ອົງການ​ອະນາ​ໄມ​ໂລກ ຫຼື World Health Organization ລາຍ​ງານ​ວ່າ ມີ​ປະມານ 2 – 3 ລ້ານ ກໍລະນີໂຣກມະ​ເຮງຜີວ​ໜັງ ຊື່ melanoma ທີ່​ຖືກລາຍ​ງານແຕ່ລະ​ປີ. ຄຣີມທາ​ກັນ​ແດດ ​ແມ່ນເປັນ​ສ່ວນ​ໃຫຍ່ ໃນການທາປ້ອງ​ກັນ​ພວກ​ມະເຮງດັ່ງ​ກ່າວ ​ແຕ່​ສານ​ເຄມີ​ທີ່ຢູ່ໃນ ຄຣີມທາ​ກັນ​ແດດນັ້ນ ກໍ​ແມ່ນ​ມີ​ສ່ວນເສຍຫາຍແຝງຢູ່. ​ເພາະສະ​ນັ້ນ ​ພວກ​ນັກ​ວິທະຍາ​ສາດ ​ຈຶ່ງພາກັນວິ້ງເຕັ້ນຄົ້ນຄວ້າຫາ ຢູ່ໃນໂລກ​ທຳ​ມະ​ຊາດ​ ເພື່ອຢາກຮູ້ວ່າ​ ​ພວກ​ພືດຜັກຕົ້ນ​ໄມ້​ທັງຫຼາຍ ມັນ​ປ້ອງ​ກັນຕົວ​ຂອງມັນ​ເອງແບບໃດຈາກ​ການ​ຖືກທຳລາຍດ້ວຍ​ແສງ​ແດດ ultraviolet ຊຶ່ງ​ພຸດທະສອນ ຈະມີ​ລາຍ​ງານ​ຈາກ Kevin Enochs ​ນັກ​ຂ່າວ​ຂອງ VOA ມາສະ​ເໜີ​ທ່ານ ເປັນພາສາລາວ.