ໃນວັນທີ 19 ທັນວາຜ່ານມານີ້ ຢູ່ທີ່ມົສກູ, ສະພາປ້ອງກັນປະເທດຣັດເຊຍ ໄດ້ສົນທະນາກ່ຽວກັບຜົນງານ ໃນການເຮັດສົງຄາມ ຢູ່ໃນຢູເຄຣນ ທີ່ໃກ້ຈະຮອດວັນຄົບຮອບ 2 ປີນັ້ນ.
ປະທານາທິບໍດີວລາດິເມຍ ປູຕິນ ໄດ້ໃຊ້ນໍ້າສຽງເວົ້າ ປະນາມຢ່າງຍືດຍາວກ່ຽວກັບການດຳເນີນ “ຍຸດທະສາດເພື່ອຄວບຄຸມຣັດເຊຍ” ຂອງປະເທດຕາເວັນຕົກ ແລະບໍ່ລົດລະທີ່ຈະ ບັນລຸ “ເປົ້າໝາຍໃນການຮຸກຮານຂອງຕົນໃນຢູເຄຣນ” ໃຫ້ໄດ້.
ຫຼັງຈາກນັ້ນ, ລັດຖະມົນຕີກະຊວງປ້ອງກັນປະເທດ, ທ່ານເຊີເກ ຊອຍກູ (Sergei Shoigu) ກ່າວອ້າງວ່າຣັດເຊຍ "ປົດປ່ອຍດິນແດນທີ່ໃຫຍ່ກວ່າເຂດໂດແນັດ (Donetsk) ແລະ ເຂດ ລູຮານສ໌ (Luhansk) ເຖິງ 5 ເທົ່າ" ແລະເວົ້າວ່າ ຂົງເຂດໃຫມ່ອີກ 4 ແຫ່ງໄດ້ເຂົ້າຮ່ວມກັບຣັດເຊຍດ້ວຍຄວາມສະຫມັກໃຈ.
ທ່ານຊອຍກູ (Shoigu) ໝາຍເຖິງພາກຕາເວັນອອກຂອງຢູເຄຣນ ບ່ອນທີ່ຊາວຢູເຄຣນໄດ້ຕໍ່ສູ້ກັບຣັດເຊຍຢ່າງດຸເດືອດ ແລະບ່ອນທີ່ທະຫານຣັດເຊຍໄດ້ທຳລາຍ ແລະເຮັດໃຫ້ຈໍານວນ ປະຊາກອນຂອງເມືອງທັງໝົດ ຫຼຸດລົງ ກ່ອນທີ່ເຂົາເຈົ້າຈະສາມາດຍຶດຄອງເອົາດິນແດນໄດ້ ໃນທີ່ສຸດ.
ຫຼັງຈາກນັ້ນ, ທ່ານຊອຍກູ (Shoigu) ກໍໄດ້ເວົ້າໂອ້ອວດ ກ່ຽວກັບທະເລອາຊອຟ (Azov) ວ່າ ໄດ້ກາຍເປັນຂອງຣັດເຊຍໄປໝົດແລ້ວ, ເຊິ່ງມົສກູໄດ້ນໍາໃຊ້ມັນເພື່ອສ້າງເປັນ "ເມືອງກອງທັບເຮືອ" ໃຫມ່ ໂດຍບໍ່ໄດ້ກ່າວເຖິງຄວາມພ່າຍແພ້ຂອງຣັດເຊຍ ໃນທະເລດໍາ ແຕ່ຢ່າງໃດ.
ໂດຍບໍ່ສົນໃຈຕໍ່ການສູນເສຍບຸກຄະລາກອນຂອງຣັດເຊຍ, ເຊິ່ງຄາດວ່າຈະມີຫຼາຍກ່ວາ 315,000 ຄົນ ທ່ານຊອຍກູ (Shoigu) ເວົ້າເຖິງການສູນເສຍ "ອັນໃຫຍ່ຫຼວງ" ຂອງອີກຝ່າຍນຶ່ງ. ໃນນັ້ນ, ທ່ານກ່າວອ້າງວ່າ ລວມມີ "ທະຫານຮັບຈ້າງ" ຕ່າງປະເທດຫຼາຍພັນຄົນ, ຊຶ່ງຊາວອາເມຣິກັນຫຼາຍຮ້ອຍຄົນ ໄດ້ລວມຢູ່ໃນພວກທະຫານເຫລົ່ານັ້ນ.
“ພວກທະຫານຮັບຈ້າງທີ່ໄດ້ຖືກເກັບເກນມາຢ່າງຕັ້ງໜ້ານັບຕັ້ງແຕ່ຕອນເລີ້ມມີການປະຕິບັດງານພິເສດສ່ວນໃຫຍ່ແມ່ນໄດ້ໝົດໄປແລ້ວ. ພວກຫົວຮຸນແຮງຫຼາຍກວ່າ 5,800 ຄົນໄດ້ຖືກກໍາຈັດໄປ, ລວມທັງ ... 466 ຄົນຈາກສະຫະລັດອາເມຣິກາ ... "
ການກ່າວອ້າງທີ່ວ່າ “ພວກທະຫານຮັບຈ້າງ” ຂອງສະຫະລັດ 466 ຄົນ ໄດ້ຖືກຂ້າຕາຍໃນການສູ້ລົບ ໃນຢູເຄຣນນັ້ນ ແມ່ນບໍ່ຈິງ.
ພົນລະເມືອງສະຫະລັດທີ່ສູ້ລົບຢູ່ໃນຢູເຄຣນເປັນຈຳນວນຫຼວງຫຼາຍ ໄດ້ຈົດຊື່ເຂົ້າເພື່ອຮັບໃຊ້ໃນກອງທະຫານສາກົນຂອງຢູເຄຣນ, ຊຶ່ງເປັນສ່ວນນຶ່ງ ຂອງກອງກຳລັງປະກອບອາວຸດຢູ ເຄຣນ, ຫຼືກອງທັບແບບທໍາມະດາ. ນັ້ນຫມາຍຄວາມວ່າ ພວກເຂົາບໍ່ແມ່ນທະຫານຮັບຈ້າງ ຢູ່ພາຍໃຕ້ກົດຫມາຍສາກົນ, ແຕ່ເປັນອາສາສະຫມັກ.
ເຖິງແມ່ນວ່າຈະບໍ່ມີຕົວເລກຜູ້ເສຍຊີວິດທີ່ແນ່ນອນກໍຕາມ ແຕ່ລາຍງານຂອງສື່ມວນຊົນຊີ້ໃຫ້ເຫັນວ່າ ທ່ານຊອຍກູ (Shoigu) ອາດຈະເວົ້າເກີນຈໍານວນຕົວຈິງ ຂອງຊາວອາເມຣິກັນ ທີ່ເສຍຊີວິດຢູ່ໃນການຕໍ່ສູ້ແກ່ຢູເຄຣນນັ້ນ ຕັ້ງສິບເທົ່າ.
ກະຊວງການຕ່າງປະເທດສະຫະລັດ ບໍ່ໄດ້ບອກລາຍຊື່ຜູ້ເສຍຊີວິດຂອງພົນລະເມືອງອາເມຣິກັນໃນຢູເຄຣນ.
"ຄວາມສາມາດຂອງພວກເຮົາໃນການກວດສອບລາຍງານການເສຍຊີວິດຂອງພົນລະເມືອງສະຫະລັດໃນຢູເຄຣນແມ່ນຈໍາກັດ. ນອກຈາກນັ້ນ, ບໍ່ແມ່ນການເສຍຊີວິດຂອງພົນລະເມືອງສະຫະລັດທຸກຄົນຈະສາມາດລາຍງານໃຫ້ເຈົ້າໜ້າທີ່ສະຫະລັດຊາບໄດ້ໝົດ. ຍ້ອນເຫດຜົນເຫຼົ່ານີ້, ພວກເຮົາຈຶ່ງບໍ່ສາມາດສະຫນອງຈໍານວນທີ່ແນ່ນອນຂອງພົນລະເມືອງສະຫະລັດທັງຫມົດ ທີ່ຖືກຂ້າຕາຍໄດ້,” ນັ້ນຄືຄໍາເວົ້າຂອງໂຄສົກກະຊວງການຕ່າງປະເທດທ່ານນຶ່ງກ່າວຕໍ່ Polygraph.info ໂດຍຂຽນເປັນລາຍລັກອັກສອນ.
ແຕ່ລາຍງານສື່ມວນຊົນຫລາຍແຫ່ງທີ່ແຕກຕ່າງກັນ ສະແດງໃຫ້ເຫັນວ່າ ພົນລະເມືອງອາເມຣິ ກັນຫຼາຍສິບຄົນ ບໍ່ແມ່ນຫຼາຍຮ້ອຍຄົນ ໄດ້ເສຍຊີວິດໃນການສູ້ລົບຢູ່ໃນຢູເຄຣນ.
ໃນເດືອນຕຸລາຜ່ານມາ, ອົງການຂ່າວຣອຍເຕີສ໌ (Reuters) ໂດຍອ້າງອີງເຖິງເຈົ້າໜ້າທີ່ ຂອງກຸ່ມຊ່ອຍເຫຼືອ Safe Passage 4 ຢູເຄຣນ ແລະກຸ່ມ R.T. ມູນນິທິ Weatherman ກ່າວວ່າ ພົນລະເມືອງສະຫະລັດ 30 ຄົນໄດ້ເສຍຊີວິດໃນການຕໍ່ສູ້ໃນນາມຕາງໜ້າໃຫ້ຢູເຄຣນ.
ໃນລາຍງານສະບັບນຶ່ງໃວັນທີ 18 ທັນວານີ້, ໜັງສືພິມ Task & Purpose ຂອງກະຊວງ ການຕ່າງປະເເທດ ໄດ້ອ້າງອີງເຖິງບົດຂຽນໃນອິນເຕີແນັກ ຫລື blog ຂອງກອງທັບຣັດເຊຍ ທີ່ຊື່ວ່າ "Lost Armour" ທີ່ເວົ້າວ່າ ມີພົນລະເມືອງອາເມຣິກັນ 45 ຄົນເສຍຊີວິດໃນການສູ້ລົບຢູ່ໃນຢູເຄຣນ. Lost Armor ໄດ້ລວບລວມບັນຊີທີ່ມີຊື່, ລວມທັງສື່ມວນຊົນ ແລະບົດລາຍງານໃນສື່ສັງຄົມອອນລາຍທີ່ຢືນຢັນການເສຍຊີວິດເຫຼົ່ານັ້ນ.
ໃນຈຳນວນຊາວອາເມຣິກັນເຫຼົ່ານັ້ນ, Task & Purpose ໄດ້ກວດສອບວ່າຫຼາຍ 30 ຄົນແມ່ນນັກລົບເກົ່າ ຂອງກອງທັບສະຫະລັດ.
ໜັງສືພິມ Task & Purpose ໄດ້ຂຽນ ສະດຸດີ ສິບກວ່າອັນໃຫ້ແກ່ນັກລົບເກົ່າຂອງສະຫະລັດ ທີ່ເສຍຊີວິດໃນການສູ້ລົບໃນຢູເຄຣນ, ຊຶ່ງອັນຫລ້າສຸດແມ່ນພິມເຜີຍແຜ່ອອກໃນວັນທີ 21 ທັນວາຜ່ານມາ ສໍາລັບນັກລົບເກົ່າທະຫານມາຣິນເອແທນ ເຮິດເວັກ (Ethan Hertweck).
ນັກລົບເກົ່າທະຫານມາຣິນທີ່ເສຍຊີວິດໃນຢູເຄຣນທີ່ວ່ານັ້ນ ໄດ້ຕໍ່ສູ້ກັບຣັດເຊຍ 12 ຄົນໃນ ການປະຕິບັດໜ້າທີ່ຄັ້ງສຸດທ້າຍ.
ຕົວເລກດັ່ງກ່າວຍັງບໍ່ສາມາດສະຫຼຸບໄດ້, ແລະມັນກໍ່ອາດເປັນໄປໄດ້ວ່າ ພວກທີ່ບໍ່ແມ່ນນັກລົບເກົ່າອາດຈະເສຍຊີວິດ ໃນການສູ້ລົບກໍມີ.
Still, other Western media outlets reporting on U.S. volunteer deaths in Ukraine have likewise indicated the death toll is in the dozens, although cautioning that the precise figure is unknown.
ແຕ່ຢ່າງໃດກໍ່ຕາມ, ສື່ມວນຊົນຕາເວັນຕົກອື່ນໆ ທີ່ລາຍງານກ່ຽວກັບການເສຍຊີວິດຂອງອາສາສະໝັກຂອງສະຫະລັດໃນຢູເຄຣນ ໄດ້ຊີ້ໃຫ້ເຫັນເຊັ່ນກັນວ່າ ຈຳນວນຜູ້ເສຍຊີວິດແມ່ນຫຼາຍສິບຄົນ, ເຖິງແມ່ນຈະເຕືອນວ່າ ຕົວເລກອັນຊັດເຈນແນ່ນອນບໍ່ມີໃຜຮູ້.
ຂະບວນການລະບຸຕົວຜູ້ຕາຍ, ໂດຍສະເພາະໃນເວລາທີ່ຮຽກຮ້ອງໃຫ້ມີການເກັບຕົວຢ່າງ DNA ໄປກວດອາດເຮັດໄດ້ຍາກຫຼາຍ.
ເມື່ອພິຈາລະນາເຖິງສິ່ງນັ້ນ ແລະປັດໄຈທີ່ສັບສົນອັນອື່ນໆ, ມັນຍັງບໍ່ທັນຈະແຈ້ງເທື່ອວ່າ ກະຊວງປ້ອງກັນປະເທດຣັດເຊຍໃຊ້ວິທີການໃດມາສະຫຼຸບວ່າ ຊາວອາເມຣິກັນ 466 ຄົນໄດ້ຖືກຂ້າຕາຍໃນຂະນະທີ່ຮັບໃຊ້ຢູ່ໃນຢູເຄຣນ, ແລະມັນບໍ່ເຄີຍເອົາຫຼັກຖານມາຢັ້ງຢືນການກ່າວອ້າງດັ່ງກ່າວເລີຍ.
ມັນຍັງບໍ່ຈະແຈ້ງອີກວ່າ ການເສຍຊີວິດຂອງຊາວອາເມຣິກັນຫຼາຍຮ້ອຍຄົນທີ່ຕໍ່ສູ້ຢູ່ໃນຢູເຄຣນສາມາດທີ່ຈະເກີດຂຶ້ນ ໂດຍບໍ່ຖືກກວດພົບໄດ້ແນວໃດ.
ໝູ່ເພື່ອນ ແລະຄອບຄົວຂອງພົນລະເມືອງສະຫະລັດ ທີ່ເສຍຊີວິດໃນການຕໍ່ສູ້ຢູ່ໃນຢູເຄຣນ ໄດ້ໂອ້ລົມເປັນປະຈຳກັບສື່ມວນຊົນທ້ອງຖິ່ນ ແລະລະດັບຊາດ ໂດຍສ່ວນໃຫຍ່ເວົ້າໄປໃນແງ່ດີກ່ຽວກັບແຮງຈູງໃຈທີ່ນຳພາຜູ້ທີ່ເສຍຊີວິດນັ້ນໄປຮັບໃຊ້. ກະຊວງການຕ່າງປະເທດສະຫະ ລັດ ໄດ້ຢືນຢັນການເສຍຊີວິດຂອງບຸກຄົນຕ່າງໆ ຕໍ່ອົງການຂ່າວທັງຫຼາຍ.
ໃນຕົວຢ່າງອັນນຶ່ງ, ງານສົບທີ່ຈັດຂຶ້ນຢູ່ໃນຢູເຄຣນສຳລັບຊາວອາເມລິກາຄົນນຶ່ງທີ່ເສຍຊີວິດໃນການສູ້ລົບຢູ່ທີ່ນັ້ນໄດ້ຖືກພິມເຜີຍແຜ່ຢ່າງກວ້າງຂວາງ.
Russia’s Defense Ministry does have a track record of exaggerating Ukrainian losses, faking evidence and promoting false narratives about the war, “often to cover up military defeats during the country's “special military operation” in Ukraine,” the Dutch open-source intelligence defense analysis website Oryx wrote.
ກະຊວງປ້ອງກັນປະເທດຂອງຣັດເຊຍ ມີບັນທຶກການຕິດຕາມທີ່ເວົ້າເກີນຄວາມຈິງ ກ່ຽວກັບ ການສູນເສຍຂອງຄົນຢູເຄຣນ, ປອມແປງຫຼັກຖານ ແລະການສົ່ງເສີມການເລົ່າເລື່ອງທີ່ບໍ່ຈິງກ່ຽວກັບສົງຄາມ" ຊຶ່ງມັກຈະປົກປິດຄວາມພ່າຍແພ້ທາງທະຫານໃນລະຫວ່າງ "ການປະຕິບັດງານທາງທະຫານພິເສດ" ໃນປະເທດຢູເຄຣນ " ອີງຕາມການຂຽນຢູ່ໃນເວັບໄຊທ໌ການວິໄຈ ຂໍ້ມູນລັບດ້ານການປ້ອງກັນຊາດ ທີ່ເປັນແຫລ່ງຂໍ້ມູນເປີດເຜີຍຂອງເນເທີແລນ.
ເຊັ່ນດຽວກັນ ເຖິງແມ່ນວ່າ ກະຊວງປ້ອງກັນປະເທດຣັດເຊຍ ເວົ້າແບບໃຫ້ຄົນເຂົ້າໃຈຜິດກ່ຽວກັບຄົນຕ່າງປະເທດ ທີ່ຕໍ່ສູ້ໃນນາມຢູເຄຣນວ່າ ເປັນທະຫານຮັບຈ້າງ ທີ່ຈິງແລ້ວ ສ່ວນຫຼາຍເຂົາເຈົ້າແມ່ນອາສາສະໝັກ.
ເຖິງແມ່ນວ່າ ເຈົ້າໜ້າທີ່ຢູເຄຣນກ່າວໃນເບື້ອງຕົ້ນວ່າມີ 20,000 ຄົນ ໄດ້ສະແດງຄວາມສົນໃຈເປັນອາສາສະໝັກ ໃຫ້ກອງທະຫານສາກົນຂອງຢູເຄຣນ ຊຶ່ງເປັນໜ່ວຍທະຫານຕ່າງປະເທດ ຂອງກອງກຳລັງປ້ອງກັນດິນແດນຂອງຢູເຄຣນ ທີ່ສ້າງຕັ້ງຂຶ້ນບໍ່ດົນ ຫລັງຈາກຣັດເຊຍບຸກລຸກ ເຂົ້າໄປໃນເດືອນກຸມພາປີ 2022, ແຕ່ລາຍງານຕ່າງໆ ສະແດງໃຫ້ເຫັນວ່າມີຄົນເອົາເຂົ້າເປັນທະຫານໃນຕົວຈິງ ແມ່ນໜ້ອຍກວ່ານັ້ນຫຼາຍ.
ການຄາດຄະເນທີ່ບໍ່ໄດ້ຮັບການຢືນຢັນໄດ້ສະແດງໃຫ້ເຫັນວ່າ ຫລາຍພັນຄົນ, ແລະອາດມີພຽງແຕ່ຫຼາຍຮ້ອຍຄົນ, ໃນຈຳນວນພົນລະເມືອງອາເມຣິກັນ ໄດ້ຕໍ່ສູ້ຮ່ວມກັບບັນດາໜ່ວຍທະຫານຢູເຄຣນ ຫລື ກອງທະຫານສາກົນ.
ດັ່ງທີ່ໄດ້ລາຍງານໃນເມື່ອກ່ອນໂດຍ Polygraph.info, ຄະນະກໍາມະການສາກົນຂອງອົງການກາແດງ, ຢູ່ໃນຄໍາແນະນໍາຂອງອົງການນັ້ນ ກ່ຽວກັບການປົກປ້ອງທາງດ້ານກົດຫມາຍສໍາລັບນັກລົບໃນສົງຄາມ ເວົ້າວ່າ ທະຫານຮັບຈ້າງແມ່ນ "ຜູ້ທີ່ໄດ້ເຂົ້າຮ່ວມໂດຍກົງ ໃນການສູ້ລົບທີ່ກະຕຸ້ນໂດຍຄວາມປາຖະຫນາ ຢາກໄດ້ຮັບຜົນປະໂຫຍດສ່ວນຕົວ.”
ເມື່ອປຽບທຽບເບິ່ງ, ອົງການກາແດງກ່າວວ່າ, "ຄົນສັນຊາດຂອງປະເທດທີ່ເປັນກາງທີ່ຖືກ ຈົດຊື່ ເຂົ້າໃນກໍາລັງປະກອບອາວຸດຂອງຝ່າຍນຶ່ງ ທີ່ຢູ່ໃນການຂັດແຍ້ງ ບໍ່ແມ່ນທະຫານຮັບຈ້າງ."
"ສະມາຊິກຂອງກໍາລັງປະກອບອາວຸດຂອງຝ່າຍທີ່ເປັນປໍລະປັກບໍ່ແມ່ນທະຫານຮັບຈ້າງ," ນັ້ນ ຄືຄໍາເວົ້າຂອງທ່ານໂຣເບີດ ລໍແລສ (Robert Lawless), ຜູ້ຊ່ວຍສາດສະດາຈານຂອງພະແນກກົດໝາຍຢູ່ສະຖາບັນການສຶກສາດ້ານການທະຫານຂອງສະຫະລັດໃນເມືອງແວສ ພ໋ອຍທ໌ (West Point), ລັດນິວຢອກທີ່ຂຽນໃນເດືອນມີນາ 2022.
“ລັດຖະບານຢູເຄຣນໄດ້ລວມເອົາກອງທະຫານສາກົນປ້ອງກັນປະເທດຂອງຢູເຄຣນເຂົ້າຢູ່ໃນກອງກຳລັງປະກອບອາວຸດຂອງຕົນຢ່າງເປັນທາງການ. ສະນັ້ນ ກອງທະຫານດັ່ງກ່າວລາຍງານວ່າ ມີສະມາຊິກຕ່າງປະເທດ 20,000 ຄົນ - ລວມທັງຊາວອາເມຣິກັນ 3,000 ຄົນ - ບໍ່ແມ່ນທະຫານຮັບຈ້າງ," ທ່ານລໍແລສ (Lawless) ຂຽນໃນເດືອນມີນາ 2022 ໂດຍອ້າງອີງເຖິງມາດຕາ 47(2) ຂອງອະນຸສັນຍາເພີ່ມເຕີມຄັ້ງທໍາອິດຂອງສົນທິສັນຍາເຈນີວາ."
ອາສາສະໝັກຕ່າງປະເທດທີ່ຕໍ່ສູ້ຢູ່ໃນຢູເຄຣນ ຍັງໄດ້ຮັບເງິນເດືອນທີ່ສອດຄ່ອງກັບຄົນສັນຊາດຢູເຄຣນ, ໂດຍມີຫຼັກຖານຢ່າງຫຍໍ້ໆ ທີ່ຊີ້ໃຫ້ເຫັນວ່າ ຫຼາຍຄົນໄດ້ຖິ້ມປະອາຊີບທີ່ມີລາຍໄດ້ຫລາຍກວ່ານັ້ນຫຼາຍ ຢູ່ໃນປະເທດຂອງເຂົາເຈົ້າເພື່ອໄປຮັບໃຊ້ໃນຢູເຄຣນ.
ຣັດເຊຍຍັງໄດ້ກ່າວອ້າງຢ່າງຜິດໆວ່າ ພວກຫົວຮຸນແຮງຈີຮາດຕ່າງປະເທດ ໄດ້ຕໍ່ສູ້ໃນນາມຕາງໜ້າໃຫ້ແກ່ຢູເຄຣນ.
ໃນທາງກົງກັນຂ້າມ, ຣັດເຊຍໄດ້ລະດົມເອົາທະຫານຮັບຈ້າງຢ່າງຕັ້ງໜ້າເພື່ອຕໍ່ສູ້ກັບຢູເຄຣນ, ລວມທັງຜ່ານກຸ່ມແວັກເນີ (Wagner) ທີ່ມີຊື່ສຽງ. ນັກລົບຂອງ Wagner ໄດ້ຮັບເງິນເດືອນເທົ່າກັບສອງເທົ່າ ຫຼືຫຼາຍກວ່ານັ້ນ ເມື່ອທຽບກັບທະຫານຣັດເຊຍທໍາມະດາ.
