ລິ້ງ ສຳຫລັບເຂົ້າຫາ

logo-print

ເພງ Woman ຂັບ​ຮ້ອງ​ໂດຍ John Lennon ຈັດມອບໃຫ້​​ບັນ​ດາ​ແມ່ ໃນ​ວັນ​ສະ​ຫຼອງ ເທດ​ສະ​ການວັນແມ່ - Happy Mother's Day


John Lennon ສະ​ແດງ​ໃນ​ ນິວຢອກ ຊີ​ຕີ ປີ 1972.

ວັນນະ​ສອນ​ຈະມາ​ກ່ອມ​ທ່ານ​ຜູ້​ຟັງ ດ້ວຍ​ສຽງ​ເພງສາ​ກົນທີ່​ກ່ຽວ​ຂ້ອງ​ກັບ​ວັນ​ແມ່ ຂໍ​ເຊີນ
ໄປ​ຟັງ​ເພງ ຮ່ວມ​ສະ​ຫຼອງວັນ​ແມ່​ພ້ອມໆ​ກັນ​ເລີຍ ໃນ​ລາຍກາ​ນສຽງ​ເພງ​ຈາກ​ແດນ​ໄກ​
ໄດ້​ນະບັດ​ນີ້.

ນັ້ນ​ແມ່ນ​ເພງ A Song For Mama ທີ່ຂັບ​ຮ້ອງ​ໂດຍກຸ່ມ​ສິນ​ລະ​ປິນ Boyz II Men
ທີ່ຮ້ອງເພງ​ນີ້ ໄດ້​ຢ່າງ​ຫວານ​ຊຶ້ງ ໄດ້​ພັນ​ລະ​ນາ​ເຖິງ​ຄຸນ​ງານ​ຄວາມ​ດີ ຄວາມ​ຮັກຂອງ​ແມ່
ທີ່​ມີ​ຕໍ່​ພວກ​ລູກໆ ເບິ່ງ​ແຍງ​ດູ​ແລ ແລະ​ເອົາ​ໃຈ​ໃສ່​ລ້ຽງ​ດູ ​ແບບ​ວ່າ ຍຸງ​ບໍ່​ໃຫ້​ໄຕ່ ໄຮບໍ່​ໃຫ້​ຕອມ
​ພຸ້ນ​ລະ ຖະ​ນຸ​ຖະ​ໜອມພວກ​ລູກໆ ດ້ວຍ​ຄວາມ​ຮັກ​ໝົດ​ໃຈ ແບບ​ບໍ່​ມີ​ຂໍ້​ແມ້ ແລະ​ເງື່ອນ​ໄຂ
ໃດໆ ຊຶ່ງເພງ​ນີ້ ວັນ​ນະ​ສອນ​ໄດ້​ຈັດ​ເພື່ອມອບ​ໃຫ້​ບັນ​ດາ​ແມ່​ທັງ​ຫຼາຍ ທີ່​ພາ​ກັນ​ສະ​ຫຼອງ​
ບຸນວັນ​ແມ່ ​ໃນສະ​ຫະ​ລັດ​ອາ​ເມ​ຣິ​ກາ ຊຶ່ງ​ກົງ​ກັບ​ວັນ​ອາ​ທິດ ​ທີ 2 ຂອງ​ເດືອນ​ພຶດ​ສະ​ພາ
​ຂອງ​ທຸກໆປີ. ​ເນື້ອ​ໃນ​ຂອງ​ເພງ​ນີ້ ກໍ​ແມ່ນ​ໄດ້​ອະ​ທິ​ບາຍ​ເຖິງ​ຄວາມ​ຮູ້​ສຶກຂອງ​ພວກ​ລູກໆ
​ທີ່​ມີ​ຕໍ່​ແມ່ເຊັ່ນ​ຄຳ​ເວົ້າ​ຕອນ​ນຶ່ງ​ຂອງ​ເພງ​ນີ້ ທີ່​ວ່າ Mama you are a queen of my
heart and You are a food of my Soul
ຊຶ່ງ​ຖ້າ​ຈະ​ແປ​ເປັນ​ພາ​ສາ​ລາວ ກໍປະ​ມານ​ວ່າ
ແມ່​ຄື​ລາຊີ​ນີໃນ​ດວງ​ໃຈ​ຂອງ​ພວກ​ຂະ​ນ້ອຍ ​ເປັ​ນ​ສາຍ​ຝົນ​ປະ​ໂລມໃຈ​ພວກ​ລູກໆ
ແລະ​ເປັນ​ອາ​ຫານສຳ​ລັບ​ຈິດ​ວິ​ຍານ​ຂອງ​ພວກ​ລູກໆ ແລະ​ຂໍ​ມອບ​ເພງ​ຕໍ່​ໄປ​ນີ້ ໃຫ້​ແກ່
ບັນ​ດາ​ແ​ມ່​ທັງ​ຫຼາຍ ຂໍ​ໃຫ້​ເປັນ​ມິ່ງ​ຂວັນ​ຂອງ​ພວກ​ເຮົາ​ຕະ​ຫຼອດ​ໄປ ​ຂໍ​ຈັດ​ເພງຕໍ່​ໄປ​ນີ້​ໃຫ້
​ທ່ານ​ຜູ້​ຟັງ ໄດ້​ຮັບ​ຟັງ​ກັນໃນ​ບົດ​ເພງ I Am Woman ຂັບ​ຮ້ອງ​ໂດຍ Helen Reddy
ທີ່​ມີ​ຄວາມ​ໝາຍ​ວ່າ ຂ້ອຍ​ແມ່ນ​ແມ່​ຍິງ ຂ້ອຍ​ເຮັດ​ໄດ້ ຂ້ອຍ​ເປັນ​ທັງ​ແມ່ ເປັນ​ພັນ​ລະ​ຍາ
ຂ້ອຍ​ແມ່ນ​ແມ່​ຍິງ ຂ້ອຍ​ເຮັດ​ໄດ້​ທຸກ​ສິ່ງ​ຢ່າງ ທັງໝົດ ເປັນ​ແມ່​ຍິງ​ທີ່​ຈະ​ຕ້ອງ​ເຂັ້ມ​ແຂງ​
ແລະ​ແຂງ​ແກ່ນ…ເອົາ​ໄປ​ຟັງ​ພ້ອມໆ​ກັນ​ເລີຍ ເປັນ​ເພງ​ດັ່ງ​ໃນ​ອະ​ດີດ ໃນ​ຊຸມ​ປີ 1970 ພຸ້ນ.

ວັນນະ​ສອນ ຂໍ​ສົ່ງ​ເພງ​ນີ້​ເປັນ​ກຳລັງ​ໃຈ​ໃຫ້​ພວກ​ລູກໆທີ່​ຕັ້ງໜ້າ​ຕັ້ງ​ຕາ​ຮຽນ ທຳ​ມາ​ຫາ​ກິນ
ເປັນ​ລູກ​ທີ່​ດີ​ຂອງ​ພໍ່​ແມ່ ແລະ​ຂໍ​ໃຫ້ຫາ​ໂອ​ກາດ​ໄປ​ກາບ​ໄຫວ້ ບົວລະ​ບັດ​ຂັດ​ສີ ພໍ່​ແມ່
ຕອນ​ເພິ່ນ​ຍັງ​ມີ​ຊີ​ວິດ​ຢູ່ ວັນ​ນະ​ສອນ ຈຶ່ງ​ຂໍ​ມອບ...ເພງ “​Woman” ທີ່ John Lennon
ທີ່ເປັນ​ສິນ​ລະ​ປິນ ທີ່​ໂດ່ງ​ດັງ​ໃນ​ອະ​ດີດ ຊຶ່ງເພງ​ນີ້ John Lennon ໄດ້​ບັນ​ຈົງ​ຮ້ອງແບບ
ຊຶ້ງໆ ທີ່ວ່າ...ຄຳ​ເວົ້ານັບ​ໝື່ນ ນັບແສນ ກໍຈະ​ບໍ່ປຽບປານ ​ແລະ​ບໍ່​ສາມາດ​ທົດ​ແທນ​ບຸນຄຸນ
​ຂອງແມ່​ຍິງ ທີ່ John Lennon ຮັກ ແລະ​ບູ​ຊາ ໄດ້. ​ເນື່ອງ​ໃນ​ວັນແມ່​ນີ້ ວັນ​ນະ​ສອນ
ພ້ອມ​ດ້ວຍຄະ​ນະຂອງວີ​ໂອ​ເອ ​ຈຶ່ງ​ໄຄ່​ຂໍ​ອວຍ​ພອນ​ໃຫ້ ​ບັນ​ດາ​ແມ່​ທັງ​ຫຼາຍ ຈົ່ງ​ມີ​ແຕ່​
ຄວາມຜາ​ສຸກ ຈະ​ເລີນ​ໄພ​ບູນ ງອກ​ງາມ​ທຸກ​ປະ​ການ. ພົບ​ກັນໃຫມ່​ໃນ​ສັບປະດາ​ຫນ້າ.
Happy Mother’s Day.

ທ່ານອາດຈະມັກເລື້ອງນີ້ຄືກັນ

XS
SM
MD
LG