ນັກຄົ້ນຄວ້າ​ຢູ່​ໃນ​ສະຫະລັດ ​ໄດ້​ເປີດ​ເຜີຍ​ຕົ້ນ​ແບບ​ຂອງ​ໂທລະສັບ​ມື​ຖື​ທີ່​ບໍ່​ໃຊ້​ແບັດ​ເທີຣີ ຫລື​ຖ່ານ ​ໂດຍ​ການ​ໃຊ້​ເທັກ​ໂນ​ໂລ​ຈີ​ທີ່​ພວກ​ເຂົາ​ເຈົ້າຫວັງ​ວ່າ ​ໃນ​ທີ່​ສຸດ​ກໍ​ຈະ​ເອົາເຂົ້າ​ໄປ​ຢູ່ໃນ​ກຸ່ມ​ດຽວກັນ​ກັບ​ຜະລິດ​ຕະພັນ​ທີ່​ຂາຍ​ໃນ​ຕະຫລາດທົ່ວ​ໄປ. ​ໂທລະ​ສັບ​ດັ່ງກ່າວ ​ແມ່ນ​ຜົນງານ​ຂອງ​ນັກຄົ້ນຄວ້າ​ກຸ່ມ​ນຶ່ງ ທີ່​ມະຫາວິທະ ຍາ​ໄລ ວໍ​ຊິງ​ຕັນ ​ໃນ​ນະຄອນ Seattle ​ແລະ​ວຽກງານ​ທີ່​ໄດ້​ມາ​ໂດຍ​ການ​ເກັບ​ກ່ຽວພະລັງງານ​ຈໍານວນ​ນ້ອຍໆ ທີ່​ໄດ້​ມາ​ຈາກ​ສັນຍານ​ຂອງ​ວິທະຍຸ ທີ່​ເອີ້ນວ່າ ຄວາມ​ຖີ່​ຂອງຄື້ນ​ວິທະຍຸ ຫລື ‘RF’. ນັກ​ຂ່າວ​ວີ​ໂອ​ເອ George Putic ມີ​ລາຍ​ລະອຽດກ່ຽວກັບ​ເລື່ອງ​ນີ້ ຊຶ່ງ​ໄຊຈະເລີນສຸກ ຈະ​ນໍາ​ມາສະ​ເໜີທ່ານ​ໃນ​ອັນ​ດັບ​ຕໍ່​ໄປ.