ປະທານາທິບໍດີຢູເຄຣນ ທ່ານ Pedro Poroshenko ກ່າວວ່າ ຂໍ້ຕົກລົງນຶ່ງໄດ້ບັນລຸໃນວັນພະຫັດມື້ນີ້ ເພື່ອສົ່ງກຳລັງຕຳຫລວດປະກອບອາວຸດ ຂອງອົງການຄວາມໝັ້ນຄົງ ແລະປະສານງານໃນຢູໂຣບ ຫລື OSCE ທີ່ປະຕິບັດງານຢູ່່ເຂດແບ່ງແຍກດິນແດນ ທາງພາກຕາເວັນອອກຂອງ ຢູເຄຣນ ເພື່ອຊ່ວຍບັງຄັບໃຊ້ຂໍ້ຕົກລົງສັນຕິພາບ Minsk.
ອີກ ຂໍ້ຕົກລົງນຶ່ງໄດ້ບັນລຸໃນວັນພຸດວານນີ້ ໃນການເຈຣະຈາທີ່ນະຄອນ Berlin ອັນມີຮວມ ທັງຣັດເຊຍ ຝຣັ່ງ ແລະບັນດາຜູ້ນຳເຢຣະມັນ.
ລາຍລະອຽດກ່ຽວກັບອົງການຄວາມໝັ້ນຄົງ ແລະປະສານງານໃນຢູໂຣບ (OSCE) ຍັງຈະຕ້ອງໄດ້ປະຕິບັດອີກຕໍ່ໄປ ເພື່ອຊອກຫາລາຍລະອຽດຂອງແຜນການນຳໄປສູ່ການນຳໃຊ້ຂໍ້ຕົກລົງຢຸດຍິງ Minsk.
ຄວາມຮັບຜິດຊອບຂັ້ນພື້ນຖານຂອງຕຳຫລວດ OSCE ແມ່ນເພື່ອຄໍ້າປະກັນຄວາມປອດໄພໃຫ້ແກ່ການເລືອກຕັ້ງທ້ອງຖິ່ນໃນພາກຕາເວັນອອກຂອງຢູເຄຣນ ຊຶ່ງເປັນເງື່ອນໄຂສຳຄັນຂອງຂໍ້ຕົກລົງ Minsk.
ລັດຖະມົນຕີຕ່າງປະເທດເຢຣະມັນ ທ່ານ Frank-Walter Steinmeier ກ່າວວ່າ ຢູ່ຫລາຍຂົງເຂດບ່ອນທີ່ກຳລັງຝ່າຍຄ້ານພາກັນແບ່ງແຍກໃຫ້ເຫັນ ຍັງເປັນທີ່ຕ້ອງການຂະຫຍາຍອອກອີກ ເພື່ອສ້າງຄວາມເຂັ້ມແຂງ ໃຫ້ແກ່ການຢຸດຍິງ ແລະປ້ອງກັນການເກີດມີຄວາມເປັນປໍລະປັກຂຶ້ນ.
ພາບບັນທຶກ ລົດຖັງຣັດເຊຍ ທີ່ໜູນຫລັງພວກກະບົດແບ່ງແຍກດິນແດນ ພ້ອມດ້ວຍທຸງທີ່ອ້າງຕົນເອງເປັນ ສາທາລະນະລັດ ປະຊາຊົນ Donetks.
ການສົນທະນາໄດ້ເປັນເທື່ອທຳອິດສຳລັບ ປະທານາທິບໍດີຣັດເຊຍ ທ່ານ Vladimar Putin ທີ່ໄດ້ຢ້ຽມຢາມນະຄອນຫຼວງ Berlin ນັບແຕ່ໄດ້ເກີດການສູ້ລົບກັນຢູ່ ພາກຕາເວັນອອກຂອງຢູເຄຣນໃນຕົ້ນປີ 2014 ແລະເກີດຂຶ້ນນຶ່ງມື້ກ່ອນບັນດາຜູ້ນຳຢູໂຣບ 28 ຄົນຈາກສະຫະພາບຢູໂຣບພົບປະກັນ ເພື່ອສົນທະນາສຳພັນທະໄມຕີກັບຣັດເຊຍ ຮວມທັງການລົງໂທດດ້ານເສດກິດຍ້ອນການພົວພັນໃນຢູເຄຣນ.
ຂໍ້ຕົກລົງ Minsk ປີ 2015 ທີ່ໄກ່ເກ່ຍໂດຍຝຣັ່ງ ແລະເຢຍຣະມັນ ໄດ້ພາໃຫ້ ຫຼຸດລະດັບການສູ້ລົບກັນໜ້ອຍລົງລະຫວ່າງ ກຳລັງຢູເຄຣນ ກັບພວກແບ່ງແຍກດິນແດນສະໜັບ ສະໜູນໂດຍຣັດເຊຍ ຢູ່ທາງພາກຕາເວັນອອກຂອງຢູເຄຣນ. ແຕ່ການສູ້ລົບກັນຍັງດຳເນີນຢູ່ ແລະ ຄວາມພະຍາຍາມບັນລຸຂໍ້ຕົກລົງທາງການເມືອງໄດ້ຢຸດສະງັກລົງ.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
Ukraine Peae Meeting