ເຈົ້າໜ້າທີ່ຫວຽດນາມພວມຊອກຄົ້ນຫາພວກລູກເຮືອຢ່າງນ້ອຍ 47 ຄົນທີ່ຫາຍສາບສູນ
ໃນເຂດທະເລຈີນໃຕ້ ຫຼັງຈາກລົມພາຍຸໄດ້ເຮັດໃຫ້ກຳປັ່ນບັນທຸກລຳນຶ່ງ ແລະເຮືອຫາປາອີກ
20 ກວ່າລຳຫຼົ້ມ.
ເຈົ້າໜ້າທີ່ກ່າວໃນວັນອັງຄານມື້ນີ້ວ່າ ມີ 23 ຄົນຍັງຊອກຫາບໍ່ເຫັນຊຶ່ງເປັນພວກລູກເຮືອ
ຂອງກຳປັ່ນບັນທຸກ Phu Tan ທີ່ໄດ້ຫຼົ້ມໃນມື້ວັນພະຫັດແລ້ວ ຢູ່ໃນບໍລິເວນລະຫວ່າງ
ຫວຽດນາມຫາເກາະໄຮນັງຂອງຈີນ. ລູກເຮືອ 3 ຄົນຂອງກຳປັ່ນ ລຳນີ້ຖືກຊ່ອຍຊີວິດໄວ້
ໄດ້ ແລະມີການພົບຊາກສົບຜູ້ເສຍຊີວິດ 1 ຄົນ.
ນອກນັ້ນແລ້ວ ພວກເຈົ້າໜ້າທີ່ຍັງຊອກຄົ້ນຫາຊາວປະມົງອີກ 20 ຄົນທີ່ເຮືອຫາປາຂອງ
ພວກເຂົາເຈົ້າໄດ້ຫຼົ້ມ ໃນທ້າຍສັບປະດາຜ່ານມາຢູ່ນອກຝັ່ງເກາະ Con Dao ຂອງຫວຽດ
ນາມ. ເຮືອລຳນີ້ແມ່ນນຶ່ງໃນພວກເຮືອ 20 ກວ່າລຳທີ່ໄດ້ຫຼົ້ມຍ້ອນລົມພາຍຸໄດ້ພັດຖະຫຼົ່ມ
ຊາຍຝັ່ງທະເລຂອງຫວຽດນາມ ແຕ່ມື້ວັນພຸດຫາວັນສຸກແລ້ວ.
ເຈົ້າໜ້າທີ່ກ່າວອີກວ່າໄດ້ມີການພົບເຫັນສົບຄົນຕາຍ 5 ສົບໃນວັນອັງຄານມື້ນີ້ແລະມີອີກ
ຢ່າງນ້ອຍ 4 ຄົນ ທີ່ຍັງຊອກຫາບໍ່ເຫັນເທື່ອ.
