ລິ້ງ ສຳຫລັບເຂົ້າຫາ

ຍີ່ປຸນສືບຕໍ່ ຫາທາງອຸດຕັນ ​ການ​ຮົ່ວ​ໄຫຼຂອງນໍ້າ ທີ່ມີກໍາມັນຕະພາບລັງສີ

  • ວັນນະສອນ ແກ້ວດາຣາ

ໂຮງ​ໄຟ​ຟ້າ Fukushima ທີ່ຍັງເປັນໄພເຂົ່າຄູ່ຈາກກໍາມັນຕະພາບລັງສີ

ພວກຜູ້ຄຸມໂຮງໄຟຟ້ານິວເຄລຍທີ່ໄດ້ຮັບຄວາມເສຍຫາຍ
ໃນຍີ່ປຸນກ່າວວ່າພວກເຂົ້າເຈົ້າຈະເທນໍ້າທີ່ເປີະເປື້ອນດ້ວຍ
ກໍາມັນຕະພາບລັງສີໃນລະດັບຕໍ່າ ຈໍານວນ 11 ພັນໂຕນ
ລົງໃສ່ມະຫາສະມຸດເພື່ອໃຫ້ມີບ່ອນສຳລັບນໍ້າທີ່ກໍາມັນຕະ
ພາບລັງສີໃນລະດັບສູງທີ່ຮ້າຍແຮງກວ່ານັ້ນ.

ຫົວໜ້າກອງເລຂາປະຈໍາຄະນະລັດຖະບານຍີ່ປຸ່ນ ທ່ານ
Yukio Edano ​ໄດ້​ປະກາດກ່ຽວກັບແຜ່ນການດັ່ງກ່າວ
ໃນກອງປະຊຸມຖະແຫຼງຂ່າວໃນ​ຕອນເຊົ້າຂອງວັນ​ຈັນ​ມື້​ນີ້
ໂດຍກ່າວ​ວ່າ ບາດກ້າວ​ດັ່ງ​ກ່າວນີ້ ແມ່ນຫຼີກ​ລ້ຽງ​ບໍ່​ໄດ້
ເພື່ອຄໍ້າປະກັນຄວາມ​ປອດ​ໄພ ​ແລະ​ວ່າ​ນໍ້າ​ເສຍທີ່​ຈະ​ປ່ອຍ
ອອກ​ນີ້ ແມ່ນ​ມີກໍາມັນຕະພາບລັງສີ​ທີ່​ຕໍ່າກວ່າ​ນໍ້າທີ່​ຈະ
ຖືກ​ປໍ້າໄປ​ໃສ່​ໃນ​ຖັງນໍ້າ​ເພື່ອ​ເກັບ​ໄວ້ສ່ວນໃຫຍ່ແລ້ວແມ່ນ
ຈາກເຕົາ​ແຍກໜ່ວຍ​ທີ່ 2 ຂອງ​ໂຮງໄຟ​ຟ້າ Fukushima ນັ້ນ.

ພວກ​ເຈົ້າ​ໜ້າ​ທີ່​ໄດ້​ຈົດບັນທຶກ​ ກ່ຽວກັບລະດັບຂອງກໍາມັນຕະພາບລັງສີ​ໃນ​ນໍ້າດັ່ງກ່າວ​ທີ່​ຢູ່​
ໃກ້ໆ​ກັບໂຮງ​ໄຟ​ຟ້າ Fukushima ແມ່ນ​ສູງເປັນພັນໆ​ເທົ່າ ກາຍກໍານົດ​ມາດຕະຖານ​ທີ່ທາງ
ກົດໝາຍອະນຸຍາດໃຫ້ ຊຶ່ງລະບົບ​ລະບາຍ​ຄວາມ​ເຢັນ​ຂອງເຕົາແຍກທັງ​ 6 ​ໄດ້​ຮັບຄວາມ
ເສຍຫາຍຈາກ​ແຜ່ນດິນ​ໄຫວ​ແລະ​ຟອງຍັກສຸ​ນາ​ມິໃນ​ວັນ​ທີ 11 ​ເດືອນ​ມີນາ​ນັ້ນ. ພວກຄະນະ
ສ້ອມ​ແປງໄດ້ເວົ້າ​ເຖິງ​ສາເຫດໃນ​ວັນ​ເສົາ​ຜ່ານ​ມາ​ນີ້​ວ່າ​ອາດເປັນຍ້ອນຮອຍແຕກໃນຖັງເກັບນໍ້າ
ຂອງ​ເຕົາ​ແຍກ​ໜ່ວຍ​ທີ່ 2 ນັ້ນ.

ໄດ້ມີການດຳເນີນຄວາມ​ພະຍາຍາມຢ່າງຕໍ່​ເນື່ອງ​ທີ່ເລີ້ມມາແຕ່ມື້​ວັນ​ເສົາ​ທີ່​ຜ່ານ​ມານັ້ນ​
ເພື່ອສະກັດກັ້ນ​ການ​ຮົ່ວ​ໄຫຼ​. ບໍລິສັດໄຟຟ້າ​ Tokyoໄດ້ພະຍາຍາມເພື່ອຈະປິດຮອຍແຕກ
ຈາກການປະສົມຂອງຂີ້ເລື່ອຍ, ເຈ້ຍໜັງສືພິມ, ແລະນໍ້າຢາ plastic ທີ່ສາມາດຂະຍາຍ
ຕົວຫຼາຍເທົ່າຕົວໃນຕອນທີ່ມັນແຂງຕົວນັ້ນ. ແຕ່ເຖິງຢ່າງນັ້ນກໍຕາມກໍຍັງສັງເກດເຫັນວ່າ ບໍ່ມີການຫຼຸດລະດັບຂອງກໍາມັນຕະພາບລັງສີໃນນໍ້າທະເລເລີຍ.

ໃນວັນຈັນມື້ນີ້ ບໍລິສັດໄຟຟ້າ​ໄດ້ເລີ່ມເທສີນໍ້າສີລົງໃນນໍ້າ​ເພື່ອຈະຊອກຫາຮ່ອງຮອຍຂອງ
ບ່ອນຮົ່ວນັ້ນ ແລະພວກທາງເຈົ້າໜ້າທີ່ກ່າວວ່າ ພວກເຂົາຈະພະຍາຍາມອີກທີ່ຈະອຸດຕັນ
ບ່ອນຮົ່ວດັ່ງກ່າວ ເມື່ອເຂົາເຈົ້າຮູ້ວ່າຢູ່ບ່ອນໃດແທ້.

XS
SM
MD
LG