ການຫ້າມນໍາເຂົ້າຂີ້ເຫຍື້ອຫລາຍປະເພດຂອງຈີນທີ່ໄດ້ຈັດຕັ້ງປະຕິບັດ ໃນປີນີ້ນັ້ນເຮັດໃຫ້ເກີດວິກິດການ ໃນວົງການ ອຸດສາຫະກໍາ ຫັນເອົາຂີ້ເຫຍື້ອມາໝູນໃຊ້ຄືນ ຫລື ຣີໄຊໂຄລ ຢູ່ທົ່ວໂລກ ທີ່ກໍາລັງຊອກຫາຕະຫລາດໃໝ່ ສໍາລັບຂີ້ເຫຍື້ອ ຂອງພວກເຂົາເຈົ້າ ຢູ່ໃນປັດຈຸບັນນີ້. ດັ່ງທີ່ ໄມຄ໌ ໂອ ຊູລິວານ ນັກຂ່າວຂອງວີໂອເອລາຍງານໃຫ້ຮູ້ວ່າ ການຫ້າມນໍາເຂົ້າ ຂີ້ເຫຍື້ອໄດ້ເຮັດໃຫ້ອຸດສະຫະກໍາດັ່ງກ່າວ ທີ່ມີມູນຄ່າເປັນຕື້ໂດລາຢຸດສະງັກລົງ ແລະເຮັດໃຫ້ມີຜົນກະທົບຢູ່ໃນຈີນ.