ປະຊາຄົມໂລກເບິ່ງວ່າ ສະມາຄົມປະຊາຊາດເອເຊຍຕາເວັນອອກສຽງໃຕ້ ຫຼື ASEAN ແມ່ນກຸ່ມການເມືອງທີ່ເໝາະສົມໃນການເຈລະຈາແກ້ໄຂຄວາມຂັດແຍ້ງທີ່ເຮັດໃຫ້ມຽນມາວຸ້ນວາຍ ນັບແຕ່ກອງທັບມຽນມາທີ່ນຳພາໂດຍພົນເອກ ມິນ ອອງ ລາຍ (Min Aung Hlaing) ໄດ້ໂຄ່ນລົ້ມລັດຖະບານທີ່ມາຈາກການເລືອກຕັ້ງໃນຕົ້ນປີ 2021 ແລະພາໃຫ້ເກີດສົງຄາມກາງເມືອງ.
ແຕ່ມະຕິສ່ວຍໃຫຍ່ 5 ຂໍ້ ກ່ຽວກັບການຍຸຕິວິກິດການມຽນມາທີ່ອາຊຽນ ຫຼື ສະມາຄົມປະຊາຊາດເອເຊຍຕາເວັນອອກສຽງໃຕ້ ໄດ້ຖືກເຮັດໃຫ້ຂາຍໜ້າໂດຍບັນດານັກວິເຄາະ ແລະກອງກຳລັງຕໍ່ຕ້ານລັດຖະບານທີ່ໂຕ້ແຍ້ງວ່າ ກຸ່ມ 10 ປະເທດດັ່ງກ່າວ ໄດ້ສະໜັບສະໜູນລັດຖະບານທະຫານແບບງຽບໆ ແລະບໍ່ສົນໃຈຕໍ່ພາກສ່ວນອື່ນໆທີ່ຢູ່ໃນຄວາມຂັດແຍ່ງດັ່ງກ່າວ.
ທ່ານ ຣອສ ມິໂລເຊວິກ (Ross Milosevic), ທີ່ປຶກສາດ້ານຄວາມສ່ຽງທີ່ດໍາເນີນການຄົ້ນຄ້ວາພາກສະຫນາມໃນປະເທດມຽນມາກ່າວວ່າ "ມະຕິສ່ວນໃຫຍ່ 5 ຂໍ້ ແມ່ນຄວາມລົ້ມແຫຼວແບບຫນ້າເສົ້າໃຈ." ແຕ່ທ່ານໄດ້ກ່າວຕື່ມວ່າ ຄວາມພ່າຍແພ້ໃນສະໜາມລົບທີ່ບໍ່ເຄີຍມີມາກ່ອນໃນໄລຍະມໍ່ໆມານີ້ ຂອງກອງທັບ ຫຼື ທີ່ຮູ້ຈັກກັນໃນຊື່ ຕັດມາດໍ (Tatmadaw) ແລະ ການເລືອກຕັ້ງພາຍໃນປະເທດສະມາຊິກອາຊຽນ ກຳລັງຂຽນສົມຜົນທາງດ້ານການເມືອງຄືນໃໝ່.
ມະຕິສ່ວນໃຫຍ່ 5 ຂໍ້ ແມ່ນແຜນວຽກງານເພື່ອສັນຕິພາບທີ່ອາຊຽນຢຶດໝັ້ນ ໂດຍຮຽກຮ້ອງໃຫ້ມີການຍຸຕິຄວາມຮຸນແຮງໃນທັນທີ; ການປຶກສາຫາລືລະຫວ່າງທຸກຝ່າຍ; ການແຕ່ງຕັ້ງທູດພິເສດ; ການຊ່ວຍເຫຼືອດ້ານມະນຸດສະທໍາໂດຍອາຊຽນ; ແລະການຢ້ຽມຢາມຂອງທູດພິເສດຢູ່ໃນມຽນມາ ເພື່ອພົບປະກັບທຸກຝ່າຍ.
ພາຍຫຼັງການປະທະກັນອັນຂົມຂື່ນໃນລະດູແລ້ງເປັນເວລາ 5 ເດືອນ, ອົງກອນຕິດອາວຸດຂອງຊົນເຜົ່າ ຫຼື EAO ແລະ ກອງກຳລັງປ້ອງກັນປະຊາຊົນ ທີ່ນຳພາໂດຍຝ່າຍຄ້ານ ໄດ້ຄວບຄຸມເກືອບທັງໝົດຂອງເຂດແດນ ແລະ ລັດຂອງຊົນເຜົ່າ ລວມທັງຊາຍແດນຂອງມຽນມາທີ່ຕິດກັບໄທ, ລາວ, ຈີນ , ອິນເດຍ ແລະ ບັງກລາແດັສ.
ຟໍຣັມສະແດງຄວາມຄິດເຫັນ