ເກົາຫຼີເໜືອປະຕິເສດຂໍ້ສະເໜີຂອງເກົາຫຼີໃຕ້ ເພື່ອທຳການ
ໂອ້ລົມສົນທະນາກັນກ່ຽວກັບການເປີດການພົບປະກັນຄືນ
ລະຫວ່າງພວກຄອບຄົວທີ່ໄດ້ພັດພາກຈາກກັນຕັ້ງແຕ່ປາງ
ສົງຄາມເກົາຫຼີ ໃນຊຸມປີ 1950 ນັ້ນ.
ກະຊວງທ້ອນໂຮມຊາດຂອງລັດຖະບານກຸງໂຊນ ກ່າວວ່າ
ເກົາຫຼີເໜືອໄດ້ສົ່ງສານສະບັບນຶ່ງ ໃນວັນພະຫັດມື້ນີ້ ທີ່ເວົ້າ
ວ່າ “ ບັນຍາກາດທີ່ເໝາະສົມ ຍັງບໍ່ທັນອຳນວຍໃຫ້
ເທື່ອ” ເພື່ອເປີດການໂອ້ລົມສົນທະນາກັນນັ້ນ.
ທ່ານ Kim-Eui-do ໂຄສົກປະຈຳກະຊວງທ້ອນໂຮມຊາດ
ເກົາຫຼີໃຕ້ ເວົ້າວ່າ ກຸງໂຊນ ມີຄວາມຜິດຫວັງ ໃນການຕັດສິນໃຈຂອງກຸງພຽງຢ້າງ
ແລະກ່າວຕໍ່ໄປວ່າ:
“ຝ່າຍເຮົາຖືວ່າ ເປັນທີ່ໜ້າເສຍໃຈທີ່ເກົາຫຼີເໜືອບໍ່ເຫັນດີນຳຂໍ້ສະເໜີຂອງ
ພວກເຮົາ ທີ່ຢາກ ໃຫ້ມີການເຈລະຈາກັນລະຫວ່າງສະພາກາແດງເກົາຫຼີ
ໃຕ້ແລະເກົາຫຼີເໜືອ ເພື່ອແກ້ໄຂບັນຫາຂັ້ນພື້ນຖານ ກ່ຽວກັບເລື້ອງຕ່າງໆ
ເຊັ່ນການເຮັດໃຫ້ມີກົດເກນຂອງການພົບປະກັນຄືນຂອງພວກຄອບຄົວທີ່
ໄດ້ພັດພາກຈາກກັນນັ້ນ. ດັ່ງທີ່ພວກເຮົາໄດ້ສະແດງໃຫ້ເຫັນ ໃນຫຼາຍຄັ້ງ
ເລື້ອງຄອບຄົວທີ່ມີການແບ່ງແຍກນີ້ ເປັນວຽກບ້ານອັນນຶ່ງທີ່ຈະຕ້ອງໄດ້ຮັບ
ການແກ້ໄຂໃນຖານະເປັນເລື້ອງບຸລິມະສິດ ໃນສາຍພົວພັນຂອງເກົາຫຼີ
ເໜືອແລະໃຕ້ ໂດຍບໍ່ມີສ່ວນຕິດພັນໃດໆກັບເລື້ອງອື່ນໆ.”
ເກົາຫຼີເໜືອມັກພະຍາຍາມເລື້ອຍໆເອົາເລື້ອງການທ້ອນໂຮມພວກຄອບຄົວຄືນເຂົ້າ
ກັນນີ້ ໄປພົວພັນກັບການຟື້ນຄືນຂອງໂຄງການພາຍໃນເກົາຫຼີອື່ນໆ ເຊັ່ນ ການລິເລີ້ມ
ຄືນໃໝ່ການທ່ອງທ່ຽວຂອງເກົາຫຼີໃຕ້ ໄປຍັງສະຖານທີ່ຕາກອາກາດ ເທິງພູ Kumgang
ນັ້ນ.
ການພົບປະກັນອີກຂອງພວກຄອບຄົວ ໄດ້ເລີ້ມຄືນເປັນການຊົ່ວຄາວໃນເດືອນແລ້ວ
ນີ້ ເປັນເທື່ອທຳອິດໃນຮອບ 3 ປີຜ່ານມາ. ການພົບປະຂອງພວກຄອບຄົວດັ່ງກ່າວ
ໄດ້ມີຂຶ້ນຫຼັງຈາກການພົບປະເຈລະຈາກັນຫຼາຍຄັ້ງໃນລະດັບສູງ ທີ່ພາໃຫ້ມີຄວາມ
ເປັນໄປໄດ້ ຂອງຄວາມກ້າວໜ້າໃນສາຍພົວພັນທີ່ແຕກຫັກລະຫວ່າງເກົາຫຼີນັ້ນ.
ການປະຕິເສດຂອງເກົາຫຼີເໜືອມີຂຶ້ນ ຫຼັງຈາກການຍິງທົດລອງລູກສອນໄຟໃນໄລຍະ
ໃກ້ແລະລູກຈະຫຼວດຫຼາຍຄັ້ງຕິດຕໍ່ກັນມາ ເພື່ອຕອບໂຕ້ຕໍ່ການຊ້ອມລົບຮ່ວມຂະໜາດ
ໃຫຍ່ ຂອງກອງທັບສະຫະລັດແລະເກົາຫຼີໃຕ້.
ໂອ້ລົມສົນທະນາກັນກ່ຽວກັບການເປີດການພົບປະກັນຄືນ
ລະຫວ່າງພວກຄອບຄົວທີ່ໄດ້ພັດພາກຈາກກັນຕັ້ງແຕ່ປາງ
ສົງຄາມເກົາຫຼີ ໃນຊຸມປີ 1950 ນັ້ນ.
ກະຊວງທ້ອນໂຮມຊາດຂອງລັດຖະບານກຸງໂຊນ ກ່າວວ່າ
ເກົາຫຼີເໜືອໄດ້ສົ່ງສານສະບັບນຶ່ງ ໃນວັນພະຫັດມື້ນີ້ ທີ່ເວົ້າ
ວ່າ “ ບັນຍາກາດທີ່ເໝາະສົມ ຍັງບໍ່ທັນອຳນວຍໃຫ້
ເທື່ອ” ເພື່ອເປີດການໂອ້ລົມສົນທະນາກັນນັ້ນ.
ທ່ານ Kim-Eui-do ໂຄສົກປະຈຳກະຊວງທ້ອນໂຮມຊາດ
ເກົາຫຼີໃຕ້ ເວົ້າວ່າ ກຸງໂຊນ ມີຄວາມຜິດຫວັງ ໃນການຕັດສິນໃຈຂອງກຸງພຽງຢ້າງ
ແລະກ່າວຕໍ່ໄປວ່າ:
“ຝ່າຍເຮົາຖືວ່າ ເປັນທີ່ໜ້າເສຍໃຈທີ່ເກົາຫຼີເໜືອບໍ່ເຫັນດີນຳຂໍ້ສະເໜີຂອງ
ພວກເຮົາ ທີ່ຢາກ ໃຫ້ມີການເຈລະຈາກັນລະຫວ່າງສະພາກາແດງເກົາຫຼີ
ໃຕ້ແລະເກົາຫຼີເໜືອ ເພື່ອແກ້ໄຂບັນຫາຂັ້ນພື້ນຖານ ກ່ຽວກັບເລື້ອງຕ່າງໆ
ເຊັ່ນການເຮັດໃຫ້ມີກົດເກນຂອງການພົບປະກັນຄືນຂອງພວກຄອບຄົວທີ່
ໄດ້ພັດພາກຈາກກັນນັ້ນ. ດັ່ງທີ່ພວກເຮົາໄດ້ສະແດງໃຫ້ເຫັນ ໃນຫຼາຍຄັ້ງ
ເລື້ອງຄອບຄົວທີ່ມີການແບ່ງແຍກນີ້ ເປັນວຽກບ້ານອັນນຶ່ງທີ່ຈະຕ້ອງໄດ້ຮັບ
ການແກ້ໄຂໃນຖານະເປັນເລື້ອງບຸລິມະສິດ ໃນສາຍພົວພັນຂອງເກົາຫຼີ
ເໜືອແລະໃຕ້ ໂດຍບໍ່ມີສ່ວນຕິດພັນໃດໆກັບເລື້ອງອື່ນໆ.”
ເກົາຫຼີເໜືອມັກພະຍາຍາມເລື້ອຍໆເອົາເລື້ອງການທ້ອນໂຮມພວກຄອບຄົວຄືນເຂົ້າ
ກັນນີ້ ໄປພົວພັນກັບການຟື້ນຄືນຂອງໂຄງການພາຍໃນເກົາຫຼີອື່ນໆ ເຊັ່ນ ການລິເລີ້ມ
ຄືນໃໝ່ການທ່ອງທ່ຽວຂອງເກົາຫຼີໃຕ້ ໄປຍັງສະຖານທີ່ຕາກອາກາດ ເທິງພູ Kumgang
ນັ້ນ.
ການພົບປະກັນອີກຂອງພວກຄອບຄົວ ໄດ້ເລີ້ມຄືນເປັນການຊົ່ວຄາວໃນເດືອນແລ້ວ
ນີ້ ເປັນເທື່ອທຳອິດໃນຮອບ 3 ປີຜ່ານມາ. ການພົບປະຂອງພວກຄອບຄົວດັ່ງກ່າວ
ໄດ້ມີຂຶ້ນຫຼັງຈາກການພົບປະເຈລະຈາກັນຫຼາຍຄັ້ງໃນລະດັບສູງ ທີ່ພາໃຫ້ມີຄວາມ
ເປັນໄປໄດ້ ຂອງຄວາມກ້າວໜ້າໃນສາຍພົວພັນທີ່ແຕກຫັກລະຫວ່າງເກົາຫຼີນັ້ນ.
ການປະຕິເສດຂອງເກົາຫຼີເໜືອມີຂຶ້ນ ຫຼັງຈາກການຍິງທົດລອງລູກສອນໄຟໃນໄລຍະ
ໃກ້ແລະລູກຈະຫຼວດຫຼາຍຄັ້ງຕິດຕໍ່ກັນມາ ເພື່ອຕອບໂຕ້ຕໍ່ການຊ້ອມລົບຮ່ວມຂະໜາດ
ໃຫຍ່ ຂອງກອງທັບສະຫະລັດແລະເກົາຫຼີໃຕ້.
