ອົງການຂ່າວແຫ່ງລັດຂອງ ສປປ ລາວ ກ່າວວ່າ ພັກຄອມ
ມິວນິສທີ່ປົກຄອງປະເທດ ໄດ້ເລືອກເອົາຜູ້ນໍາຂອງຕົນ ທີ່
ກໍາລັງຈະພົ້ນສະໄໝການດໍາລົງຕໍາແໜ່ງນັ້ນ ໃຫ້ເປັນຫົວ
ໜ້າພັກຕື່ມອີກ 5 ປີ.
ອົງການຂ່າວສານປະເທດລາວລາຍງານໃນວັນຈັນມື້ນີ້ວ່າ
ກອງປະຊຸມໃຫຍ່ຄັ້ງທີ 9 ຂອງພັກປະຊາຊົນປະຕິວັດລາວ
ໄດ້ລົງມະຕິຢ່າງເປັນເອກກະສັນ ເຫັນດີໃຫ້ທ່ານຈູມມະລີ ໄຊຍະສອນ ດໍາລົງຕໍາແໜ່ງເປັນ
ເລຂາທິການໃຫຍ່ຂອງພັກຕໍ່ໄປອີກ ຊຶ່ງທ່ານຖືກເລືອກໃຫ້ເປັນຫົວໜ້າພັກຄັ້ງທໍາອິດ ໃນປີ 2006.
ຜູ້ແທນພັກຫລາຍກ່ວາ 500 ຄົນຈາກທົ່ວປະເທດ ໄດ້ເຂົ້າຮ່ວມກອງປະຊຸມໃຫຍ່ ທີ່ນະ
ຄອນຫລວງວຽງຈັນ ມາຕັ້ງແຕ່ວັນທີ 17 ມີນາ ອາທິດແລ້ວນີ້ ເພື່ອເລືອກເອົາຄະນະ
ກົມການເມືອງສູນກາງພັກ.
ອົງການຂ່າວສານຝຣັ່ງລາຍງານວ່າ ນອກນີ້ແລ້ວ ກອງປະຊຸມພັກປະຊາຊົນປະຕິວັດ
ລາວຍັງໄດ້ຮັບຮອງເອົາແຜນເສດຖະກິດ 5 ປີ ຊຸດໃໝ່ ທີ່ແນໃສ່ເພື່ອຍົກລະດັບການ
ພັດທະນາປະເທດຊາດໃຫ້ສູງຂຶ້ນ ລຸນຫລັງການຂະຫຍາຍໂຕໃນອັດຕາປະມານ 7 ສ່ວນ
ຮ້ອຍຕໍ່ປີ ໃນໄລຍະບໍ່ເທົ່າໃດປີຜ່ານມານີ້.
