ລິ້ງ ສຳຫລັບເຂົ້າຫາ

ພວກຜູ້ນຳ ຂອງພັກຣີພັບບລີກັນ ຍັງລັງເລໃຈ ທີ່ຈະສະໜັບສະໜຸນ ທ່ານ Trump"


ປະທານສະພາຕ່ຳສະຫະລັດ ທ່ານ Ryan ຮ່ວມກັບ ປະທານສະພາລັດ Wisconsin ທ່ານ Robin Vos, ຊ້າຍ, ແລະສະມາຊິກສະພາສູງ ທ່ານ Ron Johnson ຂອງພັກຣີພັບບລິກັນ.

ປະທານສະພາຕ່ຳສະຫະລັດ ທ່ານ Ryan ຮ່ວມກັບ ປະທານສະພາລັດ Wisconsin ທ່ານ Robin Vos, ຊ້າຍ, ແລະສະມາຊິກສະພາສູງ ທ່ານ Ron Johnson ຂອງພັກຣີພັບບລິກັນ.

ນັກທຸລະກິດ​ມະຫາ​ເສດຖີພັນ​ລ້ານ ທ່ານ Donald Trump ອາດຈະ​ໄດ້​ຮັບ​ຄະ​ແນນ​ສຽງ​ ພຽງພໍ​ໃນການ​ເລືອກ​ຕັ້ງ​ຂັ້ນ​ຕົ້ນ​ ທີ່​ຈະ​ຖືກ​ສະ​ເໜີ ​ໃຫ້ເປັນຜູ້​ສະ​ໝັກ​ປະທານາທິບໍດີ ຂອງ​ ພັກ​ຣີພັບ​ບລິ​ກັນ​ ​ແຕ່​ທ່ານ​ປາ​ກົດ​ວ່າ ບໍ່​ສາມາດ​ຜັນ​ຂະຫຍາຍ ໃຫ້​ຄວາມກະ​ຕືລື​ລົ້ນ​ ຈາກ​ ການ​ລົງ​ຄະ​ແນນ​ສຽງ ​ໄປ​ສູ່​ຄະນະນຳພາ​ຂອງ​ພັກ​ໄດ້.

​ອີງ​ຕາມ​ໜັງ​ສື​ພິມ Wall Street Journal ​ແລ້ວ ມີ​ພຽງ​ແຕ່ 12 ຄົນ ຂອງສະ ມາຊິກ​ພັກ ​ຣີພັບບລິ​ກັນ ທີ່​ຮັບ​ໃຊ້​ຢູ່​ໃນ​ສະພາ​ຕໍ່າແລະ​ສະພາ​ສູງທັງໝົດ​ ຈຳນວນ 300 ຄົນ ​ແລະ​ ສາມຄົນ ​ໃນ​ຈຳນວນ​ຜູ້​ປົກຄອງ​ລັດທັງ​ໝົດ 31 ຄົນ ​ໄດ້ສະ​ເໜີໃຫ້ການ​ສະໜັບສະໜຸນ ແກ່​ນັກທຸລະກິດຈາກ​ນິວຢອກທ່ານ​ນີ້.

ຜູ້​ທີ່ໄດ້ກຳ​ຕຳ​ແໜ່​ງ​ຢູ່ໃນ​ທຳນຽບຂາວ​ສອງ​ທ່ານປະທານາທິບໍດີ George H.W​. Bush ​ແລະ​ລູກ​ຊາຍ ປະທານາທິບໍດີ George W. Bush ກ່າວ​ວ່າ ​ພວກ​ທ່ານຈະ​ບໍ່ໄປ​ຮ່ວມ ການ​ໂຄສະນາ​ຫາ​ສຽງ​ປີ 2016 ​ແລະ ​ຈະ​ບໍ່ໃຫ້​ຄວາມ​ເຫັນ​ໃດໆ​ດ້ວຍ​ຊ້ຳ.

ຜູ້​ທີ່​ໄດ້​ເສຍ​ໄຊ ໃນ​ການ​ເລືອກ​ຕັ້ງເປັນ​ປະທານາທິບໍດີ​ສອງທ່ານສຸດ​ທ້າຍຄື ສະມາຊິກ​ ສະພາ​ສູງ ທ່ານ John McCain ​ໃນ​ປີ 2008 ​ແລະ​ອະດີດ​ຜູ້​ປົກຄອງ​ລັດ Massa- chusetts ທ່ານ Mitt Romney ​ໃນ​ປີ 2012 ຕ່າງ​ກໍ​ກ່າວ​ວ່າ ​ພວກ​ທ່ານ​ກໍຄື​ກັນ​ກັບ​ພວກ ​ທ່ານ Bushe ທັງ​ສອງ ​ບໍ່​ມີ​ກຜນການ​ທີ່​ຈະ​ໄປຮ່ວມ​ກອງ​ປະຊຸມ​ໃຫຍ່ແຫ່ງ​ຊາດຂອງ​ພັກ ​ໃນ​ເດືອນ​ກໍລະກົດເຊັ້ນ​ກັນ ບ່ອນ​ທີ່​ທ່ານ Trump ຈະ​ຖືກ​ສະ​ເໜີ​ແຕ່ງຕັ້ງ​ຢ່າງ​ເປັນ​ທາງ​ການນັ້ນ.

ອະດີດປະທານາທິບໍດີ ທ່ານ George W. Bush, ຂວາ ໂອ້ລົມກັບພໍ່ຂອງທ່ານ ອະດີດປະທານາທິບໍດີ George H.W. Bush.

ອະດີດປະທານາທິບໍດີ ທ່ານ George W. Bush, ຂວາ ໂອ້ລົມກັບພໍ່ຂອງທ່ານ ອະດີດປະທານາທິບໍດີ George H.W. Bush.

ໃນ​ວັນ​ພະຫັດ​ວານ​ນີ້ ຜູ້​ກຳ​ຕຳ​ແໜ່​ງສູງ​ສຸດຂອງ​ພັກຣີພັບ​ບລິ​ກັນ ປະທານ​ສະພາຕ່ຳ ທ່ານ Paul Ryan ກ່າວ​ວ່າ ທ່ານ​ຍັງ​ບໍ່ຕຽມ​ພ້ອມ​ທີ່​ຈະ​ສະໜັບສະໜູນ​ທ່ານ Trump ​ໃຫ້​ເປັນ​ຜູ້​ ຖືກ​ສະ​ເໜີ​ແຕ່ງຕັ້ງ​ເທື່ອ. ທ່ານ Ryan ​ກ່ອນໜ້ານີ້ ​ໄດ້​ຕິຕຽນ​ທ່ານ Trump ທີ່​ກ່າວ​ວ່າ ຖ້າ​ ຫາກ​ທ່ານ​ບໍ່​ໄດ້ຖືກ​ສະ​ເໜີ​ແຕ່ງຕັ້ງບັນດາ​ຜູ້​ສະໜັບ ສະໜູນ​ຂອງ​ທ່ານ ​ອາດ​ຈະ​ກໍ່​ຄວາມ ​ວຸ້ນວາຍຂຶ້ນ ​ຢູ່​ທີ່ກອງ​ປະ​ຊຸ​ມ​ໃຫຍ່ແຫ່ງ​ຊາດ​ພັກຣີພັບ​ບລິ​ກັນ ​ໃນ​ເດືອນ​ກໍລະກົດ​ຈະ​ມາ​ ເຖິງ​ນີ້.

ທ່ານ Ryan ກ່າວ​ວ່າ ທ່ານ​ຫວັງ​ວ່າ ​ພັກ​ຈະສາມາດ​ທ້ອນ​ໂຮມ​ກັນ​ໃນ​ລະດູ​ຮ້ອນ​ຈະ​ມາ​ເຖິ​ນີ້ “​ແຕ່ຂ້າພະ​ເຈົ້າ​ຄິດ​ຫຼາຍ​ກ່ຽວ​ກັບ​ຄວາມ​ຍາກ​ລຳບາກ​ສຳລັບ​ຜູ້​ທີ່ຄາດ ວ່າ​ຈະ​ຖືກ​ສະ​ເໜີ ​ແຕ່ງຕັ້ງ ທີ່​ຈະ​ເຮັດ​ຢ່າງນັ້ນ ​ແລະ​ເຮົາ​ຈະ​ເບິ່ງ​ຕໍ່​ໄປ.”

ບັນດາ​ສະມາຊິກ​ພັກ​ຣີພັບ​ບລິ​ກັນ​ທີ່ມີຄວາມ​ສຳຄັນໆ ຈະເອົາ​ບາດ​ກ້າວຫລາຍ​ກວ່າ​ທ່ານ Ryan ອີກ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG