ເຊເນກາລມຸ້ງໜ້າໄປສູ່ການເລືອກຕັ້ງປະທານາທິບໍດີຮອບຊີ້ຂາດລະຫວ່າງປະທານາທິບໍດີ
Abdoulaye Wade ທີ່ປົກຄອງປະເທດໃນປັດຈຸບັນແລະອະດີດພັນທະມິດທ່ານ Macky
Sall ຫລັງຈາກຜົນການນັບຄະແນນສຽງໃນຂັ້ນຕົ້ນຂອງການເລືອກຕັ້ງຮອບທໍາອິດໃນ
ວັນອາທິດຜ່ານມາສະແດງໃຫ້ເຫັນວ່າ ບໍ່ມີຜູ້ສະມັກຄົນໃດໄດ້ຮັບຄະແນນສຽງຫຼາຍເຖິງ
50%.
ຜົນຂອງການນັບບັດຄະແນນສຽງທີ່ເປີດເຜີຍໃຫ້ຮູ້ ໃນແລງວັນພຸດວານນີ້ສະແດງໃຫ້ເຫັນ
ວ່າ ປະທານາທິບໍດີ Wade ໄດ້ຮັບຄະແນນສຽງປະມານ 35 ເປີເຊັນຂອງຈໍານວນບັດຄະ
ແນນສຽງທັງໝົດ ແລະ ທ່ານ Sall ໄດ້ຮັບປະມານ 26 ເປີເຊັນ. ຫລັງຈາກການປະກາດ
ຜົນ ຂອງການເລືອກຕັ້ງຮອບນີ້ໃຫ້ຮູ້ແລ້ວ ທ່ານ Sall ຊຶ່ງມີຄວາມຮູ້ສຶກໃນແງ່ດີ ໄດ້ຈັດ
ການໂຮມຊຸມນຸມພວກຝ່າຍຄ້ານຂຶ້ນ ເພື່ອໃຫ້ສະໜັບສະໜຸນທ່ານໃນການປ່ອນບັດເລືອກ
ຕັ້ງຮອບຊີ້ຂາດຊຶ່ງມີໝາຍກໍານົດໃສ່ໃນຕອນທ້າຍໆເດືອນນີ້.
ທ່ານ Sall ກ່າວວ່າ ຖ້າທ່ານຖືກເລືອກໃຫ້ເປັນປະທານາທິບໍດີ ທ່ານຈະແກ້ໄຂກົດໝາຍ
ລັດຖະທໍາມະນູນ ຫຼຸດໄລຍະເວລາໃນການດໍາລົງຕໍາແໜ່ງ ຂອງປະທານາທິບໍດີສະໄໝ
ນຶ່ງໆຈາກ 7 ປີ ໃນປັດຈຸບັນລົງມາເປັນ 5 ປີ ແລະທ່ານຍັງກ່າວເຊ່ນກັນວ່າ ທ່ານຈະປະ
ຕິບັດຕາມລະບຽບການກ່ຽວກັບການດໍາລົງຕໍາແໜ່ງປະທານາທິບໍດີ 2 ສະໄໝຂອງເຊ
ເນກາລ ໃນຖະແຫລງການທີ່ຈະແຈ້ງແນໃສ່ຄວາມພະຍາຍາມສະມັກເປັນປະທານາທິບໍ
ດີສະໄໝທີສາມ ຂອງທ່ານ Wade ທີ່ເປັນບັນຫາໂຕ້ແຍ້ງກັນນັ້ນ.