ຝົນທີ່ຕົກລົງມາຕື່ມອີກ ເຮັດໃຫ້ເຂດນະຄອນຫຼວງມະນີລາຂອງຟິລິບປີນ ທີ່ເກີດໄພ
ນໍ້າຖ້ວມຢູ່ແລ້ວນັ້ນ ຄັບຂັນຂຶ້ນຕື່ມ ໂດຍມີການສົ່ງເຮືອກູ້ໄພໄປຊ່ອຍເຫຼືອປະຊາຊົນທີ່
ຕົກຄ້າງ ຍ້ອນລະດັບນໍ້າສູງຂຶ້ນ.
ປະຊາຊົນຈຳນວນນຶ່ງທີ່ຖືກຍົກຍ້າຍອອກໜີໃນວັນພະຫັດມື້ນີ້ ຫຼັງຈາກໄດ້ມີຝົນຕົກໜັກໃນຕອນກາງຄືນນັ້ນ ຫາກໍກັບຄືນໄປຫາບ້ານເຮືອນຂອງພວກເຂົາເຈົ້າ ພຽງບໍ່ເທົ່າໃດຊົ່ວໂມງກ່ອນໜ້ານີ້.
ເຂດຕ່າງໆທີ່ຕັ້ງຢູ່ແຄມຝັ່ງແມ່ນໍ້າ ເຊັ່ນຄຸ້ມ Marikina ໃນນະຄອນຫຼວງມະນີລາແມ່ນໄດ້ຮັບຄວາມເສຍຫາຍຮ້າຍແຮງເປັນພິເສດ ຈາກໄພນໍ້າຖ້ວມໃນຄັ້ງນີ້ ຊຶ່ງເຈົ້າໜ້າທີ່ກ່າວວ່າ ໄດ້ມີຜົນກະທົບຕໍ່ປະຊາຊົນໃນນະຄອນຫຼວງຂອງຟີລິບປິນປະ ມານ 2 ລ້ານຄົນແລະເກືອບ 3 ແສນຄົນໄດ້ເຂົ້າໄປພັກພາອາໄສຢູ່ຕາມສູນຫຼົບ ໄພຊົ່ວຄາວແຫ່ງຕ່າງໆ.
ມີຢ່າງນ້ອຍ 20 ຄົນໄດ້ເສຍຊີວິດໃນ ກຸງມະນີລາ ອັນເປັນຜົນເນື່ອງມາຈາກໄພນໍ້າຖ້ວມຍ້ອນຝົນຕົກໜັກຈາກລະດູລົມໃນມໍລະສຸມຄັ້ງນີ້.
ເບິ່ງສະໄລດ໌ ກ່ຽວກັບນໍ້າຖ້ວມຢູ່ຟີລິບປິນ
