ທ່ານມິດ ຣອມນີ ຜູ້ສະໝັກເລືອກຕັ້ງປະທານາທິບໍດີສະຫະລັດ ໄດ້ເລີ້ມຕົ້ນການ ຢ້ຽມຢາມປະເທດອິສຣະແອລເປັນເວລາສັ້ນໆ ໃນວັນອາທິດມື້ນີ້ ໂດຍໄດ້ພົບປະກັບ ເພື່ອນຂອງທ່ານທີ່ຮູ້ກັນມາຕັ້ງແຕ່ດົນນານ ທ່ານ Benjamin Netayahu ນາຍົກລັດ
ຖະມົນຕີອິສຣະແອລ ຜູ້ທີ່ໄດ້ກ່າວຕໍ່ ທ່ານຣອມນີວ່າ ທ່ານເຫັນພ້ອມກັບທ່າທີຂອງພັກ
Republican ທີ່ວ່າ ອັນຕະລາຍທີ່ໃຫຍ່ຫລວງທີ່ສຸດທີ່ໂລກກໍາລັງປະເຊີນຢູ່ໃນປັດຈຸ
ບັນນີ້ ກໍຄືຄວາມສາມາດບົ່ມຊ້ອນ ທີ່ອາຣ່ານຈະມີອາວຸດນີວເຄລຍນັ້ນ.
ທ່ານຣອມນີເວົ້າວ່າ ທ່ານຢາກໄດ້ຍິນຄວາມເຫັນຂອງທ່ານ Netayahu ກ່ຽວກັບບາດ
ກ້າວໃນຂັ້ນຕໍ່ໄປ ທີ່ສາມາດດໍາເນີນໄດ້ ເພື່ອຈະຢັບຢັ້ງບໍ່ໃຫ້ ອີຣ່ານປະຕິບັດຕາມຄວາມ
ໂງ່ເງົ່າດ້ານ “ອາວຸດນີວເຄລຍ” ຂອງຕົນນັ້ນ.
ຈາກນັ້ນ ທ່ານຣອມນີຈະໄປພົບກັບນາຍົກລັດຖະມົນຕີຂອງປາແລສຕາຍ ທ່ານ Salam
Fayyad ທີ່ກຸງ Jerusalem.
ທ່ານຣອມນີ ເດີນທາງໄປເຖິງອິສຣະແອລໃນຄືນວັນເສົາວານນີ້ ໂດຍໄດ້ບິນອອກຈາກ
ປະເທດອັງກິດ ບ່ອນທີ່ທ່ານໄດ້ເຂົ້າຮ່ວມພິທີເປີດກິລາໂອລິມປິກ. ໃນວັນຈັນມື້ນອື່ນ ທ່ານຈະສືບຕໍ່ເດີນທາງໄປຍັງປະເທດໂພແລນ ຊຶ່ງເປັນບ່ອນແວະແຫ່ງສຸດທ້າຍ ໃນການ
ເດີນທາງຂອງທ່ານຄັ້ງນີ້.