ລິ້ງ ສຳຫລັບເຂົ້າຫາ

ອັງກິດ ກັກຊັບສິນຊາວອີຣ່ານ ທີ່ພົວພັນກັບແຜນການ ລອບສັງຫານ (ເບິ່ງວີດີໂອ)

  • ສິງ ບູຣົມມະວົງ

ທຸງຊາດອັງກິດ ແລະອີຣ່ານ

ທຸງຊາດອັງກິດ ແລະອີຣ່ານ

ອັງກິດ​ໄດ້​ກັກ​ຊັບ​ສິນ​ຂອງຊາຍ 5 ຄົນທີ່​ມີສ່​ວນພົວພັນ​ນໍາ​ອັນ​ທີ່​ຖື​ກກ່າວ​ຫາ​ວ່າ​ ເປັນການ​ວາງແຜນຂອງ​ອິຣ່ານທີ່​ຈະລອບສັງຫານ​ເອກ​ອັກຄະລັດຖະທູດ​ຊາ​ອູ​ດີ​ ອາຣາ​ເບຍ​ ປະ​ຈໍາ​ສະຫະລັດນັ້ນ.

ຊາຍ​ 5 ຄົນ​ນັ້ນ​ແມ່ນ ​ໂຮມ​ທັງ​ຊາວ​ອິຣ່ານສອງ​ຄົນ ທີ່​ສະຫະລັດ​ກ່າວ​ວ່າ ​ໄດ້​ຖືກ​ຟ້ອງ​ຮ້ອງ​ໃນ ຖານ​ມີ​ສ່ວນ​ພົວພັນ​ນໍາ​ການວາງ​ແຜນ​ດັ່ງກ່າວ ​ແລະ​ອີກ​ຄົນ​ນຶ່ງ​ທີ່​ອັງກິດກ່າວ​ວ່າ ​ເປັນ​ຜູ້​ບັນຊາ​ການ​ຄົນ​ນຶ່ງ​ຂອງ​ກໍາລັງ​ພິທັກ​ການ​ປະຕິວັດ​ຂອງ​ອິຣ່ານ.

ທາງ​ຝ່າຍປະທານາທິບໍດີ Mahmoud Ahmadinejad ​ແຫ່ງ​ອິຣ່ານ ນັ້ນ ​ໄດ້ກ່າວ​ຫາ
ສະຫະລັດ​ວ່າ ​ເສກ​ສັນ​ປັ້ນ​ແຕ່ງເລື້ອງ​ນີ້ຂຶ້ນ​ມາ ​ເພື່ອ​ສ້າງ​ຄວາມ​ແຕກ​ແຍກ​ຂຶ້ນ​ລະຫວ່າງ
ອິຣ່ານ​ແລະ​ຊາ​ອູ​ດີ​ອາຣາ​ເບຍ​.

ໃນ​ການ​ໃຫ້​ສໍາພາດ​ກັບ​ຕາໜ່າງ​ໂທລະພາບ Al-Jazeera ​ໃນແລງ​ວັນ ຈັນ​ວານ​ນີ້ ທ່ານ​ອາມາ​ດີ​ເນ​ຈາດ ກ່າວ​ວ່າ ສະຫະລັດ​ຈະ​ບໍ່​ບັນລຸ​ຜົນຫຍັງ​ໝົດ​ໃນ​ການ​ກ່າວ​ຫາ​ອີຣ່ານ ​ແລະ​ວ່າ ການ​ກ່າວ​ຫາ​ເຫລົ່າ​ນີ້​ແມ່ນມີເປົ້າ​ໝາຍ​ ​ເພື່ອ​ຫັນ​ເຫ​ຄວາມ​ສົນ​ໃຈ​ໄປ​ຈາກ​ບັນຫາ​ເສດຖະກິດ​ຂອງ​ສະຫະລັດ​ນັ້ນນໍາ.

ທ່ານ​ອາມາ​ດີ​ເນ​ຈາດ ປະຕິ​ເສດ​ວ່າ ສາ​ທາ​ລະນະ​ລັດ​ອິສລາມ​ອີຣ່ານ​ແລະ​ລັດຖະບານ​ກຸງ​ວໍ​ຊິງ​ຕັນ​ ບໍ່​ໄດ້ຢູ່​ໃນຂັ້ນ​ຕອນທີ່ຈະກ້າວ​ໄປ​ສູ່​ການ ເກີດບັນຫາຂັດ​ແຍ້​ງກັນ​ທາງ​ດ້ານທະຫານ​ ແຕ່​ທ່ານ​ໄດ້​ປະນາມໃນອັນ ​ທີ່​ທ່ານ​ເອີ້ນ​ວ່າ ການ​ແຊກ​ແຊງ​ຢ່າງ​ແຜ່​ຫລາຍຂຶ້ນຂອງ​ອາ​ເມຣິກາ​ໃນ​ກິດຈະການ​ຂອງ​ພາກ​ພື້ນ.

ໃນ​ເຊົ້າ​ວັນ​ຈັນ​ວານ​ນີ້ ອົງກາ​ນຂ່າວ IRNA ທາງ​ການ​ຂອງ​ອີຣ່ານກ່າວ​ວ່າ ທ່ານ Ali-Akbar Salehi ລັດຖະມົນຕີ​ການຕ່າງ​ປະ​ເທດ​ຂອງ​ອີຣ່ານ​ໄດ້ຮຽກຮ້ອງ​ໃຫ້​ສະຫະລັດນຳສະ​ເໜີ​ເອກະສານ​ຕ່າງໆ ທີ່​ຕົນ​ມີ​ກ່ຽວ​ກັບ​ເລື້ອງ​ນີ້​ ໃຫ້​ແກ່ອີຣ່ານ.

ເບິ່ງວີດີໂອລາຍງານກ່ຽວກັບຜູ້ຕ້ອງຫາໃນຄະດີນີ້ ທີ່ຖືກຈັບຢູ່ສະຫະລັດ:

XS
SM
MD
LG