ທໍານຽບ 5 ແຈ ກ່າວວ່າ ມີທ່າທາງວ່າຕາໜ່າງຫົວຮຸນແຮງ Haqqni ທີ່ມີຖານປະຕິບັດ
ງານຢູ່ປາກິສຖານ ອາດເປັນຜູ້ຢູ່ເບື້ອງຫຼັງໃນການໂຈມຕີແບບມີການປະສານງານກັນ
ທີ່ເກີດຂຶ້ນໃນທົ່ວອັຟການີສຖານ ທີ່ເຮັດໃຫ້ພົນລະເຮືອນເສຍຊີວິດໄປ 4 ຄົນ ພະນັກງານ
ຮັກສາຄວາມປອດໄພອັຟການິສຖານ 11 ຄົນ ແລະພວກກະບົດ 36 ຄົນ.
ການຕໍ່ສູ້ກັນໃນນະຄອນຫຼວງຂອງອັຟການີສຖານ ແລະໃນ 3 ແຂວງ ທາງພາກຕາເວັນ
ອອກ ທີ່ໄດ້ເລີ່ມຂຶ້ນໃນຕອນບ່າຍຂອງວັນອາທິດແລ້ວ ແລະສິ້ນສຸດລົງເກືອບ 18 ຊົ່ວໂມງ
ຫຼັງຈາກນັ້ນ ໃນຕອນເຊົ້າມືດຂອງວັນຈັນ.
ກຸ່ມກໍ່ການຮ້າຍທາລິບັນໄດ້ອ້າງເອົາຄວາມຮັບຜິດຊອບຂອງການໂຈມຕີຫຼາຍໆບັ້ນ ຊຶ່ງ
ຮວມທັງສະຖານທູດຕ່າງໆ ຕຶກໂຮງການລັດຖະບານ ແລະຄ້າຍທະຫານຂອງອົງການ
ເນໂຕນໍາອີກ ແຕ່ວ່າທັງກະຊວງພາຍໃນຂອງອັຟການີສຖານ ແລະທໍານຽບ 5 ແຈ ໄດ້ຖິ້ມ
ໂທດໃສ່ຕາໜ່າງ Haqqni ທີ່ເປັນເຄືອຂ່າຍຂອງ ກຸ່ມກໍ່ການຮ້າຍ al-Qaida ທີ່ກ່າວວ່າ
ໄດ້ປະຕິບັດງານຈາກບ່ອນຫຼົບລີ້ ໃນພາກຕາເວັນຕົກສຽງເໜືອຂອງປາກິສຖານ.
ປະທານາທິບໍດີຂອງອັຟການີສຖານ ທ່ານ Hamid Karzai ໄດ້ກ່າວເຖິງການໂຈມຕີດັ່ງ
ກ່າວວ່າ ມັນໄດ້ສະແດງໃຫ້ເຫັນເຖິງການລົ້ມແຫຼວທາງດ້ານສືບລັບສຳຫຼັບພວກເຮົາ
ແລະໂດຍສະເພາະແມ່ນສຳຫຼັບກຸ່ມເນໂຕ ແລະຮຽກຮ້ອງໃຫ້ມີການສືບສວນສອບສວນ
ຢ່າງເຕັມທີ່.
ແຕ່ກຸ່ມເນໂຕແລະບັນດາຜູ້ນໍາສະຫະລັດ ໄດ້ກ່າວເຖິງການຕອບຮັບຂອງກຳລັງ ອັຟກາ
ນີສຖານວ່າ ແມ່ນເປັນສັນຍານຂອງຄວາມກ້າວໜ້າ ໂດຍກ່າວວ່າ ການໂຈມຕີຈະບໍ່ມີຜົນ
ກະທົບຕໍ່ແຜນການຖອນທະຫານຕ່າງປະເທດເທື່ອລະເລັກລະນ້ອຍ ອອກຈາກອັຟກາ
ນີສຖານແຕ່ຢ່າງໃດ ແລະການມອບໂອນການຮັກສາຄວາມປອດໄພ ໃຫ້ຢູ່ໃນການຄຸ້ມ
ຄອງຂອງກຳລັງທ້ອງຖິ່ນນັ້ນ.
ນາຍົກລັດຖະມົນຕີຂອງອອສເຕຣເລຍ ທ່ານນາງ Julia Gillard ໄດ້ກ່າວອ້າງ ເຖິງຄວາມ
ກ້າວໜ້າດັ່ງກ່າວ ໃນວັນອັງຄານມື້ນີ້ ເວລາທ່ານນາງໄດ້ປະກາດວ່າ ທະຫານອອສເຕຣເລຍ
ຈະເລີ່ມຖອນອອກຈາກອັຟການີສຖານ 1 ປີ ກ່ອນການວາງແຜນໄວ້ນັ້ນ. ທ່ານນາງເວົ້າວ່າ
ຂອບໃຈໃນຄວາມສຳເລັດຂອງກຳລັງທະຫານອັຟການີສຖານ ສ່ວນໃຫຍ່ຂອງກອງທະຫານ
ຈຳນວນ 1,550 ຄົນຢູ່ທີ່ນັ້ນ ຈະຖືກຖອນກັບຄືນປະເທດ ພາຍໃນທ້າຍປີ 2013.
