ລິ້ງ ສຳຫລັບເຂົ້າຫາ

logo-print

ເປັນ​ຫຍັງ​ ໄຕ້​ຫວັນ ຈຶ່ງມີ​ໄວ​ຣັ​ສ​ໂຄ​ໂຣ​ນາ ພຽງ​ແຕ່ 42 ກໍ​ລະ​ນີ​ ໃນ​ຂະ​ນະ​ທີ່ ​ປະ​ເທດ​ເພື່ອນ​ບ້ານ ມ​ີ​ຫຼາຍ​ຮ້ອຍ ຫຼື ​ພັນ


ຄົນ​ພາ​ກັນ​ໃສ່​ໜ້າ​ກາກ ເພື່ອ​ປ້ອງ​ກັນ​ການ​ແຜ່​ລະ​ບາດ​ໄວ​ຣັ​ສ​ໂຄ​ໂຣ​ນາ ທີ່​ຫ້ອງ​ໄວ້​ອາ​ໄລ ທ່ານ​ຈຽງ ໄກ່​ເຊັກ ໃນ​ນະ​ຄອນ​ໄທ​ເປ ວັນ​ທີ 27 ກຸ​ມ​ພາ 2020.

ໄຕ້​ຫວັນ ​ຕັ້ງ​ຢູ່​ໃກ້​ກັບປະ​ເທດ ​ຍີ່​ປຸ່ນ, ຈີນ ແລະ ​ເກົາ​ຫຼີ​ໃຕ້, ເຊິ່ງ​ແມ່ນສາມ​ປະ​ເທດ​ທີ່​ມີ
​ການ​ລະ​ບາດຂອງ​ໄວ​ຣັ​ສ​ໂຄ​ໂຣ​ນາ​ທີ່​ຮ້າຍ​ແຮງ​ສຸດ​ຂອງ​ໂລກ ແຕ່​ວ່າ​ປະ​ເທດ​ເກາະ​ດອນ​
ມີ​ພຽງ​ແຕ່ 42 ກໍ​ລະ​ນີ​ເທົ່າ​ນັ້ນ.

ການກະ​ກຽມ​ໄວ້​ແຕ່​ຫົວ​ທີ​ເປັນ​ພິ​ເສດ, ການ​ກະ​ກຽມ​ທີ່​ມີ​ປະ​ສິດ​ທິຜົນ, ທີ່​ບັນ​ດາ​ນັກ​ວິ​ເຄາະ
ແລະ​ສະ​ມາ​ຊິກ​ສະ​ພາ​ກ່າວ່າ ມັນ​ມີ​ປະ​ສິດ​ທິ​ຜົນຫຼາຍ ຈົນ​ເຮັດ​ໃຫ້​ການຮັບ​ຮອງ​ລັດ​ຖະ​ບານ
​ໂດຍ​ປະ​ຊາ​ຊົນ​ ເພີ່ມ​ຂຶ້ນ​ຢ່າງບໍ່​ຄາດ​ຄິດ​ໃນ​ເດືອນ​ແລ້ວ​ນີ້.

ພວກ​ເຈົ້າ​ໜ້າ​ທີ່​ສາ​ທາ​ລະ​ນະ​ສຸກ ​ໄຕ້​ຫວັນ​ ໄດ້​ເຫັນ​ໄວ​ຣັ​ສເປັນ​ຮູບ​ເປັນ​ຮ່າງຢູ່​ເມືອງວູ​ຫານ
ພາກ​ກາງ​ຂອງ​ປະ​ເທດ​ ຈີນ ໃນ​ເດືອນ​ທັນ​ວາປີ​ກາຍນີ້ ແລະ​ໄດ້​ເລີ້ມກວດ​ຜູ້ໂດຍ​ສານ​ທີ່​ໄດ້
​ເດີນ​ທາງມາ​ຈາກ​ທີ່​ນັ້ນ. ເຂົາ​ເຈົ້າ​ຍັງ​ໄດ້​ຕັດ​ສາຍ​ການ​ບິນ​ສ່ວນ​ໃຫຍ່​ຈາກ​ປະ​ເທດ​ຈີນ ທີ່​
ເປັນ​ບ່ອນ​ເກີດຂອງການແຜ່​ລະ​ບາດ ກ່ອນ​ທີ່ຫຼາຍ​ແຫ່ງອື່ນໆ​ຢູ່​ໃນ​ເອ​ເຊຍ​ໄດ້​ເຮັດ.

ບັດ​ນີ້ຕຶກ​ສາ​ທາ​ລະ​ນະເກືອບ​ທຸກໆ​ແຫ່ງຢູ່​ໃນນະ​ຄອນຫຼວງ ​ໄທ​ເປ ແມ່ນມີ​ນ້ຳ​ຢາ​ລ້າງ​ມື​ໄວ້
​ໃຫ້ ແລະ​ມີ​ໄວ້ຫຼາຍ ເຊັ່ນ​ວ່າ​ຢູ່​ໂຮງ​ຮຽນ ທີ່​ໄດ້​ຮຽກ​ຮ້ອງໃຫ້​ທຸກ​ຄົນ​ທີ່​ເຂົ້າ​ໄປ​ ​ຕ້ອງກວດ​ກາ​
ອາ​ການ​ໄຂ້​ຫວັດ. ສູນ​ກາງ​ຄວບ​ຄຸມ​ພະ​ຍາດ​ຂອງ ໄຕ້​ຫວັນ ໄດ້ປະ​ກາດ​ກໍ​ລະ​ນີ​ໃໝ່ທຸກ​ມື້.
ໃນ​ເດືອນ​ກຸມ​ພາ ເຂົາ​ເຈົ້າໄດ້​ເລີ້ມຈຳ​ກັດ​ການ​ຊື້​ໜ້າ​ກາກ​ ເພື່ອ​ປ້ອງ​ກັນ​ຄວາມ​ກົງ​ວົນ​ໃນ
​ການ​ຊື້.

ທ່ານ ​ຢູ ຢິງ-ລັງ ປະ​ທານ​ມູນ​ນິ​ທິຄວາມ​ຄິດເຫັນ​ຂອງ​ສາ​ທາ​ລະ​ນະ ​ຊາວໄຕ້​ຫວັນ ທີ່ໃຊ້​
ຄຳ​ເວົ້າ​ທ້ອງ​ຖິ່ນ ​ຕໍ່​ພະ​ຍາດ​ທີ່ທາງ​ການ​ຮ້ອງ​ວ່າ COVID-19 ນັ້ນວ່າ “ດ້ວຍ​ຜົນ​ກະ​ທົບ​ຈາກໂຣກປອດບວມ​ ວູ​ຫານ, ປະ​ຊາ​ຊົນ​ສ່ວນຫຼາຍ​ດັ້ງ​ເດີມ​ແລ້ວ ໄດ້​ຄິດ​ວ່າ ໄຕ້ຫວັນ
ຈະ​ມີ​ຄວາມ​ລຳ​ບາກ​ໃນເວ​ລາ​ນີ້ ເພາະ​ວ່າ​ຄວາມ​ສຳ​ພັນ​ກັບ​ຈີນ​ແຜ່ນ​ດິນ​ໃຫຍ່ແມ່ນ​ໃກ້​
ຊິດຫຼາຍ,​ ແລະ​ນັ້ນ​ແມ່ນ​ຫລີກ​ຫລ່ຽງ​ບໍ່​ໄດ້.”

ທ່ານ​ກ່າວ​ວ່າ “ແຕ່​ໃນ​ຂະ​ນະ​ທີ່​ທຸກ​ສິ່ງ​ທຸກຢ່າງ​ກາຍ​ມາເປັນ​ທີ່ແຈ້ງ​ຂາວ ໄຕ້​ຫວັນ​ບໍ່​ໄດ້​
ທຸກ​ທໍ​ລະ​ມານຫຼາຍ​ປານ​ໃດ ແລະ ແທ້​ຈິງ​ແລ້ວ, ຖ້າ​ປຽບ​ທຽບ​ໃສ່​ກັບ​ບັນ​ດາ​ປະ​ເທດ​
ອື່ນໆຢູ່​ໃນ​ໂລກ, ເຂົາ​ເຈົ້າ​ແມ່ນ​ມີ​ຜົນ​ງານ​ໃນ​ການ​ຮັບ​ມື​ທີ່​ດີ​ທີ່​ສຸດ.”

ລັດ​ຖະ​ບານ​ໄດ້​ເອົາໃຈ​ໃສ່​ກັບ​ໄວ​ຣັ​ສ​ດັ່ງ​ກ່າວ​ເທື່ອ​ທຳ​ອິດໃນ​ເດືອນ​ທັນ​ວາປີ​ກາຍນີ້ ໃນ​ຂະ​
ນະ​ທີ່​ປະ​ຊາ​ຊົນ ​ຈີນ ​ໄດ້​ເລີ້ມ​ເວົ້າ ກ່ຽວ​ກັບ ມັນ​ຢ່າງ​ບໍ່​ເປັນ​ທາງ​ການ. ໃນ​ການ​ຕອບ​ໂຕ້ນັ້ນ
ສູນ​ກາງເພື່ອ​ການ​ຄວບ​ຄຸມ​ພະ​ຍາດ ໄດ້​ເລີ້ມທຳ​ການກວດ​ໂຣກ​ສາຍການ​ບິນ​ໂດຍ​ກົງ​ທຸກ
​ຖ້ຽວ ​ທີ່​ມາ​ຈາກ​ເມືອງວູ​ຫານ​ໃນວັນ​ທີ 31 ​ເດືອນ​ທັນ​ວາ. ສູນ​ກາ​ງ​ດັ່ງ​ກ່າວ ໄດ້​ເວົ້າຢູ່​ໜ້າ
​ແວັບ​ໄຊ້ວ່າ ຕົກ​ມາ​ເຖິງວັນ​ທີ 9 ມັງ​ກອນ “ຕົນໄດ້​ທຳ​ການກວ​ດ​ກາ” 14 ຖ້ຽວ​ບິນ ທີ່​ມີ​ຜູ້​
ໂດຍ​ສານ ແລະ ​ພວກ​ລູກ​ເຮືອ 1,317 ຄົນ.

ອ່ານ​ຂ່າວ​ນີ້​ເພີ້ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG