ປະທານາທິບໍດີມຽນມາ ທ່ານ Thein Sein ໄດ້ກ່າວຕໍ່ພວກຜູ້ນໍາທຸລະກິດຂອງ ສະຫະລັດ
ກຸ່ມນຶ່ງວ່າ ມຽນມາ ພວມຢູ່ໃນຂັ້ນ “ຫົວລ້ຽວຫົວຕໍ່” ໃນຂະນະທີ່ປະເທດດັ່ງກ່າວ ກໍາລັງຫັນ
ປ່ຽນຈາກການປົກຄອງຂອງທະຫານ ໄປສູ່ປະຊາທິປະໄຕ ແລະທຳການປະຕິຮູບທາງດ້ານ
ເສດຖະກິດ.
ທ່ານໄດ້ໃຫ້ຄວາມເຫັນດັ່ງກ່າວ ໃນວັນສຸກວານນີ້ໃນການປະຊຸມທີ່ເມືອງ Siem Reap
ປະເທດກໍາປູເຈຍ ພຽງແຕ່ສອງວັນຫລັງຈາກສະຫະລັດໄດ້ຜ່ອນຜັນການລົງໂທດຕໍ່ມຽນມາ
ໂດຍອະນຸຍາດໃຫ້ບັນດາທຸລະກິດສະຫະລັດ ໄປລົງທຶນຢູ່ທີ່ນັ້ນໄດ້ ເປັນຄັ້ງທໍາອິດໃນຮອບ
15 ປີ.
ບັນດາຜູ້ນໍາຂອງບໍລິສັດຕ່າງໆເຊັ່ນວ່າ Coca Cola, Caterpilla ແລະ Goldman Sachs
ໄດ້ເຂົ້າຮ່ວມການປະຊຸມໃນຄັ້ງນີ້.
ໃນຕອນເຊົ້າຂອງວັນສຸກວານນີ້ ລັດຖະມົນຕີການຕ່າງປະເທດ ທ່ານນາງ Hillary Clinton
ໄດ້ພົບປະກັບປະທານທິບໍດີມຽນມາ ຢູ່ນອກກອງປະຊຸມ ຂອງສະມາຄົມອາຊ່ຽນ. ຫລັງຈາກ
ນັ້ນທ່ານນາງ ໄດ້ກ່າວຂອບໃຈຕໍ່ທ່ານທີ່ໄດ້ປ່ອຍບັນດານັກໂທດການເມືອງຈໍານວນນຶ່ງ ແລະ
ໄດ້ຮຽກຮ້ອງໃຫ້ທ່ານຈົ່ງປ່ອຍພວກນັກໂທດສ່ວນທີ່ເຫລືອທັງໝົດ.