ລິ້ງ ສຳຫລັບເຂົ້າຫາ

72 ຄົນ ເສຍຊີວິດ ຍ້ອນລະເບີດແຕກ ຢູ່ອີຣັກ ມື້ວານນີ້ (ສະໄລດ໌)


ບັນດາຄົນ ແລະເຈົ້າໜ້າທີ່ກໍາລັງກວດເບິ່ງ ສະຖານທີ່ເກີດລະເບີດຢູ່ໃນລົດ ທີ່ ຄູ້ມ Karrada ໃນກຸງ Baghdad, Iraq ວັນທື່ 13, ເດືອນມິຖຸນາ 2012.

ຢ່າງ​ໜ້ອຍ 72 ຄົນ​ໄດ້​ເສຍ​ຊີວິດ​ ຈາກຄື້ນຟອງການ​ໂຈມ​ຕີທົ່ວ​ກຸງ​ແບັກແດດທີ່​ແນ່ໃສ່
ພວກສະ​ແຫວ​ງບູນມຸສລິ​ມ ທີ່ເຕົ້າ​ໂຮມ​ກັນ​ເພື່ອເຂົ້າຮ່ວມ​ພິທີ​ສະຫຼອງທາງ ດ້ານສາສະ
ໜາ​ທີ່​ສຳຄັນປະ​ຈໍາປີ. ນອກ​ນັ້ນ​ແລ້ວ​ ຍັງ​ມີ​ຜູ້​ໄດ້​ຮັບ​ບາດ​ເຈັບ​ອີກ 240 ຄົນ ​ໃນ​ການ​ໂຈມ
​ຕີ​ທີ່​ນອງ​ເລືອດ​ບັ້ນນຶ່ງ ​ໃນ​ໄລຍະ​ຫຼາຍສອງມື້ ນັບ​ຕັ້ງ​ແຕ່​ສະຫະລັດ​ໄດ້​ຖອນ​ທະຫານ
​ອອກ​ໄປ​ຈາກ​ປະ​ເທດ​ດັ່ງກ່າວ.

ລະ​ເບີດ​ສ່ວຍ​ໃຫ່ຍ​ໄດ້​ແຕກ​ຂື້ນ​ໃນ​ກຸງແບັກແດດ ແລະເມືອງ Hilla, ​ເມືອງ Karbala ​
ແລະ​ເມືອງ Haswa ​ໃນ​ພາກ​ໃຕ້​ຂອງ​ປະ​ເທດ ຊຶ່ງ​ເປັນ​ເຂດ​ທີ່​ມີ​ ​ຊາວ Shi’ite ອາ​ໄສ​ຢູ່​
ເປັນ​ສ່ວນ​ໃຫຍ່ຊຶ່ງ​ໄດ້ຕົກເປັນ​ເປົ້າ​ໃນ​ການ​ໂຈມ​ຕີ​ຂອງ ພວກ​ກະບົດຊາວ​ຊຸນ​ນີ່
ມາ​ກ່ອນ​ນັ້ນ.

ພັນ​ເອກ Dhia Al Wakeel ​ໂຄສົກຈາກ​ກອງບັນຊາ​ການ​ໃນ​ເຂດ​ແບັກ​ແດດ ໂທລະ​
ພາບພາສາ​ອາຣັບ Al Hurra ທີ່ມີ​ສຳນັກງານ​ແລະ​ໄດ້​ຮັບ​ທຶນ​ຈາກສະຫະລັດ ກ່ຽວ
ກັບ​ສະຖານະ​ການ​ຢູ່​ໃນ​ເມືອງ​ຫລວງຂອງ​ອີຣັກ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ​ເກືອບ 30 ຄົນ​ຖືກ​ຂ້າ​ຕາຍ​ຈາກເຫດລະ​ເບີດສາມ​ຄັ້ງ ​ແລະ
​ຈາກການ​ໂຈ​ມຕີຂອງ​ພວກ​ຫົວ​ຮຸນ​ແຮງ ຢູ່ທີ່​ຄ້າຍແຫ່ງ​ນຶ່ງໃນ​ພາກ​ໃຕ້​ຂອງ​ກຸງ​ແບັກ
ແດັດ. ພວກ​ສະ​ແຫວ​ງບຸນພາກັນຈັດ​ພິທີແຫ່​ທີ່ກຸງ​ແບັກ​ແດັດ ​ເພື່ອ​ລະ​ນຶກ​ເຖິງ​ວັນ​ຄົບ
ຮອບການ​ເສຍ​ຊີວິດຂອງຜູ້​ສຳ​ສາສະໜາ​ອິສລາມ​ນິກາຍ​ຊີ​ໄອ​ທີ່ ສຳຄັນ Imam
Moussa al-Kadhim ​ເຫລນ​ຊາຍ​ຂອງສາ​ສະ​ດາ Muhammad.

ຢູ່​ໃນ​ເມືອງ Hilla ລະ​ເບີດ​ລົດ​ສອງ​ຄັນ ​ໄດ້​ເຮັດ​ໃຫ້​ 20 ຄົນ​ເສຍ​ຊີວິດ ​ແລະ​ອີກ 40
ຄົນໄດ້ຮັບ​ບາດ​ເຈັ​ບ. ລົດ​ຄັນ​ນຶ່ງ​ທີ່​ຈອດ​ໄວ້ກໍ​ໄດ້ລ​ະເບີດຂຶ້ນ ​ໃກ້​ກັບພວກສະ​ແຫວ​ງ
ບຸນ ຢູ່​ໃນ​ເມືອງ Karbala ຊຶ່ງ​ເປັນ​ເມືອງ​ສັກສິດ. ມີ​ຊາວ​ຊີ​ໄອ ​ສອງ​ຄົນ​ເສຍ​ຊີວິດ
ແລະອີກ 22 ຄົນ​ໄດ້​ຮັບ​ບາດ​ເຈັບ. ລະ​ເບີດ​ທີ່ແຕກຢູ່​ບ່ອນ​ອື່ນໆ​ໄດ້​ແນ່ໃສ່​ຊາວເຄິດ​
ທີ່ຢູ່ໃນພາກເໜືອອີຣັກ.

ພິທີ​ສະ​ແຫວ​ງບຸນ​ ຈະ​ມີ​ການ​ສະຫຼອງ​ໃຫຍ່​ສຸດໃນມື້​ວັນ​ເສົານີ້ ທີ່​ອາດ​ສ້າງ​ຄວາມ​ຮຸນ
ແຮງ​ກັນ​ຂື້ນ​ຕື່ມອີກ ພາຍ​ໃນ​ໄລຍະ​ສອງ​ສາມມື້ຂ້າງ​ໜ້ານີ້.

XS
SM
MD
LG