ລັດຖະມົນຕີການຕ່າງປະເທດມຽນມາກ່າວວ່າ ຍີ່ປຸ່ນໄດ້ຮັບປາກວ່າຈະສົ່ງພວກນັກຊ່ຽວຊານ
ໄປຍັງມຽນມາ ເພື່ອຈະຕັດສິນໃຈກ່ຽວກັບຄວາມເປັນໄປໄດ້ໃນການລິເລີ້ມຄືນໃໝ່ ພວກໂຄງ
ການພັດທະນາຈໍານວນນຶ່ງທີ່ຖືກງົດໄວ້ນັ້ນ.
ທ່ານ Wunna Maung Lwin ກ່າວຕໍ່ວີໂອເອພະແນກພາສາມຽນມາວ່າ ນອກນີ້ ທັງສອງ
ຝ່າຍຍັງໄດ້ຕົກລົງກັນ ແລກປ່ຽນການຢ້ຽມຢາມຂອງພວກເຈົ້າໜ້າທີ່ລັດຖະບານແລະພວກ
ນັກເມືອງລະຫວ່າງສອງປະເທດຄືນເຊ່ນກັນ. ລັດຖະມົນຕີການຕ່າງປະເທດມຽນມາໄດ້ຖືກ
ສໍາພາດຢູ່ທີ່ບາງກອກ ເວລາທ່ານເດີນທາງກັບຄືນປະເທດ ຈາກການໄປຮ່ວມກອງປະຊຸມ
ຫລາຍໆບັ້ນທີ່ກຸງໂຕກຽວໃນສັບປະດາຜ່ານມານີ້.
ທ່ານ Wunna Maung Lwin ກ່າວວ່າ ທັງສອງຝ່າຍໄດ້ທໍາການໂອ້ລົມສົນທະນາກັນ
ເລື້ອງວິທີການແບ່ງປັນແລະຈັດຕັ້ງປະຕິບັດການຊ່ອຍເຫລືອໃນດ້ານການພັດທະນາຂອງ
ຍີ່ປຸ່ນ ໃຫ້ມຽນມາ ຊຶ່ງໄດ້ຖືກງົດໄວ້ຫລັງຈາກທາງການມຽນມາກັກຂັງທ່ານນາງອອງຊານ
ຊູຈີ ຜູ້ນໍາຝ່າຍນິຍົມປະຊາທິປະໄຕໃນມຽນມາ ໃນປີ 2003 ນັ້ນ.