ລິ້ງ ສຳຫລັບເຂົ້າຫາ

ເກົາຫຼີໃຕ້ ທຳການຊ້ອມລົບ ທີ່ໃຊ້ລູກປືນແທ້ ນອກຝັ່ງທະເລ ແຫຼມເກົາຫຼີ


ພວກທະຫານເຮືອເກົາຫຼີໃຕ້ ຢູ່ໃນເຮືອລາດຕະເວນຄວາມໄວສູງ ກຳລັງແລ່ນກວດກາບໍລິເວນ ເກາະ Yeonpyong ຢູ່ທາງພາກຕາເວັນຕົກຂອງເກົາຫຼີໃຕ້ ໃກ້ກັບເຂດ ຊາຍແດນຕິດກັບເກົາຫຼີເໜືອ ຫຼັງຈາກທີ່ສຳເລັດ ການເຝິກຊ້ອມລົບແລ້ວ, ວັນທີ 20 ກຸມພາ 2012.

ພວກທະຫານເຮືອເກົາຫຼີໃຕ້ ຢູ່ໃນເຮືອລາດຕະເວນຄວາມໄວສູງ ກຳລັງແລ່ນກວດກາບໍລິເວນ ເກາະ Yeonpyong ຢູ່ທາງພາກຕາເວັນຕົກຂອງເກົາຫຼີໃຕ້ ໃກ້ກັບເຂດ ຊາຍແດນຕິດກັບເກົາຫຼີເໜືອ ຫຼັງຈາກທີ່ສຳເລັດ ການເຝິກຊ້ອມລົບແລ້ວ, ວັນທີ 20 ກຸມພາ 2012.

ກຳປັ່ນລົບ ​ເຮືອບິນລົບ​ອາຍ​ພົ່ນ ​ແລະ ​ເຮືອ​ດຳນ້ຳຂອງເກົາຫຼີໃຕ້
ຫຼາຍສິບລຳໄດ້ເຂົ້າຮ່ວມ ​ໃນ​ການຊ້ອມ​ລົບ​ໃຊ້ລູກປືນແທ້ ໃນອັນ​ທີ່
ໂຊ​ລກ່າວ​ວ່າ ​ເພື່ອເປັນ​ການ​ຕອບໂຕ້ ຕໍ່​ການທ້າທາຍ​ເກາະ​ຜິດ
ຫຼາຍຄັ້ງ​ໂດຍ​ເກົາຫຼີ​ເໜືອ ເມື່ອໄວໆມານີ້.

ກະຊວງ​ປ້ອງ​ກັນ​ປະ​ເທດ​ເກົາຫຼີໃຕ້ ກ່າວ​ວ່າ ການ​ຊ້ອມ​ລົບ​ຮ່ວມ​
ລະຫວ່າງ​ ກອງທັບ​ເຮືອ ​ແລະ​ກອງ​ທັບ​ອາກາດ ແມ່ນພົວພັນກັບ
ກຳປັ່ນ​ລົບຢ່າງ​ນ້ອຍ ​20 ລຳ ​ແລະ ລວມທັງ​ການ​ຍິງ​ລູກ​ສອນ​ໄຟ​
ຕໍ່ຕ້ານ​ເຮືອ ​ຫຼາຍລູກ ຢູ່ນອກ​ຝັ່ງ​ກ້ຳຕາ​ເວັນ​ອອກ​ຂອງ​ແຫຼມ​ເກົາຫຼີ.

ອິງ​ຕາມ​ໂຄສົກ​ຂອງກະຊວງ​ປ້ອງ​ກັນ​ປະ​ເທດ​ເກົາຫຼີໃຕ້ ທ່ານ Na Seung-Yong ທີ່​ກ່າວວ່າ ການ​ຊ້ອມ​ລົບ​ ໃນ​ວັນ​ອັງຄານ​ມື້ນີ້ ​ແມ່ນມີ “​ເປົ້າໝາຍ​ ​ເພື່ອ​ໃຫ້ເກົາຫຼີເໜືອ ຍົກເລີກຄວາມ​ຕັ້ງ​ໃຈ ທີ່ຈະທ້າທາຍເກາະ​ຜິດ​ທາງ​ທະ​ເລ.”

​ບັນດາ​ເຈົ້າໜ້າ​ທີ່​ເກົາຫລີໃຕ້ ​ໄດ້​ສະແດງ​ຄວາມ​ກັງວົນ ຫຼັງຈາກ​ເກົາຫຼີ​ເໜືອ ກ່າວ​ໃນ​ເດືອນ​
ນີ້​ວ່າ ຕົນ​ໄດ້​ທົດ​ລອງ​ຍິງ ລູກ​ສອນ​ໄຟ​ຂີ​ປະ​ນາ​ວຸດ ​ຈາກ​ເຮືອ​ດຳນ້ຳ ຫຼື SLBM ຢູ່​ນອກ​ຝັ່ງ
ທະເລ​ກ້ຳຕາ​ເວັນ​ຕົກຂອງ​ຕົນ​.

ລາຍ​ງານ​ກ່ຽວກັບການ​ທົດ​ລອງ​ດັ່ງກ່າວ​ນີ້ ບໍ່​ສາມາດ​ຢັ້ງຢືນ​ໄດ້ ​ແລະ ບັນດາ​ນັກ​ຊ່ຽວຊານ
​ໄດ້​ເນັ້ນວ່າ ຕົນເຊື່ອວ່າພຽງ​ຢາງ ​ແມ່ນ​ຍັງ​ຢູ່ໄກ​ອີກຫຼາຍປີ ຈຶ່ງຈະ​ສາມາດ​ຜະລິດ​ເຕັກ​ໂນ​-
ໂລ​ຈີນັ້ນ​ໄດ້​ຢ່າງ​ສົມບູນ​ແບບ​.

ເມື່ອ​ໃດ ​ຫາກ​ໂຄງການ​ແລ້ວສຳ​ເລັດ​ ໂຄງການລູກ​ສອນ​ໄຟ ​ທີ່ຍິງຈາກ​ເຮືອ​ດຳນ້ຳ ອາດ​
ຂະຫຍາຍລັດສະໝີອາວຸດນິວ​ເຄລຍຂອງ​ເກົາຫຼີ​ເໜືອ ອອກໄປຢ່າງກວ້າງຂວາງ​ໄດ້.

XS
SM
MD
LG