ ອະນຸມັດ ໂຄງການກໍ່ສ້າງ ທາງລົດໄຟ ເຊື່ອມຕໍ່ ກັບລາວ ຜ່ານໄປເຖິງຈີນ

ຄະນະ​ລັດຖະບານ​ໄທ ​ໄດ້​ອະ​ນຸມັດ​ໂຄງການ​ ກໍ່​ສ້າງ​ທາງ​ລົດ​ໄຟ ເພື່ອ​ເຊື່​ອມຕໍ່​ກັບ​ລາວ​ໄປ​ຈີນ​ ຢ່າງ​ເປັນ​ທາງ​ການ​ແລະ​ຄາດວ່າ​ ຈະ​ສາມາດ​ຕົກລົງ​ຮ່ວມ​ມື ​ກັບ​ລັດຖະບານ​ຈີນ​ໄດ້.
ອ່ານຕື່ມ

ສຽງ UNODC ກ່າວວ່າ ການຜະລິດຝິ່ນ ໃນ ລາວ ແລະມຽນມາ ຄົງໂຕ ຢູ່ໃນລະດັບ ປະມານເທົ່າເດີມ

ບັນດາເຈົ້າໜ້າທີ່ ກ່າວວ່າ ເຖິງແມ່ນການຜະລິດຝິ່ນ ໃນພາກພື້ນ ປ່ຽນແປງພຽງເລັກນ້ອຍ ໃນປີກາຍນີ້ ກໍຕາມ ແຕ່ຄວາມຮຽກຮ້ອງຕ້ອງການ ກໍຍັງມີຢູ່ ໂດຍສະເພາະ ຈາກພວກຊົມໃຊ້ຝິ່ນໃນຈີນ.
ອ່ານຕື່ມ

ສຽງ ບົດຮຽນພາສາອັງກິດ GoEnglish.Me: Music, Part 1 - Beginner

ມື້​ນີ້ ​ເຮົາ​ຈະ​ພາ​ທ່ານຮຽນ ຄໍາ​ສັບ​ໃນ​ລະດັບ​ເລີ້ມ​ຕົ້ນ ສໍາລັບ​ເວົ້າ​ລົມ​ກ່ຽວ​ກັບ​ເລື້ອງ​ດົນຕີ ໂດຍຈະພາທ່ານໄປຟັງ ເພື່ອນນັກສຶກສາ ສອງຄົນ ລົມກັນ ເລື້ອງລົດສະນິຍົມ ດ້ານດົນຕີຂອງເຂົາເຈົ້າ.
ອ່ານຕື່ມ

Multimedia ປາກິສຖານ ໂຈມຕີ ພວກຫົວຮຸນແຮງ ເພື່ອຕອບໂຕ້ ຕໍ່ການ ສັງຫານໝູ່ ຢູ່ໂຮງຮຽນຫລວງ

​ເຈົ້າ​ໜ້າ​ທີ່ປາ​ກິ​ສຖານ ກ່າວ​ວ່າ ​ເຮືອ​ບິນ​ລົບ ແລະ​ກຳລັງ​ພາກ​ພື້ນດິນ ​ໄດ້​ສັງຫານ ​ພວກ​ຫົວ​ຮຸນ​ແຮງ 58 ຄົນ ເພື່ອຕອບໂຕ້ ຕໍ່ການສັງຫານໝູ່ ຂອງພວກ​ Taliban.
ອ່ານຕື່ມ

ວີດີໂອ ປາກິສຖານ ຈະຂໍອຸທອນ ຕໍ່ການປະກັນໂຕ ຜູ້ຕ້ອງສົງໄສ ໃນການໂຈມຕີ ທີ່ເມືອງມູມໄບ

​ໄອ​ຍະ​ການ​ພິ​ເສດ​ຂອງປາກິສຖານ ຈະ​ຂໍ​ອຸທອນ​ໄປ​ຍັງ​ສານ​ສູງ ​ເພື່ອ​ໃຫ້​ຍົກ​ເລີກ​ ການ​ປະກັນ​ໂຕ​ ທີ່​ໄດ້​ອະ​ນຸຍາດ​ໃຫ້​ແກ່ ທ້າວ Zaki-ur-RahmanLakhvi ໄປແລ້ວນັ້ນ.
ອ່ານຕື່ມ
ຕື່ມອີກ
Merry Christmas and Happy New Year from VOAi
X
19.12.2014