ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວວ່າ ວໍຊິງຕັນຕ້ອງ
ການຢາກພົວພັນທາງດ້ານການທູດ ກັບເກົາຫລີເໜືອ ແຕ່ກໍຕໍ່ເມື່ອບັນດາຜູ້ນໍາຂອງປະເທດ
ດັ່ງກ່າວຫາກປ່ຽນທິດທາງແລະ “ເຫັນແກ່ປະຊາຊົນຂອງຕົນກ່ອນອື່ນໝົດ.”
ທ່ານນາງໃຫ້ຄວາມເຫັນດັງກ່າວໃນວັນສຸກວານນີ້ ທີ່ກອງປະຊຸມສອງຝ່າຍ ທີ່ກຸງປັກກິ່ງ.
ທ່ານນາງ Clinton ກ່າວວ່າ ຖ້າຫາກພຽງຢາງ ເພັ່ງເລັງໃສ່ການລ້ຽງດູແລະສິດສອນປະຊາ
ຊົນຂອງຕົນແລະກັບຄືນ “ເຂົ້າມາຮ່ວມຢູ່ໃນປະຊາຄົມນາໆຊາດ," ແລ້ວ ສະຫະລັດຈະ“ ຍິນ
ດີຕ້ອນຮັບແລະເຮັດວຽກຮ່ວມກັບເຂົາເຈົ້າ.”
ນອກນັ້ນ ລັດຖະມົນຕີການຕ່າງປະເທດ Clinton ຍັງຍ້ອງຍໍໃນບົດບາດຂອງຈີນຊຶ່ງເປັນພັນ
ທະມິດ ທີ່ສຳຄັນສຸດຂອງເກົາຫລີເໜືອ. ທ່ານນາງໃຫ້ຄຳໝັ້ນສັນຍາວ່າ ສອງປະເທດມະຫາ
ອໍານາດຈະດຳເນີນງານເພື່ອຊັກຊວນໃຫ້ພຽງຢາງເລິກລົ້ມນະໂຍບາຍທີ່ທ້າທາຍເກາະຜິດ.
ສະຫະລັດແລະເກົາຫລີເໜືອ ໄດ້ບັນລຸຂໍ້ຕົກລົງສະບັບນຶ່ງໃນເດືອນກຸມພາຜ່ານມາຊຶ່ງພາຍໃຕ້
ຂໍ້ຕົກລົງສະບັບນີ້ ເກົາຫລີເໜືອໄດ້ຮັບປາກທີ່ຈະໂຈະໂຄງການສ້າງອາວຸດນີວເຄລຍ ແລະໂຄງ
ການລູກສອນໄຟເພື່ອເປັນການແລກປ່ຽນກັບການຊ່ວຍເຫລືອດ້ານອາຫານ. ວໍຊິງຕັນໄດ້ຍົກ
ເລີກການຕົກລົງ ຫລັງຈາກເກົາຫລີເໜືອໄດ້ຍິງຈະຫລວດໃນເດືອນແລ້ວນີ້. ພຽງຢາງກ່າວວ່າ
ມັນເປັນການຍິງຈະຫຼວດເພື່ອສົ່ງດາວທຽມພະຍາກອນອາກາດຂຶ້ນສູ່ວົງໂຄຈອນແຕ່ວ່າລັດຖະ
ບານຂອງທ່ານບາຣັກ ໂອບາມາ ໂຕ້ຖຽງວ່າ ມັນແມ່ນການທົດລອງລູກສອນໄຟຂີປະນາວຸດ.
ລູກຈະຫຼວດຂອງເກົາຫຼີເໜືອ ໄດ້ປະສົບກັບຄວາມລົ້ມແຫຼວ ບໍ່ດົນຫຼັງຈາກ ຍິງຂຶ້ນ.