ລິ້ງ ສຳຫລັບເຂົ້າຫາ

ກຸ່ມຈີ 20 ໃຫ້ຄຳໝັ້ນສັນຍາ ຊ່ອຍເສດຖະກິດໂລກ (ເບິ່ງວີດີໂອ)

  • ໄພສານ ວໍຣະຈັກ

ແຜ່ນກະດານອີເລັກໂທຣນິກ ສະແດງການຕົກລາຄາ ຂອງຮຸ້ນ ທີ່ເກົາຫຼີໃຕ້ (23 ກັນຍາ 2011)

ພວກເຈົ້າໜ້າທີ່ການເງິນຈາກ 20 ປະເທດ ທີ່ມີເສດຖະກິດພຸ່ງພົ້ນໃໝ່ແລະຈະເລີນແລ້ວ
ຂອງໂລກໃຫ້ຄຳໝັ້ນສັນຍາວ່າ ຈະລິເລີ່ມການຕອບຮັບແບບມີການປະສານງານກັນເພື່ອ
ເສີມຂະຫຍາຍເສດຖະກິດທີ່ພວມມີການດີ້ນຮົນຂອງໂລກ.

ບັນດາລັດຖະມົນຕີການເງິນແລະຫົວໜ້າທະນາຄານກາງໄດ້ອອກຖະແຫຼງການສະບັບນຶ່ງ
ທີ່ກຸງວໍຊິງຕັນ ໃນຕອນແລງຂອງວັນພະຫັດວານນີ້ຫຼັງຈາກລາຄາຮຸ້ນຢູ່ໃນທົ່ວໂລກໄດ້ຕົກ
ຮວບລົງໃນຕອນກາງເວັນທ່າມກາງຄວາມວິຕົກກັງວົນຢ້ານວ່າ ເສດຖະກິດຂອງໂລກພວມ
ຈະກ້າວໄປສູ່ການຕົກຕໍ່າຮອບໃໝ່.

ພວກເຈົ້າໜ້າທີ່ຂອງກຸ່ມຈີ 20 ກ່າວວ່າ ຕົນຈະດຳເນີນທຸກມາດຕະການທີ່ຈຳເປັນເພື່ອຮັກ
ສາສະຖຽນລະພາບຂອງລະບົບທະນາຄານ ໂດຍໃຫ້ການຄໍ້າປະກັນວ່າທະນາຄານເຫຼົ່ານີ້
ມີເງິນທຶນແລະມີຊ່ອງທາງທີ່ຈະສາມາດເຂົ້າເຖິງກອງເງິນທຶນໄດ້ຢ່າງພຽງພໍ.

ຖະແຫຼງການດັ່ງກ່າວບໍ່ສາມາດປ້ອງກັນບໍ່ໃຫ້ຮຸ້ນຕົກລາຄາເປັນມື້ທີສອງລຽນຕິດຢູ່ຕາມ
ຕະຫຼາດແຫ່ງຕ່າງໆໃນທົ່ວເຂດເອເຊຍໄດ້ ແຕ່ຕະຫຼາດຢູ່ຢູໂຣບ ໄດ້ມີປະຕິກິລິຍາໄປໃນ
ທາງບວກໂດຍມີລາຄາຖີບໂຕສູງຂຶ້ນ 1% ໃນຕອນເລີ່ມຕົ້ນຂອງການຊື້ຂາຍກັນມື້ນີ້.

ຕະຫຼາດຮຸ້ນຢູ່ໃນທົ່ວໂລກໄດ້ຕົກລາຄາຢ່າງໃຫຍ່ໃນສັບປະດານີ້ິ້ຫຼັງຈາກທະນາຄານກາງ
ຂອງສະຫະລັດເຕືອນໃນຕອນແລງຂອງມື້ວັນພຸດຜ່ານມາວ່າຕົນໄດ້ມອງເຫັນການສ່ຽງ
ໃນດ້ານລົບທີ່ສຳຄັນຕໍ່ເສດຖະກິດທີ່ພວມມີການດີ້ນຮົນຢູ່ແລ້ວຂອງສະຫະລັດແລະການ ຟື້ນໂຕຄືນຢ່າງສົມບູນນັ້ນແມ່ນຍັງຢູ່ຫ່າງໄກອີກຫຼາຍປີ.

ເບິ່ງວີດີໂອ ພາສາອັງກິດ ກ່ຽວກັບການຕົກລາຄາຂອງຮຸ້ນໃນທົ່ວໂລກ ໃນມື້ວານນີ້:

XS
SM
MD
LG