ເຫດລະເບີດຂະໜາດແຮງທີ່ສາງມ້ຽນເຄື່ອງແຫ່ງນຶງໃນນະຄອນຢ່າງກຸ້ງຊຶ່ງເປັນຫົວເມືອງໃຫຍ່
ສຸດຂອງມຽນມານັ້ນເຮັດໃຫ້ມີຜູ້ເສຍຊີວິດຢ່າງນ້ອຍ 16 ຄົນແລະໄດ້ຮັບບາດເຈັບອີກປະມານ
80 ຄົນ.
ພວກທີ່ເຫັນເຫດການລາຍງານວ່າ ສຽງລະເບີດຂະໜາດແຮງໄດ້ດັງຂຶ້ນໃນຕອນເຊົ້າຂອງວັນ
ພະຫັດມື້ນີ້ ໃນອັນທີ່ປາກົດວ່າເປັນສາງອຸບປະກອນການແພດແລະຢາປົວພະຍາດໃນຄຸ້ມອຸດ
ສາຫະກຳແຫ່ງນຶ່ງທາງກໍ້າຕາເວັນອອກຂອງນະຄອນຢ່າງກຸ້ງ.
ເຈົ້າໜ້າທີ່ເວົ້າວ່າເຫດລະເບີດທີ່ວ່ານີ້ໄດ້ພາໃຫ້ເກີດໄຟໄໝ້ທີ່ໄດ້ລຸກລາມຢ່າງວ່ອງໄວໄປໃສ່
ຕຶກອາຄານຫຼາຍໆຫຼັງທີ່ຕັ້ງຢູ່ໃກ້ຄຽງ.
ເຫດລະເບີດທີ່ເກີດຂຶ້ນໃນຕອນເຊົ້າມືດຂອງມື້ນີ້ ຊຶ່ງໄດ້ສ້າງຄວາມຕື່ນຕົກໃຈໃຫ້ແກ່ປະຊາຊົນ
ໃນເຂດທ້ອງຖິ່ນທີ່ໄດ້ພາກັນຫຼົບໜີຢ່າງວ່ອງໄວໄປຈາກເຮືອນຊານຂອງພວກເຂົາເຈົ້ານັ້ນ ໄດ້
ກັບຄືນໄປສຳຫຼວດເບິ່ງຄວາມເສຍຫາຍ.
ເຫດລະເບີດທີ່ວ່ານີ້ໄດ້ເຮັດໃຫ້ປະຕູປ່ອງຢ້ຽມແຕກ ແລະໄດ້ສ້າງຄວາມເສຍຫາຍໃຫ້ແກ່ຕຶກ
ອາຄານຫຼາຍໆຫຼັງທີ່ຕັ້ງຢູ່ໃນບໍລິເວນໃກ້ຄຽງ.
ເປັນທີ່ຄາດກັນວ່າ ຈຳນວນພວກທີ່ບາດເຈັບລົ້ມຕາຍຈະເພີ່ມສູງຂຶ້ນ ໃນຂະນະທີ່ພວກເຄາະ
ຮ້າຍຖືກຈັດສົ່ງໄປຍັງໂຮງໝໍໃນເຂດທ້ອງຖິ່ນ.
ຕຳຫຼວດເວົ້າວ່າ ຕົນຍັງສືບຕໍ່ທຳການສືບສວນກ່ຽວກັບເຫດລະເບີດແລະຈະບໍ່ໃຫ້ຄວາມເຫັນ
ໃດໆກ່ຽວກັບສາເຫດທີ່ອາດພາໃຫ້ເກີດເຫດລະເບີດ.
ເຫດລະເບີດເປັນສິ່ງທີ່ບໍ່ປົກກະຕິຢູ່ໃນມຽນມາ. ລັດຖະບານທະຫານ ທີ່ປົກຄອງປະເທດມາ
ເປັນເວລາ 5 ທົດສະວັດຕາມປົກກະຕິແລ້ວຈະຖິ້ມໂທດໃສ່ກຸ່ມຕໍ່ຕ້ານລັດຖະບານຫຼືບໍ່ກໍພວກ
ນັກລົບຂອງຊົນຊາດກຸ່ມນ້ອຍກ່ຽວກັບການກໍ່ຄວາມຮຸນແຮງໃນທຳນອງນີ້.
ລັດຖະບານຊຸດໃໝ່ ທີ່ໄດ້ຮັບການໜຸນຫຼັງຈາກພວກທະຫານໄດ້ເຂົ້າກຳອຳນາດປົກຄອງປະ
ເທດໃນເດືອນມີນາປີນີ້.
